تعريف عائلة أبو زايد ..
ابو زايد: محمد عنده ثلاثة عيال و بنته و يحب عياله كلهم كان يشتغل في شركه عنده في الرياض
بس انطرد من شغله قبل ثلاث شهور و عياله ما يشتغلون ولا احد يصرف عليهم غيره وفكر ينتقلون عند اخوه ابو ياسر
ام زايد: خديجه تزوجت محمد في الباطن عند اهله هي ما لها اهل اهلها ماتو وهي صغيره تربت مع جدتها و كبرت مع محمد زوجتها جدتها محمد
زايد: هو الكبير عمره 27اكبر عيال ابو زايد و مساند ابوه في البيت دور له شغل بس ما الله كتب له لكن كان يبيع و يشري بس ما منها فايده بعد ما انفصل أبوه ولا تزوج للحين
سالم: سالم هذا ما منه منفعه عمره 26 وهو ثاني عيال ابو زايد يصرف عليه أبوه ولا حاول حتى يدور له وظيفه يصرف عليهم
زيد: هذا الولد الحبوب الي في كل عائله ما يرد طلب ال اهله مهما يكون عمره 23 تو تخرج من الجامعه تخصص طب كان ناوي قبل لا يقررون ينتقلون انه يروح ال عمانه و يتوظف عند ولد عمه ياسر في نفس المستشفى وصارت له فرصه
نوف: البنت حلوه ما شاء الله تطرح الطير بجمالها عمرها 20 تركت دراسة الجامعه لأنها ما تشوفها ضروريه بنسبه لها
ذي عائلة ابو زايد
___________٭___________
في بيت ابو ياسر ..
ياسر ينادي غلا بعد الفطور: غلا يا غلو تعالي بسرعه
غلا في مجلس الحريم: كنه في احد يناديني
ود: اييه ياسر
راحت غلا ولقته متكي على الثلاجه ينتظرها: وينك من اليوم انادي
غلا: ما سمعتك كنا نسولف بعد الفطور
ياسر: طيب
غلا: وش عندك؟
ياسر: تدرين من بيجينا
غلا: لاا منو
ياسر: توقعي
غلا: وش يعني اقعد اخمن قل بسرعه وترتني
ياسر: خلاص بقول
غلا: بسرعه
ياسر: ابو زايد بيجي و معه عمتي ام زايد وعيالهم
غلا: اي اكيد بيجون عيد وكذا اكيد
ياسر: ليته على كذا بينتقلون هنا ويعيشون عندنا
غلا: قل ولله كذاببب
ياسر: و اللّه العظيم
غلا: بروح اعلم جده و امي
ركضت غلا وياسر يناديها بيسائلها وش ناقص للبيت فيه عزيمة: الله يرد لك عقل كني مناديها ببشرها المهبوله
دخلت غلا المجلس على امها و جدتها: شفيك يا غلا وش صاير لك تركضين كذا
ام ياسر: ياسر فيه شي
غلا: لا يمه بعلمكم بشي عندي
ام سلطان: قولي بسرعه حمستيني
غلا: عمي ابو زايد بيجي هو و اهله
ود: طيب وش الجديد فيها كل سنه يجون
وتين: اي مو اول مره
ام ياسر: اللّه يقطع بليسك روعتيني احسب صاير شي
غلا: يمههه ذي المره مو سلام و يرجعون بينتقلون عندنا
ام سعد: قولييي ولله
غلا: و اللّه العظيم ما اكذب
ام ياسر: وش عندهم اشغاله هناك و بيته
وتين: مجيهم مو طبيعي
ام سعد: تقولنه صدق
غلا: ايه ولله صدق يجده اكيد وراهم شي
ام سعد: الله يستر بس جعله خير
جت غلا رساله من ياسر: غلا ترا بعد بكره في اليل عندنا عزيمه ال عمي ابو زايد وش ناقصكم
غلا: يمه ياسر يقول بعد بكره عندنا عزيمه ال عمي ابو زايد
ام ياسر: ايي ما عليه الله يحييهم
ام سعد: هو أنا لو اعزم اوخيتي ام احمد وش رايس
ام ياسر: على كيفك يا عمه سوي الي تسوينه
غلا: و اعزمي بناتها معها
ود: ايي اعزميهم
ام سعد: ها جيبي الجوال و دقي لي عليها
غلا: الحين
ام سعد: اي وش ننتظر يمكن يجن بكره منه يساعدنا في العشاء ومنه يسلمن
غلا : ابشري ها الحين اجيبه لك
___________٭___________
في بيت ام احمد ..
دقت ام سعد على اختها ام احمد تتبشرها بمجي ابو زايد: سلام عليكم يا ام احمد
ام احمد: عليكم السلام
ام سعد: شلونك عساك طيبه
ام احمد: بخير وعافيه يارب انتي شلونك
ام سعد: بصحة وعافيه
ام احمد: الله يجعله
ام سعد: ابشرك محمد بيرجع الباطن و لعاد هو معود الرياض
ام احمد: انتي صادقه ولا كاذبه
ام سعد: واجل انتي شفتيني قد كذبت ولا صدقت
ام احمد: الله يبشرك با الخير ولله هذا العلم الزين
ام سعد: ايه ولله توني شلت همه هو وعياله هناك في الغربه بس الله ردهم علينا
ام احمد: الله الي رده و عياله معه ولا هو و ام زايد
ام سعد: لا كلهم و ايه جيبي لي معك البنات
ام احمد: ابشري لكن البنات يمكن ما يفضن يجن تعرفين رمضان و صيام
ام سعد: ماني براضيه عليهن أن ما جني
ام احمد: ابشري ابشري بعلمهن أن شاء اللّه
ام سعد: اي خل يجن ويسلمن ويوسعن صدورهن وش عندهن
ام احمد: اي ولله صادقه
سكرت الخط ام سعد و جو البنات قعدو عند أمهم
اسماء: يمه وش فيها خالتي
ام احمد: ابو زايد بيجيهم بعد بكره
امل: ابو زايد ما غيره الي ساكن في الرياض هو وعياله
ام احمد: ايه هوه
اسماء: طيب وش عنده جايهم نص رمضان
ام احمد: ام سعد تقول إنه بيسكن هنيا هو وعياله ما عنده نيه أنه يرجع الرياض
امل: ليه مو كان هو يشتغل وش صار على شغله
ام احمد: ولله مدري ام سعد ما قالت شي و انا ما سالتها عن شغله
اسماء: اكيد وراه شي مجيه هذا تارك الرياض و دوامه وجاي يعيش هنا عندنا
ام احمد: وعندهم عزيمه و تعزمنا عليها كلنا
اسماء: ما نقدر روح الها ولله تعذرنا انتي روحي
ام احمد: قالت ماني براضيه عنهن أن ما جني
امل: طيب انتي ناويه تروحين
ام احمد: اي ولله عاد يوم جاء بروح اسلم عليه و مبطيه عن اختي وعيالها و حريمهم
امل: متى تتروحين؟
اسماء: مدري يمكن نروح مدري
ام احمد: أنا الصراحه أقول نروح بكره عشان نساعد البنات على الشغل بغير لحالهن مع امهن مو مكيفات ال شي ولا ترا ما يقصرن ان رحتن معي
اسماء: خلاص اجل بروح معك وش رايك امل
امل: تتروحن و تخلني اكيد بروح معكن ما اقدر اقعد لحالي
اسماء: اجل بروح اجهز ملابسي الي بروح بها بكره و الي بعده للعزيمه
امل: انتظريني بروح معك
طلعن البنات يجهزن ل الروحه بكره ال خالتهن ام سعد امل نست انها راح تلقى هناك بعد ياسر وراح يتقابلون وكيف تتكون صدمت ياسر لما يشوفها
(انتهاء البارت) ..
