و بعيونك غرقت

رحلة "3"

جا يوم الرحله و كان الكل متحمس
كان المعلمين ينظمون الطلاب في الباصات و عمال ياخذون شنط الطلاب
و المكان كان فوضى

كانت نائله تدور عن البنات بس ما لقت احد
و حست احد يمسك يدها
لفت وراها
فهد بابتسامه هادئه :
ضايعه؟
نائله :
لا بس ادور عن صديقاتي
فهد :
تعالي ندور عليهم مع بعض

سحبت يدها من يده و قالت بحرج :
ما يحتاج
هز فهد راسه بتفهم و ابتسم مره ثانيه :
تمام

مشي عنها و لمح خويانه واقفين يتشمتون عليه
قلب عيونه بملل و راح لهم

.....

كان زياد جالس بالباص يراقب الطلاب و جنبه خويه طارق
توسعت عيونه لمن لمح ليان داخله
زياد بترجي :
طارق ياخي قوم
ابتسم طارق :
والله لازم مقابل
زياد بعصبيه :
الي تبيه بس قوم

وقف طارق و راح مكان ثاني
مما خلا زياد يلوح لليان
زياد بتلهف :
ليان اقعدي هنا

من ناحيه ثانيه
ليان الي أخلاقها قافله و تحس نقطه و تفجر الباص بلي فيه بسبب انهم حطوها بباص لحالها بدون صديقاتها و غير كذا ما افطرت ولا نامت زين

ناظرت فيه بعيون بارده مما خلا زياد يحس بقبضه بقلبه
جلست جنبه بعد ما سلمت
رد زياد السلام و ابتسم :
كيفك؟
ليان :
تمام
زياد :
متحمسه؟
اخذت ليان نفس و قالت :
اي

طلع زياد سماعه من شنطته و قال :
تبين تسمعين معي؟
ناظرت ليان فيه بإنزعاج و قالت :
زياد تكفى اسكت
حس زياد بقلبه ينقبض اكثر و اكثر
أسندت ليان راسها على ورا و تخز الرايح و الجاي

........

دخل عبد العزيز و صقر الباص
لمح عبد العزيز أمجاد و لها
عبد العزيز بفرح :
الله!! انتي معي!!
ابتسمت أمجاد :
اي
ناظر عبد العزيز في رماس الي كانت جنب أمجاد
اما رماس فلا حياه لمن تنادي متجاهله نظراته الي تترجاها انها تقوم و تخليه يقعد جنب معشوقته

اما صقر صار يدور بعيونه عنها بس خاب أمله لمن اكتشف انها مو موجوده

.....

دخل سلمان الباص و هو يتأفف حتى لمح ليان بس كشر لمن لمح زياد قاعد جنبها و استغرب من وجود ولد جنبها
مشى ناحيتها و تنحنح
ناظرت ليان فيه و رفعت حاجبها بمعنى نعم؟
سلمان بابتسامه :
ابد والله بس لمحتك و قلت خلني اسلم عليك
بعدها طلع من جيبه بسكوت و عطاها
ابتسمت ليان بفرح و ناظرت فيه و في البسكوت كأنهم كنز :
ذا لي؟
سلمان بضحكه :
اي لك، وجهك واضح انك ما كليتي شي
حطت ليان يدها على وجهها و قالت بحرج :
وش تقصد؟
سلمان بابتسامه مستفزه :
وجهك تتصافق قدامه الشياطين
كشرت ليان بوجهه و اخذت البسكوت منه و بدت تاكل