" زين..انا " تنهدت
" انت شوفت اخوك؟ "
" ايوا!..اسمه نايل قاسم الباهي"
" انا كنت عارفة ان اليوم ده هيجي " نظرت اليه بحرج فهى لا تستطيع ان تخبره بالماضى
" ممكن تفهميني ايه ده؟!..انا نفسي اشوف بابا "
" ابوك مات يا زين مات من 21 سنة العربية انفجرت فيه ووشه اتحرق ورجله اتبترت ومقدرش يستحمل كتير ومات..انا ووعد مامت اخوك بينا مشاكل كتير اوي بس ارجوك مش هقدر احكيلك دلوقتي "
" وقت ما حضرتك تحبي تحكي انا موجود مش هضغط عليكي "
ابتسمت وقبلت رأسه " الأكل جاهز يلا عشان نتغدا "
جلست مع فتاها ونظرت اليه بتمعن
" اصلا انت وزين شبه ابوك نسخة..هو كان قمر وكانت كل البنات سايحة عليه "
ضحك" وبعدين "
" كان نصاب قد الدنيا اوهمني بالحب واتجوزني وخلاني بموت فيه حملت اول مرة وسقطني من غير ما اعرف كان بيحطلي الدوا في العصير وتاني مرة حاول يسقطني بالعافية وحطلي البرشام في بقي وخلاني بلعته بالعافية بس اول ما سابني روحت رجعت والحمدلله انت قدامي اهو " ابتسمت وامسكت بيده ثم تابعت
" كان بيخوني مع صاحبة عمري وانا مكنتش اعرف وبعدين خالك اتجوز زينة كانت نصابة زيه ومكانتش بتحبه وحبت قاسم وبعدين خانت خالك معاه وبقت حامل في زين وطلقني بعد ما نصب عليا واخد ورثي واملاكي ونصب على خالك واخد سلسلة المطاعم بتاعته وهى كمان نصب عليها وسابها وهى حامل ومتجوزهاش بس ربنا كبير وجابلنا حقنا منه وكل املاكنا رجعت قبل ما يموت رجعلي كل حاجة "
" هو مات ازاي؟ "
" عمل حادثة واتحرق ورجله اتبترت وبعديها بفترة مات "
ابتسم وحدث نفسه " سلمى لازم تعرف "
ثم نظر اليها واكملت هى " انا مش عارفة الولد ده طالع متربي لمين بجد اه نسيت اقولك..راحت زورت تحاليل ان خالك عقيم مبيخلفش وعشان حبت قاسم خلعت خالك وشوهت سمعته وفضحته..بس انا مش قادرة افهم ده ابنها ازاي "
اما هو فكان يحدق بها بصدمة
" هو كل ده حصلكوا!!..وعايزاني ابقى اخوه واحبه!! "
" هو ملوش ذنب يا حبيبي الولد متربي "
" لا طبعا زي ما حكيتيلي القصة دي ممكن مامته تحرفهاله"
" ملناش دعوة بحد المهم اننا منبقاش غلط متحاولش تقربله يا نايل بس متبقاش وحش معاه "
ابتسم " حاضر "
باليوم التالي في الكلية نظر اليه نايل وتوجه له هو وسلمى
" خلاص بقيتوا صحاب؟! " تحدث بسخرية
ابتسمت " انا مبسوطة اوي اننا كلنا طلعنا اهل "
