و بعيونك غرقت

مقلب

استمتعوا.....

☽︎❤︎☾︎

دخلت ليان غرفتها بسرعه و صارت تبدل ملابسها
لبست بلوزه واسعه و بنطلون فضفاض
رفعت شعرها و ربطته عالسريع
و كانت بتطلع بس استوعبت انها حافيه و نست جزمتها عند أمجاد

فتحت الباب و لقت أمجاد بوجهها و متكشخه
فتحت ليان فمها و قالت :
لازم تعلميني كيف تخلصين بسرعه
أمجاد بابتسامه :
لا يكثر و خذي جزمتك و بسرعه نلحق على الفصل
ليان بحلطمه :
ياخي ما افطرنا
أمجاد :
والله لو اننا صحينا بدري كان اكلنا
ناظرت ليان بساعه جوالها و صارخت :
وجع تأخرنا
ركضت ليان و استوعبت انو أمجاد وراها واقفه
ليان بصوت عالي عشان تسمعها أمجاد :
وش فيك؟ اجري ترا اول حصه رياضيات
أمجاد و هي تمشي بخطوات سريعه :
طيب روقي و تجرين كذا عشان محد يتكلم عننا
ليان :
يا شيخه الحين يهمك كلام الناس؟ اقول بس أجري ولا يكثر
مسكت ليان يد أمجاد و صارت تجري بسرعه
أمجاد بصراخ :
ليان!!
صارت ليان تضحك و هي تجري
وصلوا لباب الفصل و صاروا ياخذون انفاسهم
دقت ليان الباب و بعدين فتحت الباب
استاذ الرياضيات :
مافي دخله للفصل علين ما تروحون للمدير يعطيكم ورقه تدخلكم فيها الفصل
ليان :
طيب يا استاذ....
استاذ الرياضيات بصوت عالي :
برا
أمجاد :
والله ما نعيدها
حط استاذ الرياضيات الكتاب فوق الطاوله و راح ناحيتهم
استاذ الرياضيات :
اعيد كلامِ؟
ناظرت ليان فيه بحقد و كانت بتعانده
بس أمجاد سحبتها و طلعوا برا الفصل

تنهدت ليان و ناظرت بأمجاد و قالت :
الله ياخذه ابو كرش ذا
أمجاد :
تكفين ليان مابي اروح للمدير اخاف
ليان :
خلنا نروح له و انا بتكلم
أمجاد :
تمام

دقت ليان باب المدير و اذن لهم بالدخول
دخلت ليان بابتسامه و سلمت
رد المدير عليها السلام و قال :
توه نور المكتب
ليان بابتسامه :
بنورك
المدير :
اي وش سبب التأخير بذا الصباح لان الاستاذ ارسل لي انك متأخره مع زميله لك بالفصل؟
عبست ليان و ارخت راسها بحزن و قالت :
والله اني متفشله من جيتي هنا بس وربي يا استاذ انها غلطه و مارح تنعاد و انت تعرف مستواي الدراسي و انو ولا مره بعمري تأخرت بأي حصه بس استاذ الرياضيات شخصنها معنا انا و صديقتي
المدير :
طيب وينها صديقتك؟
ليان :
برا عند الباب واقفه
المدير :
ليه ما تدخل؟
ليان :
تتوتر و قلت انو احسن وحده تفهمك الموضوع
المدير :
تمام يا ليان بعطيك ورقه تدخلك الفصل و اوعديني انها مارح تتكرر لا منك ولا من صديقتك
ابتسمت ليان و قالت :
شكرا جزاك الله خير

طلعت ليان و معها الورقه
أمجاد :
يلا خلنا نرجع
ليان بتنهد :
تكفين يتعب لمن تمثلين اللطف
أمجاد بضحكه :
ليان انتي خلقه من الله فيك لطافه بس ما تطلع الا مع الي تحبينهم
ليان :
اقول بس امشي عشان احشر ذي الورقه بعيون ابو كرش