على الحلوه والمره

الحلقه الثالثه والعشرين (اعتراف)

اما عنى انا معرفتش انام خالص انا خلاص بقى قلبى معاها اه ..بس يا ترى هيا كمان بتحس بلى انا بحس فى
مستحيل تكون دى البنت الوحيده الى دخلت قلبى على طول ازاى وانا كنت بكرها كره العمى اى الى انا بعملوه فى حياتى ده اه
انا باصص لى القمر وانا متخيل ان القمر هيا ..هيا ده هيا كل حياتى وكل حياتى هيا
" احببتكى اد السماء اد النجوم
اد الرمال اد الغيوم اد اوراق الشجر اد نقطه المايه الى بتنزل من السماء فى الشتاء اه
ريم انتى كل حياتى "
بحبك اد البحر وسمكاتوه
بحبك اد الليل ونجومه
بحبك اد البحر واليابس
بحبك اد الحب وروياته
بحبك اد القلب ودقاته
انا اعترفت ان انتى حبيبتى
انتى اول حب فى حياتى يا ريم ..اه ياريم لو تعرفى الى جوايا كنت خلصت من هم غير الدراسه
" اى يا عم انت لسه منمتش "
" تعالى يا سيف "
" اى فى اى قاعد فى مزاج عالى انت اوووى انهارده "
" انا عاوزك تحسدنى ياسيف ب لله عليك "
ضحك سيف ضحكه هاديه وقال
" صعبان عليا المكان الجميل الى احنا هنسيبه ده خصاره"

" امال انا قاعد هنا لى علشان كده اشبع من المكان وغير كده يا سيف خلينا نروح نذاكر بقى
فى الكليه والبيت والواحد وحشه البيت "
حط ايدوه على كتفى وقال
" طب اى ..تعالى نصحى عمرو علشان نومه ثقيل واحنا عاوزين مش نتأخر على الاتوبيس "
اومت من مكان سرحانى ودخلت علشان احضر الشنط
قال عمرو بصوت متكاسل
" صباح الخير يا مصطفى"
" مصطفى منمش اصلاياعمرو"
ضحك عمرو وهوا حاطط ايدوه على وشوه
" لى مين الى واخد عقلك "
ضحكت وافتكرت وش ريم وهيا بتضحك
وقلت
"ولا حاجه هبقى اقولكو بعدين بس دلوقتى خلينا نروق الأوضة
زى ماجينا ولقناها نظيفه نسيبها نظيفه "
ضحك سيف وقال
" انت مش هتغير العاده دى"
هزيت راسى ب لا
وكملت ترويق السرير بتاعى وحضرت حاجتى
وطلعت اودع المكان الى احنا قاعدين فى وانا واقف فى البلكونه وشميت شويه هوا يردو الروح ويخلى الى عندوه اكتأب يبقى بنى ادم لسه مولود
جالى من ورايه عمرو وقال
" انت مالك بقى قول "
ابتسمت وقلت
" ولا حاجه يا بنى كل الحكايه وما فيها ان انا .."
" مصطفى ..عمرو تعالو .."
دخلنا على صوت سيف وهوا بينادى
" فى اى يا بنى خير "
قال بمنتهى البرود
" المستر قال يلا علشان الفطار
قبل ما نمشى يا عسل انت وهوا خلص قبل ما الاتوبيس يجى وهاتوا معاكو الشنط "
اخدنا الشنط وغيرنا هدمنا ونزلنا علشان نفطر وبعديها اروح على البيت والجامعه وحياتى الحلوه العاديه مع انى خايف الى انا مقدرش اشوف ريم ولا حتى فى الكليه بس مش مهم الى القدر رايدوه هيكون ...
نزلنا على السلم بعد ما قفلت الاوضه بلكارت وانا نازل شوفت هايدى بس نزلت عادى من غير ما اكلمها لاكن
" مصطفى.. استنى "
وقفت فى مكانى انا وسيف وعمرو وبعدين سيف غمزلى فى دراعى وقال
" يلا يا عمرو انا وانت ننزل "
بصيتلوه وقلت
" استنى ننزل سوا"
قال
"لا ياعمنا احنا جعانين "
ومشيوه الاندال
بصيت لى هايدى وقلت
" اهلا يا هايدى عامله اى"
ردت وهيا متفائله اوى
" انا بخير طول ما انت بخير"
ابتسمتلها وقلت
" اى فى حاجه "
قالت
" ثانيه واحده "
ونادت على غرام الى هيا اصلا كانت صحبت ريم انا بقى هايدى بلنسبالى عامله زى الحربايه علشان قلابه زى الحربايه بالضبط.. جت وقفت غرام وقالت موجه الكلام ليا
" اى ده مصطفى "
ابتسمت وقلت
" امم هوا فى اى بقى يا هايدى علشان المفروض نلحق نفطر قبل ما الاتوبيس يجى "
بصت لى وقالت رد انا كنت عاوز اخنقها لما سمعتوه
" اصل انا كنت عاوزه انزل معاك ..ولو ممكن تشيلى الشنطه دى علشان ثقيله "
اه وانا قادر اشيل الشنطه بتاعتى شلت الشنطه بتاعتها
وهيا كانت ماشيه جمبى ووراها غرام وصبتها مريم
كانت بتقول كلام انا مش سامع نصوه اصلا وواحنا نازلين فى اخر دور لقيت احلى بنت فى الدنيا بالنسبالى انا اميرتي ريم
ادورت لما سمعت صوت هايدى
بصت عليها وبعد كده مهتمتش وبعديها راحت جت باصه تانى وفتحت عنيها بطريقه غريبه
طلعت صحبتها الى اسمها لقاء
وغزل وصدفه ويارا الى اسمها لقاء دى غمزت لى ريم فى دراعها وجت مسكت الشنط وجايه فى اتجاهنا وقالت يارا
" بعد ازنكو "
بصتلها غرام وقالت
" القط مبيحبش الى خناأه"
بصتلها يارا ورفعت حواجبها وبعديها قامت معركه حلوه اوووى وكنت فيها انا الولد الوحيد ....