و بعيونك غرقت

أنا الشاردُ في تفاصيلك "2"

ابد والله بس حبيت كيف مره اخليكم تكرهون شاهر و مره تحبونه 😭
المهم استمتعوا......

-

دخلت ليان قصر جدها على ترحيب مريم و رنيم و مرام

ضمتهم ليان بشوق كبير و صار فيه صخب عند المدخل

؟؟؟ :
وش ذا الازعاج؟

رفعت ليان راسها على الصوت الصارخ و كانت متشائمه منه لأنها تعرف صاحبته

إسراء بعصبيه و نازله من الدرج :
لذا القصر قواعد و اهمها انو الخدم هم خدم و شكل حظره جنابك ليان بنفس مستواهم عشان تصادقينهم

أخذت ليان نفس عميق و ابتسمت تحاول تمسك نفسها :
هلا إسراء كيفك؟

إسراء بتكبر :
بخير

ناظرت ليان في البنات تنتظر تفسير عن سبب وجود إسراء، لأن آخر علمها انو جدها طردها منه

قربت إسراء من ليان و عيونها على رنيم و مرام و مريم و مو ناويه خير ابدا

بس وقفها شاهر الي مسك يدها
شاهر بابتسامه :
الله!! إسراء انتي هنا!! ما توقعت ابدا وجودك
والله اشتقت لوجودك بذا المكان

ارتبكت إسراء منه و ما عرفت وش ترد عليه

استغلت ليان الفرصه و خذت أغراضها و انطلقت لغرفتها

تنفست ليان الصعداء بعد ما قفلت الباب وراها

ليان :
ذي وش جابها؟ مو جدي طردها؟
مرام :
ما تدرين؟ رجعت عشان الاحتفال
ليان بإستغراب :
اي احتفال؟
رنيم :
شكل مخك مضروب بعد الدراسه، بس الاحتفال السنوي لتأسيس الشركه و بتكون كل العيله موجوده و مو بس كذا و بعد بتجي عوائل الشركات المتعاقدين معهم
ليان :
اهااا اي عرفته
مريم بتفكير :
لاحظت اني ولا مره شفتك بالاحتفالات
ليان بعد ما رمت نفسها على السرير :
لاني خلقه ما احب الاحتفالات ذي
رنيم :
ليه؟
ليان :
ممله و مو جوي
مرام بضحك :
معليه ترا حبيبك بيكون موجود عشان يونسك

رفعت ليان راسها بإستغراب و فجعه :
اي حبيب الله يهديك؟
جلسوا على سريرها و ناظروا بعض بخبث و قالوا بصوت واحد :
صقر

عدلت ليان جلستها و صارت تناظر فيهم بفهاوه
و مر ببالها كلام صقر لمن كانو بالممر
" لا تنسين موعدنا اليوم بعد المغرب"

فزت ليان و قالت :
بنات متى يبدأ الاحتفال؟
مريم :
كالعاده اليوم عالمغرب بيكون للعيله بس اما بكرا بيكون مع العوائل الثانيه