و بعيونك غرقت

‏مِنك الرضا و فيك الحياة ولك قلبي وأنا

قبل لا نبدأ....
ترجمه كلام صقر في البارت الي قبل :
انتي اجمل امرأه رأيتها في حياتي
و بس والله :)

-

نزل صقر و يده بيد ليان يبتسمون بوجه الحضور
و تحت نظرات و صدمه الكل
رحب الجد فيهم الاثنين

كانت أنظار الكل عليهم و همسات ما بينهم و بين أنفسهم

وليد بإنبهار :
ذي ليان؟
سطام :
والله طلعت صاروخ
شاهر و هو ضاغط على اعصابه :
اذكروا ربكم
طلال بخفوت :
ما شاء الله تبارك الله
حمود و هو يناظر في عيال اعمامه بسخريه :
سلامات شفيكم كذا؟ ترا مو اول بنت تشوفونها
مصعب بحده :
البنت حلوه ما ننكر بس غضوا بصركم لا بارك الله بتربيتكم

سطام بتفكير :
يعني طلع ذاك صقر و ليان هم الي مع بعض
وليد بغيض طفيف :
طيب ليه ما جدنا خلاها نفسها نفس بقيه البنات تاخذ من العيله؟
حمود :
صبر صبر!! من متى جدك يجبر البنات ياخذون من العيله؟
طلال :
خلك منه تلقاه مقهور لان الحلوه ذيك مو من نصيبه
وليد بضحكه عصبيه :
انا؟ و ليه احط عيني على وحده ما اعرف عنها الا اسمها؟

كان شاهر يسمع كلامهم و عيونه على ليان و صقر الي يتكلمون مع جده

"في شي غلط، ذا مو طبع ليان"
قال شاهر بنفسه
قاطع تفكيره يد سطام الي انحطت على كتفه
سطام بابتسامه :
لو ما كنت اعرف انها اختك كان قلت بنفسي ذا يحبها
ابعد شاهر يد ولد عمه و قال ببرود :
و نفس ما قلت هي اختي

-

شيماء :
بنات ذي اول مره اشوف ليان من سنين
رغد :
حتى انا بس متأكدين انها ليان؟ ما شاء الله عليها جميله
دانه :
و من كلام امي عنها إن جدي يحبها مره
شيماء :
اي حتى امي قالت لي انا و رغد

كانت إسراء تسمع كلامهم و الحقد ياكلها من داخل

إسراء بنفسها :" طيب يا ليان ماخذه ولد من عيله عاصم؟ و غير كذا طالعه بذا الشكل الي يلفت الانظار، ان ما خليتك تعظين الأرض من قهرك ما اكون اسراء

إسراء بابتسامه مصطنعه :

لا يغركم وجهها لان أخلاقها مب زينه
العنود بضحكه :
لا نحكم قبل لا نكلمها
دانه :
اي صادقه العنود

تكلمت إسراء بسرعه :
بنات هي تسببت بطردي من بيت جدي
ناظروا البنات فيها بإستغراب
اخفضت إسراء راسها تصطنع الحزن و قالت :
تخيلوا كيف تبلت علي عند جدي و قالت له كلام بعمري ما سويته

العنود بتفاجؤ :
امانه!!
هزت إسراء راسها بحزن
دانه بعصبيه :
وش وضعها ذي؟ بس لان جدي يحبها مو معناه تتكبر و تشوف نفسها علينا