حب بعد الزواج

#شريان(سفرر)

#حب بعد الزواج (10) 
#بقلمي :زينب أمير

صحيت ع حركه شخص بربت في كتفي براحه،، وبنادي في اسمي،، بدون م افتح عيوني رديت ليهو "بنعاس" هممم قال لي قومي انا ماشي الصلاه،، باقي ساعه وحاجه للسفر،، كملت نومي وم اشتغلت بيهو كتير،، فجأة قمتااا مخلوعهه، ساعه سمعت صوت حاجه بتكورك بصوت عالي، قعدت في نص السرير وبقيت أتلفت،، عاينت ع جهه الصوت لقيتو ده المنبه،، ي ربي ده منو ال ختاهو هنا،، م بتذكر اني شغلتو ولا شفتو زاتو قبلي كده،، مسكتوو وعاينت ليهو، ساعه ركزت شديييد،، لقيت الزمن اتأخر، قمت طوالي ارتب اموري،،

شباك العربيه فاتح والجو سمح وبارد،، كان لسه الشمس م طلعت وياداب بدت تفتح،، منذر الكان بتكلم بالتلفون،، مع عمي عبدالرحيم "ابوهو" خلص مكالمتو وبقي مركز في سواقتو.. وصلنا المطار سته وربع انتظرنا كم ساعه لحدي م أعلنوا عن رحلتنا،، المن خلالها عرفت اننا مسافرين " البانيا "

*في الطياره*
قاعده جنب الشباك وجنبي مره من المفترض كان يقعد جنبي منذر،، بس جات هي وقفت جنبنا، لمن لقت ح يقعد جنبها راجل وشايله طفله، ساعتها منذر قام من مكان واتبادلوا المقاعد،،الوكت مره طويل وانا بحاول  انوم، عاينت ليهو بطرف عيني لقيتو خاتي السماعات ومغمض عيونو لا عرفتو نايم ولا صاحي!! عيوني الما قادره اشيلا عنو وعقلي الما عايز يبطل تفكير في الجاي،،وعلاقتي معاهو ل قدام..!

المره الجنبي صحتني وقالت لي وصلنا،، فتحت عيوني وغمضتهم كم مره في محاوله لطرد النعاس،، عاينت تجاه منذر، لقيتو بعاين لي ومنتظرني ،، قمت ع حيلي براحه واتحركت معاهو،،

بتاع التاكسي وقف قدام فندق(بانورما كروج) حاسبو، وقال لي ارح،، م صدقت وصلنا متين اصل السرير،، نعسانه شديييدد.. لمن فتح الباب، دخلت قدامو بتثاقل واقرب غرفه وسرير، رقدت نمتا،، متجاهله كلامو،، الاصلا م متذكره منو حاجه،،

صحيت قمت صليت وبقيت أتلفت،، فتحت الباب وطلعت،، ع يدي اليمين لقيت مطبخ صغير،، مشيت عليهو، شربت مويه، وبفتش لي في اكل،، طلعت الهول،، لقيت ساعه في الحيطه معلقه وعامله 11 مساء،،، ي ربي منذر مشي وين؟ "بهمس ل نفسي بصوت واطي" جاني صوتو من وراي،، "باستغراب"لجين!بلعت ريقي بصعوبه وانا بقبل عليهو،، قلت ليهو هاا! رد لي عايزه حاجه؟ عايزه اقول ليهو ماف شئ،، لكن طلعت مني حاجه تانيه،، اااا عايزه اكل بس وم لاقيه، ابتسم وقال، طيب تعالي، مشيت وراهو لحدي م وقف قدام سفره،، جر لي الكرسي وقال لي اقعدي،، خت الاكل قدامي، وقال لي اكلي،، ساكته ومتردده شديدد،، م بقدر اكل وهو قاعد قدامي كده،، خاتي يدو في حنكو وتاكل بيها ع الطاوله،، ساعه شافني بهبش في الاكل براحه براحه،،شكلو فهمني مالي،، قام ع حيلو وقال لي،، انا في الشاشه بهناك بتلقيني، هزيت ليهو راسي ومشي طوالي،،،

في كرسي جلوس كبير،، مايله ع طرفو وبعاين للشاشه حبه وليهو هو حبه،، رفعت رجولي فوق،، وبفرك في يديني بتوتر،،، زعلت شديدد منو، لاني من جيت وهو شغال بتلفونو،، حتى لمن قعدت م عبرني،،، وقفت ع حيلي ومتحركه ع الغرفه،، علشان شويه واطق من الزعل،، وقفني صوتو وهو بقول لي ماشه وين عايزه تنومي؟ ،، رديت ليهو وانا ماشه،، ايوه تصبح ع خير،، وقفلت الباب وراي طوالي،،

خاته التنكه في النار وسرحانه بعيدد،، ابتسمت شديد لمن اتذكرت حاجه، (فتحت عيوني، وعايزه اقوم حسيت ب حاجه تقيله،، لقيتو خاتي يدو في خصري،،) فجأة لقيتو واقف جنبي وبقول ي ساتر ي ساتر، لمن انتبهت لقيت الشاي فار وقرب يدفق ،، " اتنحنحتا بخجل " وقلت بيهو معليش م انتبهت،، قال لي بابتسامه حصل خيرر،، بصوت
جاهدت انو يطلع، قلت ليهو طيب انت اطلع وانا بجيب الشاي وبجي،، اتحركت اجهز الصينيه وخليتو واقف في مكانو..

ماسكه في يدو،، ومغمضه عيوني شديييد،، قاعد بضحك على وبحاول يطمني،، وبقول لي ياخي شوفي المنظر الحلو ده، فتحي عيونك وعايني شوفي، هناك، عايني الناس ديلك،، طيب ع الاقل افتحي عين بتكلم بصوت ضاحك،، قلت ليهو بصوت شبه باكي م عايزه اشوف اي حاجه ارح ننزل بس، نزلني ياخ،، هنا وسامعاهو انفجر من  الضحك، قال لي بالله في زول بفوت الجمال ده،، (حاجه متوسطه عامله زي العربيه بتكون عاليه وبتتحرك في الجو بتشوفي منها المدينه كلها اسمها التلفريك مشهوره في ألبانيا زي وسيله نقل وترفيه)..

من نزلنا منها،، قعدت ابكي وحاسه راسي لافي،،، وهو لسه بضحك،، ساعه شافني جاده وببكي عديلل،، مسك يدي وقال لي اهدي ماف حاجه اهدي،، لقيت نفسي بحضن فيهو وببكي زياده،،

يتبع...