عشاق_حي_الجنون.
#غرور_وعناد.
#الفصل_الحادي_عشر.
#Engy_Mohamed.
"صلوا على نبي الرحمة♤"
ـــــــــــــــــــــــــــــــــــــــــــــــــ
بعدما عاد أيهم من الخارج وأخبر بتوتر ليث بذهاب آسيا وخائف من غضبه، ولكن كانت مفاجئة إليه تنهيدته اليأسة ملاحقًا لها حديثه بنبرة تملكها اليأس من أخته والترقب:
_ربنا يستر ومتحصلش كارثة جديدة.
أيده مراد تحت ضحكات الفتيات إلى أن قاطعهم حديث رضوان الموجه إلى الحج عثمان قائلاً:
_بابا عايز أقول لحضرتك على موضوع في حضور الكل.
وبجملته تلك لم يسترعي انتباه الحج عثمان فقط، بل أسترعي انتباه الجميع.
_اتفضل يابني قول إللي عندك.
طالع رضوان ابنته بغموض قبل أن يردد بهدوء قائلاً:
_في عريس متقدم لِـ عائشة وبصراحة هو مناسب جدًا.
_وشافها فين دي يابني.
سألته الحجة زينب، ليجيب عليها بابتسامة بسيطة:
_النهاردة في المول قبل ما نروح المستشفى، الست تاهت وهو لقاها وفضل معاها لحد ما وصلها ليا.
_تاهت..؟!
تسألت ندى بتعجب، لتأتيها اجابتها من عائشة بحماس تشرح إليها مغامرتها الرائعة اليوم كما تجزم:
_ايوه تهت، أصل أنا معرفش حاجة في القاهرة لسة وقولت أخد جاولة في المول اكتشفه، إللي أكتشفه طلعت منه خالص ومكنتش عارفة أروح فين وفوني وشنطتي مع بابا رضوان، لقاني أستاذ مصعب وسألني وعرف إني مش من هنا، رجعنا المول وفضلنا ندور على البابا لحد ما لقيناه.
_أممم وكمان عرفتي اسمه؟
_أكيد طبعًا مش همشي مع حد من غير ما أعرف اسمه.
_لا مبدأ برضه، أهم حاجة المبدأ.
انبس بها مروان بهمس مغتاظ لم يستمع إليه سوى ليث الماثل بجانبه، من ثم أردف بصوتٍ يسمعه الجميع ونبرة عادية:
_وهو لحق يعرفها يا عمي أو أنتَ تسأل عليه؟؟
وقبل أن يجيبه رضوان اجابته عائشة:
_هو مهندس في شركة العاصي ودي شركة كبيرة جدًا في مصر، وباباه متوفي ومامته دكتورة بس مش بتشتغل، عنده أخته الصغيرة في كلية فنون جميلة، وأخوه الكبير محامي، وملهوش علاقة بعيلة مامته أو باباه بينهم مشاكل.
طالعها الشباب ببلاهة، قطعها حديث مراد الساخر من أخته:
_الله أكبر عليكِ، عرفتي تاريخ العيلة كله مش اسمه بس.
أنت تقرأ
عشاق حي الجنون
Random"الحياة لعبة قاسية التحدي ذات قوانين دائمة التغير؛ إن أردت الفوز بها ما عليك سوى بوضع قوانينٍ خاصةً بك تتكيف مع كل تغير؛ حينها فقط ستفوز بتحدي الحياة وتكسب قلبك ونفسك.."
