رواية صحوة قلب ميت "سيتم حذف الرواية للتعديل'

الفصل الرابع والاربعون

جروبات أو مدونة هعمل ريبورت.
اللهم أرحم أبي وأغفر له وأسكنه فسيح جناتك.
اللهم اعذه من عذاب القبر وجفاف الأرض عن جبينها.

           الفصل الرابع والاربعون

بعد مرور عدة أيام انتهى ياسين وبسمة من لوازم الزفاف وفرش الشقة حتي جاء اليوم المنتظر……

بعد إصرار ياسين علي وجود يحيي معه بالمنزل يوم زفافه إضطر يحيي للرضوخ وذهب له بالفعل لكن تجنب الإحتكاك بوالدته.

يقف ياسين أمام يحيي يقوم بربط الكرافت له لينتهي ويضمه بحب:ألف مبروك يا حبيبي.
ياسين بحب:الله يبارك فيك يا غالي.

طرقات علي الباب يتبعها دخول إلهام ويمني لتردد يمني بمرح:الله الله يا خونة بتحضنوا بعض من غيري!

ليبتعدوا عن بعضهم ويفتحوا لها ذراعهم لترتمي داخل أحضانهم بأخوة.
بينما إلهام تقف تتأملهم بندم فهي من أوصلت أولادها للابتعاد عنها.
ليبتعدوا أخيرا ويتجه لها ياسين ويقبل يدها وجبينها لتضمه بحب:الف مبروك يا حبيبي.
ياسين بحب:الله يبارك فيكي يا أمي.
لتنظر ليحيي بعتاب:مش هتسلم علي أمك يا يحيي ؟
يحيي بهدوء:أزي حضرتك.
إلهام بخزي:حضرتي بخير طول ما أنت بخير.
يمني بتلطيف: يلا يا جماعة عشان أتأخرنا.
ياسين بتأكيد:أه يلا بينا…..

……

عاد سيف من عمله للمنزل بشرود فهو قد علم أن اليوم زفاف ياسين ولم يقوموا بدعوته حتي ليغمض عيونه بألم ليستمع لأصوات بكاء تأتي من غرفة نهلة ليتجه لها بتعجب وقبل أن يدخل أستمع إلي ……

في غرفة نهلة تجلس سهي تبكي في أحضان نهلة والي جوارهم فريدة التي تنظر لهم باللامبالاة.
لتردد نهلة بضيق:خلاص بقي يا سهي ما يتجوز ولا يولع كبري.
سهي بدموع: بحبه.
فريدة بنفاذ صبر:وهو مش بيحبك يبقي خلصنا بقي أنسيه.
سهي بعصبية:متقولي الكلام ده لنفسك بعد ما سيف اتجوز يمني سكتي لا فضلتي تخطتي مع نهلة عشان يطلقها.
فريدة بعصبية:لا يا حبيبتي انا عملت كده عشان أساعد نهلة مش أكتر.
سهي بتهكم:تساعدي نهلة أنها تخرب بيت أخوها وتوزيها تقتل جنين في بطن أمه لولا ربنا ستر وهي سمتعكوا وغيرتوا الخطة.
نهلة بعصبية: سهي كفاية كده.
سهي بعصبية:مش كفاية وبعدين اللوم مش علي فريدة بس اللوم عليكي أنتي ايه شيخة أخوكي ضحي بحياته عشانك وفي الآخر ايه ؟ خربتي بيته وزليتي مراته ومكتفتيش بكده لأ كمان كنتي عايزة تقتلي إبنه أرتحتي دلوقتي لما هو ومراته هيطلقوا سعيدة دلوقتي وأنتي شايفة حالته ..

صمت تام بعد أن فتح باب الغرفة ودخل سيف ويقف علي باب الغرفة بعيون دامعة.
لتنهض نهلة وتردد بتوتر:أنت جيت إمتي ؟
سيف بحسرة:ليه ؟
نهلة بتوتر:ليه أيه ؟
سيف بكسرة:ليه تعملي كده فيا ؟ أنا ضحيت بحياتي عشانك يا نهلة أستكترتي عليا الفرحة ؟ أن يبقي ليا عيلة ؟أبني عايزة تقتليه ليه أنا مصدوم فيكي يا نهلة أنتي كسرتيني عارفة يعني أيه اتخانق مع يمني وأهلها أن بنتهم كدابة واني واثق فيكي وفي الآخر تخوني الثقة دي ويبقي هما الصح ليضع يده علي قلبه ويغمض عيونه بقوة.
لتقترب منه نهلة بفزع وتردد بقلق:سيف أنت كويس ؟
لم ينطق سيف إنما سقط أرضاً جثة هامدة.
لتصرخ نهلة وتجلس جواره وهي تردد بصراخ:سيف فوق يا سيف متسبنيش.
لتنهض فريدة وتغادر سريعا وكذلك سهي تاركين فريدة بمفردها…….