عند البنات ..
بعد ما نامو اليل البنات كلهم متوزعات في غرفتين غلا و نوف و معهم امل و الباقيات في الغرفه الثانيه صحو على صلاة الظهر لأن ام احمد و بناتها بيرجعون ال بيتهم قالت نوف: صباح الخير بنات
غلا: صباح النور ما ندري ذا صباح ولا ظهر
نوف: ما عليك كلهم واحد
امل: صباح النور لا ما عليك توه صباح
نوف: امل تتروحون انتم اليوم
امل: الحين بعد بقوم اصلي يمدي امي و اسماء صحو
نوف: اخخ و الله كنت ابيكم تقعدون بعد
امل: و الله حتى حنا ما شبعنا منكم
غلا: ما عليكم بنات العيد باقي عليه تقريبا اسبوع و نص بنشوفكم فيه اكيد
نوف: اييه ذا الي مريحني
امل: أن شاء الله
نوف: طيب قومي تجهزيي بسرعه لا تتاخرين
امل: اشوفك تبيني اروح الحين
نوف: ايه عاد ظمنت انك تاتجين العيد الحين وش ابي فيك
امل و غلا قعدن يضحكن عليها قالت غلا: صدق قومي تجهزي
قامت تتروح تتجهز قالت نوف: هيه امل
امل: هلا
نوف: عطيني رقمك مو عندي
امل: قبل دقيقه تبيني اروح الحين وش صار
نوف: لا تستهبلين عطينيه بسرعه
امل: خلاص لا تبكين بعطيكيه
غلا: ما يحتاج عندي أنا اعطيها انتي روحي تجهزي
امل: اروح و تعطيكيه غلا
نوف: طيب روحي انتي تعطينيه غلا
امل: طيب ما دامك رضيتي
طلعت امل من الغرفه و راحت تتصلي و تتجهز ال الروحه بعدها قامو البنات و تجهزن معها و نزلن لقن في الصاله ام سعد و ام احمد و ام ياسر و معهن ام زايد و البنات عندهم قاعدين ينتظرون امل تنزل عشان يروحون
قالت ام ياسر: صباح الخير يا بنات وين تاخرتن
نوف: هلا عميمه كنا نايمين تو صحينا
ام زايد: نوف خربتهن من الحين شكلها
غلا بصوت خفيف: ايه و الله خربتنا
سمعتها نوف و هي جنبها قالت: اسكتي بس
ود: بنات اسكتن بعدين تكملن
غلا: طيب
نوف: طيب شوي نكمل
غلا بضحك: اسكتي يا بنت
اسماء: الله يعينك عليها يا غلا
وتين: و يعيني أنا عليهن كلهن
نوف: داخله واسطه
غلا بضحك: صدق
قالت ام احمد: هاه يا امل راجو ما جاء
امل: دقيقه بدق عليه اشوف
ام سعد: ليتك يا ام احمد قعدتو عندنا شوي مسرعكم ما جيتو إلى امس
ام احمد: لا و الله طولنا النا يومين عندكم و تعرفين احمد هناك الحاله
ام سعد: طيب بس هاه عطيني وعد
ام احمد: وش
ام سعد: تزورينا في العيد انتي و البنات لازم
ام احمد: ابشري
ام زايد: لازم تجن أنا ما قعدت معكن زين
ام احمد: أن شاء الله
قالت امل: يمه السواق جاء واقف برا
ام احمد: توكلنا على الله
قامت ام سعد و ام زايد و ام ياسر يسلمون عليها
عند البنات قالت نوف: بنشتاق الك انتي و اسماء و الله
غلا: توك جايه مسرع حبيتيهم ها الكثر
نوف: وش اسوي حبيتهم
امل: ما عليك ما راح نطول كلها اسبوع ب الكثير الى وحنا عندكم
اسماء: أن شاء الله
قامن البنات و سلمن على بعض و طلعت ام احمد راحت تتسلم على العيال و البنات راحن معها بيركبن السياره ينتظرنها
___٭___
عند العيال ..
قبل صلاة الظهر قامو العيال و راحو صلو و رجعو من المسجد قال زايد: ياسر وشلونك اليوم
ياسر: طيب الحمدلله
زيد: صدق ولا تكذب علينا
ياسر: لا و الله طيب ليه اكذب عليكم
سالم: مو كنك اليوم طفشان و معصب شوي
ياسر بضحك: لا و الله لا معصب ولا شي
دخلت عليهم ام احمد المجلس
زايد: هلا هلا بخاله
ام احمد: هلا ابك يا زايد وشلونك
زايد: بخير دامك بخير
زيد: وشلونك انتي يا خاله
سالم: عساك بخير
ام احمد: بخير الحمدلله ياسر وشلونك البنات يقولن يدك ملتفه
ياسر: لا و الله الحمدلله ما فيها شي
ام احمد: الحمدلله أجل اسلم عليكم
زايد: على وين توك مسرعك تروحين
ام احمد: تعرف البنات معي ولا اقدر اقعد زياده ولا و الله ماني بماله منكم
زايد: نعرف يا خاله بس و الله أننا نبيك تطولين أكثر
زيد: حنا تونا ما شفناك زين يا خاله
ام احمد: ما عليه العيد ابجيكم و اقعد الكم
ياسر: الله يحييك
سلمت عليهم ام احمد و طلعت قال ياسر بصوت خفيف: افف راحت
قال سالم: هاه وش قلت
ياسر: ما قالت شي
جاء سلطان عند الباب و سلم على خالته ام احمد و راحت ركبت و راحو دخل سلطان على العيال المجلس: سلام
زيد: هلا و عليكم السلام
سالم: هلا ب ولد العم
زايد: سلمت على خاله ام احمد
سلطان: ايه ايه شفتها عند الباب و سلمت
زايد: طيب
سلطان: ياسر وشلون يدك اليوم
ياسر ما رد المره الاولى قال سلطان مره ثانيه: ياسر هيه فيك شي
قال ياسر: هاه وش تقول
سلطان: وش اقول هاه انت واضح رحت
زيد: من حين جانا وهو كذا ما ندري وش فيه
سلطان: أنا ادري وش فيه
زايد: وش فيه قل
سلطان: بعدين اقول الك
زايد: طيب
___٭___
عند البنات ..
بعد ما راحو البنات طلعو ال الغرفه و جلسو فيها قالت ود: بنات ما اشتقتو الهم
نوف: من الحين اشتقت
غلا: حتى انا بعد
وتين بضحك: وش ذي السرعه ما شاء اللّه
نوف: ذي جافه ما عندها احساس
ود: توك تدرين
غلا: من زمان فيها جفاف
وتين: اسكتن بس
ود: طيب لا تموتين
قالت وتين: نوف بسئلك
نوف: نعم حبيبتي قولي
وتين: انتم كيف انتقلتو عندنا يعني وش السبب
نوف: الصراحه أنا ما ادري ليه ومحد قال الي اصلاً لا ابوي ولا اخواني يعني ما اعرف ليه جينا
غلا: يعني قالو الك امشي و انتي مشيتي
نوف: ايه بظبط صار كذا
ود: يعني ما عندك اي فكره
نوف: لا و الله ما ادري بس الظاهر أن ابوي مل من هناك و انتقلنا
غلا: بس اشوا انكم جيتو كنا مشتاقين الك
نوف: ايه اعرف انكم ما تقدرون تعيشون بدوني اصلا
وتين: واثقه
ود: الثقه الي في محلها
غلا: طيب بنات شوفو جهزتو شي ال العيد
نوف: اكيد حبيبتي مجهزه قبل رمضان حتى
غلا: الله نفسي انتي
نوف: نتشابه في الأفكار
ود: انا طالبته بيوصل بكره او بعده
وتين: و انا بعد طالبته معها
نوف: حلوو يعني كلكم جاهزين
غلا: ايه اساسا متعة العيد انك تجهزين قبله بوقت
نوف: صدق و الله الها متعه غير
ود: بس ياسر بياكلها ما تجهز ولا شي
نوف: ههههه مساكين حتى اخواني ما جهزو شي لا فصلو ثياب ولا شي
ود بضحك: حتى هم بعد
غلا: ما عليهم هم ما يجهزون إلى الثوب و العمامه بس
نوف: صدق مو مثلنا حنا نجهز الفستان و المكياج و الكعب و كيف تتسوين شعرك يوههه
غلا بتنهد: افف تعب علينا حنا يا البنات في كل شي
وتين: الصراحه أشفق على الي ما جهزت للحين شي
نوف بضحك: وراها شغل هاذي
ود: طيب قومن صلن صار العصر
نوف: ايه خل نقوم ورانا شغل مع المطبخ
غلا: تعرفين تطبخين أن شاء الله
نوف بضحك: وش رايك يعني اكيد اعرف
قامن البنات يصلن و بينزلن ال المطبخ يبدن يجهزون الفطور لأن ذي المره العائله كبيره و لازم يسوون زياده شوي عشان تكفيهم كلهم
___٭___
عند العيال ..
قال زيد: يا عيال احد مفصل اله ثوب للعيد
ياسر: يوههه نسيته ولا و الله قبل يومين كنت بفصل
زايد: يعني كلنا ما فصلنا
سلطان: ايه و الله حتى انا
سالم: انا اكيد
زايد: فيه خياط هنه زين تعرفونه و شغله حلو
سلطان: مدري ياسر فيه
ياسر: ايه فيه ابو سليم شغله مرتب و كشخه ولا بعد تلقى عنده كل الاغراض الرجاليه كامله
زيد: حلو أجل بعد الفطور نروح اله وش رايكم
زايد: ما دام أنه عنده كل الاغراض الرجاليه نروح
سلطان: ايه عشان ما نروح ال اكثر من محل واحد يكفي
ياسر: أجل خلاص اتفقنا بعد الفطور وحنا عنده
سالم: طيب
سلطان: طيب نقول ال عماني يمكن يروحون معنا
ياسر: ابوي اكيد لانه ما جهز شي للحين
سلطان: حتى ابوي
زيد: و ابوي اكيد
سالم: عائلة مهمله من جميع النواحي
زايد: اسكت بس انت كنك مجهز شي
زيد: يا رجال انت اكبر مهمل شفته في حياتي
سلطان بضحك: قلبو عليك
سالم: ليتني ما تكلمت
ياسر: خلاص يا عيال خل نقوم المسجد إذن
دخل ابو ياسر المجلس مع ابو زايد قال: يا عيال الصلاة قومو قومو المسجد
ياسر: ابشر يبه هاه بنقوم
ابو زايد: حنا بنروح قبلكم الحقونا
زايد: طيب يا يبه با نتوضى و نلحق
ابو زايد: طيب استعجلو
طلعو ابو ياسر و ابو زايد و العيال قامو بيتوضون و يلحقونهم ال المسجد
(انتهاء البارت) ..
