انا عندي بدايتنا ؟ بداية عمرك وعمري

الـبـارت٢٧

في دبي الساعة ٢الظهر توهم راجعين من الشركة ومنهد حيلهم بعد اسابيع قدرو ينجزون جزء وبقا لهم القليل منصور :تبغون نتغدى
سعود الي جا لهم بعد اتصال خالد فيه ومعه زوجته:الصراحة من الصبح ما كليت شي
منصور:اجل مشينا
فهد الي وصل من المطار علطول ل الشركه :انتم روحو انا بروح الفندق ابدل واجيكم
ركبو سيارتهم متجهين لمطعم اختاره سعود وفهد اتجه للفندق ركن سيارته وطلع فوق لغرفته دخل وهو ينزع ثيابه ويحطهم على السرير دخل ياخذ شور يريح فيه جسمه المنهلك من الشغل وماهي الا دقايق وطلع لاف المنشفة على خصره وبيده منشفه صغيره ينشف فيها شعره انتبه لجواله الي يرن من كان ف الحمام "تكرمون "اخذه وشاف ان المتصل ميسم ابتسم وهو يرد:حي هالصوت
ابتسمت:توني ما تكلمت طيب
فهد:ادري بس حبيت أقوله قبل
تنهدت:متى وصلت
فهد فتح السبيكر ونزل جواله على الطاولة يجلس:من ساعة تقريبًا
ميسم:ليه ما اتصلت؟
فهد حك راسه بورطه:نسيت ..العذر والسموحة منتس
ميسم:المره هاذي بعديها لك بس المره الثانيه لا
ضحك بخفة:انشاءالله انه مافيه مره جايه
ابتسمت خلف الجوال:يالله انا بسكر بروح مع امي ل السوق
فهد:انتبهي لنفسك واذا احتجتي فلوس بلغيني احول لتس زين
همهمت:زين يالله مع السلامة
سكر منها وقام يلبس ملابسه بسرعه علشان يلحق العيال تعطر ونزل علطول ل السيارة واتجه لهم على الموقع الي ارسلوه له
"اما عند همام واسرار "تحديدًا في تايلندا "
توهم طالعين يتمشون فشوارع تايلند وراحوعند البحر يشوفون الغروب تنهدت أسرار وهي تسند راسها على كتف همام وابتسمت وقالت تلحن صوتها:للغروب بوسط قلبي ذكريات..
ابتسم من سمع صوتها وكمل وكان صوته حلو نفس أسرار:ماتنساها الخفوق ولا نساهااا
رفعت راسها تناظره وهو صار يناظرها ابتسمو وهم يصورون وكملو مع بعض الأغنية ضحكت اسرار من خلصو نزلت جوالها:اخسس طلع صوتك حلو يازوجي العزيز
ابتسم:والله زوجتس العزيز صوته ما يجي ربع صوتتس ماشاءالله
ضحكت:زين اعترفت
ناظرها:توتس مدحتيني ليش قلبتي
لف يدينه بسرعه على خصرها وقربها منه وابتسمت ب ارتباك توزع نظراتها ب الارجاء علشان ما تناظره بس ما في فايدة همام لاحظ كيف توزع نظراتها وخدودها حمرو من الخجل باسها بخفة وابتعد وقام وهو يعدل ملابسه:مشينا نرجع للفندق
قامت علطول ومشت بدون رد وابتسم هو ولحقها يشبك يدها بيده وهو مبتسم
"سيارة مهير "
بعد ساعتين وصلو السيارتين الا مهير ضيع الاستراحة واتصل عليهم فاتن:مهير خل البراء يوصف لك لا تاخذ من ذا المهبل
محمد:شقصدك عمه
مهير:اخلص بس فيني نوم
آخذ البراء الجوالات يوصف له وشوي وصلو ونزلو ميرا:اخخ رجولي وجعوني
بيلسان:الحين تجي احلا نومة
فاتن:الحين مخططين نطلع اليوم وشكله بتتحول ل النوم
هيام:معليش مقدر أقاوم النوم
دخلو قسم الحريم وعجبتهم الاستراحة كبيره وشرحه تقدمو يدخلون داخل وراحو للغرف عند ابرد غرفه علشان ينامون وطبعاً نصهم نام والنص الثاني جالسين مع بعض يسولفون
العصر الساعة ٥:٤٠
الكل صحى من النوم وقامو يضبطون لهم قهوة يتقهوون عليه المغرب نوره:يمهه وين الهيل؟
زهرة:توها معطتس وين حطيتيه
نوره:الي عطتني مو هيل مدري وشو
جت أم أدم:امسكي ذا هو وعطين الي معتس لا تضيعينه
زهرة:بنجلس برا صح
ام أدم:والله مادري شوفي عنهم
نوره:عميمه قولي لهم نبي برا الجو حلو
هزت راسها وطلعت لهم تقولهم وقامو يظبطون لهم جلسه
بيلسان:خلونا نروح عند الجهه هاذي احسن
هيام:لا خلينا هنا علشان امي نوره يكون قريب لها
بيلسان:اي صح ..امم طيب نجيب مساند من داخل يالله
يمامة جلست:جيبو انتم تعبت وانا اسحب في الفرشات
هيام:شف عجيزنا اقول قومي بس
قربت هيام من يمامة ومسكت يدها تحاول تقومها وطلعت الجدة نوره:وش بلاتس تجرينها كذا بهيمه هي
يمامة تسوي نفسها تتوجع:امي نوره شوفي بنت ولدتس وش تسوي فيني يرضيتس
هيام بققت عيونها:يالكذابه ،شهقت:لاتصدقينها جالسه احاول اقومها تجيب معنا المساند نحطهم على الفرشات وهي ما تبي
الجده نوره ضحكت:اجل تستاهل قومي يالرفلا ساعديهم
يمامة قامت :ابشري عشانتس بس يا نوير ولا ذولا يخسون
بيلسان:ايه نخسي حنا بس قومي معنا اهم شي
ومشو داخل يجبون المساند ويرتبون وبعدها راحو لمطبخ يجهزون القهوة والحلا وراحو يرتبونهم على الجلسه الي برا وجلسو بعد ما رتبو كل شي
ام مهير:يالله حيهم يالله حيهم
أفنان:عطيتو الرجال قهوتهم
بيلسان جت معها ميلا:خالي محمد قال ان هم بيزينون قهوتهم بس يقول عطونا تمر وحلا
الجده نوره:شوفي اجل تمر جدتس ف السله الزرقاء عطيهم اياه اكيد يبيه
نزلت بيلسان ميلا:ابشري بس وين الفناجيل الثانيه
نوره:تلقينها فوق الطاولة الي عند باب المطبخ
هزت راسها ب زين ومشت متجهه تاخذ الفناجيل وتمر جدها تعطيهم خوالها وبعدها رجعت تجلس ومر الوقت وهم يسولفون ويخططون وين يرحون بكرا وايش يسوون
"بعد مرور ٤ايام بدون اي احداث مهمة"
الرجال كانو يجهزون السيارات بيطلعون لوجهتهم محمد جا وتكى على السياره:الحين المكان كم يبعد اذا بعيد ما راح اسوق ترا
مهير ضحك:اصلن من قال انك بتسوق ما بيسمح لك جدي
محمد:احسن بعد
أمير جا لهم: لزم نوصل قبل المغرب علشان يمدي نشوف المكان زين
مهير:اصبر الحين هم يبغون البقالة اكيد روح عجلهم خلهم يطلعون
أمير:ايه صح ترا جدي وخوالي ما بيرحون بيجلسون مهم رايحين معنا
محمد:ليهه
أمير:مدري تو عزيز قال لي ويمكن الحريم يجلسون ما ادري بشوف عنهم
محمد:امشو نروح لهم
راحو متجهين لقسم الحريم وهم يصرخون محمد:يالله ترا الي ما تطلع بنمشي ونخليه
هيام سمعت اخوها وقالت بصوت عالي:ما تقدر اصلن تطلع بدوني
ضحك عزيز عليها:انا بقول لهم نخليتس هنا مع جدي علشان ما تزعجيننا ب لسانتس الطويل
هيام تخصرت وهي لابسه عباتها:ماشاءالله احلف بس ما تقدرون من دوني اصلن
تخصر يقلدها:وليه انشاءالله يا اخر وحده ف الدنياء علشان مانقدر من دونتس
ام منصور:عاد الا هيامنا هي ملح السفره
ناظر امه وهو متخصر:ماشاءالله وولدتس ولد البطه السوداء انا
قربت هيام تخم ام منصور:يا بعد قلبي انتي ..وباستها
ام منصور:يازينتس..،يالله الي مخلصه تروح تركب ترا حنا محنب رايحين بس زهرة بتروح معكم
عزيز:ليهه مو امس تبون تروحون ليش هونتو
ام منصور:جدتك تعب عليها تطلع كثير وقلنا اليوم راحه لها ولنا والبنات يطلعون
هيام تلفتت:وينها جدتي مير
عزيز:عند جدي وعماني
عند البنات الجهه الثانيه محمد واقف عند الباب ويطبل:يالله اطلعو
فاتن:انت تطبل ولا تطق علشان تبينا نطلع
أمير:انتم اطلعو نبي نوصل قبل تغيب الشمس
ميرا:حنا جاهزين
زهرة:الي جاهزين روحو والي باقي لهم يجلسون
أمير:خلاص اجل انا وعزيز الي جاهزين يركبون معنا بسرعه والباقي مع حمود ومهير
فاتن:يالله اجل إنا وميرا وهيام معكم والي جاهز يجي
أمير مشى بيطلع:يالله اركبو اجل
طلعو بعد ما اخذو لهم قهوتهم الي مسوينها احتياط وحلا وصلو السيارة وفتحت ميرا الباب :ماشاءالله راكبة أول الناس
هيام:توني راكبه ما صار لي كثير بعدين كنت احسبكم راكبين وجيت والسيارة فاضيه
أمير:يالله اركبو بس
عزيز بتسأل:الباقي وين؟
فاتن:بيجون مع حمود
هز راسه ب زين وركب يمين السواق والباقي ركبو ورا ومشو متجهين للمكان الي بيرحون له
"بيت ابو سعود "
ليال جالسه تحت مع ابوها تقنعه يسافرون:بابا تكفى نبي نسافر الحين انت ما عندك شغل صح؟
ابو سعود:اي ماعندي بس يبنيتي شلون اروح والشركه بذا الاوضاع
ليال:عادي يبه بعدين الشركة فيها سعود هناك ومنصور وفهد
ام سعود:ماحنب رايحين لين يجي رجل اختتس نروح وهي تعبانة
ميسم الي صدق متعبها الحمل وصارت ثقيلة وما تطلع من غرفتها اول الوقت بس حاليًا خفت شوي وبدت تطلع
عدلت جلستها واخذت كوبها تشرب الماتشا ونزلته:جتني فكرة
ابو سعود ناظرها وام سعود بعد تربعت :دامكم تقولون ما تقدرون خلاص انا وميسم نروح لدبي عند فهد وسعود
ضربت راسها ام سعود:انتي معين تفكرين هاه فهميني اقولتس تيس تقول احلبيه
ليال:طيب هي تحتاج زوجها اكيد تبـ... بترت كلاماتها من ردت ام سعود على جوالها وهي تهالي:هلا والله بوليدي هلا ببكري
ليال تناظرها بصدمه وحولت تسولف مع ابوها
سعود:هلا فيتس يا اميمتي ، ايه وش اخبارتس وشعلومتس
ام سعود:بخير الحمدلله ،الا كيفكم انتم وشلون ورد عساكم مستانسين(ورد زوجه سعود)
سعود مبتسم:لا أبشرك الحمدلله مستانسين و ورد تسلم عليتس
ام سعود:الله يديمها يارب
سعود:وشلون ميسم وليال
ام سعود:بخير بخير بس ان ليال مشغلتنا تبي تسافر
ليال بصوت علي علشان يسمع:سعود تعال خذني من عندهم
ضحك : غريبه يمه ما قلتي بنسافر ب العاده كل سنه تروحين وراكم هالسنه ما رحتو
ام سعود:والله يا وليدي ودي بس تعرف اختك وتعب الحمال ما اقدر اروح واخليها نفسيتها ماش
سعود:طيب ليه ما تجيبونها عند فهد يمكن تتحسن نفسيتها
ام سعود:والله مادري خايفه
سعود:انا بكلم فهد واشوف الأوضاع
ام سعود:زين غديه تتغير نفسيتها ،الا متى بترجع انت
سعود:احتمال بكرا او بعده
ام سعود:زين اجل لا تطول على حرمتك روح تمشى انت وياها ترا توكم متزوجين
ضحك من عرف مقصد امه وقال:ابشري يالغاليه يا ودعتس الله سلمي لي على ام لسان وابوي
ام سعود:ابشر،وسكرت الجوال قالت لهم انه يسلم عليهم
اما عند فهد الي حجز له شقه يجلس فيها بدال الفندق كان هو ومنصور مع بعض جالسين وكل واحد معه اوراق
تنهد منصور وترك الاوراق جنبه وقام يتمغط :اخخخ اخيرا
فهد ابتسم:جوعان؟
هز راسه منصور ب ايه ومسك بطنه :حيلل من قمت ما اكلت شي
فهد:اجل اسمع انا بروح اضبط لنا باستا وانت لملم هالحوسة
منصور:تتتممم
قام فهد للمطبخ يسوي الباستا ولبس المريله وجهز الاغراض وكل شي وبدا يطبخ ومشغل له بودكاست يسمعه واما منصور بعد ما رتب كل شي وحط الاوراق على جهه دخل المطبخ وفتح الثلاجة:ليه مافيه مشروبات غازيه
فهد:توها امس مخلصه
سكر الثلاجة وراح ياخذ مفاتيحه:بروح اجيب مشروبات ومقاضي ثانيه على بال ما تجهز الباستا حقتك
فهد:زين ولا تنسى تجيب موية
منصور طلع وركب سيارته متجه ل السوبر ماركت نزل دخل يتسوق ومعه عربيته حط الا اغراض الي يبيها وهو يمشي جهت الفشار ويدور على الي يبيه جت وحده مسرعة بعربيتها وصدمته :اهه عمى من ذا
لف وشافها بنت نزل راسه وقال:معليش ،بس ما تشوفين قدامتس
البنت ناظرته بصدمة وقالت:منصور
هو جمد من قالت اسمه وقال ببرود:وتعرفين اسمي بعد
البنت كانت محجبه:الا والله منصور
منصور تنرفز شوي :اي انا منصور كيف تعرفينن
البنت:انا اخت هادي ما عرفتني
هز راسه ب لا ومشى بيروح واسرعت توقف قدامه:منصور ماعرفتني ؟انا لينا
وقف مكانه منصدم من أستوعب ولف يصد وجهه عنه:وش جابك هنا وبعدين ليه كاشفه
لينا مسكت يده:نقابي ضاع وانا جايه هنا مع صديقاتي بس
ما امدها تكمل من شافت شخص وعلطول قربت من منصور تحضنه تغبي وجهها انصدم ووصنم مكانه وسمع شخص من ورآه يسأل:شفت وحده قصيرة شوي ومحجبة
لف منصو  ولينا وراه متخبية:لا
راح الشخص وهو مستغرب من منصور بس طنش اما منصور لف لها وشافها ترتجف :ليش ترتجفين وش يب منك ذا
رفعت راسها وهي ماسكه بكيتها:هاذا اخو صديقتي هوحاول يتحرش فيني وهو الي نزع نقابي ويبي يتزوجني وهو راعي بنات ووصخ و..سكتها منصور :امشي بحاسب اول ونركب السياره نتفاهم
هزت راسه ب زين ومشت معه وبعد ما حاسب وخلص كانت متمسكه ب يده حط الاغراض ب عربية واتجه لسيارته المركونة قريب من السوبر فتح سيارته وقال لها:اركبي انتي انا بنزل الاغراض واجيك
ركبت وتلثمت وتحاول تهدي انفاسها وربكتها ودقايق وجاء منصور وركب يشغل سيارته قال بعد ما ناضرها من المرايه:اتصلتي ب اخوك
هزت راسها:لا
منصور تنهد:اتصلي عليه وبلغيه
هزت راسها رافضه:لا لا بعدين يفهم غلط
وقف عن أشارة وقال:انتي كلميه ماعليتس اذا فهم غلط فهمته انا هو موجود هنا
لينا:لا انا جايه لحالي مع صديقاتي
منصور رفع جواله بعد ما رن كذا مره وشافه فهد:طيب عطيني عنوان الفندق علشان أوصلك
لينا ناظرت جواله الي يتصل وقالت بسرعه:ما ابي اروح لنفس الفندق ابي اغيره بس انت نزلني هناك وانا اخذ تكسي
مارد عليها ورد على فهد:هلا فهيد
فهد:وينك يا اخوي الاكل برد
منصور:طلع لي شغل ورحت اسويه دقايق وجايك
فهد:استعجل بالله
سكر منصور ولف لها بعد ما قالت له اسم الفندق وراح له جت بتنزل وقال:أنتظرك هنا
لينا:لا مشكور باخذ تكسي
منصور نزل من السياره:ما اشاورك انا ابنتظرك ولا اقول بروح معك علشان ما يجيك ال***
ما قدرت ترفض لن هي خايفه وتعرف انه يعرف مكان الفندق ورقم غرفتها فا خلت منصور يروح معها علشان تحتمي فيه منه
اما عند فهد خلا الاكل ف المطبخ وجلس ف الصاله يقلب ف جواله وهو لازالت عليه المريله حقت المطبخ عدل جلسته من شاف اسم المتصل سعود رد عليه
سعود:هلا ب النسيب
فهد:هلا ب المعرس
ضحك سعود:يوهه كم صار لي معرس وللحين تقول معرس
فهد:يبوي اذا تميت شهرين ما تقولك معرس
ضحك:زين زين ،اعلومك
فهد:بخير نحمد الله ،كيف اوضاعك انت
سعود:الحمدلله زين بكرا انشاءالله راجع القصيم
فهد:ياحظك بتشوف ميسمي
سعود ضحك بخفة:ولد أثقل اختي ترا
فهد بنفس النبرة :وزوجتي ترا
سعود:اسمع انت بشقتك لحالك ؟
فهد:لا معاي منصور
سعود:اها اجل اسمع توني متصل على الوالدة تقول ان زوجتك نفسيتها ماش ماودك تروح عندها ولا تجي هي عندك
خاف فهد عليها:افاا امس مكلمها تقول مافيها شي
سعود:هي مافيها شي بس انها تحبس نفسها بغرفتها وماتبي احد وانا قلت يمكن اذا جت عندك تتغير نفسيتها
فهد:لا خلاص انا ما ادري متى ارجع اقول ل خالد يجيبها تغير شوي جوها وبشوف لها دكتور هنا نراجع عنده
سعود:زين اجل اتصل على خالد يبلغ امي يالله سلام
فهد:مع السلامة
سكر من سعود وراح يراسل خالد يقوله يجيب ميسم وسكر على وصول منصور الي دخل وبيدينه اغراض
فهد:حي الله الحامل والمحمول
منصور حط الاغراض ف نص الصاله وجلس على الكنب وتنهد:وين عشاك
فهد قام:جاهز وش بلاك انت
منصور :اقولك اذا اكلت
جاب فهد العشاء وبدو يتعشون ومنصور شرح له الي صار وانه حجز لها فندق قريب من هنا وكلم هادي يفهمه الي صار وهادي خاف على اخته ولا عصب عليها نزل شوكته فهد :اح كل ذا صار
منصور:تصدق انا للحين مو مستوعبة
فهد: اجل قبل تجي كلمني سعود وبتجي حرمتي بكرا او بعده
منصور:اجل انا باخذ لي سويت قريب من هنا
فهد:لا لا يارجل والله ما تطلع
منصور:بس هاذي شقتك انتـ...قطع كلامه فهد :يا اخوي اجلس بس
رفض منصور:لا لا اعذرني بعدين انا باجلس ب فندق واذا صار بكرا ادور لي شقه اشريها واسكن فيها
فهد:براحتك بس ما تطلع من هنا الا اذا جت مالك طلعه من هنا الا بكرا زين
هز راسه منصور ب زين وكملو اكل
"في أبها عند الشياب "الساعة ٨الليل
الجد:وينهم ذولا ما جو للحين
محمد:خلهم يستنسون يبه
افنان:الا اقول من بيطبخ اليوم العشاء
محمد:انتم
ناظرته افنان:اقول بس واحد منكم يفز ويقوم يطبخ لنا
الجده:ايوالله رجال على الفاضي اليوم دور الحريم يرتاحون
سلطان قام:ابشرو ابضبط لكم كبسه يحبها قلبكم
أفنان:كفو اخوي
الجد:يالله اجل كلكم ادخلو المطبخ وخلوني مع بنياتي
الجده:ايوالله خلو حريمكم يجلسون شوي وانتم روحو المطبخ ساعدو بعض
البراء:كنك تطردنا يبه
الجد:ايه اطردكم يالله
قام محمد يالحق سلطان الي راح وقامو بعده تركي والبراء وراحو يحوسون ف المطبخ يطبخون
اما البنات والعيال يتمشون ف المكان مع بعض وجلسو شوي يتقهون ورجعو بعدها يتمشون
عزيز كان يمشي مع محمد ومهير ووقفو عند اسطبل وكان فيه مجال انهم يركبون خيول وقفو ودخلو ياخذون خيول وكل واحد معه خيل 
والبنات مرو وشافوهم وجو عندهم كانو يبون يركبون بس نا يقدرون لانه مكشوف ولا يقدرون يركبون ب عبياتهم هيام بزعل:افف كان نفسي اركب
بيلسان:مافيه ل النساء ؟
هيام هزت راسها ب لا وطلعت جوالها تصور الخيل جا عندها عزيز ووقف:وش تسون هنا المكان كله رجال
فاتن:جايين نشوف الخيول
هيام:عزيز مافيه مجال نركب حنا والله نفسي اركب خيل
عزيز ناظرها:لا والله تبين تركبين والرجال كلهم يطالعونتس
هيام:وش فيها محد عارفني
عزيز غار عليها:انتي خصيصًا ما بتركبين
تخصرت:وش معنى انا اصلن انت مالك شغل فيني وين حمود
عزيز:حمود مارح يركبك انا بقول له لا
هي تعرف ان عزيز عنيد وانه عادي يسويها وسكتت ب زعل ومشت تطلع من المكان ووراها ميرا
فاتن ناظرته وضربته:خير ليه تقول لها كذا
عزيز:احح بعدين ما قلت شي هي زعول
قال كلامه وهو كان يشوفها وهي تروح ويسب نفسه داخله ليش قالها كذا الحين بتزعل منه راح بعد ما ناده مهير ورجعو الاحصنة وطلعو من الإسطبل مهير:والله يا اني جوعان
أمير:اللعب جوعك
مهير:ايوالله ، خلونا نشوف اي مطعم ونطلب لنا ونرجع للاستراحة
محمد:زين طيب نشوف البنات ونطلب
مهير:يالله جمعهم الحين
سكر جواله وقال عزيز :اسمعو على بال ما تجمعونهم انا بروح اطلب لنا عطون وش تبغون واي مطعم
مهير:زين توفر لنا
عطوه طلباتهم ومشو يدورون البنات ويتصلون عليهم لين جمعوهم كلهم وبعدها راحو يطلبون عشاء للبنات بعد ما اخذو طلباتهم راحو لسيارتهم يركبون ورجعو للاستراحة

عطوها حقها ✨