في بيت ابو ياسر ..
بعد ما رجعو من بيت ابو سلطان دخل ابو ياسر و معه ياسر قال ابو ياسر: تعال امش ال جدتك و امك
ياسر: يله
دخل ابو ياسر و معه ياسر جتهم غلا يوم سمعت صوتهم: هلا يبه وش فيكم تبون شي ناقصكم شي
ياسر: نادي لنا جدتي و امي نبيهم في موضوع
ابو ياسر: استعجلي يا بنيتي يا غلا
غلا استغربت ليه يبونهم و لا بعد في ذا الوقت: طيب طيب دقيقه بناديهم
راحت غلا ال المجلس تتنادي امها و جدتها: يمه جده تعالو ابوي و ياسر يبونكم
ام سعد: وش يبون عساه خير
ام ياسر: انا بعد وش يبونبي
غلا: كلكم تعالو ما ادري وش يبون
ام احمد بضحك: روحن شكل ياسر يبي يخطب
ام ياسر وهي تضحك: و الله الظاهر
ام سعد: تعالي خل نشوف وش عندهم
غلا جت و جلست جنب البنات قالت نوف: من بيخطب اذا صدق ذا الموضوع هيي انتي اخته اكيد تعرفين
غلا: و انا وش دراني عنه توترت من الحين اذا كان صدق بيخطب
ود: و ليه التوتر
نوف: صدق ليه تتوترين انتي هو المفروض الي يتوتر مو انتي
غلا: التوتر يجي كل انسان مالها دخل
امل كانت جالسه و تسمع سوالف البنات قالت في داخلها: يا ترا من بياخذ ذا الله يعينها الي بتاخذه
غلا لاحظت التوتر الي على امل: امل وش فيك
امل بضحك: هاه ما فيني شي وش فيني ليه تسئلين
غلا: لا بس اسئل ما فيه شي كذا يعني بس متاكده ما فيك شي
امل: لا والله ما فيني الا العافيه
غلا: طيب ما دام تقولين ما فيك شي
امل: ايه الحمدلله ما فيني الا العافيه
دخلت ام سعد و ام ياسر عليهم قالت ام سعد: سلام عليكم هاه وش فيكم منادينا من عند الحريم
ام ياسر: فيك شي يا ابو ياسر و انت ياسر فيك شي
ابو ياسر: انتن اجلسن ما فينا إلى العافيه بس اجلسن ياسر: لا يمه ما فينا شي بس نبيكم في موضوع اجلسو
ام سعد وهي تجلس قالت بضحك: وش تبون فينا ليكون تبينا نخطب لك
ام ياسر: ليته بس وين هاه قولو وش عندكم
ياسر: ايه صح
ام سعد: صح على وش
ياسر: ابيكم تخطبون لي و قلت ال ابوي و وافق باقي انتم
ام سعد: ابك لا تكذب علينا وش كبرنا ما تستحي على وجهك انت
ام ياسر: انت صادق قل و الله
ياسر: و الله ليش اكذب عليكم وش بستفيد يعني
ام سعد: من تتخطب عشان نصدقك
ام ياسر: ايه قل من تبي عشان نصدق الحين مانا بمصدقينك لو تحلف
ابو ياسر: قل قل الهن بيصدقن اكيد
ياسر: امل
ام سعد: امل من امل بنت ام احمد
ام ياسر: صدق امل حقتنا
ياسر: ايه هي امل بنت خالتي ام احمد
ام سعد: و الله ازين ما اخترت احسن البنات ولله
ام ياسر: ايه و الله ازين البنات و سنعه و مرباه اخترت الزين
ياسر: ادري
ام ياسر: هاه
ياسر: اقول هاه موافقات ولا لا
ام ياسر: موافقه وين بنلقى ازين منها
ام سعد: ايه و الله وين بنلقى احسن منها موافقين
تم
ابو ياسر: اجل على بركت الله انتي يا يمه اخطبيها من ام احمد و اذا قالت حياكم الله اذا رجعو بيتهم نروح و نملك لهم هاه وش رايكم
ام سعد: ابشر
طلعت ام سعد و ام ياسر و راحو ال مجلس الحريم قالت ام سعد قبل لا تجلس: يا وخيتي تعالي هنه ابيك شوي
ام احمد: ابشري جيتك
قامت ام احمد و جت جنب ام سعد و جلست: هاه وش فيك يا وخيتي وش فيه ابو ياسر وش بغاء
ام سعد: اسمعيني يا ام احمد انتي تعرفين ياسر و رابي على يدينك أنا على سنة الله ورسوله أخطب يد بنتك امل ال حفيدي ياسر هاه وش قلتي
ام احمد: و الله هاذي الساعه المباركه أننا نناسبكم يا وخيتي و انا موافقه ولا عندي اعتراض ابدد بس لازم اخذ راي امل اول شي و ارد لكم خبر
ام سعد: ابد اخذو راحتكم مانا بمستعجلين و اول ما توافق نملك لهم إن شالله
ام احمد: أن شاء الله نرجع ال بيتنا ب السلامه و اخذ رأيها و ارد لكم خبر
___٭___
عند العيال ..
دخل ياسر عليهم وهو طاير من الفرحه قال زايد: هاه بشر وش صار
سلطان: أن شاء الله عمي وافق
ياسر: ابشركم وافقووو الحمدلله ولا بعد جدتي تتكلم امها
سلطان: على البركه أن شاء الله
زايد: مبروك منك المال و منها العيال مبروك
ياسر: هدو يا عيال تو ما صارت الخطبه حتى وش فيكم
زايد: أن شاء الله تتصير ما عليك
ياسر: بس يمكن تقول لا و ما توافق ذا الي مقلقني
سلطان: من يقول الك لا هاه قلي بس من قد قال الك لا
زايد: الله يرزقني ب تعزيز مثل تعزيز سلطان الحين
سلطان: رفع معنويات ما عليك اذا جاء دورك ابشر به
زايد: المهم انت لا تشيل هم و وكل امرك لله و ان كان لك فيها نصيب تتاخذها أن شاء الله
ياسر: امين أن شاء الله
دخل زيد و سالم
زيد: السلام عليكم هاه وش العلوم
سالم: من الجلسه ذي اكيد فيه سالفه و انت وراك جيت عند بيت عمي ابو سلطان و رحتو انت و عمي بسرعه
زيد: ايه وش صاير وراكم طلعتو على طول صاير شي
سلطان: مو شي صارت اشياء
زايد: ابشركم ياسر قرر يتزوج
سالم وهو يضحك: ما شاء الله على البركه من تعيسة الحظ
ياسر: تعيس الحظ انت والله
سالم: اقصد سعيدة الحظ ب الغلط
زيد: مبروك و الله الله يتمم
ياسر: الله يبارك فيك، امين
سالم: هاه من بياخذ الدكتور اكيد دكتوره مثله سلطان: صادق بياخذ الدكتوره بنت ام احمد ما دريتو
سالم: و الله اني داري لازم تاخذ الي على جوك
زايد: الله اعلم انت من وين بنلقى جوك الي تقوله
سالم: ما يحتاج أنا مرتاح مع نفسي
ياسر: ادعو لي ادعو بس
سلطان: إذن الاذان يله نقوم نصلي لا نتاخر على الجماعه
زيد: ايه يله قومو
قامو العيال بيروحون يصلون و ياسر دخل البيت بيتوضى و يطلع جته غلا: ياسر على وين بكلمك دقيقه
ياسر: هاه غلو وش فيك بسرعه بلحق على الصلاة
غلا: طيب طيب انت وش فيك العصر يوم جيت مع ابوي
ياسر: كنت داري انك تتسئلين أصلن كنت بقول الك انتي اول وحده بس ما كان عندي وقت
غلا: وش تتقول الي تراك وترتني من اليوم
ياسر بضحك: داري و واضح بعد
غلا: هاه قل تكفى ياسر بسرعه
ياسر: بتزوج باركي لي و يا ويلك احد يدري لين يتم الموضوع على خير
غلا: قل و الله ياسر لا تساهيل معي
ياسر: والله هاه ليس اكذب
غلا: من طيب عشان اصدق صدق
ياسر: الحين انتم وش فيكم اليوم لازم تعرفون من عشان تصدقوني يعني دايم تصدقون إلى اذا قلت بتزوج سبحان الله
غلا: ايه علشان تثبت عليك التهمه ولا تقول مزح بعدين
ياسر: عشان اخذها غصب بعدين صح
غلا: اييه هاه قل من
ياسر: امل
غلا: امل ذي الي عندنا الحين متاكد هاه
ياسر: ايه ذي وش فيك قلت الك ولا تصدقيني بعد
غلا: لالا صدقتك ما عليك الحين فهمت بعد من شافت امل ذيك الليله
ياسر بضحك: من شافت هاه
غلا وهي تضحك: مدريييي رح رح لصلاة تاخرت
ياسر: لا تقولين ال احد طيب غلو لين توافق عاد
غلا: تتوافق ما عليك ما شفت القلق الي على وجهها يوم قالو البنات ياسر بيخطب
ياسر: قولي و الله
غلا: والله
ياسر: و هم وش دراهم
غلا: كانو يستهبلون مو صدق يعني سوالف
ياسر: اها يعني متاكده تتوافق يا ويلك
غلا: ان شاء لله ما اضمن لك بس أن شاء الله
ياسر: يله بروح لصلاة تاخرت
غلا: ايه ايه رح بعدين نتفاهم في موضوع الشوفه
ياسر بضحك: اسكتي يا بنت لحد يدري
طلع ياسر من عند غلا: يا ربيي انا كيف بمسك العلم في بطني لازم اعلم احوللل بس اشوا أنه اختار امل الي كلنا نبيها الحمدلله طلع يقرأ الأفكار ياسر ذا
رجعت غلا ال البيت و هي ميته من الفرحه و ماتبي احد يعرف السبب و تحاول تمسك نفسها ما تعلم احد
قبل لا يصير شي
___٭___
(انتهاء البارت) ..
