و بعيونك غرقت

مِنك الرضا و فيك الحياة ولك قلبي و انا "3"

دخلت ام ليان على بنتها تستعجلها لان الضيوف بدأت توصل
دخلت و شافت حولها رنيم و مرام ريم يجهزونها
و ما كان عليها الا انها تذكر الله لجمال بنتها
ام ليان بإنبهار :
ما شاء الله عليك يا بنتي طالعه نفس القمر قبل لا تطلعين قولي اذكارك و سمي بالله لا تجيك عين

ابتسمت ليان لكلام امها و أشرت على خشمها بمعنى على هالخشم
طلعت ام ليان
مرام بحماس :
الله تحمست اشوفك تنزلين للناس بطلتك ذي و الكل ينبهر فيك
رنيم بضحك :
و نتبختر فيك قدام الكل
ليان بضحك :
والله ودي احط راسي و انام بدل ذا كله
ريم بنهر :
بعد ذي الساعات الي قاعدين فوق راسك نجهزك و تبين تنامين؟!
ليان :
امزح يا عيوني امزح
ريم :
اي حسبت

سمعوا دق باب

رنيم بهمس :
مين جاي؟
ليان :
مدري بس قولي له يروح
توجهت رنيم ناحيه الباب و فتحته
تفاجأت من الطول المهيب للشخص الي قدامها و بلعت ريقها

صقر بهدوء :
وين ليان؟
رنيم بتوتر :
ان شاء الله تطلع قريب، دقايق بس
اومئ صقر و راح
قفلت رنيم الباب و حطت يدها على صدرها و لفت على البنات

ليان :
مين كان؟
رنيم بهدوء :
ليون كيف ما تقولين لنا انو حبيبك حلو كذا؟
مرام :
قلت لكم انه حلو مره
ريم بقهر :
طيب انا بعد بشوفه شذا الحظ
ليان :
هي هي هي مين الحلو و مين الحبحب ذا؟ عن وش تتكلمون؟

ناظروا فيها و قالوا بصوت واحد :
حبيبك
عقدت ليان حواجبها تستوعب مين يقصدون و استوعبت انهم يقصدون صقر و قالت :
اهااا
مرام :
وش الـ اها نبي تفاصيل علاقتكم
تكلمت ليان بسرعه :
يا حبيبتي تراني تأخرت على المعازيم و انتوا تبون قصه عشان امي تدخل علينا بقنابل
ريم :
صادقه يلا نخلص عشان تنزل بسرعه

-

رجع صقر لأهله
ياسر بهمس :
وينها الحب؟
صقر ببرود :
تتجهز
و بعدين ناظر في امه و قال :
يلا طلعت لها و رجعت بدونها رضيت؟
ام صقر :
يا ولدي خلك رومنسي شويتين بدل ذا البرود الي داخلك تبي بنت الناس تنفر منك يعني؟

كشر صقر و لف وجهه الناحيه الثانيه بضيق من كلام امه
و ناظر حوله و قال :
الحين ليه مخلين الحفله ذي بالحديقة و قاعتهم تكفينا؟
ام صقر :
مدري يا صقر
صقر :
و ليه ما يكتفون بحفله وحده و يفكونا يعني لازم حفلتين؟
تنهدت ام صقر و قالت :
يا صقر والله مدري
صقر :
طيب و ليه....
قاطعته امه بعصبيه :
كلمه ثانيه وربي بالكعب الي في رجلي ادخله في حلقك بس اسمعك تتكلم
اومئ صقر عده مرات لان يعرف انو امه تطبق تهديداتها
ضحك ياسر و قال :
تستاهل
لفت ام صقر على ولدها الثاني و قالت :
و انت بعد ترا بتتصفق معه