انا عندي بدايتنا ؟ بداية عمرك وعمري

الـبـارت٢٥

"عند البنات "
جالسين برا ويترقصون هيام:يالله يا عروس اردحي
فاتن رفعت راسها وشافتهم يناظرونها وقامت:يالله بس ابي شوط خاص فيني
ميرا بصوت عالي :ينزل لتس الحين احلا شوط لـ احلا خاله
البنا صفرو وشغلت هيام أغنيه وقامو يترقصون عليها وميسم رقصت شوي معهم وراحت تجلس
لولو :بروح انادي خوات العروس وام العروس لازم يعطوننا شوط
هيام:كفوو كنت بقول تو يالله علشان اعيدها
ليال:اصبرووو لازم ام العريس بعد
هيام:يالله بروفه للعرس مره وحده
بعد دقيقة شغلت هيام الاغنية مره ثانية ودخلت زهرة وهي تراقص فاتن وبعدها دخلت افنان مع امها ويراقصونهم البنات
اسرار ترقص مع جدتها قالت بصوت عالي:عاشت نويرر
البنات انبسطو والجده ترقص معهم بعصاتها وافنان راحت ترقص مع فاتن وبعدها راحت ترقص مع امها والبنا يصفرون وام سعود ترقص مع بناتها
لينا لفت لفاتن:لازم تراقصين ام زوجتس
نوره:اييه يالله روحي
فاتن:استحي منها
لينا:اقول امشي ذي بعدين بتصير خالتتس
مشت فاتن ترقص مع ام سعود وام سعود من فرحتها بولدها بدت تزغرط وشوي ودخلو باقي الحريم معاهم
"بيت ابو زيد"
جو خالتهم وبناتهم وكانت تيا فا المطبخ تشوف القهوة والحلا:ليزا فين الحلا الثاني الي جبته
ليزا العاملة:مدام ضحى في دخل ثلاجة
تيا راحت الثلاجة تاخذه وبعدها طلعت للصالة تحط الحلا:يالله تحيي خالاتي وبناتهم
خاله١:الله يحييك ويبقيك
ام زيد:ايه وشلونكم وشخباركم
خاله٢:بخير دام اننا شفناكم الا وشلون عيالتس
ام زيد:الحمدلله يسلمون عليكم
العنود بهمس:ودي اشوف عمر من زمان عنه
رولا بنفس الهمس:للحين ما راح اعجابتس به
العنود:كم مره اقولتس مهو اعجاب انا احبه
رولا:خلاص اسكتي فشلتينا جت تيا
تيا:فناجيلكم
مدو لها الفناجيل تصب لهم قهوه
خالة١:تيا وشلونتس وشخبارتس وشلون الدراسة معتس
تيا ابتسمت:بخير الله يسلمتس بس تراني من زمان متخرجة والحين متوظفه
خالته٢:ماشاءالله مبروك مبروك
خالته١:الله يوفقتس يا رب
ضحى:الحين بيخططون يزوجونتس
تيا:الله يستر بس
لفت للبنات:كيفكم بنات
رولا:الحمدلله اشلون دوامتس
تيا:الحمدلله زين العنود للحين تدرسين؟
العنود نزلت فنجالها:باقي لي ترم واتخرج
ضحى:ماشاءالله الله يوفقتس يارب
العنود:امين
سارة:ضحى اذكر عندتس ولد وينه ما شفناه
ضحى ب ابتسامة:مع ابوهم رايحين
تيا:مو بس عنها اصيل معها لورا بعد
العنود:ماشاءالله الله يخليهم لتس
تيا:انشاءالله انكم بتستقرون هنا رولا
رولا:والله ما اعرف بنشوف شغل صالح
سارة:امي رافضة تخليه يروح لحاله هناك الا اذا تزوج ياخذ زوجته
رولا:وهو رافض الزواج
تيا:يعني خالتي الله يهديها هو كبير خلاص وبعدين الشرقية ماهي بعيده
سارة:عيت تقتنع امي
ضحى:حتى خالتي رافضة عمر يروح الرياض يشتغل
تيا:صادقه بس هو لقى شغل هنا حلو وكنسل يروح هناك
العنود ابتسمت من جابو طاريه:عاد الرياض مهي بعيده عن القصيم
تيا:ايه بس تعرفين الامهات
كملو سواليفهم عادي
"عند البنات "
هيام سحبت الكرسي تجلس:اخخ تعبت
يمامة:احتاج مكيف حالًا
ميسم ضحكت على اشكالهم:روحو داخل طيب
هيام:انتي شعندتس ما قمتي ترقصين
بيلسان ابتسمت وهي تتنفس بسرعه:فهيد مهددها اذا رقصت
لينا:خايف على البيبي ؟
ميسم هزت راسها ب ايه وهي تشرب شاهي
تمارة:الا ليش بنات خالاتكم علطول راحو
لينا:نفسيات
ليال:بقولك علشان تعرفين اصلن هم كلهم ثنتين خوات وواحد ما جت والثالثة مع ذولي
ميسم: اشو انهم راحو وما جلسو ولا كان مسويات مشكله
ليال:فيه وحده منهم تبي خالد علشان انه ضابط وفلوس وكذا فا يوم درات انه خطبته غارت وجايه اليوم بس علشان تشوف شكل زوجته والباقي جاين معه كذا وعلشان بعد يقيمون فاتن وحفلكم
هيام:يعني كل ذا شرافة
لينا:ايي مهو جود فيهم
بيلسان:اشوا انهم ما جو
تمارة:يوهه يا كرهي لذي النوعيات
نوره:ذكروني ب اهل بيلسان وميرا
فاتن:عاد ذولا حالة خاصة
ميسم:مع اني ما شفتهم الا مره وحده الا ان بناتهم يغثن
ليال:الله لا يبلانا بس
بعد ساعات خلص اليوم وميسم راحت مع خالد للبيت تاخذ اغراضها
خالد وقف عند البيت:تبين انزل معتس
ميسم :ايه انزل لان يمكن اطول
نزلو وفتحت ميسم الباب ودخلت البيت وتذكرت فهد وقالت بحزن:الله يحفظك وترجع لنا سالم
خال لاحظ ميسم بس سكت ما حب يحزنها او يقول شي قال علشان يغير الجو:ماشاءالله كل ذا بيتكم شكلي اذا تزوجت فاتنتي بجي اسكن معكم
ميس ابتسمت:والله وخذيت الي تحبها يا خويلد
خالد ابتسم:تدرين كنت متوقع انرفض بس الحمدلله تمت
ميسم ماشية ل الدرج:الحمدلله انا بروح اجهز شنطتي وانت خذ راحتك البيت بيتك
خالد:أكيد بأخذ راحتي بيت اختي
ضحكت ميسم وراحت فوق تجهز شناطها واول ما دخلت الغرفة شمت ريحته وتذكرته كيف احياناً تكون تحت تشتغل ولما تدخل غرفتها تشوفه على السرير نايم وأحيانًا ينتظرها تجي علشان ينام وهو حاضنها ابتسمت واول مره تحس انه ماتب تبتعد عن شخص والشخص هاذا فهد الي صار لها الحبيب والصديق والزوج مشت لدولابها تطلع ملابسها وطلعت شنطتها ترتب الملابس وبعد ما خلصت اخذت اغراضها الي ف التسريحة سكرت شناطها وراحت دولاب فهد واخذت تشيرت له وحطته فشنطتها وطلعت الشناط برا الغرفة ولفت تشوف الغرفه قبل تسكرها وتنهدت سكرت النور وطلعت تسكر الباب ونادت خالد يجي ياخذهم خالد:لا انتي شكلتس بتسكنين عندنا
ميسم:ليه ماتبين اجي عندكم
خالد لاحظ صوتها المتغيروحضنها:افااا انا ما ابيتس انا ودي اخليتس كل يوم عندي
بادلته ميسم:يا حبيبي انت يالله نروح لا نتأخر تقلق امي
خالد مسك وجهها :اسمعي ياحبيبتي زوجك وصاني عليتس انتي الحين حامل مراجعاتك انا بوديتس له واذا كنت مشغول سعود يوديك حلو بعدين ليه البكي تراه رايح شغل ما راح يلعب وانتي تدرين أوضاع شركتهم هالفترة وش صايرة
ميسم خانقتها العبرة:انا عارفه والله عارفه انه شغل بس انت تعرفني اذا تعلقت في احد وحبيت وش يصر فيني وزود على هاذا هرمونات الحمل زادوا علي
قربها لصدره وهو يهديها:عارف يا عين اخوتس انتي تدرين قبل يطلع من عندنا قالي انه خايف عليتس وهو بعد ما يبي يبعد عنتس بس الوضع يتطلب كذا طلب مني اني انتبه لك حتى اول ما وصل المطار اتصل علي يوصيني عليك وعلى ولدكم
ميسم ابتعدت تمسح دموعها ومس يدينها خالد:اسمعيني العين انزلي اغسلي وجهتس وانا بنزل الشنط
هزت راسها ونزلت تحت تغسل وجهها وبعدها راحت تلبس عباتها وشافت خالد مركب الشنط وركبت السيارة
ركب خالد:الحين بنروح البقالة وانزلي اشري كل الي تبغين والي مشتهيته
ميسم ابتسمت:شكلك ناوي تسهر وتسهرنا معك
خالد وهو يربط حزامه:ب الضبطط بنجلس حنا الثلاثي وسعود بعد نصحيه يجلس معنى انا مروق اليوم ولا عندي دوام الله يعينكم علي
ابتسمت :عساك دوم رايق ومزاجك حلو يا عريس
مسك راسها وباسه:يا حظني دام عندي اخت زيك
رجع لمكانه وشوي ووقف عند سوبر ماركت قريب عندهم:يالله انزلي
فك حزامه ونزل ودخل هو وميسم للبقالة يشترون مفرحات ل السهرة وبعد ما خلصو راحت ميسم تركب السياره وخالد حاسب وطلع فتح باب السياره:اتصلي على ليال تجهز قهوه
ميسم اخذت جوالها تتصل عليها وتقولها وخالد حرك متجه للبيت وبعد دقايق وصلو ونزلو ومعهم الاكياس وخالد نزل شناط ميسم
ليال:هلا بـ الحمل والمحمول
ميسم:امسكي جهزتي قهوة
ليال:ايي بتذوقون احلا قهوه من يديني
خالد:شكلنا بنتسمم دامتس انتي مصلحتها
ليال:والله!؟انت ممنوع من الشرب
ميسم:يالله بس امشو نجلس
ليال :ترا جهزت جلسه ف الحوش
خالد:مع انه حر شوي بس عادي
ميسم:فيه المكيف شغلوه انا بروح ابدل واجي
ليال:زين خلود روح نادي سعود
خالد :موجود؟مو رايح لعند صديقه
ليال:لا جاي قبلكم بساعة
خالد:زين اجل برقي اغراض ميسم و اروح له
ليال راحت المطبخ تجهز القهوة وبعدها طلعت للحوش ترتب الجلسه وجلست تصور وتنتظرهم وشوي ونزلت ميسم وبعدها خالد وسعود
سعود:ماشاءالله ميسم عندنا
ميسم:شرايك جيت اودعك قبل عرسك
سعود جلس جنبها:الله مير يسلمك
خالد:والله ياني مشتهي حلا مررهه
ليال بثقة وهي تصور ب جوالها:انا حلا أكفي واوفي
كلهم ناظروها 😒سعود:وش ذا الثقه العمياء الي نازله عليتس من السماء
ميسم:مشكله والله
ليال:وش ذا الغيرة بعدين ليه تناظروني كذا
خالد ضربها ب المخدة:يعع انسدت نفسي ماعاد ابي حلا
ليال ناظرتهم كذا😏:الغيرة شينه
ميسم:اقول بس صبي قهوة وانتي ساكته
سعود اخذ الزمزمية وبدا يصب لهم قهوة:عطيني من الشكولاتة الي عنتس
ليال مدت له الكيس: اقول شرايكم نروح ابها كم يوم اجوائها حلوهه
خالد:ماهي شينه والله
سعود:قبل العرس والا بعده حددو
ميسم:ما يمدي قبل العرس نجلس بس ٣ايام والعرس ب٢٧
ليال:بعد العرس احسن
سعود:اجل انا مع زوجتي مو معكم
خالد:خلاص نشوف بكرا عن الوالد ونحدد
ليال:الله احس تحمست من الحين
سعود:بدري تتحمسين
خالد:من زمان ما سافرنا لحالنا
ميسم:صادق يبي لنا سفره
كملو سواليفهم بين ضحك ومناقر ليال وسعود وخالد وميسم يضحكون عليهم وبعد ساعات صار الساعة ٣قامو يدخلون
سعود:يالله تصبحون على خير
ميسم:ويينن يا الحبيب امش ضف
ليال:سعود ترا اذا دخلت ونمت بعلم ابوي عليك
سعود:وراه بزر عندتس تعلمين ابوي
ليال ارتفع صوتها:بتروح تنام والفجر ب يإذن
سعود رفع صوته:ومن قالتس بروح انام
ليال:انـ
صرخت ميسم:خلااااصصص الحين ابوي بيقوم من اصواتكم
خالد:اوفف انا اوش جابني عند توم وجيري ذولا
مشى لعندهم وهو شايل صينيه القهوة وفيه نوم بس يقاوم :سعود لا تنام اصبر ل بعد الصلاة
ميسم:علشان ما تنامون انت وهو سبعو مواعين القهوة
خالد :والله البلشه
ليال:اي يالله سوو الي قالت ميسم ولا بفضحكم عند حريمكم
سعود ناظر خالد:الحين صارو يهددوننا بحريمنا
خالد: تصدق كلامهم صح امش نسبع علشان ما ننام واصلن باقي على الفجر ٧دقايق يالله بس
سعود:الله يعين وش ذا الخوات المسيطرات
ميسم وليال ناظروهم وهم داخلين المطبخ وكاتمين ضحكتهم ميسم:اشكالهم تحفهه
ليال طلعت جوالها تصور:دايخين ورايحين يغسلون المواعين هههههههههههه
ميسم:انتي صيري عندهم لا ينامون وانا بروح فوق اصحي ابوي
هزت راسها ليال ب ايه ومشت ميسم لفوق تصحي ابوها
"مرور زمني"
بعد مرور السبع أيام بعد زواج سعود الي ما كان كبير مرره زواج مختصر بين اهل العروس والعريس بعده بيومين الزواج المنتظر زواج همام ب اسراره وادم ب لؤلؤته طبعًا من الصباح كانو يجهزون والظهر راحو للقصر يشوفون الترتيبات والعرايس ف الصالون مع البنات ومتوترين اسرار:يمامة تكفين اتصلي ب امي شوفي وينها
يمامة:انا بفهم انتي ليش متوتره هالكثر بعدين توها امك قايله تنتظر عزيز يجي
فاتن:امسكي اشربي قهوه وشوي وتجي امك
بيلسان جت عندهم:يمامة روحي اقنعي اختتس لا تحط التسريحة ذيك
يمامة:للحين صامله ذي
بيلسان:تعبت وانا احاول فيها والحين جا دوري بسوي شعري
فاتن:كم باقي على المغرب؟
بيلسان:الحين الساعة ٥وربع:يعني ما باقي شي
فاتن:خلاص بعد شوي بيجي حمود الي مخلصه تروح معي للقصر
بيلسان:قولي لهم انا بجلس مع اسرار ويمامة مع اختها
فاتن:زين. اخذت جوالها وراحت تقول للبنات وبعد دقايق وصل محمد وراحو نصهم معه ما بقى الا العرايس و بيلسان ويمامة معهم وبعد نص ساعة خلصت بيلسان لبست فستانها وخلصت يمامة مع اذان المغرب خلصو العرايس وجاهم منصور ياخذهم ل القصر ووصلو بعد مسافة الطريق ونزلوا ودخلو من باب العريسه
لولو:بنات الحين الزفة مين اول
يمامة:ليه
لولو:علشان اهيئ نفسي اول
بيلسان:اسرار اول واذا صارت ١انتي
اسرار:يعني الوحدة زفتها ساعة
يمامة:ايهه انتي اول ما تصير ١٢لان بتصورين وبتنزفين مع ابوتس واخوانتس وعلبال ما تجلسين وتخلصين تصوير يجي دور الناس بتسلم عليك اكيد
بيلسان:ساعة بعد يالله تكفي
دخلت زهرة عليهم:ماشاءالله ماشاءالله تاخذون العقل بنات اخواني
لولو:عميمه تكفين لا تبكين
زهرة رفعت راسها توقف دموعها:ماني مصدقة الي كنت العبهم وانا صغيره اليوم زواجهم
اسرار قامت تحضن عمتها :كبرنا والحين صرنا عرايس عقبال اناشاالله ما تزفين ميلا عروس
يمامة:يوهه قدامه مشوار طويل الله يعينه
زهرة:امين يارب
بيلسان:فيه احد جا صح
زهرة:مادري بس الحين لولو تروح للغرفه الثانيه لحالها وانتي هنا لحالك علشان لولو بتتصور مع ادم الحين وانتي بعد والزفه
بيلسان:قلنا لهم عنها بس خالي سلطان بيدخل مع لولو؟
زهرة:اي اكيد هو طالب انه يزفها له بعد
اسرار:الحمدلله ان همام مو داخل والا التوتر بيزيد
يمامة :ومن قال انه ما راح يدخل هو بينزف اول وبعده انتي
اسرار شهقت:احلفيي ليه ما قلتو لي
لولو:توقعتتس تعرفين
اسرار:لااا ما ادري
بيلسان:هاذاتس عرفتي الحين
زهرة:يالله يمامة ودي اختتس هناك و بيلسان اجلسي لين تجي المصورة وطلعي
اسرار :امي وجدتي وينهم
زهرة وهي طالعه:شوي ويجونك
عند لولو اول ما راحت الغرفة شافت المصورة فيه تجهز دخلت وياعدتها يمامة وامها وشوي ودخل أدم يتصور معها همس ب اذنها:اعلن وفاتي اليوم وش ذا الجمال ماشاءالله
خجلت ونزلت راسها ورفعه آدم وهو يناضر عيونها والمصورة استغلت الوضع تصور
ادم:يا حلو الي يستحون
لولو:ادممم خلاص
ضحك وقربها له يسمع كلام المصورة:للحين تستحين من زوجك
لولو:مو مستحيه منك من الي معنا استحي احد يشوفني بوضع رومنسي
آدم:عاد انتي زوجتي ترا
تمارة كانت معهم وتصورهم:ادم قرب منها شوي ما تسمع
ادم لف لتمارة:وانت وش جايبتس هنا
تمارة:انا مساعدة المصورة اسمع الكلام علشان تطلع الصور حلوهه
لولو من التوتر:متى بنخلص
المصورة:اذا ضبطتو الصور زين خلصنا بدري
سكتت لولو وبعدها بدو يصورون لين انتهت المصورة: اكثر ثنين يتعبون
تمارة:مشكورة حبيبتي
بعد ما طلعت تمارة آدم طلعت ورجعت يمامة عند اختها والباقي يستقبلون الضيوف الي بدو يوصلون
عند اسرار
دخل همام و بيلسان طلعت ودخلت فاتن عندهم وهيام بداو يصورون وكانو اسهل من لولو وآدم بعد ما هلصت المصوره وطلعت هيام:يالله لو سمحت اطلع
همام:لا ما راح اطلع بجلس مع اسراري شوي
فاتن:خليه ١٠دقايق بس واجي اشوته برا
طلعو هيام وفاتن وصارو وحدهم ف الغرفة
همام مسك قلبه:سبحان من خلقتس تشلعين القلب من جمالتس
اسرار ابتسمت بحب وهو ماسك يدينها
همام:اسـ...
دخلت فاتن:انتهت العشر دقايق يالله تفضل بدون مطرود
همام:عميمه شفيتس قلبتي شوي بس اكمل كلامي
فاتن:ترا كلهم كم ساعة وتاخذها لبيتك تشبع منها
همام قام وطلع وشاف العيال وراح يوقف علشان يستقلون الضيوف الي جايين
هيام عند اسرار:تبين تاكلين شي
اسرار:امي وينها ما جت
فاتن:انشغلت ب الضيوف الحين بناديها
راحت فاتن تنادي هبة ام منصور وشوي دخلت هبة على بنتها وهي تذكر ربها وتحصنها:مبروك يا امي انتي مدري كيف بيصير البيت من دونتس
اسرار ضمت امها وهي ماسكه دموعها:حالفين تخلوني اصيح اليوم انتم
ام منصور:كبرت بنتي وصارت عروس والله ماني مصدقة
هيام:خاله هبة تراها مو ناقصة تصيح الحين يخرب مكياجها ويالله كيف نرقعه
ام منصور:صادقه لا تبكين زين امي انتي
هزت راسها اسرار
ام منصور:اكلتي شي طيب
اسرار:شاربه قهوة ف الصالون
هيام:لي شوي احاول فيها تاكل بس عيت
ام منصور:بروح اقولهم يحطون لك فطاير تاكلينهم
اسرار جت بترفض بس سكتتها امها:مافيه بتاكلين الحين بتنزفين وتدوخين علينا
هيام:صح كلامتس بنادي عمتي افنان توكلتس غصب
اسرار تنهدت:كني بزر
هيام:بزرين بعد
بعد دقايق جت ام منصور وعطت اسرار تاكل وكل شوي احد يدخل عندها وشوي عند لولو لين قربت الساعة ١٢وبدو يجهزون الزفه وطلعت اسرار بعد ما انزف همام للحريم والحين جا دورها جددت روجها ووقفت قدام الباب المسكر وفاتن وهيام وراها يعدلون فستانها ودخلت تشوف ابوها واخوانها قدامها مشت لين عندهم مع ايقاعات الاغنية الي مختارينها(ادخلي عمري)ومسكت يد ابوها على يمينها واخوانها قدامها مع همام مشت وهي تشوف همام قدامها وتتاظر امها الي واقفه ف المنصة تناضرها وتسمي عليها وصلت ومشى همام لها وسلم على عمه ومسك يدها يصعدون المنصة لين وصلو والمصورة تصور وبعدها جت الجده وبناتها يسلمون عليهم وشغلو اغنيه ورقصت ام منصور قدام بنتها بفرحها وعيالها دخلو معها ويصفقون لها عزيز:عاشت ام منصور صفر وهو يرقص معها وشوي دخلت فاتن معهم وافنان وزهرة وصارو يراقصون اسرار وابو منصور دخل يرقص والبنات يصورون وراهم وشوي وطلع ابو منصور مع عياله وجلسو اسرار وهمام وجت ام همام تسلم عليهو تبارك لهم وخواتها جو يسلمون ورقصت ام همام مع ولدها جت هيام عند همام:خلاص الحين بتطلع
همام:انا وياها؟
هيام:لا انت لحالك هي بتجلس شوي مع صديقاته وتطلع لك
همام:زين
وقف ومشى يطلع بعد ما ودع امه وجدته واول ما طلع صديقات اسرار جو عنها يباركون ويرقصون معها
وبيلسان تصورها بطلب من اسرار وشوي وطلعت اسرار لغرفتها وجهزوها فاتن وبيلسان وطلعت لهمام
وبعد ماطلعت راحو ل لولو يقولون لها تجهز لان شوي وينزف ادم وهي بعده علطول
دخلت ميسم عندها:هلا ب العروس
لولو:توني ب اسال وينتس
ميسم سلمت عليها:يوم جيت قالو لي انه عندك أدم فا رحت عند خالتي
لولو:على بالي ما جيتي وين ليال اجل
ميسم:الحين بتجي ومبروك مره ثانية
يمامة:من راح فهد ماشفناك الابعرس اخوك ليش صرتي ماتجين
ميسم:والله تشوفين الحمل متعبني وصايره ما اطيق اطلع من البيت
لولو :معذورة اهم شي ترتاحين انتي
فاتن كانت عندهم:وش صار على فهد ما قال متى راجع
ميسم تنهدت بضيق:يقول مطول ولاحين ما يعرف
فاتن:منصور قبل شوي سلم على امه وطلعا للمطار
يمامة:يلا خلاص خلو جو الحزن انشاءالله كلهم بيرجعون قريب
دخلت ليال وهي تزغرط:الف الف مبروك يا عروس قلبيي
البنات ضحكو على طريقه دخولها ليال:ماشاءالله ياحلوتس حلواهاا
لولو :وش رايتس بس غمزت لها
ليال:تاخذين العقل ماشاءالله يا حظ ادم بس
فاتن:يالله جا الوقتت
لولو توترت:يمهه يوترر كيف بطلع لهم
يمامة طلع وشافت ابوها واخوها فيه :يالله شوفي ابوي ومهير وصلو جت حبيبه ام مهير:يالله لولو
ميسم:سمي ب الله واطلعي
لولو لفت لهم:كيف شكلي طيب
ليال:ما عليتس حلو اطلعي يالله
طلعت بعد ما حصنتها امها ومشت عند ابوها تسلم عليه وعلى مهير
مهير:ماشاءالله كل هالكشخه ل آدم كثيره عليه ابو براء
سلطان ابتسم وهو يشوف بنته :حصنتي نفست يا ابوي انتي
هزت راسها فاتن:يالله سلطان بدت الزفة
دخلت يدها بيد ابوها ومسكتها بيدها الثانيه وعلى يسارها مهير دخلو اول ما قالت الاغنية
( لا إله الا الله لا إله الا الله
الف الصلاة والسلام عليك يا حبيب الله محمد
اسم الله الرحمن سمو عليها
تقبل وكل النور منها وفيها
لا آله الا الله لا اله الا الله )
تمشي بخطواتها ومع ابوها وهي مبتسمه ابتسامة خفيفة وتشوف الحضور متوتره بس هون توترها وجود ابوها واخوها معها وامها قدامها ويمامة وراها تعدل طرحتها مشت لين وصلت لنص ووقفت وتقدم لها أدم ومسك يدها وباس راسها ومشت معه للمنصه ونفص ما صار مع همام واسرار صار مع ادم ولولو ورقصو مع اهاليهم وشوي وطلع ادم ولولو جلست مع صديقاتها شوي وطلعت للغرفه:يمامة وين عباتي
يمامة جابت عباتها :تعالي البسك
لبست عباتها وطلعت ماسكه يد مهير وصلت لعند السياره وركبت معه
حرك ادم لف لها:جاهزه صح
لولو ب استغراب:لايش
آدم:طيارتنا بعد ساعة
لولو:تستهبل آدم
آدم:لا
لولو:بنروح بدون اغراض
أدم:شناطنا ب الشنطة ورا مجهز كل شي لا تخافين
لولو:اشوى بس فستاني
آدم:بنروح الفندق تغيرين ونطلع علطول للمطار
لولو:اوكي حلو
"العرس"
البنات يرقصون بعد ما طلعو العرايس والحريم دخلو على العشاء هيام:اوفف تعبت
لينا:والله يا رقصت رقص ما رقصته من زمان
نوره:انا نزلت كعبي علشان ما اتعب
ميسم:كان نفسي ارقص
فاتن:الطاقة زيرو احتاج البيت
بدت الناس تروح والبنات جالسين يحترون اخوانهم
ميسم قامت:يالله بنات جا خالد
نوره سكرت جوالها:عميمه يالله العيال برا ابوي متصل
قامو البنات كلهم يلبسون عبيهم ويطلعون فاتن كانت تمشي مع ليال ويسولفون شافت خالد واقف وابتعدت علطول عن ليال ومشت لبيلسان
ابتسم خالد من شافها تبتعد:تبعدين عني هيينن كلها كم شهر وتجين عندي
ليال ضربت كتفه وهي رايحه ل السياره:يا العاشق الولهان نبي البيت يالله
خالد لف لها :درينا يا الطاؤوس (قالها كذا علشان فستانها فيه ريش)
ليال:تراك من اليوم قالب علي وعلى فستاني خلاص مهو حلا هو
ضحك وراح يركب سيارته متجه لبيتهم
عند اسرار وهمام بعد ما راحو الفندق يبدلون طلعو متجهين المطار همام:عطيني جوازك
مدت له اسرار جوازها:همامم يعني ما راح تقولي وين بنروح
همام:اذا علمتتس ما تصير مفاجأة
اسرار مسكت يده:طيب تلميح بسيط
همام هز راسه:لا تحاولين ما بقول ولا حرف
تأففت وراحت تجلس على احد الطاولت القريبة وطلعت جوالها تطقطق فيه
جا همام وجلس ومعه كوبين قهوه:باقي على الاقلاع ربع ساعة
اسرار هزت راسها ب الزين:همام انت حاجز ومخلص كل شي؟
همام نزل قهوته:ايه ليش؟
اسرار:ولا شي بس بشوف
/
\
"بمكان بعيددد فـ دبي -فندق فهد"
صحى الصباح الساعة ٧وربع قام دخل دورة المياه تكرمون يتروش وبعدها طلع وهو لاف الروب على جسمه طلب له فطور وجلس يشوف الاورق الي عنده واللابتوب حقه يشوف شغله تنهد وسند جسمه على الكرسي واخذ جواله يتصل على منصور شوي و رد منصور:هلا
فهد : وصلت؟
منصور: توني نازل من الطيارة ارسل موقع الفندق
فهد:قبل تجي مر الشركة وجيب الاورق الي برسلهم لك الحين
منصور:زين يالله مع السلامة
سكر فهد وقام ياخذ فطوره الي جا وجلس يفطر ومن خلص راح يلبس شورت ابيض وتشيرت اورنج طلع وهو يتعطر ويرتب اغراضه ب شنطته حقت الشغل شوي ودق بابه راح يفتح :ارحب يبو محمد
سلم عليه منصور:البقى يا ابو أسر
فهد:الحمدلله على السلامة
منصور وهو يدخل:الله يسلمك ، حط الاوراق على الطاولة :ذولي الاوراق الي طلبت وفيه اوراق معي من جدي يقول عطهم فهد
فهد سكر الباب ومشى ل الطاولة ياخذ الاوراق:زين مشكور وترا غرفتك الي جنبي روح ريح والعصر نروح مع بعض ل الشركه
منصور وهو تعبان وفيه نوم :زين بس اتصل على زوجتك وامك تراهم ينتظرونك تتصل عليهم
فهد وهو ما اتصل عليهم الا اول ما وصل وباقي الايام كان مشغول مهو حول جواله:زين روح انت علشان تصحصح العصر وننهي شغل اليوم
منصور طلع وهو يهز راسه وسكر الباب متجه لغرفته دخل ودخل شنطته ونزل ملابسه ودخل يتروش وبعد ١٧دقيقه طلع والروب عليه وانسدح على السرير ب عشوائية وناممم علطول من التعب بعد ما ارسل لامه انه وصل
اما عند فهد جلس على الكنبة واخذ جواله اتصل على امه ودقايق وردت عليه افنان :هلا هلا ب الغالي هلا ب ابوي
فهد ابتسم وضحك خفيف:الله كل هاذا لي يا حظي صدق
افنان بشوق لولدها:اييه شلونك عساك تاكل زين ما تحرم نفسك
فهد:لا ما عليتس يمكن ارجع لكم صاير دب
ضحكت :لا ما تصير ما عليك انت بس ارجع ب السلامة
فهد:من عيوني ابشري كم عندي افنان انا
افنان:وحده بس ما عندك غير امك
فهد:ايي وشلون بيلسان وميرا
افنان:بخير يسلمون عليك الحين هم بدواماتهم
فهد:اجل لا جو سلمي لي عليهم وأمير مداوم اليوم
افنان:ايه اخذه جدك ل الشركه
فهد:الحين تخصصه هندسة ليه ما يروح لجدي علي
افنان:مادري عنه امس سألته وقال يبي يروح عند ابوي
وايه ملكة اختك بعد اسبوعين ما تقدر تحضر علشان بيلسان
فهد تنهد:والله با اميمتي ما ادري عن وضعي ان قدرت جيت اسلم عليها وامشي بنفس اليوم لان السبوع الجاي عندنا ضغط ف الشغل بس بشوف
أفنان:زين يا ابوي اجل انا بسكر بروح اصلح الغدا
فهد:مع السلامة سلمي لي عليهم
افنان:ابشر ، سكرت المكالمة وقامت للمطبخ تسوي الغداء
اما فهد بعد ما سكر من امه اتصل على ميسم ولا ردت واتصل مره ثانية بس برضو مافي رد توقع انها نايمه نزل جواله ورفع يده يشوف الوقت واخذ اغراضه ونزل للكفي الي عند الفندق جلس وفتح لابتبه واخذه الوقت وهو يقلب ف الاوراق ولا حس صار حول العصر الساعة ٣:٢٠دقيقه ترك الي بيده وسند ضهره وقام اخذ السياره الي مستاجرها واتصل على منصور يجيه الشركه لانه هو رايح لها الحين فنص الطريق جاه اتصل واخذ الجوال بدون لا يشوف المتصل و رد :آهلًا
:فهد كيفك
عرف الصوت واوجعه قلبه شلون قدر يخليها ويروح:هلا بشرايين قلبي هلا بزوجة الفهد
ميسم ابتسمت منت ترحيبه ودمعت:شلون ارد عليك الحين
فهد توسع ثغرة ب ابتسامة:ما يحتاج تقولين شي ، شلونتس كيفتس مع الحمل عسى مو متعبتس
ميسم:بخير بس الوحام والغثيان متعبني
فهد:تهون كلها لا شفتي ولدنا بين يدينتس
ميسم:هاذا الي مصبرني
سكتت شوي وفهد ب المثل الي وقف عند الشركه ونزل
ميسم ب بحه:فهد
فهد :عيوني
ميسم خانتها دموعها:اشتقت لك
فهد:انا اكثر مع انه مر سبع ايام بس الشوق ذابحني
ميسم مسحت دموعها:دامك مشتاق ليه ما تجي المشتاق يجي
فهد عرف انا تبكي من نبرة صوتها وعتابها:تدرين ليه انتي ووش ظروفي ، سكت وهو يسمع شهقاتها تنهد بقله حيله:يا امي انتي ميسم لهدرجة الشوق ذابحتس لدرجة انتس تبكين
ميسم:فهيد ما اقدر اتحمل من دونك وحملي متعبني
فهد سكت شوي :خلاص ياروحي انتي بكلم خالد يجبك دبي عندي زين بس لاتنزل دموعتس ترها غاليه علي
ميسم مسحت دموعها:زين
فهد تنهد:يالله انا بسكر بدخل الشركة الحين
ميسم ببحه:مع السلامة انتبه لنفسك
فهد ابتسم:انتبهي لنفسك اول وانتبهي للي فبطنك
ميسم:ابشر على خشمي
فهد بنفس الابتسامة:عليه الشحم مع السلامة ، سكر منها ودخل الشركه ودخل وراه منصور وراحو يصلون لإنه آذن العصر
عند ميسم قامت من سريرها وهي صايرة تنام كثير قامت تغسل وجهها ونزلت عند امها تحت :وين الناس
ام سعود:ليال نايمه وخالد توه طالع
ميسم:غريبه نايمه العصر بنتتس
ام سعود:شكلها تعبانة لانها ما داومت اليوم
ميسم هزت راسها واخذت جوالها تشوف البنات يسولفون ب ملكة بيلسان وش بيسوون وامها تناظر التلفزيون رفعت راسها:يمه
ام سعود:هلا
ميسم وهي تناظر جوالها:متى انتي عازمه خالاتي
ام سعود:بكرا وراتس نسيتي
ميسم:ما نسيت بس أتأكد بعدين يمه ما ودي انزل لهم
ام سعود:وليه انشاءالله
ميسم:يمه تعرفين بنات خواتتس انتي وزود على هاذا عيالهم نشبه كل شوي يدخلون علينا
ام سعود : انشاءالله العيال ما هم داخلين والبنات سدي اذانتس عنهم خلي يقولون الي يقولون اهم شي خالاتتس
ميسم تنهدت بضيق:بس يم..
قاطعتها:لا بس ولا هم يحزنون بتنزلين وانتي مرة
دخل خالد:وش السالفة
ميسم:مافي شي بس مالي خلق اشوف احد بكرا وامي تبيني انزل لخالاتي
خالد:طيب انزلي شوي وارجعي غرفتتس
ميسم:ما ابيي
ام سعود:اعقلي بس
خالد:خلوكم من ذا كله فهد كلمني يبيتس تجين عنده
ميسم هزت راسها وهي مبتسمه:اي قالي
خالد ابتسم:شكلتس جلستي تتبكبكين عنده لين قرر يجيبك عنده
ميسم ناظرته 😒:واذا زوجي
ام سعود:ما قال شي بعدين ليش تبغين تروحين عنده اجلسي هنا مراجعاتتس ودكتورتس هنا
ميسم:ادري بس انا ابي اروح له
خالد:بتروحين بتروحين بس ما بتطولين هناك
ميسم ب استفهام:شلون ما بطول
خالد:الله يسلمتس فهد طلبني اجيبك عنده لمدة شهر ويمكن اقل بعد وبعدها ترجعين لاهلتس
ميسم:ليههه انا ابي اجلس لين يرجع وارجع معه
خالد هز كتوفه:مايبتس تجلسين هناك وانتي مراجعاتتس هنا وبعدين يمكن تتعبين بتحتاجين امي
ميسم:لا ما بيجيني شي اناشاالله بجلس عنده لين يرجع بقول له
ام سعود:يا بنتي الرجال رايح شغل شلون بينتبه لتس وهو مشغول
خالد:فهميه يمه تكفين بعدين هو لو بيده جا بعد لملكة اخته بس مضغوط من الشغل حتى منصور ما يقدر يمسك الشغل لحاله
ميسم بوزت وعبست وجهها:زين خلاص
"بعيدد عند معاريسنا/اسرار وهمام "
وصلو لوجهتهم واسرار مبسوطه مرره بمفاجأة همام المدينة الي كانت تحلم تروح لها ودها هو وبشهر عسلهم:همام اخخ احبك كثر هالدنياء
همام ابتسم بعد ما حضنته وبادلها الحضن:وانا احبتس اكثر لو تبين عيوني عطيتك اياها
اسرار:اليابان كنت من يومني صغيره نفسي اروح لها شلون دريت
همام مسك يدينها:الله يعافي منصور علمني وانا قلت ما اخليها بخاطرتس
باسته من خده:شكراً لكك مرره
همام الي داخ من بوستها:افاا ما بيننا
لف راسه لها:الحين نروح الفندق نريح وبعدها ننزل اذا تبغين تتمشين
هزت راسها ب زين وركبو السياره الي طلبها همام واتجهو للفندق
اما عند لولو& آدم
واصلين وجهتهم وكانت جزيرة بالي وصلو فلتهم جلست لولو على السرير:الجو حلوو ماهو رحر مرره
أدم جلس جنبها بعد ما دخل شناطهم :بس الي بجنبي احلا من الجو
لفت لولو له وحمرو خدودها وقرب منها رفع راسها وقبل ثغرها ولولو من صدمتها وخجلها ما بادلته ابتعد عنها وحط راسه على راسها رفعت يدينها لرقبته تحاوطه وسدحها على السرير واعتلها وو..🌚
"فبيت ابو سعود المغرب "
كلهم مع بعض جالسين ابو سعود:ميسم متى ماشيه لزوجك
ميسم ناظرت خالد:مادري عن خالد يبه
خالد رفع راسه:بعد بكرا انشاءالله
ام سعود:اشو علشان تشوفين خالاتتس
كشرت ميسم من الطاري ودخلت ليال ومعاها حلا تمر وجلست عند ميسم وبدت تعطيهم الحلا ليال:ميسم خوذي من الحلا تراه لذيذ طالبته من وحده
ميسم سدت خشمها وهي معدتها تقلب:لا لا شكراً ما ابي
ليال ب استغراب وقربت الصحن عندها:لذيذ ترا بيفوتتس
ميسم قامت بسرعه للحمام ترجع"تكرمون " وليال استغربت وحطت الي بيدها ولحقتها:ميسم فيتس شي والله ما كان قصدي اغصبتس
طلعت ميسم بعد دقايق وهي تمسح وجهها بمنديل:لا عادي
ليال حزنت:عادي ولا عصبتي علي؟والله ما قصدتس
ميسم مسكتها:ليال عمري زعلت منتس خلاص كله غثيان من الحمل
هزت راسها ليال ورجعو يجلسون مع اهلهم
خالد بقلق:ميسم تبغين اوديتس للمستشفى
ميسم هزت راسها:لا لا
ام سعود طبطبت على ظهرها:عادي بنيتي تحملي كلنا جانا كذا بحملنا
ميسم هزت راسه واخذت فنجالها تشرب قهوتها وليال اخذت الحلا تبعده عنها
"بعد مرور يوم بدون اي شي مهم"
"بيت الجد" المغرب
فاتن:عزيزو قوم جيب الشاهي من داخل
عزيز:وش شايفتني مرسول طلبات كل شوي مقومتني عندتس ذولا، اشر على أمير ومهير
فاتن اخذت المخدة و رمتها على أمير ومهير:واحد منكم يفز ويروح يجيب الشاهي ابوي يبيه
الجد: شالفايده جالسين معنا وعلى جوالتكم هاه؟
أمير:معليش يا جدي بس ما عندكم سواليف
أفنان ضربته:وجع احترم الي اكبر منك
مهير:والله هاذا الصدق عميمه
فاتن:قليلين حيا قومو يالله
عزيز ضحك عليهم وناظرتها فاتن:وانت بعد طس معهم
عزيز توسعت عيونه بصدمه:وش دخلني انا بعد
أمير:شعندها العروس معصبه اليوم
مهير غمز ل أمير:شكله الحب ما كلمها اليوم
فاتن طارت عيونها منهم وقامت تلحقهم بعد ما هجو :انا اوريكم يا بزارين قريح
مهير:افااا بس كل هالشنبات وبزارين
أمير بتعزيز لكلام مهير:ايوالله عيب بحقنا
فاتن ناظرتهم ب استحقار و رجعت مكانها والعيال رجعو بعد ما راح مهير يجيب الشاهي:وجبنا لتس الشاهي لا تزعلين
الجد:امتس متى بترجع من عند جارتها
أفنان:والله ما ادري ما سالتها
الجد:وشلون فهد عسى اموره زينه هناك
افنان:لا طيب يقول بعد انه يمكن يرجع بدري لانه خلصو نص الشغل
فاتن:ما بيجي لملكة بيلسان
أفنان:مادري والله يقول انه مشغول
أمير:يمه صح نسيت اعلمتس فهد قال لي ان زوجته بتجي عند
فاتن:ايه اليوم موعد طيارتها
أفنان:زين راحت عنده غديه يصير عنده وقت ويجي هو وياها للملكة
فاتن:الملكه ب ٢٦ صح؟
أفنان:اي امس كلمت ام الولد وحددنها معهم
الجد:زين الله يوفقها يارب
عزيز:جدي ما ودك تزوجنا حنا الثلاثة
أمير كشر:لا انا ابعدو عني ما ابي اتزوج
الجد:انشاءالله بزوجكم كلكم ب ليلة وحده بس اول توظفو ويصير خير
مهير:انا الحمدلله متوظف بس ما ابي الزواج
افنان:ماشاءالله متى توظفت
مهير:لي سبوع متوظف ب ارامكو
فاتن ناظرت امير:وانت ليه ما رحت معه مو كلكم نفس التخصص
أمير:الا بس ما احس اني ابي اتوظف الحين
الجد:لا ذا السنه معي ب الشركه والسنه الثانيه مع مهير انشاءالله
عزيز: انا الحمدلله ضامن وضيفتي ب الشركه
فاتن:يبه عليك فيهم اذا جوك الشركه اكرفهم كرف
الجد ضحك:ماشاءالله ضامن من الحين
عزيز غمز له:شرايك بس
أفنان:الله يوفقكم انشاءالله
فاتن :ناقصكم حمود وتكملون
:حمود وراتس جالس
لفت فاتن بقوة وصرخت وهي تضرب محمد وهو يحاول يوقفها مسك يدينها:احح وش فيتس محمد انا
فاتن مسكت قلبها :الله يخرشك خرشتني
الجد:الواحد اذا دخل يسلم مو يروع المسلمين
سلم محمد على جده وبعده عماته والعيال:والله كنت بدخل طبيعي بس شفت جوكم هدوء قلت اخرشكم شوي
عزيز:حمود تعال هنا
جا محمد وجلس عنده واخذ الفنجال من امير :وش عندك
عزيز:اسمع عندنا موضوع نتناقش فيه تو مع جدي ودك تنضم معنا
محمد رفع فنجاله بيشرب :وش الموضوع
عزيز:نتزوج
محمد طشر القهوة عليه وكح:هاه
الجد ناظره والعيال فطسو ضحك وعزيز يمسح وجهه:الله يقرفك يا شيخ اقول نتزوج ن ت ز و ج
محمد:لا انت منتب صاحي اكيددد
الجد:وليه وش فيها اذا انت متوظف ومكون نفسك عادي
محمد:انا طلعوني ما ابي زواج ولا خرابيط
الجد بحده ممازحة :انت اول واحد بزوجه
أمير:ابلش
محمد ناظر امير:المفروض انا الي اقولها مو انت
أمير:عادي قلتها بدالك
مهير:الله يقلع بليس عزيز ليش تفتح الموضوع
أفنان:مافيه زواج الا اذا انتم صرتو مستعدين تتحملون المسؤولية
فاتن 👍🏻:ائيد كلام فنو
كملو مناقشاتهم مع هواش شوي
ف المطار وصلو ميسم وخالد اخذو شناطهم وطلعو وشافو فهد ينتظرهم اول ما شافته ركضت بكل ما واتيت من قوةً بشوق و وله له وهو بدوره فتح يدينه له ينتظرها وحضنته بقوة وهي تصيح:اشتقت لك يا كلب
فهد ضحك وهو مشدد على حضنها:الحين هاذي اعتبرها سبه ولا مدحه
خالد جاي وهو يضحك:لا تشره عليها الهرمونات ضاربة عندها
ابتعدت شوي عن حضنه وقرب يسلم على خالد:تو ما تنور دبي ب جيتكم والله
خالد ابتسم:وين منيصر ما جا معك
فهد وهو حاضن ميسم من جنب:ف الشركه مشغول
خالد:اذا تبغوني اساعدكم بشي تراي اعين واعاون
فهد:لا سلامتك بس ما جا سعود للحين
ميسم ب بحه:ما رجع من شهر العسل توه
فهد:لازم يرجع لان فيه اشيا تخص شريكتكم هو يعرفها بس
خالد:انا بقوله يجي علشان تخلصون علطول
ميسم ناظرت خالد مشى عنهم ورفع نفسها وباست خد فهد وهو اول ما حس بشفايفها تطبع على خده بوسه قربها له وهمس ب اذنها:ودي اسويها بس ما يصلح قدام العالم
خالد جا وبعدت ميسم وهي مبتسمه خالد: روحو للفندق علشان ترتاح ميسم وانا بروح لمنصور
فهد فتح ل ميسم وركبها وركب الشناط:مع مين بتروح
خالد:تكسي
فهد:اركب اوصلك الشركة مو بعيده عن الفندق
خالد:بس..
فهد:لا بس ولا شي اركب يالله
ركب خالد ومشو متجهين ل الشركه ينزلون خالد وبعد نص ساعة وصلو ونزل خالد ومشى فهد متجه للفندق وناظر يده يشوفها متمسكه فيه ابتسم:ما بطير وما بيبعدني عنتس الا الموت
ميسم ضربته:خير ليه تقول كذا
ضحك فهد:لا زين فيتس طاقة
ميسم رفعت عيونها تشوفه:فهد
فهد وهو منتبه ل الطريق:عيون فهد امريني
ابتسمت بحب :تدري للحين ما شريت اغراض للبيبي وانا الحين ب ادخل الشهر الثالث
فهد لف لها:ماشاءالله بتدخلين الثالث وانا ما ادري
ميسم استندت على الكرسي:ايي يعني باقي ٦شهور على ولادتي وحنا حتى غرفته ما جهزنها
فهد :ما عليتس نشري الاغراض واول ما نرجع نسويها مع بعض وانتي لا رجعتي روحي السوق مع خالد واشري الي تحتاجينه
ميسم: بس ابغى اختار انا وانت مع بعض
فهد سمت شوي وقال:شوفي اجل نروح اذا فضيت نتقضى من هنا له والباقي اذا رجعتي انتي كمليهم
ميسم برضى على فكرته:حلو اهم شي تكون معي
ابتسم ونزل حزامه:يالله انزلي وصلنا
نزلو ودخلو الفندق وراحو لغرفة فهد والشنط مع العامل الي وراهم جاي فتح الغرفة ودخلت ميسم وهو وقف عند الباب يدخل الشنط وبعد ما خلص دخل وسكر الباب راح عند ميسم الي جلست على السرير بعد ما نزلت عباتها :ارتاحي شوي
ميسم:ممكن تجي انام بحضنك
ابتسم فهد وتمدد جنبها على السرير:من عيوني امشي اصلن انا مشتاق لحضنتس
ابتسمت وعلطول قربت وانسدحت على صدره وفهد يلعب ب شعرها لين غفت عينها وهو معها غفى وهو مشدد الحضن عليها أشتاق كثير الشوق لحضنها
"ف الشركه "
منصور مركز على الاوراق وخالد عنده يكلم سعود:يا سعود انا قلت لك بس لا ترجع وتخرب شهر عسلكم علمني وانا اشوف
سعود تنهد بقلق:بدور اقرب حجز واجيكم ما اقدر اخليكم كذا
خالد تنهد بتعب وهو يحاول يقنعه ما يجي بس ما فيه فايدة أبدًا:

____
عطوها حقها نجمة وكومنت✨