قبل الفطور ب شوي ..
قامت ام ياسر: بروح للبنات اساعدهن
ام احمد: اقعدي اقعدي البنات يتساعدن و يسون الفطور
ام ياسر: لا بروح انا البنات ضيفات
امل: لا ولله ما تقومين يا خاله بروح أنا و البنات و نتساعد اقعدي انتي
ام ياسر: لا نكلف عليكن
امل: لا ولله لا تكلفه ولا شي
اسماء: أجل يا ود قومي ودينا المطبخ
ود: ابشري تعالن معي
مشن البنات مع ود و دخلن المطبخ: وش تسون هنا تبغن شي
وتين: امل جايه تبين اكمل لك سوالف
ود بصوت خفيف: اسكتييي يا حماره
وتين: هاه وش قلتي لي
ود: لا ما قلت شي
اسماء: جينا بنساعدكن و نكمل سوالف على قولت وتين
غلا: ما عليك من سوالف وتين البايخه
امل بصوت ضحك: ليه بايخه
وتين: صدق ليه بايخه سوالفي
غلا: ما الها داعي يعني
ود: يلاه خلاص ابدو شغل
غلا بصوت خفيف: كنك طقيتي الميانه معهن
ود: اي كيف بس عرفتهن خلاص وحبيت امل
غلا: الله يزيد المحبه بينكم
ود: اميننن
قالت امل: وش اسوي طيب
وتين: انتي وش تعرفين تسوين؟
امل: يعني اسوي اشياء بس مو كثير
وتين: يعني مثلاً اخبزي العجينه عشان الفطائر
امل: اخبز العجينه
غلا: ما تعرفين
امل: هاه لا اعرف وش ذا سهل اكيد اعرف
اسماء واقفه مستغربه من امل: تعرفين اجل تورطي الحين
ود: و انتي اسماء وش تعرفين تسوين
اسماء: كل شي الحمد لله قولي لي وش اسوي
غلا: سوي القهوه و الشاهي اجل
اسماء: طيب بس كم دله
غلا: اربعه اثنين ال الرجال و اثنين ال الحريم
اسماء: طيب
عند امل تتحارب هي و العجينه قالت في داخلها: ياربي أنا ليش ما قالت ما اعرف اخبز ورطتي نفسك بنفسك يا امل تستاهلين
شافتها غلا ما تعرف تخبز كنها اول مره تخبز: امل خلي الي في يدك وتعالي اقفي عند ذا
امل بفرحه: طيب بس ذي من بيسويها
غلا: انا بسويها بس تعالي انتي عند الفرن
امل: طيب جيتك
جت غلا و كملت خبز العجينه الي لعبت فيها امل لعب: وش مسويتن فيها يا امل
امل بضحك: ولله مدري
كملو البنات شغلهم و بدو يجهزون السفره قالت وتين: ود نادي ياسر يجي يأخذ فطورهم
ود: طيب برسل له
غلا: دقيقه خل لين يطلعون البنات
امل: خلاص انا الي عندي خلص بطلعه و اروح به
اسماء: و القهوه خلصت ذي حقتهم و انا اخذت حقتنا
غلا: طيب روحن و حنا بنلحقكن
امل: طيب بس لا تطولن
طلعن امل و اسماء من المطبخ لأن ياسر بيجي: بنات وش رايكن فيها
غلا: في من؟
وتين: في امل في من يعني
ود: نص و نص
غلا: ليه نص ونص البنت ما شاء الله عليها حلوهه و تعرف تشتغل
ود بصوت ضحك: تعرف تشتغل صدق
غلا: طيب الشغل صح ماش بس لا نضلم البنت اخلاقها حلوه لو وحده غيرها كان ما جت تشتغل معنا حين نزلت
وتين: صح ولله ما خلتنا لحالنا و اسماء بعد كلهن اخلاقهن حلوه و تجنن
دخل ياسر بنص السالفه: من الي اخلاقه تجنن و حلوه من هاه
ود: نقصد البنات
ياسر: من بناته؟
غلا بصوت ضحك: تقصد بنات ام احمد يا غبي
ياسر وده يعرف وش صار: ليه وش سون و قمتن تمدحن فيهن
وتين: حين قعدن شوي قامن يساعدنا على سوات الفطور
غلا: وحده سوت القهوه وحده تخبز العجينه حقت الفطاير
ياسر: من سوى القهوه ومن خبز؟
وتين: و انت ليه تسائل ها الكثر
ياسر: لا بس كذا
ود: كنك متقاله اسئلتك انتي
غلا: خلاص اسكتو لا احد يسمع اصواتكم ياسر اخذ فطوركم و رح
ياسر: ايه طيب خلاص بروح بس ذولي ما بقي شي
ود: لا ما بقي شي بس رح
غلا: انتن اخذن الباقي و تعالن
وتين: طيب روحي و بنلحق
راحت غلا المجلس و بدت تبسط السفره و تنزل عليها كل الي جابته و جن البنات نزلن الباقي و بدو يصفنه على السفره
