و بعيونك غرقت

رحلة

دخلت غرفتها بهدوء مغلقه الباب وراها
جلست على سريرها و ذهنها شارد
مو مستوعبه كلماته
هي مو غبيه لذي الدرجه حتى ما تفهم مغزى كلامه

غطت وجهها بيديها و الحمره غمرت وجهها
صارت تتقلب في سريرها بعشوائيه
جلست مره ثانيه و اخذت تنظم أنفاسها
و بعدها ناظرت في نفسها و شافت جاكيته

طبعا ذي مو اول مره احد يتغزل فيها بس ما كانت تتوقعها منه بالتحديد
خلعت الجاكيت و علقته حتى يجف
و دخلت الحمام تتحمم

-

جا اليوم الثاني و استغربوا البنات عدم وجود ليان
رماس :
قالت لاحد انها بتغيب؟
وضحى :
لا والله ما قالت
أمجاد بقلق :
انتوا تعرفون انها مو من النوع الي يغيب خوفي شي صار
نائله بتململ :
تلقونها مريضه لأنها لعبت تحت المطر لا أكثر ولا أقل

رن مكبر الصوت يدل على وجود اعلان مهم
سكت الكل ينصتون بإهتمام
المدير :
صباح الخير للجميع اليوم حاب أعلن لكم انو ابتداء من الاسبوع الجاي بنروح للرحله لجميع الطلاب

تعالت أصوات الحماس و الفرحه بين الطلاب
و الكل متشوق لمعرفه مكان الرحله

دخلت هانا الفصل و قالت بحماس :
اكيد سمعتوا الإعلان و حابه ازيد فرحتكم بفرحه من عندي، اليوم بتتمرنون مع طلاب الفصل الثاني لان ما عندهم شي بالصباح فقلت أخذكم مع بعض
فهد بهمس لعبد العزيز :
تقصد فصل البهايم حقينا صح؟
اومئ عبد العزيز له

ناظرت هانا للكل و حست بنقص
هانا بإستغراب :
وين ليان؟
احد الطلاب :
غايبه
هانا :
غريبه عليها
تكلمت طالبه بإستهزاء :
استاذه هانا الحين ما لاحظت الا غياب ليان؟ ترا فيه طلاب غيرها غايبين
ايدها طالب بكلامه :
اي استاذه لا يكون تفضلينها علينا
ابتسمت هانا و بدون اي مقدمات قالت :
اي أفضلها عليكم احد عنده مانع؟ و الي عنده يوقف و يتكلم

تجرأ احد الطلاب و وقف
قربت هانا من الطالب و قالت :
الحين انت اكثر واحد يتغيب عن حصصي و يطلع اي عذر عشان ما يشارك في التدريبات و اذا شاركت السلحفاه ادائها احسن من ادائك و........
صارت تعدد سلبيات الولد و بعدها قالت :
الحين تجي انت تقارن نفسك ب ليان؟ الي فازت بالمسابقه و دايما متعاونه معي و أكثر وحده فيها روح المنافسه اوصل مستواها بعدها تعال تكلم

جلس الطالب بعد ما تفشل و حس بالإهانة و بعض الضحكات بين الطلاب تدل على السخريه منه
عبد العزيز بهمس لفهد :
يستاهل محد قاله يتفلسف

طلعوا بعد ما بدلوا ملابسهم

من ناحيه ثانيه ~~~