ذهبت به للقسم وجلس معه على انفراد بمجرد ان رآه اقشعر بدنه بينما صفعه قاسم صفعة جعلته يسقط على الارض وامسكه من ملابسه ورفعه مجددا
" قولتلك هى..تخلص عليها هى.. انما تمس شعرة واحدة من ابني انا هوريك "
" انا اسف..انا اسف كنت بحاول اهرب"
" تهرب؟..انت حياتك واهلك كلهم تحت ايدي انا مش هقتلك انا هوريك بنتك وهى بتتقتل قدامك "
" بنتي لا..ابوس ايدك بنتي لا " تحدث وهو يبكي وامسك بيده وقبلها
" يبقى هتدفع التمن حياتك "
امسك بإبرة مخدرة وحقنها في قلبه ونظر اليه ببرود
" دقيقتين بالظبط وهتموت بأزمة قلبية ومحدش ابدا هيعرف سبب الوفاة " وتركه وذهب
امسكت سما بيده وقبلتها وملست عليها ونظرت اليه وهو نائم
" انا بحبك اوي يا نايل..ربنا يقومك بالسلامة يا حبيبي"
ابتسم " انا كويس متخافيش " وفتح عيناه
" يا حبيبي " ملست على شعره وعانقته
" لسة زعلانة مني؟ "
" ازعل منك ازاي بس..انت فضلتني على حياتك "
" انا مش عارف ايه الي بيحصل ده والله..مش فاهم حاجة"
" مش عارفة بس انا مش فارق معايا غير انك بخير وبس"
" نفسي اعرف بس مين عايز يعمل فيكي كدة..انتِ ملكيش اعداء يعني!..انتِ في حالك مين الي عنده دافع قوي يعمل فيكي كدة "
" كان عايزني اسيبك يا اما يقتلني..وانا اختارت الموت"
تسارعت دقات قلبه بقوة وهنا شعر انه لن يستطيع تركها ابدا شعر بحبها يتغلغل في اعماقه
وضع يده على وجهها وملس عليه " بتحبيني اوي كدة؟ "
" فوق ما تتخيل يا نايل "
" وانا كمان بحبك..بحبك اوي..ومبقتش قادر اتخيل حياتي من غيرك..وبخاف عليكي ومش عايزك تبقي لوحدك ابدا..انا مش هسيبك ابدا يا سما "
ابتسمت " ايه الكلام الحلو ده يا نايل "
" ده الي جوايا "
حدث نفسه " جوايا بجد من قلبي المرادي من قلبي "
ابتسم وتذكر حينما تحدثت سلمى عنها بالسوء وقام هو بمهاجمتها كان يفعل ذلك بدون وعي منه والآن فقط ادرك لماذا
وباليوم التالي لم يستسلم قاسم او يستريح ليوم واحد على الأقل بل كان يريد ان يصفع طارق مرارا وتكرارا بدون راحة كان يريد تشتيته حتى يزرع الرعب في قلبه وظل ينتظر خروج سلمى بفارغ الصبر
وبالفعل وقعت هى بالفخ وقررت عصيان والدها والذهاب للخارج برفقة زين
" الو " تحدث هو
" حبيبي عايزة اشوفك..فيه حاجات كتير لازم احكيهالك "
