حب بعد الزواج

#شريان (صدفهه)

#حب بعد الزواج (14)
#بقلمي :زينب أمير

الليله مرت تسعه ايام من جينا،، الايام الفاتت كانت ممتعه جدا، فيها تفاصيل  جميله،، نادرا كان م نقعد في البيت،،حرفيا كل م اتذكر الحصل يومداك قلبي يقعد يضرب،، بعدها طوالي كان غمضت عيوني وفي وشي ابتسامه،، لمن صحيت الصباح كان عادي بتصرف،، زي كانو م عمل حاجه،، سمعت الباب بضرب ب دقات خفيفه ،، رديت ليهو وانا ماسكه المشط،، بسلك في شعري، "اتفضل" جا داخل وهو مبسوط قال لي، تعالي يلا واحكمي،، ختيت المشط،، ووقفت ع حيلي، وقلت ليهو "بحماس"ارح طيب،، وصلت قبليهو وعايزه اهبشها كده، رجعت ل ورا مخلوعه وختيت يدي في قلبي لمن سمعتو بوقف فيني وبقول لي دقيقه صوريها اول،، قبلت عليهو وقلت ليهو خلعتني ياخي،، ضحك قال لي معليش طيب لكن برضو لازم نصور اول،، قلت ليهو طيب ثواني بجيب تلفوني وبجي سرعه،، هزا لي راسو، اخدت دقائق لحدي م لقيت التلفون، شلتو ومشيت ليهو،، تشك تشك، صورتين تلاته، وقلت ليهو،، لازم بعده نشوف الطعم كيف، "ب كل فخر واعتزاز" قال لي الطعم لا يقل عن الشكل، قلت ليهو "بابتسامه" نشوف طيب،، (كان عامل صحن بطاطس شيبس احساس بوريني في مواهبو وكده) شلت الأولى ووراها التانيه،، عاينت ليهو لقيتو منتظر رأيي،، قلت ليهو بس معليش ناولني كاتشب من التلاجه،، من اداني ضهرو مسكت الصحن وجريت بيهو،، من شافني بقى يناديني،، وانا اضحك وجاريه،، فجأه لقيتو جاري وراي وبقول لي،، لجين ابعدي عن اختراعاتي بالله والصحن ده م تلمسيهو،، ضحكت ورفعتو، قلت ليهو كلها بطاطس اختراعات شنو البتتكلم عنها دي؟ فجأه وقف وبقي بعاين وراي بخلعه كده، وقفت وقبلت اعاين لقيت ماف حاجه، عايزه اجر لقيتو بجرني من شعري وبقول لي جيبيهو،، عملت زعلانه، قبلت عليهو ومديت ليهو الصحن وقلت ليهو هاك اتفضل، مشيت قدامو خطوتين، مسكني من طرف يد البجامه، وبقول لي زعلتي؟ مشيت قعدت في الكرسي وم رديت عليهو، جا وقف قدامي وختاهو في رجولي، قال لي م قايلك بتزعلي سريع كده،، اكليهو لو عايزه،، انا م عايز، بقى يعاين لي دايرني اتكلم،، قلت ليهو انا زاتي م عاوزاهو، ومشيت قدامو سريع،، قعد في الكرسي ومتحير فيني، من وصلت باب الغرفه، قلت ليهو "بضحكه" منذر عاين، ساعه ركز لقاني باكل فيها ابتسمت ليهو شديييدذ وقلت راحت عليك يلا،، بقى يقول لي لجين،، طوالي قفلت الباب وبقيت اضحك..

*عند منذر*
لجين دي انا كل يوم بكتشف فيها حاجه جديده من الحصل قبل شويه ده وغيرو وغيرو،، بغض النظر عن الشفتو وردت الفعل الاتلقيتها،، لكن لقيتها حنينه،، فتحت الباب براحه وبقت تعاين يمين وشمال، قلت ليها قاعد هنا انا،، جات طالعه متردده، وقفت جنبي، تاني قعدت،، شايله الصحن وبتأشر لي عليهو، بقيت اعاين ليها بس،، جاني صوتها وهي بتقول لي م تعاين لي واكل، والا ح تلقاو فاضي،،ابتسمت ليها وقعدت اكل معاها ونضحك ع نفسنا والعملناهو..

#السودان (بيتنا)
# عند رحمه :
واقفه في المطبخ بعمل ليهو في عصيرر، وقف جنبي، باسني في خدي وقال لي ليه متعبه نفسك بس، ارتاحي وانا بعملو، هزيت ليهو براسي لا وقلت ليهو، ماف اي تعب ي أحمد والله، اليوم كلو قاعده ساي، حتى خالتي م بتخليني اشتغل ياهو حتى الاكل ده،، بتعملو هي َوبتديني ليهو،، وبتجي فاطمه (الشغاله) تنضف لي كل يومين، يعني الحمدلله مرتاحه،، قال لي، طيب تعالي اقعدي برضو قلت ليهو مصر يعني،؟ قال لي مش دخلتي السادس انتي؟ قعدت في الكرسي، اخدت لي نفس وقلت ليهو ايوه،، قال لي تمام بكره ان شاء الله بجيك قبل الفطور نفطر سوا ومنها تتمشي شويه،، بقى يتونس معاي لحدي م انتهى من العصير طلعو في صينيه بره، وجا راجع تاني مسكني من يدي قومني، وقال لي ارح، مسكتو وطلعنا...

"عندنا"
حاليا موجودين في تيرانا ياها زاتا عاصمه ألبانيا،، الساعه كانت عشره مساء،، في مطعم ع البحر، قاعدين بناكل ونتونس،، فجأه في زول لكزني في كتفي،، قبلت اشوف منو لقيتها وقفت جنبنا،، عاينت لي مسافه،، وبعدها قالت لي مش انتي نفس البت الكنتي راكبه جنبي في الطياره؟ ،، طيب انا كنت م منتبهه معاها اصلا، اقول ليها لا ولا شنو أسي، ابتسمت وقلت ليها مالوفه لي لكن م قاعده اجمع الصراحه،، مدت لي يدها وسلمت على، قالت لي م مشكله اتشرفنا انا ساره قلت ليها ي اهلين ي مرحب وانا لجين عظيم الشرف،، قعدت تتلفت واتقدمت خطوتين،، وبقت تنادي ي أحمد،، احمد، قعدنا نعاين مكان هي بتعاين، جا راجل شايل بت صغيره، وقف وقال ليها مالك واقفه هنا؟ قالت ليهو عايزه اعرفك، مش كان حكيت ليك عن الحصل في الطياره والزول الاتبدلت معاهو ومرتو،،هز ليها راسو وبقول ليها ايوه حصل، في شنو؟ قالت ليهو "بابتسامه"وبتاشر علينا ديل ياهم...

يتبع......