على الحلوه والمره

الحلقه العشرون (وقعت فى دوامه )

" اهو شفت بيبص عليها ازاى"
" امم ؛ابدا والله انا مش ببص عليها هيا انا اصلا مش بفكر فيها انا عادى خالص بس سرحت شويه "
قال سيف
" انت خد هايدى لايقه عليك"
بصيت وضحكتلوه وقلت
" لا الحب مش لعبه يا عسل "
وقمت من مكانى وقلت
" انا رايح اطلب عصير تطلبوا حاجه معايه "
رد عمرو " كوكتيل لوسمحت"
هزيت راسى بعلامة ماشى
ومشيت ...انا مش مشيت علشان مش عاوز اشوف سيف لا كن انا كل ما بشوفها
بتتسارع نبضات قلبى
انا عمرى ماحسيت الاحساس ده مع اى بنت مع انها كانت فى الاول بنت الواحد مش بيطيق يشوفها لاكن انا دلوقتى مابصدق اشوفها انا مش عارف اوصف الى انا فى ده اى
انا زى ما اكون واقع فى دوامه
اااانا بحب..
" مصطفى "
بصيت ورايا لقيت هايدى
" هم ..فى حاجه ولا اى "
قالت وهيا مبتسمه
" لا ابدا بس انا كنت عاوزه اكلم معاك شويه "
" اتفضلى "
" قصدى تشربي  اى "
ضحكت وقالت
" لا شكرا ولا حاجه "
قلت
" هطلب ليكى عصير فراوله "
" تمام ماشى "
طلبت العصير من  الراجل
وقال ان هوا هيجبها لغايه الترابيزه
فضلت قاعده ساكته فتحت انا الموضوع وقلت
" امم اى الموضوع "
قالت وهيا باصه فى الارض
" هوا انت هتيجى الحفله الى انا عملاها "
انا اصلا مش عاوز اروح ولا اجى اى الكسوف ده
قلت
" مش عارف لسه والله "
" لى يا مصطفى اصلا انت اول واحد مدعوا فى الحفله دى متكسفنيش بقى الفيلا هتنور بيك صدقنى "
" طيب خلاص هاجى "
قامت من مكانها وقالت بفرح
" بجد اه انا كنت عارفه ان انت مش هتكسفنى ابدا "
بصيت ولنا على وشى كل علمات الاستغراب
ضحكتلى وقالت
" انا هستناك "
ضحكتلها وهزيت براسى بنعم
وقامت جرى على مكان الغرف
رحت اشوف العصاير مخلصتش لى
قال ان هوا فاضل دقيه بس وهيوصلها ليا
لقيت من بعيد قبلى بخمس خطوات حبيبتى ريم بصيت فى عيونها البنى بصت على الارض ورجعت بصت عليا تانى
اول ما عدت من جمبى حسيت ان دقات قلبى بتتسارع من جديد اووه بقى الواحد هيفضل امتى لغايه كده انا لازم اقولها ان انا بحبها لا هوا اى الى بحبها انا لازم اكلم اهلها الاول لا لا انا لازم اخلص الكليه بتاعتى الاول لا بردو
انا هسافر بعد الكليه لا انا اروح اجيب العصير الاول
" اتفضل العصير "
شكرت الراجل لا كن فضلت واقف وهيا كانت واقفه مستنيه حاجه هيا طلباها
اما عنى انا واقف مستنى اى معرفش
" شكرا لى حضرتك "
قالت وهيا مبتسمه اخدت الطلب بتاعها ومشيت
اما انا فضلت واقف فى مكانى سرحان ايوه سرحان
فى بحر من الحب وخايف من الموج ليغرئنى .. وقفت شويه وبصت وراها مقدرتش انزل نظراتى من عليها وفضلت باصص عليها وهيا باصه عليا
مشيت وهيا كانت سبقانى بخطوتين مشيت هيا اول ما لقيتنى ماشى من الاتجاه الى هيا ماشيه فى كنت عاوز انادى عليها انطق اسمها اسمها ..
ريم
" ريم "٠٠٠٠٠٠