انا عندي بدايتنا ؟ بداية عمرك وعمري

٢

هيام : خلاص بكرا نكلم جدي وعماني
فاتن : انا بروح انام اذا بتنامون عندي حياكم اذا لا اذا خلصتو صكرو كل شي واطلعو وقفلو الباب عشان ما القم هواش من ابوي
ميرا: فاتن انا و يمامه وهيام بنام عندتس
فاتن : قايلين ل اهلكم
هيام : ايه ما عليك
تمارة: بنات لا تنسون بكرا ترا بنروح المول نخلص كل شي ومعنى ترا ميسم و ليال
فاتن : زين بقول ل ابوي نا خذ السواق
رحات فاتن تنام وبعد نص ساعة سوو الي قالت لهم فاتن و راحو ينامون
من بكرا الجد وعياله جالسين ف الصاله يتقهوون جت زهرة : مسهم ب الخير
راحت تحب راس ابوها و الجدة نوره
الجد : الله يمسيتس ب الخير ابوي
الجده : الله يمسيتس ب الخير
البراء ابو آدم : هلا ب اخيتي
تركي ابو همام : ويين بنتنا الصيغيرونه لا تكون نايمه
جت افنان : دوك ايها لعبها شوي
الجده: ما قامو البنات
افنان : لا : ابوي ترا قالت لي فاتن انهم يبون يرحون المول اليوم عشان يخلصون اغراضهم
الجد ؛ زين انا ما احتاجه اليوم
افنان : اييي وبعد بيرحون معهم بنات ابو سعود
الجد : زين خليهم يخلصون مع بعض
تركي ابو همام : يبه تراني بروح الشركة وبيجي ابو سعود تروح معي
محمد ابو منصور: وش صار على الي بيجيك الشركه
البراء:تقصد عزام
محمد :اييه
البراء:كنسلنا
سلطان: لييه
الجد : شركتهم يتلاعبون ب الحسابت وشغلهم مهو مضبوط
محمد : اهه زين انه عرفنا قبل لا نسوي شراكة معهم
الجد : ايه يلا انا بروح مع تركي الشركة وانتم شوفو اذا امكم او خواتكم يبون شي ولحقوني الشركه
العيال: ابشر يبه
العصر البنات ف المول ليال وتماره وبيلسان مع بعض و فاتن وميسم واسرار ولولو مع بعض والثلاثي مع بعض الي هم هيام وميرا و يمامه
بيلسان : بنات شوفو هاذ الفستان حلو
ليال : حلووو
بيلسان: اي
تمارة: بيطلع حلو ب اللبس
ليال: اي احسه مره لايق عليك
بيلسان: زين باخذه اجل
تمارة: ليال اخذتي لك فستان
ليال : لا محتاره شاخذ
بيلسان: شوفي البنات اذا لقو لك شي خليهم يشرونه
ليال:شكلي بقولهم
عند الثلاثي هيام : بنات شوفو هاذا يصلح ل فاتن
ميرا:ايي صادقه صورية لها
يمامة: بنات ترا خلصت انا اغراضي
هيام : ماشاءالله خلصتي بسرعه
ميرا:اصلان هي ما تبغى الا فستان واكتسوار بس
هيام: اشوف عمه فاتن مرسله عجبها الفستان وتقول انه ليال تقول اذا لقيتو شي يناسبه نجيب لها
يمامة:زين توني شفت واحد بروح اصوره لها واذا خلصتو خل نروح الكفي الي جنب المحل
عند بيلسان: تمارة خلصتي صح
تمارة: ايه بس احتاج قهوه راسي مصدع
ليال:اخذت لي كعب وخلاص
تمارة:طيب الفستان ؟
ليال: شرت لي يمامة
بيلسان: خلاص اجل بروح احاسب ونروح عندهم الكوفي
ليال :تمام
عند ميسم وفاتن : ميسم :انا ولولو خلصنا ترا
فاتن:انا خلصت بس بحاسب و اتوقع اسرار مخلصه لانها راحت عند البنات
ميسم :سعود ارسل لي يقول انه هو ومعه بعض العيال بيجون ياخذوننا
لولو : زين بس غريبه محد ارسل لنا
فاتن : يلا ترا خلصت خل نروح لم البنات
عند العيال ف الشركه عزيز: جدي كرفنا ب الشغل كرف
محمد:ابي انام دخت
عزيز : امش نروح البيت حمود
محمد : ودك تنجلد ب العصا
مهير : اذا طلعتو ياويلكم من جدي
محمد : الصراحة انا ابي اروح البيت بس خايف من جدي
عزيز : اجل كنسلو الروحه
جا همام وسعود : سعود : انا بروح اجيب البنات من المول من بيروح معي ؟
محمد :وين فهد ومنصور وآدم !
همام : جدي يبيهم بشغل
جا خالد : انا بروح اجيبهم سعود ابوي يبيك تشوف الملفات له
عزيز و مهير : بنروح مع خالد
محمد : بروح معكم
خالد : يلا تراهم ينتظرون رون ازعجوني كل شوي يدقون
مهير: همام قل لجدي انه رحنا مع خالد نجيب البنات عشان ما يهاوش بعدين
همام : زين يلا مع السلامة
جا أمير: همام جدي يبينا نروح للمزرعة
همام: ليه
امير : يقول انه بعد العرس بنجلس فيها ٣ ايام وفيه بعد الاسطبل يقول العامل انه فيه فرس تعبانه ويبينا نشوفه اذا تحتاج بيطري
همام: زين يالله اجل بروح اجيب المفتاح انتضرني تحت
أمير: تمام
عند البنات جالسين ينتضرون العيال ميسم : بنات بدا التوتر من الحين
فاتن : عاد فهد شبيه ابوي وانتي تعرفين ابوي بس هو حنون شوي
بيلسان: ماني مستوعبة انك بتاخذين اخوي
ميسم : انتي من يوم عرفتك وانتي ما تستوعبين
ليال : الله لا يوريكم مشغلتني هي وتوتره
لولو : بتجين عندنا عادي وبيتكم ماهو بعيد
ميرا: ترا فهد صح انه كذا جدي وصارم شوي بس داي اطقطق معه عادي بتتعودين عليه
اسرار: يارب فارس احلامي يجي وياخذني منكم
رن جوال ليال : هلا خالد جيتو
خالد : ايه وينكم انتم
ليال : ب كافي ...
خالد : زين عيال خل نروح لمهم
محمد : هم فوق او تحت
خالد : لا تحت
راحو لم البنات خالد : يلا ما ودكم تمشون للبيت
ميسم : الا يلا مع السلامة بنات
الكل مع السلامة
تمارة:نشوفك بعد بكرا يا عروسس
ليال بصوت واطي: بنات لاتنسون بكرا زين
البنات : تمام ما عليك
رجعو للبيت
ب بيت الجد افنان : يمه الحين زهرة رجعت بيتها
الجده : ايه قلتله تروح عشان تتجهز
افنان : زين اجل انا بروح لبيتي بجهز اغراض فهد
الجده :روحي الله يحفظك
عند الجد ب الشركه:يا عيال خلصو شغلكم اليوم كله زين
العيال: ابشر
منصور: انا خلصت بس باقي ارسلهم ل سعود يشيك عليهم
فهد :منصور تعال شف ذا الملف منين
منصور :ورني
وراه فهد الملف منصور : هاذا من البنك شكله رواتب العاملين
فهد :أجل أدم شيك عليه اذا خلصت
ادم :خلني بخلص الي بيدي واجيك
منصور لفهد : خلص امورك تبيني اساعدك ب شي
فهد:انا تقريبا مخلص الله يعينني
منصور:جدي مزوجك بنت صديقه واخوه تسوي شي بيقلب الدنيا عليك
فهد:انا ما راح اسوي شي بس ليه يزوجني وانا قايل اني ما ابي اتزوج بعد زواجي الاول
أدم: يمكن يبيك تنسى وتعيش حياتك
منصور : بعدين ترا الدنيا ما بتوقف على طليقتك هي عافتك وما احترمت اهلك
فهد: انا عارف وانا بعد ماتفاهمت معها علطول طلقتها
ادم: انشاءالله الله يعوضك ب ميسم بس انتبه لها لاتعتبرها نفس طليقتك
فهد: انا اذا بتزوج بتزوج عشان جدي وامي وبنساها
منصور: الله يوفقك وانا اخوك
عند البنات فاتن :بنات ذا اخوهم خالد صح
تمارة: ايه
بيلسان:حسبته سعود
تمارة: انا اعرفه من كثر ما تصوره ليال
بيلسان :شكله هو من كثر ما تتكلم عنه ليال
مهير :عمه فاتن جدي يقول خلصتو من كل شي
فاتن : اي خلصنا ليه
مهير : لن بنروح المزرعة بعد العرس يقول اذا هم مخلصين لنه بسوي عزيمه بعد عرس فهد
بيلسان:مو بيسافرون بنفس يوم العرس
مهير : لا بعد العزيمة بيرحون جدي حجزلهم
فاتن :زين انه شاريه فستانين
اسرار: زين درينا بدري
مهير :جدي قال اعلمكم لانه انتم كنتو نايمين الظهر قال ومخلصين كل شي تقريبا
عند خالد وخواته: خالد: ميسم وش المحل الي تبينه
ميسم :ذاك المحل
خالد :والله وصرتي عروس وبتروحين عننا
ميسم استحت ونزلت تخذ الغرض الي تبغاه
ليال: اسكت بس تدري انه خايفه
خالد: وليه خايفه
ليال:خايفه انه بتاخذ فهد وهي ما تعرف عنه شي وبنفس الوقت عشانه مطلق قبل
خالد :اذا انه علشان ما تعرف فهد زين بتعرفه بعد الزواج واذا على انه مطلق بينسى وهو اهم شي عنده اهله هاذيك ما احترمت اهله ولا احترمته وطلقها
ليال : انا قلت لها وامي قالت لها بس هي
خالد :ماعليك بكلمها انا
جت ميسم:يلا خل نروح البيت انهد حيلي من الدوران ب السوق
راحو البيت وكل واحد منهم يهيئ نفسه فهد الي ماوده يضلمها بسبب زواجه الفاشل قبل وميسم الي مترددة ما تعرف عنه شي خايفه انه ما تقدر تتفاهم معاه
ليال :بكرا مسوين لها توديع عزوبيه و انشاءالله يفك توترها شوي
من بكرا الكل بدا يتجهز عشان العرس بكرا والبنات يتجهزون يرحون لعند ليال وميسم
لولو : بنات الحين مين بيودينا
فاتن: انا قلت لعزيز وادم بس مدري وينهم
نوره: اكيد جدي كارفهم
اسرار:بنات انا بردت بدخل اذا جو علموني
فاتن:بتصل على ادم اناشاالله ماسحبو علينا
ما امدها تدق الا وجا عزيز معه أدم
عزيز:فجرتو جوالي من كثر ما تدقون
يمامة:محد قالكم تتاخرون
فاتن:ادم جيب سيارتك لان معنى اغرض وما اتوقع سيارت عزيز تكفينا
ادم: ابشري عمه قرب لمها شوي عمه وين لولو
فاتن: صايره مرسول حب هالايام ذي انا
ادم : شنسوي انتي الي نثق به لو بقول تمارة او نوره بيفضحوني
فاتن: عارفه عارفه لولو داخل مع اسرار
نوره :بروح انادي اسرار ولولو
ركبو السياره كانت فاتن ولولو وتماره وبيلسان مع ادم
و الرباعي و اسرار مع عزيز
بسياره عزيز كان اغاني والبنات يسولفون ويطقطقون على بعض
إما بسياره ادم مشغلين اغاني ل اصاله مع سواليف فاتن ل ادم والبنات ولولو كانت مستحيه شوي من ادم لنه يناظرها ب المرايه مو قادره تاخذ راحتها فاتن ضحكت لانها عارفتهم وصلول البيت فتحت لهم ليال: وينكم تاخرتو
تمارة: وعليكم السلام شفيك متوتره
ليال: شفيني تدرين بغ يخرب كل شي
بيلسان: هو ليه
ليال : كانت بتنزل تقول وينهم ما جو بس الحمدلله جا خالد ولحق عليه
فاتن:خالد يدري!
ليال: ايه يدري قلتله امس وساعدني هو وامي شوي
يالله امشو ادخلو
راحو وادخلو البنات وسكرو الانوار عشان تتفاجأ ميسم
وليال راحت تنادي ميسم جت ميسم :جو ليه ماقلتي لي
ليال :كنت بدق عليك بس نسيت جوالي ف المجلس
ميسم : زين طيب حلو شكلي
ليال : اييه ما عليك
مشو جو بيدخلون المجلس جت بعدت ليال شوي وخلت ميسم تفتح الباب وهي تصورها من ورا
اول مافتحت الباب اشتغلت الاغنيه والبنات يصفقون ويصفرون لها وهي في حاله صدمه دخلت تسلم عليهم وي منصدمه ورها ليال جت سلمت على فاتن وهي عيونها تدمع
فاتن: افااا بس ليه هالدموع حنا مسوينه عشان تبكين ولا عشان تضحكين
ميرا: تكفين اضحكي عشان مجهود ليال لايروح عبث
راحت ميسم تخم ليال وهي تبكي وتضحك بنفس الوقت
ميسم : شكراً مرره لكم ماتوقعت انكم بتسون لي توقعت نسيتوني
هيام: افاا بس ننساك انتي
ليال: عشان تعرفين انك بتروحين ل اهلك الثانين لا تخافين
لينا: والله ماتوقعتك بتبكين كذا ( لينا بنت خالت ليال وميسم واختهم من الرضاعة عمرها ٢٧وصديقه للبنات )
تمارة: خلوها تبكي عشان بكرا ماتبكي ويخرب مكياجها
لينا:الحين حنا مسوين لها حفله عشان يخف توترها وتعرف انا كلنا حوله
ميسم: شكراً مرره لكم
بدو البنات يستمتعون ب الحفله ويرقصون وقطعو الكيكه راحت فاتن عند المرايا تعدل شكلها كانت الحمامات مفتوحة على الصال يعني الي يمر يمدي يشوف فجأة دخل عليها احد وصدم فيها وشافها للمره الثانيه وتنح فيها بعدها حس على نفسه
خالد : بسم الله معليش مادريت ان فيه احد اسفـ..
فاتن عطته ظهرها وراحت ركض مستحيه ووجهها صار احمر
شافتها لينا: فاتن شفيك

فاتن:مافيني شي بس شكلي مرتب
لينا : ايه كلتس ملح
فاتن تنهدت براحه: زين الحمدلله احس بصيح انخرشت
لينا :هو لييه شفيك
فاتن:.... قالت لها الي صار الموقف
لينا :والله ماعرفتك ياخالد بالعاده اذا جا صوته ينسمع قبل لا يجي
فاتن:اندري عنه ولد خالتس ذا خرشني
لينا : ماعليك شوفه شرعيه وضحكتت
فاتن: الحين انا منخرشه وانتي تقولين شوفه شرعيه
لينا مكمله ضحك عليه وراحو للبنات وكملو سهرتهم دقت الجده على فاتن: وينكم ماجيتو للحين ترا ابوتس يقول لا يتاخرون وبكرا عندكم قومه بدري
فاتن: سمي يامي بس نحتر العيال قايلين لهم بس محد جا للحين
الجده: بروح اتصل عليهم اشوف وينهم
فاتن: زين يلا مع السلامة
ميرا: بنات تدرون انه فيه عزيمة بعد العرس
ليال: اي انا توني دريت من امي
لينا : يعني تعتبر نفس العرس كلن يجي
يمامة: هو مو نفس العرس ب الضبط بس الي بيجون كثارين وبعد جدي حطها ب المزرعه
لينا :من زمان عن مزرعتكم
كملو سوالف دق جوال بيلسان وكان امير : سلام يالله اطلعو تراني عند الباب وعجلو فيني النوم
بيلسان: طيب من معك
امير: معي محمد عجلو يالله
بيلسان:طيب خلاص راحت تقول للبنات يلبسون عبياتهم وطلعو وركبو السيارات راح للبيت وكلهم بيستعدون لبكرا لزواج فهد وميسم
عند افنان ببيتها ميرا: يمه الحين فهد بيسكن معنا
افنان : ايه يقول ما يبي يطلع
بيلسان:مو احسن له يسكن لحاله
افنان:مادري عنه بكيفه الله ييسر امره
جا فهد جلس عند امه : امي شلونها عساها بخير
افنان:بخير بخير يا معرسنا انت شلونك
تنهد فهد تنهيدة طويله
فهد :بخير دامتس بخير
بيلسان:ليش كنك متضايقة
فهد : لا متضايق ولا بي شي
افنان : شوف يامي ربي انشاءالله بعوضك ب ميسم بس شوف يمك ابيك تصونها وتحافظ عليها وهي مايحتاج تراها نفس بنتنا نعرفها من كانت صغيره مابي اسمع انك مزعلها وانت بعد انتبه لنفسك زين ياامي
فهد : ابشري يا الغالية
ميرا: سمعت ان جدي يقول انه فيه عزيمة بعد العرس
افنان : اي فيه
بيلسان: يعني ما حاتسافرون ينفس اليوم
فهد : لا جدي حجز بعد العزيمه
افنان زين اجل رح ريح بكرا يومك ياعريس
بيلسان:اي نم زين عشان لا يطلع لك هالات ونضطر نحط لك ميكب
ميرا: ايي بعد ترا جدتي تبيك تجي عندها بكرا تقول تبيك بشغله
فهد : زين يلا تصبحون على خير
افنان وبناتها :وانت من اهله
من بكرا الكل قايم ويستعد ببيت الجد فهد كان عند جدته الجده :فهد يا وليدي شلونك
فهد:بخير ياجده انتي شلونتس
الجده : بخير دامك بخير يا وليدي
شوف انا ما بوصيك لاني اعرفك زين بس ابيك تنتبه لنفسك زين وجدك تراه من كثر مانه خايف عليك زوجك بنت صديقه الي يعزه وعارف انك كفو ويبيك تنسى الماضي وهو بحسبت ابوك الله يرحمه
فهد: عارف ياجده انشاءالله اكون قد ثقتكم
الجده: زين ياوليدي الله يوفقك وييسر امرك
جا الجد مع فاتن : ماشاءالله سميي هنا
فهد : سميك هنا جاي يشوف جدته ويشوف اذا تبون شي قبل لا روح
الجد : نبي سلامتك يا معرسنا ودامك خلصت ترا العيال ينتظرونك تحت
فاتن: بتطلع احلا معرس والله
فهد:يازين فاتن الله يديمتس لنا يالله
فاتن: وين زهرة تشوف بتغار
فهد : يلا انا بروح تاخرت على العيال
الجد والجده : بحفظ الله
جو البنات : يمامه :ماشاءالله جدي هنا
الجد :ليه وين تبيني اروح
يمامة: لا بس حسبتك بتروح ل الشركه مع عماني
الجد: لا جالس عندكم لين يجي تركي
لولو: عاد اليوم زواج سميك المفروض تتكشك
تمارة:جدي مزيون ما يحتاج يتكشخ
الجده: اقول متى بتروحون ل الصالون
بيلسان:بتروحين معنا تتكشخين لجدي
فاتن: عاد يمه اليوم بنكشخك مافيه تقولين لا
نوره:اي جده هاذا حفيدك اكشخيي
لولو : امي نوره مزيونه من الله وبتتزين بتصك علينا كلنا
الجده نوره استحت وبدت تجدع عليهم المخدات عشان يسكتون وهم فاطسين ضحك من خجلها