على الحلوه والمره

الحلقه الخامسه والثلاثون

''هوا انتى بتضحكى لى "
بصيتلى وكملت ضحك لغايه ما تعبت من كتر الضحك
وبعديها قالت وهيا بتضحك
" انت مستنى مين ..ريم "
بص لى سيف وقال
"ريم مين "
قال عمرو
" ريم ..فى اى "
قلت انا موجه الكلام لى هايدى
" هوا فى اى هيا كلمه ريم دى بضحك ولا اى " 
قالت وهيا برضو بتضحك
" لا ..اصل هيا هناك "
بصيت ورايا بس ملقتهاش
قلتلها
" فين يا هايدى "
قالت وهيا ماسكانى من ايدى وبتقول
" تعالى هواريك واقفه فين ومع مين "
قلتلها
" مع مين''
قالت واحنا بنمشى
" هتشوف يا مصطفى "
ووقفت وقالت
''اتفضل يا استاذ ''
وكانت ريم واقفه مع حسن وواحد تانى انا معرفهوش
وراحت هايدى قدام 'ريم'
وقالت "ازيك يا حسن "
وريم بصت عليا وبعديها لاحظت ان ملامحها اتغيرت شويه للنرفزه لاكن مش اكتر منى هيا وعدتنى ان هيا متقفش مع حد تانى مش فاهم هيا بتكذب لى وبتخلف بوعدها لى اصلا
'' ازيك يا ريم "
قالت هايدى لى ريم
" امال فين صحابك "
بصيتلها وقالت بكل ثقه فى نفسها
" صدقينى  انا ميهمنيش ان انت تخدى صحاب منى او لا كل ده ميفرقش معايا المهم انا عارفه نفسى ان انا مقلتش حاجه وكده كده هيجى يوم ويعرفو ان انتى كذابه "
الصراحه استغربت من الكلام مكنتش اعرف ان هايدى بارده للدرجه دى
بس هنا قطع كلامهم الولد الى واقف مع 'ريم 'وقال
'' مش تعرفينا ب الاستاذ "
قالت 'ريم'
" اه ..مصطفى بيطلع دايما الاول على الدفعه بتاعته "
بصيتلها لانها مكنتش بتقول بنفس مفتوحه دى كانت بتقول وهيا مدايقه وكملت وقالت
" مصطفى ..وده محمد ابن خالتى "
اطمنت شويه لما عرفت ان هوا ابن خالتها لاكن منكرش ان انا خايف لتكون برضو ما بينهم حاجه  مديت ايدى علشان اسلم على ابن خالتها وبعدين قال موجه السؤال ليا
" بس انت ناوى تشتغل فين بعد ما خلصت الكليه "
رديت وانا على وشى ابتسامه
وقلت
" هسافر عند عمتى فى بلاد برا وهشتغل هناك ان شاء الله"
بصيتلى 'ريم'  وهيا مستغربه وقالت
" هتسافر ..امتى ده "
اتفجئت ان هيا ردت وقلت
" بعد شهر على ما اظن لسه هجهز جواز السفر "
قالت هايدى
" وبعد ما تسافر "
بصيتلها هيا التانيه وقلت
" لما ابقى بقى لسه هشوف "
قال حسن
" احسن برضو "
قلتلو
" هوا اى ده الى احسن "
ادخل ابن خالتها 'محمد' وقال
" على العموم الف الف مبروووك على نجاحك وعقبال ما تبقى ناجح فى شغلك "
قلت
" ان شاء الله "
وبصيت على وش' ريم ' لقيتها سرحانه وفى عالم تانى اخر
بصيتلها وقلت
" عقبالك ياريم لما تتخرجى "
قالت وهيا بتضحك ضحكه سخريه
" وايه لزمتها عقبالك منك انت  ماهى كده كده انت مش هتبقى موجود "
قلت
" مش فاهم "
بصيتلى وقالت
" مش مهم تفهم ..بعد ازنك "
وقالت ل ابن خالتها
" يلا "
لكن قال 'حسن' قبل ما تمشى
" متنسيش تيجى الحفله بتاعت باليل "
قالت ريم  " صدقنى انا مش عارفه انا هاجى ولا لا ..بعد ازنك انا لازم امشى "
لكن قال ابن خالتها
" ثانيه يا 'ريم' هسأل على حاجه وجاى "
وهايدى راحت تقول حاجه لى 'حسن ' رحت لى 'ريم'
وقلت " ممكن اعرف انتى مدايقه لى بالطريقه دى "
بصت ليا وقالت
" وهوا انا كده مدايقه "
قلتلها
" اه مدايقه ..وبعدين مش احنا اتفقنا ان انتى متقفيش مع 'حسن ' هوا انتى لى بتخلفى بوعدك "
قالت بعصبيه شويه
" لا مش انا الى بخلف بوعدى ده انت ...انت الى كنت واقف مع 'هايدى 'مش انا وبعدين انا كنت واقفه وابن خالتى واقف جمبى يعنى مش انا وهوا لواحدنا وبعدين ملكش دعوه "
بصيتلها وقلت
" بعد كل الكلام ده ومليش دعوه "
قالت
" هتسافر امتى "
فرحت ان هيا بتسأل عنى لكن لما لقيت عنيها بدمع وعاوزه تعيط بس لى معرفش 
وجت هايدى و بتقول
" فى اى فى حاجه ولا اى "
وقالت 'ريم '
" بعد ازنك "
لكن راحت هايدى وراها وقالت لها علشان مسمعش لكن برضو سمعت وهيا بتقول  
" اظن كده انتى خسرتى كلو صحابك و مصطفى فى حد تانى ولا اى "
بصت عليا ريم وقالت
" لا ..هيرجعولى و مش هحاول اكلم معاكى اكتر من كده علشان انتى متستهليش "
ومشيت ريم قبل ما انطق معاها نص كلمه واعترف لها بكل حاجه بس جت هايدى وقالت
" انا مش فاهمه دى مالها "
بصتلها وقلت بنرفزه
''هوا انتى لى بتعملى كده معاها هوا انتى لى بتكرهيها للدرجه دى ..لا ده مش كره ده انتى بتغيرى منها عارفه ده معناه اى ان هيا احسن منك وبعدين انتى قلتلها ان هيا خسرتنى  لا انتى غلطانه هيا مش خسرتنى ولا هتخسرنى لا انا ولاول مره احب بنت زيها كده بصى انا كنت فى الاول بكرها كره العمى دلوقتى انا مبشفش غيرها وانتى يا هايدى بالنسبه الى ولا حاجه فهمتى "
وسبتها ورحت لى ريم الى كانت واقفه جمب عربيه لونها ابيض وجمبها بنت
" ريم ..معلشى عاوزك ثانيه "
بصيتلها البنت الى جمبها وقالت
" هوا مين ده "
قالت 'ريم' لى البنت الى واقفه معاها
" ثانيه  واحده "
وجت بعد العربيه بخطوه وكنت ناوى اطلع الكلام كلو دفعه واحده لكن كنت حاسس ان انا اهبل وزى ما كانت بتقول عليا انا كنت غريب اوووى فضلت واقف قدامها لغايه ما هيا قالت
" عاوز اى "
" بصى انا معرفش انتى زعلتى منى لى بس انا عاوز اقولك ان انا عمرى ما هسيبك زى ما هيا قالت ومهما الناس كلهاسبتك لوحدك  انا هفضل جمبك صدقينى بس لازم تكونى عارفه ان محدش سابك ولازم تواجهى الى اسمها هايدى دى وكمان تواجهى صحابك والمواجه دى مش ضعف على فكره زى ما انتى فاهمه ''
بصت لى وقالت
" ماشى...شكرا يا استاذ مصطفى "
بصت لها بطريقه غبيه وقلت
" استاذ  "
قالت " اه ..استاذ ..وبعد ازنك علشان الى معايا دى سوسه "
جه وقف محمد ابن خالتها وقال " فى حاجه ولا اى "
ولسه كنت هكلم.. لكن جه 'حسن ' وقال وهوا حاطط ايديه على دراعى
" هوا انت ازاى تكلم اختى بالطريقه دى "
ياربى هوا فى اى بصيتلو وقلتلو
" انا مكلمتش مع اختك بطريقه وحشه صدقنى لكن انا عرفتها هيا اى بالنسبالى علشان متتفاجئش "
قال محمد ابن خالت 'ريم'
" فى اى "
هوا انا هنا الى عاوز اسأل هوا فى اى واى اللغبطه الى انا فيها دى بصيت لى محمد وقلت موجه الكلام ليه
" مفيش حاجه يا استاذ محمد كل الحكايه وما فيها ان انا...."
وقطع كلامى حسن وقال
" هوا انت مش تخلص كلامك معايا انا الاول "
بصيتلو بأخر ذره صبر عندى وقلت
" نعم يا حسن "
لقيت الاستاذ سيف وعمرو جيين وبيقولو
" انت واقف هنا لى فى حاجه"
قلتلهم " لا بس هشوف حسن"
قال حسن
" انت مينفعش تكلم اختى بالطريقه دى "
بصيت على ريم ولقيت ابن خالتها بيقول ليها
" هوا فى اى "
قلت موجه الكلام لى محمد
" ولا حاجه صدقني "
مسكنى حسن من دراعى وقال
بعصبيه
" هوا مش انا بكلم معاك ولا انت مبتفهمش "
بصيتلو وكان خلاص نفذ صبرى وقلت بصوت عالى
" عاوز اى يا حسن اسمع اختك بنى ادمه بارده وانا لا يمكن احبها وبعدين دى بنى ادمه انانيه ومبتحبش الا نفسها ومينفعش حد تانى يحبها وبالذات انا ...انا نفعش لى اختك وبعدين انا بحب واحده تانيه ...انا اسف وياريت تقول كده لى اختك "
بصيت على وش' ريم '
وهنا لقيت الابتسامه على وشها الابتسامه الى المفروض تبقى على وشها دايما طول ما انا عايش وعلى وجه الارض
ده كمان صحبها واقفين وكويس ان هما كانو سامعين كمان الكلام الى اتقال على هايدى لان دى الحقيقه ....
اما لما بصيت على وش حسن
كان صعب يتوصف دلوقتى اما هايدى الى كانت واقفه قبلينا كانت بتعيط انا لاول مره اعرف ان انا حلو اوووى كده والبنات كلها هتموت عليا
احم نرجع تانى لى الموقف الى انا مش هطلع منه ده
بصيت لى محمد وقلت
" انا اسف ..لكن كنت لازم اقول كده لان انا ..
بببحب واحده تانيه مش هايدى ومش عاوز اجرحها بعد ايام او بعد سنين لما تعرف ان انا ناويت اتجوز واحده تانيه غيرها "
وهنا جه عمرو جمبى وقال بهمس وبصوت واطى
" خش فى الموضوع بقى يا مصطفى "
بصيت لى عمرو وقلت
" لا ..انا مش هكلم دلوقتى انا هقول لى بابا وماما الاول وبعد كده اروح اتقدم لها "
وقال محمد
" طيب خلاص كده كده دى مش مشكلتى ينفع اعرف انت كنت بتكلم مع 'ريم' عن اى "
قلت " اه طبعا .."
وقطعت كلامى وقالت 'ريم '
'' كنت بسألو على حاجه فى البحث بتاعى الى انا هعملو "
استغربت من كدبتها بس ما علينا
قال سيف
" طب على العموم احنا لازم نمشى علشان عاوزين نخرج "
قال محمد وهوا رايح ياتجاه العربيه " واحنا برضو لازم نمشى ..بعد ازنكو "
لكن قالت 'ريم '
" ثانيه يا محمد انا لازم اقول حاجه لى اصحابى  "
بصلها وقال
" انا كده هتأخر "
وقالت البنت الى كانت واقفه مع ريم فى الاول الى ريم قالت عليها سوسه قالت موجه الكلام لى ريم
" خلاص تبقى تيجى انتى بقى احنا مش هنستناكى "
بصيتلها ريم وقالت
" وانا مقولتش لحد فيكو يستنانى "
وقال محمد
" طيب ..سلام "
وراحت ريم عند غزل وقعدت تتكلم معاها وبعد كده هما الاتنين راحو بأتجاه لقاء وصدفه ويارا وغرام وقعده يكلمو مع بعض حوالى
عشر دقائق وبعدين اتبادلو مع بعض الاحضان اما انا كنت طاير من السعاده علشان رجعت من تانى ابتسامه احلى ' ريم '.....