على الحلوه والمره

الحلقه الاربعون و( الاخيره )

نزلت بعد ما هيا طلعت البيت بتاعها  لى عمرو الى كان فى العربيه تحت العماره بتاعتها
وقال عمرو
'' طلع فى اى ''
قلت '' زى ما قلت كلب ''
قالت صدفه
'' واشمعنا صممت انت الى تروح تشوفها يعنى ''
'' عادى يا جماعه مفيش حاجه وبعدين هوا مش انت عندك حساسيه من الكلام ده ''
بص عمرو ليا وقال
'' انا عندى حساسيه من القطط مش من الكلاب ''
''خلاص يا عمرو حقك عليا ''
قالت ايمان
'' هيا دى بقى ريم يا مصطفى''
بصيتلها فى المرايه وقلت
'' ده انتى حسابك معايا بعدين''
ضحكت وقالت
'' هوا انا قلت حاجه انا مردتش اقول حاجه وبعدين انا مقلتش ان انت غلط فى اسمى وقلت ريم بدل ايمان ..اوبس اسفه ''
بصيتلها وقلت
'' ماشى يا ايمان استريحتى دلوقتى اسكتى بقى ''
قالت
''ماشى ..والله كان غصبن عنى مش قاصده انت كده دايما ظالمنى ''
وقال عمرو
'' شاطر غلط بلسانك قدام
ام الذل ايمان يلا مايقع الا الشاطر ''
قالت ايمان
'' اسكت انت متخلنيش ارد عليك قدام خطيبتك ''
بصلها عمرو وقال موجه الكلام ليا
'' شوفت شوفت اختك ام لسانين دى ''
بصيتلها وقلت
'' طب واقسم بالله ما ليكى شوكولاته تانى ''
ومن ساعتها وهيا قاعده ساكته
وصلت البيت وشكرت عمرو على التوصيلة ودخلت على الأوضة بتاعتى ورجعت شعرى لى ورا وطلعت انفاس شهيق وزافير اه لى لى كده يا ريم
لى عملتى فيا كده لى مقدرتش اطلعك من دماغى لى لى اول بنت احبها تعمل كده لى
وليه  سيف عمل فيا كده
انا عمرى ما ديقته فى اى حاجه ممكن يكون هوا بيحبها طب وهيا كمان بتحبه برضو
انا معرفش وعلى العموم خلاص انا استسلمت هيا حره فى حياتها ..دخلت الأوضة 'ايمان ' وقالت
'' هيا دى بقى ريم ''
بصيت لها وقلت
'' انتى اسكتي خالص ''
ضحكت وقالت
'' ليه انا مكنش قاصدى اقولها حاجه انا الى قلت الكلام غصبن عنى ''
مسكتها وانا بطلعها برا الاوضه وبقول
'' برا يا ايمان ''
وطلعتها برا الاوضه
وقالت وهيا برا الاوضه بصوت عالى
'' ماشى يا مصطفى .. اطمن انا اصلا مش هقول لى حد على البنت الى اسمها ريم''
وسمعت صوت ماما بتقول
'' ريم مين ..''
فتحت الباب بسرعه ودخلتها وقلت
'' ايمان اسمعى ...''
دخلت ماما الاوضه وقالت وهيا باصه لى ايمان
'' مين ريم دى ''
قالت ايمان
'' ولا حاجه ياست الكل ريم صحبتى وانا كنت بحكى عليها لى مصطفى يا ماما فى اى ''
قالت ماما
'' ماشى يا ايمان المهم يلا علشان الاكل ''
وطلعت ماما برا الاوضه
وبصيتلى ايمان ورفعت حواجبها وقالت
'' متخافش يا عسل مش هقول لى اى حد ''
ضحكت وقلت
'' ماشى ..اطلعى برا علشان عاوز انام ''
قالت
'' مش هتاكل ''
'' لا يا ايمان ''
قالت وهيا رايحه نحيت الباب
'' ماشى ..بس على فكره هيا بتحبك ''
قمت من على السرير وقلت
'' مين الى قالك واى الى انتى بتقولى ده اصلا ''
جت قعدت على السرير وقالت
'' يابنى افهم دى كانت عاوزه تعرف بأى طريقه انت قولت اى عليها وكانت مهتميه للامر دى بتحبك افهم ''
بصيتلها و فرحت وبعد كده افتكرت ان هيا مخطوبه قلت لى ايمان
'' لا ..مينفعش هيا مخطوبه يا ايمان خلاص ''
قامت من على السرير وقالت
'' يلا بقى مش مهم راحت عليك ''
وطلعت برا الاوضه
وانا كالعاده معرفتش انام زى امبارح من ساعت ماعرفت ان هيا بقت مخطوبه ...