[Unicode]
"ကျွန်တော်ကစိတ်ပူနေတာအမရေ ညနေတောင်စောင်းနေပြီ တော်ကြာမှောင်ရင်
မကောင်းတော့ဘူးလေ ....။အမတူအကြောင်းလည်းသိတယ်မလား အဆင်ပြေပြေ
ဘေးကင်းကင်းနဲ့ရောက်လာလို့တော်သေးတာပေါ့ ....."
"အမလေး .... ဒါတောင်ငါ့မှာလေယာဉ်ဆိုက်ပြီးနာရီဝက်လောက်ထိုင်စောင့်နေရသေး
သူရောက်မလာသေးလို့"
ဒေါ်ရတနာလွှမ်းက သူ့ဘက်ကိုမျက်စောင်းထိုး၍ပြောလာတော့ လွှမ်းရတုမိုင်ဘာအမှားမှမလုပ်ထားတဲ့အပြစ်ကင်းစင်သူလိုသွားလေးတွေပေါ်အောင်ရယ်ပြပြီး အဒေါ်ဖြစ်သူလက်မောင်းကိုချိတ်ကာကပ်ချွဲလိုက်သည်။
"ဟီး .... တီတီလေးကလည်း သားကအချိန်မှီရောက်အောင်လာပါတယ် ကလောဘက်တွေက
သိပ်မဆင်းဖြစ်တော့ကားမှားစီးမိလို့ နည်းနည်းလောက်နောက်ကျသွားတာပါဆို "
"သွားပါ .... မင်းဟိုဝင်ဒီဝင်လုပ်တယ်ဆိုလုပ်တယ်ပေါ့"
တကယ်တော့လွှမ်းကိုမာမီက
ရန်ကုန်ကအလည်လာတဲ့တီတီလေးရတနာကို ကြိုဖို့ဟဲဟိုးလေဆိပ်ကိုလွှတ်လိုက်တာဖြစ်သည်။သို့သော်လမ်းမှာလွှမ်းက ကလော view point ကိုဝင်ပြီးလည်နေတာနဲ့တင်ကြာသွားတာ . . .။သို့သော်ကိုယ့်အပြစ်ကိုမပြောရဲလို့ ကားမှားစီးတာဟုဘဲလိမ်လိုက်ရတာဖြစ်သည်။
"အဲ့တာသာကြည့်တော့အမရေ အဲ့ကလေးကိုဘယ်နေရာမှကိုစိတ်မချတာဘဲ ဒီဆိုဟိုဝင်ပြီးလွတ်တာနဲ့လစ်တဲ့ကလေးမျိုး"
"ကဲ မမလည်းပင်ပန်းလာရောပေါ့
ချယ်ရီ မမဖို့အခန်းပြင်ပေးထားတယ်
အိမ်ပေါ်မှာသွားနားရအောင်"
ဒေါ်ချယ်ရီလွှမ်းကအမဖြစ်သူ့ရဲ့ခရီးဆောင်အိတ်များကိုဆွဲကာ အိမ်ပေါ်သို့ဦးဆောင်ကခေါ်သွားသည်။အိမ်ဘေးကွက်ပျစ်တွင်ကျန်ခဲ့သည်ကလွှမ်းရတုမိုင်နှင့်ဦးစိုင်းလူးသာတို့သားဖနှစ်ယောက်တည်းပင်။
လွှမ်း မသိမသာဖင်လေးကြွကာကွက်ပျစ်ကဆင်းပြီးခြံထဲကလစ်ထွက်ဖို့လုပ်တော့ . . . .
"ဟိုကောင် ..... ဒါဘယ်လဲ"
"ဟီး ... ဟိုဇွဲရှန်တို့ဆီသွားခဏသွားမို့"
ESTÁS LEYENDO
မှိုင်းငွေ့လွှမ်းခြုံချယ်ရီရိပ်မြုံ
Fantasíaချယ်ရီတွေလည်းကြွေခဲ့သလို ကျွန်တော်တို့တွေလည်းဝေးခဲ့ကြတယ် အစ်ကို . . . . .။ Start Date - 15.12.2022 End Date - ? ? ? ? ? ခ်ယ္ရီေတြလည္းေႂကြခဲ့သလို ကြၽန္ေတာ္တို႔ေတြလည္းေဝးခဲ့ၾကတယ္ အစ္ကို . . . . .။ Start Date - 15.12.2022 End Date - ? ? ? ? ?
