و بعيونك غرقت

تحت المطر

صقر :

سحبت يدها من يدي بالقوه و عينها تطلع شرار

ذي الايام مدري وش افكر فيه!!
اتوقع بديت انجن

صارت تمشي بخطوات متسارعه

و انا اراقبها بخفوت

" احتاج اطلع من هنا"
تبادرت ذي الكلمات لعقلي و سرعان ما لقيت نفسي راكب سيارتي و منطلق لبرا ذا المكان

مدري كيف انتهى بي الحال في مكاني السري

او بالأخص ارض متوسطه الحجم اشتريتها من سنوات عده من فلوسي الخاصه
ارض فارغه و تطل على البحر

نزلت من سيارتي تارك اغراضي كلها فيها

و مشيت بخطوات هادئه ناحيه البحر

قعدت قدامه و اخذت نفس عميق

ذا المكان محد يعرف فيه ابدا
يعني لو مت محد بيلقاني الا بعد فتره طويله

صرت افكر بالمشكلة الي انا فيها

تصرفاتي

من فتره و انا اتجنبها
كل ما اشوفها بطريقي اروح من طريق ثاني
و اذا لمحتها اصد عنها
بمجرد ما اسمع صوتها اقفل اذاني حتى ما اسمع كلمه منها

بس هي نشبه تطلع بكل مكان
قدامي، بالممرات، بالأماكن الي اروحها
و حتى في تفكيري و في الهوا و غرفتي

بديت انجن من الي انا فيه

اما هي!
ولا يهمها

كأن ما في الدنيا غيرها

متى بدأ كل شي؟

اللحظه الي طلعت فيها من مكتب المدير و انصدمت فيها
ذيك العيون السود

فور تلاقي عيوني بعيونها و اخخ يا عيونها تم أسري
و اذا طلعنا من عمق عيونها تلاقي ملامح وجهها المتناسقه
كأن الله أنعم عليها بالجمال

المشكله جمال الوجه بس وساخه لسانها الطويل تخرب كل شي

تصرفاتها و اسلوبها الهمجي خلتني انفر منها بالبدايه

تعجبني البنت الانثويه و الرقيقه الي تخليك تلقائيا تحميها و تذوبك بأنوثتها

بس هي مدري كيف
طيش و هباله و جنون تحسسك كأنها مجنونه بالتصرفات الي تسويها

او عصبيتها الي مدري كيف

وربي قنبله مو بشر
تعصب على اتفه الأسباب

لو مو شكلها و معرفتي ب أهلها لكنت جزمت انها ولد بشكل انثى

اخذت نفس عميق

بس بعد هذا كله.....انجذبت لها

كان لها سحرها الخاص

مو عشانها حلوه...لا....و مليون لا