بعد ما البنات خلصو شغلهم امل كانت واقفه عندهم ما طلعت خافت تشوف احد اذا طلعت مره ثانيه لحالها
ود: اووه خلاص يله خل نطلع
وتين: دقيقه بجيب حاجه و اجي
غلا: وش تتجيبين اخلصي
جت وتين و جابت علبة مويه فاضيه قالت اسماء: وتين وش تبين فيها
وتين: بنلعب فيها لعبت اسئله
ود: اسئلة صاحيه انتي
وتين: ايه صاحيه امشي بس
غلا جت جنب وتين قالت بصوت خفيف: ما تقدرين تسئلينها في وجهها تتسئلينها عن طريق العبه
وتين: كيف بس ذكيه صح
غلا: اييه و كثير بعد
طلعو البنات في الحوش و قعدو على الفرش صبو الساعي و بدو في العبه
غلا: يلاه وتين لفي العلبه و الي تجي عليها نسئلها سوال
وتين: هاه موافقات
اسماء: انا موافقه
ود: و انا موافقه
وتين: امل وانتي
امل: طيب
لفت وتين العلبه و وقفت على ود: هاه وقفت عليك وش اسئلها بنات ساعدوني
غلا: اسئليها انتي انتي الي جايبه العبه
وتين: طيب قد خبيتي عني و عن غلا شي ما نعرفه؟ اعترفي
ود: لا ولله الحمدلله ما عندي شي اخبيه عن احد
وتين: من البداية صريحه حبيتت
لفت وتين العلبه و ها المره جت على اسماء: هههه جت عليك السوال هو قد صرفتي احد تحبينه بس عشان السالفه ما أعجبتك؟
جاوبت اسماء بضحك: اييه و كثير أسويها بعد
امل: اجل كل شوي مصرفتني هاه
وتين: خلاص اسكتن تتهاوشن بعدين
لفت وتين العلبه من جديد و ها المره جت على غلا: الله جت عليك و اخيرٍ
غلا: يا ويلك يا غلا اسئلي بسرعه
وتين: السوال هو إذا خطبك واحد عاطل و انتي ما تحبينه بس تعرفينه هل تتوافقين عليه او ترفضينه ؟
غلا: ما ادري يمكن اوافق و يمكن لا
امل و اسماء ناظرو بعض لأن اجابت غلا هاذي تاتخليهم يا يخطبونها ال احمد أو لا أو هي تتوافق عليه لو تقدم الها
قالت وتين: عطيني اجابه واضحه غلا مو كذا
امل: اي وضحي اجابتك شوي عشان نفهمك
قالت غلا: شوفي انا رايي اذا كان عاطل ذي مو مشكلته هو بالعكس يمكن دور بس ما لقى و اذا كنت اعرفه و اخلاقه حلوه و عائلته زينه يمكن
امل و اسماء انبسطو من اجابت غلا و تأكدوا انها خلاص ما راح ترفض احمد ابد و نسو أن هاذي مجرد لعبه مو صدق
وتين: اجابه جديه بزياده كا العاده ما تتغير خل نلف بس
غلا: لفي العلبه بس
لفت وتين العلبه من جديد و جت على امل و كانت اخر وحده: اخيرا جت عليك ما بغت تجي شكلها حابتك
امل: بس ما طولت في محبتها الله يجزاها خير
وتين: السوال هو تحبين احد وهل هو فارس احلامك الي تحلمين فيه ؟
امل بعد تفكير: لا بس لو فيه احد بمواصفات فارس الاحلام ما فيه مانع ما احبه
وتين: واووو نفس غلا اجاباتكم جديه شوي
امل: سبحان الله طالعين على بعض
غلا: ذي الأجابات المنطقيه مو اي اجابه و امشي
ود: ما شاء الله على منطقيتكم
اسماء: تصلحون مع بعض مكانكم مو جنبنا
وتين بضحك: صدق جنب البايخات أمثالنا
قعدن يضحكون على بعض
_______٭_______
عند ياسر ..
بعد ما ياسر طلع من بيتهم راح ال المزرعه و قعد في الاستراحه حقتها دق على سلطان: الو سلطان تعال بسرعه انتظرك
سلطان: وينك فيه أنا تو طلعت من المسجد
ياسر: في الاستراحه حقت المزرعه
سلطان: طيب دقايق و انا عندك
بعد ٣٠ دقيقه بظبط جاء سلطان و معه براد شاهي: وينك فيه تاخرت علي
سلطان: مريت البيت اسوي شاهي و جبته معي
ياسر: طيب تعال اقعد بقول لك وش صار
سلطان: هاه عساك شفتها بس
ياسر: ايه وليتني ما شفتها
سلطان: ليه ما اعجبتك
ياسر: ما اعجبتني بغيت اموتتت يا رجال
سلطان: قل بسرعه لا تختصر
ياسر قعد يمدح في امل لين بس ما بغاء يوقف من مدحه و غزله فيها قال اخر شي بيت شعر يوصف شكلها لما شافها ياسر
