و بعيونك غرقت

مهرجان الربيع "2 "

يلا let's go

لاتنسون النجمه ★

و استمتعوا..........

-

التفت صقر يشوف مين الي صقع فيه
و عرف انها ليان
عقد حواجبه بعصبيه و كانت أخلاقه قافله منها

رفعت ليان عيونها له و فجأه ابتسمت لمن ناظرت وراه

انطلقت بسرعه ناحيه اخوها الي كان مع امها و ابوها و عالطول ضمته بقوه و صارت تدور فيه و سعادتها وصلت للسما

كان صقر يراقبها و حواجبه معقوده بيعرف وش علاقتها بالطفل الي معها

فهد بابتسامه :
الله ذا هو اخوها عمر
عبد العزيز :
ياربي كانت مره متحمسه تشوفه
فهد :
واقلبوش ودي اكل خدوده
عبد العزيز :
اص وربي تذبحك انت تدري انها الأخت القيوره
سعود :
وش قاعدين تقولون؟
سلمان و هو يحك راسه :
والله الي فهمته ان ذا اخوها و سلامتك

جا جد ليان و ابتسم لما شافها
ناظرت فيه ليان و ابتسمت له و سلمت عليه
جدها :
والله شاطره بنتي سألت كل المدرسين عنك و ما سمعت الا الخير
ليان :
الحمد الله

انتبه صقر لـ جد ليان و مشى ناحيتهم

صقر بابتسامه :
السلام عليكم كيف حالك؟
جد ليان :
يا هلا وغلا فيك من بعد شوفتك صرت بخير
فتحت ليان فمها و هي تناظر فيهم
ليان بابتسامه :
اي كيف تعرفون بعض؟
جدها :
ابوه رئيس شركه انا متعاقد معها و انتوا تعرفون بعض؟
كانت ليان بتنكر بس يد صقر الي اتلفت حولين كتفها صدمتها و خلت لسانها يجمد مكانه
صقر بابتسامه :
اي صديقتي هي
فتحت ليان فمها بصدمه و بعدت يده و قالت :
وجع لاا
عقد جدها حواجبه بعصبيه و قال :
ليان وش ذا الأسلوب؟
ليان :
بس ما يكذب و يقول كذا
ابتسم صقر بخبث و قال :
افا ليان للحين زعلانه مني؟
بققت ليان عيونها و صارت تناظره بـ "انت تمزح؟"
ليان :
يا روح امك اقص يدي اذا ما كانت ذي اول مره تنطق فيها اسمي
صقر :
لا شدعوه ليان مو لذي الدرجه زعلانه بسبب شي
جا عمر جنب ليان و صار يناظر بصقر
شالت ليان عمر و ناظرت بصقر من فوق لتحت و بعدين ناظرت بجدها و قالت :
اعذرني جدي بروح

عطتهم ظهرها و مشت
رفع عمر يده و حركها بمعنى باي
ابتسم صقر لا شعوريا عليه و صار يراقبهم لما اختفوا بين الطلاب

دخلت ليان الفصل و ابتسموا البنات لمن شافوا عمر
نزلته ليان و ناظر فيهم و ابتسم
ليان بابتسامه :
يلا روح سلم عليهم
مشى عمر ناحيتهم
نزلوا لمستواه
نائله بحلطمه :
ياربي مره كيوت ليان ابي اكله
ليان بصرامه :
لا
رماس بابتسامه :
حيو عموري كيفك؟
رفع لها عمر أصبعه الإبهام بمعنى انا بخير
أمجاد :
ليان تكفين مره كيوت
وضحى بضحك :
للمره المليون متأكده انه اخوك؟
ضحكت ليان و قالت :
انقلعي اكيد اخوي و بعد ولدي
دخل عبد العزيز و فهد الفصل و هم يتهاوشون
فهد بإنزعاج :
إبعد عن وجهي يا شيخ خلني اشوف اخوها
ضربه عبد العزيز على كتفه و قال :
اقول بس ترا لمن قلت اني بروح لحقت وراي و لصقت فيني
تجاهله فهد و قرب من عمر و نزل لمستواه و مسح على راسه بهدوء و همس بينه وبين نفسه
" تذكرني براشد الله يرحمه"
امتلت عيونه بدموع غمض عيونه قبل لا تخونه دمعه و تنزل
وقف و ناظر ب ليان و قالها :
الله يحفظه لك انتبهي عليه
و عالطول طلع
عرف عبد العزيز وش فيه و حس بالحزن بس عشان ما يبين شي لهم ابتسم
وضحى :
يمه ليه كذا طلع؟
عبد العزيز :
هو جا بسرعه عشان بيشوف اخوها ولا اصلا هو عنده أشغال كثيره
عرفت نائله انو فيه شي و طلعت وراه