[Unicode]
🎶 အိပ်မက်စေတမန် ညှင်းသွဲ့ဝန်းရံ လေသွေးပြန်
ဥဩတွန်သံ ကြားရလေမှ နိုးထလာခဲ့ပြန်
ဪ သင်္ကြန် . . . . အဖော်ကင်းပြန်
တီးကြ ဆိုကြ ကကြ ရပေဦးတော့အမှန်
နှစ်အကူး ရွှင်မြူးလေတဲ့သင်္ကြန် . . . . .🎶
လွှမ်းရတုမိုင်တစ်ယောက် မှန်ရှေ့မှာရှိုးစမိုးပြင်နေကာ ဘေးစားပွဲခုံမှာတင်ထားတဲ့ ရေဒီယိုကနေလာနေတဲ့ဦးဇော်ဝမ်းရဲ့ အိပ်မက်စေတမန်သီချင်းကို နားထောင်ရင်းလိုက်ညည်းနေသည်။
ဘာလိုလိုနဲ့ သင်္ကြန်အကြိုနေ့တောင်ရောက်လာပြီဖြစ်သည်။ဒီနေ့တော့
အဖေနဲ့မာမီက ရွာဦးကျောင်းကဘုန်းဘုန်းဆီမှာ ဥပုသ်စောင့်သွားကြပြီမို့ သူ့အတွက်လွတ်လပ်ရေးရတဲ့နေ့လည်းဖြစ်သည်။ဒါကြောင့် မနက်စောစောထဲက သန့်ပြန့်နေအောင်ပြင်ဆင်ပြီး ဇွဲရှန်တို့နဲ့လျှောက်လည်ကာ ကဲဖို့စီစဉ်ထားသည်။
Hoodie ခဲရောင်အပေါ်မှာမှShirt အကွက်လက်ရှည်ပွပွကိုထပ်ဝတ်လိုက်ကာ
ကာကီရောင်ဘောင်းဘီရှည်နှင့်တွဲဖက်ဝတ်ဆင်ထားသည်။ဒီဝတ်စုံကိုဝတ်ချင်လွန်းလို့ဟိုနေ့ကမှတောင်ကြီးကပြန်လာတဲ့ကိုမျိုးကျော်ကိုမှာလိုက်ရတာဖြစ်သည်။
"ဟဲဟဲ ချောလိုက်တာ ငါက"
ကိုယ့်ကိုယ်ကိုမှန်ထဲမှာပြန်ကြည့်ပြီးကျေနပ်စွာပြုံးပျော်နေစဉ် . . . .
"ဟျောင့် . . . .ငလွှမ်းရေ မင်းပြီးရင်လည်းထွက်လာခဲ့တော့ကွာ"
အိမ်ရှေ့ကနေအာပြဲနဲ့လာအော်နေတဲ့
ဇွဲရှန်အသံကြောင့် ဘေးကနေကာမျက်မှန်အမည်းကိုကောက်တပ်ကာ လွှမ်းရတုမိုင်ဆင်းလာခဲ့လိုက်သည်။
"လာပြီငနာရေ . . . ဘာလို့အဲ့လောက်အော်နေတာလည်း"
"မြန်မြန်လာ မဏ္ဍပ်မှာတောင်လူတွေစုံနေပြီ
မင်းဘဲကျန်နေတာ"
"အေးပါကွာ ငါနည်းနည်းတော့ပြင်ရသေးတယ်လေ ဒါနဲ့ စိုင်းသွေးရော"
"အဲ့ကောင်ကတော့ပြောမနေနဲ့တော့ ဒီနေ့အကြိုနေ့မှာ သူ့အမေနဲ့ဥပုသ်စောင့်လိုက်သွားတယ်လေ။ လာ . . . လာ သူ့အကြောင်းပြောမနေနဲ့ထော်လာဂျီပေါ်သာမြန်မြန်တက်"
YOU ARE READING
မှိုင်းငွေ့လွှမ်းခြုံချယ်ရီရိပ်မြုံ
Fantasyချယ်ရီတွေလည်းကြွေခဲ့သလို ကျွန်တော်တို့တွေလည်းဝေးခဲ့ကြတယ် အစ်ကို . . . . .။ Start Date - 15.12.2022 End Date - ? ? ? ? ? ခ်ယ္ရီေတြလည္းေႂကြခဲ့သလို ကြၽန္ေတာ္တို႔ေတြလည္းေဝးခဲ့ၾကတယ္ အစ္ကို . . . . .။ Start Date - 15.12.2022 End Date - ? ? ? ? ?
