حب بعد الزواج

#شريان (قبله)

#حب بعد الزواج (13)
#بقلمي :زينب أمير

ماسكه الكاميرا وبعاين في صور اليوم بمرح،، جا طالع من المطبخ شايل كبايتين عصيرر،، قعد جنبي ومد لي كبايه، بدون م اعاين ليهو، دايره اشيلها منو لقيتو مسك يدي،، عاينت ليهو بخلعه وتوتر، ابتسم لمن شاف ملامحي اتغيرت،، وقال لي ممكن تركزي معاي حبه؟ "بكلمات متقطعه" رجع يرتب كلامو،، يعني، قصدي ليك.. ممكن.. ممكن نحضر فيلم لو عايزه يعني؟ عاينت ل يدو الماسك بيها يدي،، حول نظرو مكان انا بعاين، فكاها سريع، وقال، اسف م قصدي والله، رديت ليهو" بفرحه ولهفه" لا عادي م مشكله ++عندك نوع محدد من الأفلام؟! وقف ع حيلو واتحرك جهه الشاشه،، قال لي دي فلاشه تعالي نشوفها،، رديت ليهو تمام، اخد دقايق وبعدها اشتغلت ليهو ،، رجع قعد،، وقال لي ده فيلم اسمو.. رديت ليهو قبلي يتكلم(the faults in our stars) ابتسم وقال لي ياهو،، بتحضري افلام اجنبيه؟ ،، قلت ليهو ايوه مرات مرات،، ده بس علشان من الأفلام المفضله عندي،، عاين في ساعتو،، وتاني عاين لي،، وقال الساعه 9، في سوبر ماركت تحت نمشي نشتري حاجات ونجي نحضر بيها قلت ليهو اجي معاك يعني؟ قال لي اي ارح..

السوبر ماركت كان كبير واضواؤؤ عاليه،، فيهو ناس لا كتيره لا بسيطه، الواقف يشتري، والواقف منتظر دورو علشان يدفع،، وقفت جنب مكان الحلويات،، لقيت المصاصات ديل كبيره وشكلها مغري شديدد،، بقيت انوع واشيل من دي ومن دي،، جاني صوت منذر من وراي بقول لي مصاصه؟ قبلت عليهو وانا شايله منها كتير بيديني الاتنين،، ايوه،، سمحه سمحه ياخ،، قال لي"بوش ضاحك" م اختلفنا سمحه لكن دي كلها بتأكليها؟ قلت ليهو اعمل شنو طيب بحبها شديددد ياخ،، عايز يمد يدو يمسكني،، رجعت ل ورا وقلت ليهو م بقدر وعاينت ل يديني،، رد لي "بابتسامه خفيفه" جيبيهم طيب،، ختيهم هنا (اشاره ل سله تسوق صغيره)،، دنقرت ارفع المصاصات الوقعو مني،، الفستان عتر لي،، لقيت نفسي واقعه في الأرض،، عاينت ليهو بزعله لمن لقيتو بضحك علي ،، كتفت يدي وقعدت اعاين في الأرض وعايزه ابكي بس،، وهو لسه بضحك وبقول لي قومي قومي، مد لي يدو، اتجاهلتها وعايزه اقوم، الفستان عتر لي تاني ووقعت،،،سمعتو وهو بزيد في الضحك، لمن عيونو دمعت،، ساعه شافني ساكته،، وقف وبقي يعاين لي،، وظاهر انو كاتم ضحكتو،،،مسكت الفستان وقمت ع حيلي،، وحمرت ليهو،، عاين لي ل ثواني وتاني قعد يضحك لقيت نفسي بضربو في يدو،، وبضحك معاهو،،،، الناس واقفه تعاين لينا ب استغراب،، ونحنا واقفين نضحك، لمن مسكت بطني،، واشرت ليهو بيدي علشان يسكت،، جريتو من يدو،، لحدي م دفع وشلنا الحاجات،، وهو كان ساكت، من طلعنا اسمعو ليك بضحك تاني وبقول لي،، ياخي م شفتي شكلك عامل كيف! عسلل ياخ،، مشيت قدامو،، بقى يكورك لي،، لجين لجين، وقف قدامي،، قلت ليهو لالا بالله تم ضحكك اول،، ختا يدو في شفايفو نظام سكت وكده،، قلت ليهو اوريك حاجه،، هز لي راسو ب دليل ايوه،، عاينت يمين وشمال،، وقلت ليهو اضحك اضحك ساي،، بقيت واقفه مبتسمه وانا بعاين ليهو وبسمع في ضحكتوو...

*عند منذر*
كل البعرفو اني كنت مبسوط جدا وانا معاها تفكيري داك كلو نسيتو، فكرت نجيب حاجه نتسلى بيها ونحنا بنحضر في الفيلم طلعنا السوبر ماركت،، لجين شكلها وهي زعلانه، وهي مبسوطه، وهي بتضحك، حلوو شديييدد،، انتو م حاسين ب حاجه؟ اني بقيت لازم اتكلم عنها،،!! فتره بسيطه غيرت فيني كتير، ولا علشان بس هي حاليا الوحيده الموجوده معاي في بلد غريب؟؟ شفت حديقه كبيره وانوارها ملونه،،، جريتها من يدها وقلت ليها تعالي نقعد شويه!! طلعت ليها مصاصه وبقت تاكل فيها،، بعد شويه مدت لي وحده، ابتسمت ليها وقلت، شكرا م بحبها، هزت لي اكتافها وقبلت قدامها،، بعد ونسه طويله في مواضيع جانبيه وعاديه، قلت ليها انتي م ملاحظه اننا قعدنا ونسينا الفيلم؟ ،، قالت لي وهي بتفتح ليها في مصاصه تانيه !! الساعه كم طيب؟ قلت ليها ماشه ل حداشر، وقفت على حيلها "بطريقه كوميديه" ختت يدها ع صدرها وقالت لي سجمي، قوم طيب ارح،، وقفتا وقلت ليها "بضحكه خفيفه" اهدي طيب،،" ونحنا ماشين في الشارع سألتها، للدرجه دي بتحبيها!؟ قالت لي اللي هي؟ أشرت ليها ع يدها وقلت ليها المصاصه!! قالت لي "بابتسامه" لدرجه بعيدده،، ودي الرابعه كمان،!

*عندي*
ساعه وصلنا وهو بفتح في الباب،، قال لي ح تنومي ولا ح تحضري معاي؟ قلت ليهو نعسانه وتعبانه والله،، قال لي خلاص تمام ادخلي،، دخلت الغرفه وخليتو قاعد في الهول،، طلعت بجامه،، وطوالي شور سريع، وبخيت عطر بخ، بخ رقدتا وبقيت اتقلب،، م جاني نوم نهائي،، شلت التلفون، لقيتها عامله 12 وسبعه دقائق،، ي ربي بكون نام ولا لسه صاحي؟؟ اطلع ليهو ولا اقعد قبلي؟ حسيت ب خطواتو، غمضت عيوني، سريع شويه وسمعت الباب قفل، وبعدها صوت الدش،،، "بصوت واطي هامس"، قال  لجين! كم مره،، م هو انا لو م رديت معناها نايمه طيب مالو؟؟ بعد اتأكد اني نايمه!! ختا يدو تحت راسي وقبلني عليهو براحه،، طيب ي لجين لو من الاول قمتي رديتي ليهو مش كان اخير؟؟! من الحصل ده "بتكلم مع نفسي في سري"

*عند منذر*
م انكر اني زعلت  الصراحه، لمن دخلت تنوم،، أمكن اليوم كان لطيف وسمح معاها، وحسيت اني عايز اتونس واتكلم اكتر معاها،، الجو بقى  ملل،، خليت الفيلم واشتغلت بتلفوني شويه،، بعدها دخلت جوه لقيتها نايمه،، حسيت اني مسخن شديييد فقلت اخد لي حمام بارد،،، رقدتا جنبها وبقيت انادي فيها،، لمن م لقيت منها رد،، قربتا منها اكتر،، بقيت اعاين ليها، وانا مستغرب من نفسي ده شنو البعمل فيهو ده؟ ،، اتذكرتا لون عيونها،، لقيت اني بقرب منهم وببوس عينها اليمين ومنها الشمال،، وقفت مسافه بعاين ليها،، قلبي ضرب شديد وانا بعاين ل حاجه معينه وفجأه،، قربت، متجاهل اي حاجه،، بطبع فيهم قبله خفيفه،، حسيت بحركتها وهي بتقبل ع الاتجاه التاني، لقيت نفسي بقبلها علي،، وبحضنها...

#ملحوظه
بس علشان قلتو البارت الفات قصير اهو ده تعويض عن الفات،، بتحمس وبكتب لمن القى التعليقات السمحه عن الروايه، بدل تم،، عايزين بارت سريع ( لاااااااايك)!!

يتبع....