حب بعد الزواج

#شريان (صداقهه)

#حب بعد الزواج (9)
#بقلمي : زينب أمير

ممكن تقولو لحظتها فقدت الاحساس بكل شئ،، كيف يعني عارفني صاحيه، سألت نفسي في سري،، جاتني الأجابه طوالي ساعه سمعتو قال لي، ع فكره يعني وشك ظاهر في الشباك وعيونك بترمش كتير وانتي بتحاولي تغمضيها،، فجأه لقيتو مسكني من يدي وقومني من السرير، وقال لي قومي صلي وارح ناكل لو اتأخرتي بفوتك هاا؟! (بإبتسامه كده) عاينت ليهو مخلوعهه بكلو،، طوالي ابتسم لي وفات!! بفكر ي ربي الحاصل شنو، أمكن بتصرف كده علشان شايفني خجلانه، ومتكسفه منو شديد ولا هو اصلا بطبعو كده؟ اتحيرتاا الصراحهه!! قمت صليت وطلعت ليهو بره،، لقيتو منتظرني في السفره،، من شافني ابتسم، شوفتو الابتسامات دي بتجهجهني والله،، قعدت وقال لي ابدي بسم الله يلا،، مسكتاا المعلقه وبقيت بأكل في "كبسه" عاينت ليهو  لمن قال لي (لجين) استغربتا لمن لقيتو م بياكل ومكتف يدينو بعاين لي، قال لي ليه م بتأكلي؟ خجلانه للأن؟! اقوم طيب علشان تاخدي راحتك؟ بسرعه هزيت ليهو راسي ومسكت المعلقه وجهزت لي لقمه اكلتها وقلت ليهو اهو باكل والله، بس م جعانه والله علشان كده،، هز راسو بتفاهم وقال لي طيب انا جعان م تمشي بعد اخلص ممكن؟ ، قلت ليهو تمام حاضر، بقيت بعاين ليهو، كان هادئ شديدد وهو بيأكل، ملامح وشو البحبها جدا، عيونو ورموش عيونو، انفو، الشامه الفوق ل شفايفو!! فجأه لقيتو بكح،، كح كح قمت وبقيت امسح ع ضهرو ي ساتر ي ساتر اتنحنح،، كبيت ليهو مويه واديتو يشرب،، قلت ليهو بسم الله، لمن عيونو دمعن، في قلبي قلت ده كلو بسببك ي لجين اديتي راجلك عين، طقطق لي بأصابعو وقال لي مشيتي وين،؟ قلت ليهو ولا مكان، قام ع حيلو، وقال شبع، رفعت السفره،، ومشيت فتحت التلاجه لقيت فيها فراوله مجمده، قلت اخلط منها حبه،، شغلت الخلاط كده لقيتو جا داخل،، قلت ليهو عايز حاجه اديك ليها؟م سمعني،، قفلت الخلاطه وكررت ليهو كلامي،، قال لي وهو ماسك الكبايه في يدو  عايز اشرب بس،،، وبعد تخلصي تعالي لي بره منتظرك، قلت ليهو حاضر،، لقيتو فاتح الشاشه وبحضر في فيلم اجنبي، ختيت الصينيه، واديتو كبايه عصيرر ،، عاين لي وقال شكرا، هزيت ليهو راسي، وبعدها قال، بخصوص العايز اقولو الساعه 6 صباحا ح نسافر، قبلي م ارد ليهو لقيتو كمل كلامو،، هي مفترض تكون شهر عسل،، عاينت ليهو بخلعهه، ابتسم وقال لي لكن ح نخليها رحله ترفيهيه، رايك شنو نتعرف فيها بم انو م لقينا فرصه نتكلم ونتعرف فيها ع بعض اكتر، وياهو منها بتعرفي انا بحب شنو وبكره شنو وكذلك بالنسبة ليك، وبعدين لسه المشوار قدامنا طويل ولا كيف؟! هزيت ليهو راسي موافقه ع كلامو قال لي لالا م هو انا لازم اسمع صوتك ح تسكتي كده كتير،، اعتبريني الشخصيه الأنتي عايزاها واتكلمي معاي براحتك، وخليك طبيعيه وعاديه،، انا م عايزك تتوتري او تسكتي بالعكس ياخ، رايك شنو نبدأ خطوه ونبقى أصحاب؟ ، عايزه اهز ليهو رأسي،، اتذكرت كلامو ورديت ليهو بكل اريحيه،، وقلت بتلقائيه" حاضر حلو جدا،، انا لجين اتشرفنا" ومديت ليهو يدي، ابتسم ومدا لي يدو ورد لي بنفس الابتسامه وانا منذر اتشرفنا بعدها ضحكنا سوا...

وانا برتب في السرير علشان انوم،، سمعتو بضرب لي في الباب،، مشيت فتحتو ليهو،، قال لي "بضحكه"ليه قفلتيهو دي طرده عديلل والله،، اتنحنحتا بصعوبه وقلت ليهو، عايز تنوم هنا؟ قال لي ايوه ولا انتي م عايزاني انوم معاك؟؟!! رديت ليهو "بتمتمه" لا... يعني.. انا قاصده.. م هو.. طيب... تمام.. سكتا لمن لقيتو بعاين لي، في قلبي قلت خليك ساكته احسن... !! زحيت ليهو من الباب ووقفت ع جنب،، برااحهه قفل الباب، مشي قدامي، قعد في السرير وقبل علي،، احساس اجي وكده،، قال لي م عايزه تنومي؟ قلت ليهو لا جايه جايه، ح اشرب مويه واجي،، قال لي تمام،، رقد في اتجاه الحيطه واداني ضهرو،، لمن لقيتو نام ختيت الطرحه الكنت لابساها في الكرسي ومشيت بخطوات بطيئه رقدتا جنبو ودقات قلبي في اضاني سامعاها،، فكيت شعري وغمضت عيوني في محاوله للنوم،، فجأه سمعتو بقول لي لجين انتي جيتي؟ عملت نايمه واصلي م رديت ليهو،، حسيت بتقل جسمو في السرير لمن اتحرك،، جاني احساس انو هو مقبل علي،، بدون م احس لقيت نفسي بقوم من السرير "بإندفاعيه" لمن حسيت يدو بتلمس في شعري،، وانا مدياهو ضهرى،، قال لي اسف اسف شكلي خلعتك ،، م رديت عليهو، بعد شويه قبلت عليهو لقيتو نام،، رقدتا براحه،، وشويه شويه لحدي م نمتاا...

يتبع...