انا عندي بدايتنا ؟ بداية عمرك وعمري

الـبــارت٢٣

ابو سعود ضحك من نظرات ليال
ام سعود بضحكة: انشاءالله يجي رجلتس ونشوف وش بتسوين
خالد:اخخ بنتظر ذا اليوم بكل صبر علشان اشوف وش بتسوين
ليال قامت :اروح اسوي العشاء ازين لي وبعدين الي بيخطبني لازم يوافق على شروطي
ابو سعود:ووش شروطتس انشاءالله
ليال:بعدين اقولك يبه
راحت للمطبخ وهم يناظرونها ويضحكون
"عند فاتن "
الي بعد ما قالها ابوها توترت وقالت بتستخير جلست بعد ما خلصت صلاة بعدها نزلت وشافت ميلا تدور ب مشايتها
فاتن فتحت يدينها :ميلتي تعالي هنا يلا يلا
ميلا ابتسمت اول ما شافت فاتن وجايه تمشي بكل سرعتها ل فاتن ومسكتها فاتن وهي تقول ميلا:نانن
فاتن:اخخ ياقلبي انااا يا حلو اسمي منتس
ميلا باست فاتن وهي تضحك ومشت فاتن وهي شايله ميلا وطلعت للحوش وجلست معهم
فاتن:اسمعي صارت تقول اسمي يا حظيي
زهرة ابتسمت: اي صايره تقول اسامي
الجد:عطين اياها العبها
فاتن عطته وصار يلعب معاها وميلا تضحك شوي وتصيح شوي
الجده:فاتن تجهزي ترا بكرا جايين يخطبونتس ويملكون بعد
فاتن من الصدمه :زين
زهرة:وش زين ما جهزنا شي
الجد: اذا بتجهزون ابدو من اليوم لين بكرا العصر عندكم
زهرة:خلاص بنام هنا اليوم نروح انا وانتي نجهز وناخذ بيلسان معنا
فاتن:زين بس بنتتس وين بتحطينها
زهرة:يوهه نسيتها
الجد بحضنه ميلا الي تلعب بلحيته:واحد ينسى الزين ذا
فاتن:جلسيها عند افنان ما عندها شي
زهرة:زين بقول لها اذا فاضيه
الجد:فاتن صبي لي شاهي وانا ابوتس
فاتن اخذت بياله تصب له ولفت من انفتح باب الشارع
محمد دخل ولا سكر الباب :ماشاءالله جالسين ب الحوش اليوم
الجد: امش تقهو بس
فاتن بعد ما سلم عليه :وراك ما سكرت الباب
محمد:لا تخافين محد بيدخل عليتس
فاتن ضربته :سكره بس
محمد بعد ما سلم على جده :فيه عزيز برا
الجده:وينه
محمد:من
الجده:هو مو تقول عزيز معك
محمد ضحك اول ما شال ميلا:ايهه يكلم برا
زهرة:وراك سحبت علي ما سلمت
محمد قام:يوهه من قصرتتس نسيتتس
زهرة قبصته من يده:وجع انشاءالله تتطنز بعد
محمد نقز :ايي وش ذا القبصه
فاتن:اقول انتبه للبنت بس
زهرة:جب بنتي ما تستحي تتطنز على عمتك تشوف يبه
الجد:هو صادق انتي قصيرة
زهرة توسعت عيونها من الصدمة:ييببهه ابيك عون صرت فرعون
الجد بحده:اعقبي
محمد فطس ضحك :لا ما عليتس القصر زين
فاتن جلست :تقهو
جلس محمد وزهرة وهم يناقرون بعض
الجده:خلاص اهجدو خلونا نتقهوى
عزيز دخل على كلام جدته:افاا من مزعج نوير حبيبتـ
ما امداه يكمل جملته الا جده حاذفه ب الجزمه
كلهم ضحكو عزيز اخذ الجزمه ورجعها وسلم على جده :شدعوة تغار جدي
الجد:احترمني على الاقل
الجده :وشفيك عليه فهد ما قال شي
زهرة همست ل محمد:ابوي الرجل الشرقي الغيور
محمد شرق ب القهوة وصار يضحك وزهرة تطبطب على ضهره:صحه صحه حمود
محمد:الله يقلع بليستس
فاتن:امسك اشرب مويه
عزيز :فاتن متاكدة انتس انتي فاتن
فاتن وهي تصب قهوه:ليه وش فيني
عزيز:مدري ب العاده اول ما تشوفينا تتهاوشين معنا
فاتن:ودك ب هواش انت؟
عزيز:لا بس استغربت
زهرة:اي صح اسمع بعد العشاء واحد منكم يودينا ل السوق
عزيز:انا بودي امي واسرار بعد شوي
زهرة:خلاص حمود يودينا
محمد:ليه وشوله السوق
الجد:ودهم وانت ساكت
محمد:ابشر
الجد:اسمعو بكرا ابيكم كلكم موجودين تسمعون من صلاة المغرب كلكم هنا
عزيز عطى ميلا زهرة: ابشر بس ليه
الجده:بكرا ملكة وخطبة فاتن
عزيز ومحمد صفرو محمد:اخيراً بتطسين ل رجلتس
عزيز:الله يعينه صدق
الجد جدع عليهم النعال:وجع انشاءالله بدال ما تقولون مبروك تقولون كذا
عزيز:نمزح نمزح
فاتن:ماش يبه احفادك قليلين ادب
محمد بفضول :اول ما اشوف خطيبتس ب اقوله يهج
زهرة ضحكت:هو الخسران لا هج ما بيلقى احسن من فاتن
الجده:يحمد ربه انه وافقنا عليه اصلن هاذي فاتن مو اي احد
زهرة:صادق امي بعدين انتم الي بتهجون لا شفتوه
عزيز: طيب فاتن اخد قريب لنا ولا من بعيد
فاتن:شلون
عزيز:يعني من عايلتنا من اخوان جدي
الجد:عمانك يا ورع وش اخوان جدي
فاتن:لا مو من عايلتنا بس نعرفهم زين ودايم معنا
محمد وعزيز ناضرو بعض
عزيز:حمود من الي نعرفهم ودايم معانا
محمد:مدري
الجد:مو لازم تدرون لا صار بكرا عرفتو منهو
محمد:يوه بجلس انتضر بكرا
عزيز قام يدخل الصالة:عندي احساس انه نعرفه بس حنا اغبياء
محمد:انت الغبي مو انا
فاتن:متى بتجي اختك
الجد:بتجي هيام
محمد:ابوي بيجيبها قبل الصلاة
فاتن:اي يبه بتجي تنام عندي لي بعد عرس همام
الجده:الله يحييه بنيتي
"فبيت تركي"
هيام نازله من تحت معها عبايتها وشنطة
هيام:يالله بابا
ابو همام قام :يالله
ام همام :سلمي لي على جدتس وجدتس
هيام وهي تبوس راس امها:انشاءالله
طلعت بعد ما لبست عبايتها تركب سيارة ابوها
هيام:بابا ابي امر محل ابي فطاير وحلا اخذهم معي
ابو همام:ابشري كم عندي هيام انا
هيام ابتسمت تحت نقابها:وحده بس
راحو للمحل ونزلت هيام اخذت لها حلا وفطاير وحاسب ابو همام وطلعو علطول لبيت الجد
نزلت هيام وهي تشيل اغرضها جا عندها ابوها واخذ نص الاغراض وراح يفتح الباب ودخل :السلام عليكم
الجده:هلا هلا ب وليدي
فاتن قامت وراحت تسلم على اخوها وتاخذ الي بيده وبعدها سلمت على هيام الي دخلت وفتشت
هيام:الله عميمه زهرة هناا
زهرة سلمت عليها:ايي اشتقت لتس وجيت
هيام ضحكت وراحت تسلم على جدها وجدتها
الجد :حي الله هيامنا شخبارتس
هيام:بخير يوم شفتك
محمد:ماشاءالله كل ذا الترحيب لها وانا لا
الجده: تغار من اختك هو
هيام ناظرت محمد ومحمد ناظرها وضمته
محمد ضحك:انا اغار لا من قال
هيام نزلت شيلتها:بروح احط اغراضي واجيكم
ابو همام :لا تقولون خلصتو متقهوين
فاتن:ليه تونا
ابو همام:ايه اشوى هيام جايبه لكم حلا وفطاير تقول ما ابي اروح ويدي فاضيه
فاتن بحب وحي تطلع الحلا:يازينها بس احسن من ذا
زهرة:تركي ذي احسن عيالك اما الاثنين ذولا وع بهم
محمد انصدم:طيب احترمي اني موجود
ابو همام:وهي صادقه ليه جيت ويدك فاضيه
"عند هيام "
دخلت الصاله وه تفسخ عباتها وتمشي بتصعد فوق صقعت بشخص
هيام:احح عمى
عزيز الي كان طالع من المطبخ ومعه كاس ماء مشى وهو يناظر جواله وصقع ب احد واول ما رفع راسه وشاف الانثى الي قدامه انصدم ومن تكلمت عرفها من صوتها وعطرها الي فاح بكل المكان
هيام رفعت راسها :انت معين تشوف ما لك عيو....
سكتت من شافت عزيز قدامها وشهقت جت بتركض بس بغت تطيح من عتبه الدرج وعلطول مسكها عزيز :انتبهي
هيام شافت قربه وكيف قريب منها انتفضت منه وشالت شنطتها وصعدت فوق علطول وحطت يدها على قلبها
ودخلت الغرفة وسكرت الباب
اما عزيز الي استانس من شافها قال بنفسه :اخخ يا هيام شسويتي فيني صدق انها موت حمر
صحى من تفكيره من سمع محمد يناديه وطلع وسلم على عمه
فاتن:عزيز دامك واقف جيب الزمزمية الي ف المطبخ
عزيز وهو للحين ما راحت من باله هيام:ماشاءالله من جايب الحلا
زهرة ابتسمت:هيام لا يفوتك لذيذ
عزيز وهو يدخل:ماشاءالله اول مره تنفع
دخل يجيب الزمزمية وهو يتمنى يصادفها ثانيه بس طلع وهي ما نزلت وراح يجلس عند محمد :عطيني اذوق
مدت له الحلا فاتن
عند هيام بعد ما دخلت الغرفة علقت عباتها واخذت جلالها وجت بتنزل بس شافته يدخل ورجعت وهي ماسكه قلبها بعد ما شافته يطلع نزلت
هيام:خلصتو عني الحلا
الجده:الحلا ما ياكل حلا
ابو همام ابتسم واشر على المكان الي عنده:تعالي عندي
هيام مشت وجلست بين ابوها وفاتن:اشو ما خلص عني
محمد مد لها الحلا:والله طلعتي ذويقه لذيذ الحلا
عزيز:الي ف التوت لذيذه مرره
هيام ابتسمت:عافيه فاتن ابي قهوه
فاتن:عزيز صب ل هيام
ابو همام:وشصار يبه على ابو سعود
الجد:بيجون بكرا ويملكون
عزيز ومحمد ناظرو بعض وصفرو :اخسس
هيام انخرشت:يمه بسم الله شفيكم
عزيز:بتاخذين خلوددد
فاتن ناظرتهم ووجهها حمر
الجد ب عصبيه:وجع يوجع الظالم وش ذا الصراخ
هيام:وش السالفة ؟
زهرة ضحكت:صح النوم توكم تعرفون
عزيز:فاتن بتتزوج خالد ولد عني ابو سعود
هيام شهقت وصرخت اول ما استوعبت
ابو همام:هيام الصوت قصريه
هيام:معليش بابا
لفت لفاتن تمثل الزعل :بتتزوجين ولا قلتي لنا افااا بس
فاتن:ترا كل شي صار بسرعه علشان كذا ما قلت لكم
هيام ضمتها وهي شوي وتبكي: يعني لولو و اسرار بيتزوجون بعد كم يوم وانتي بكرا بتملكين و بيلسان بعد اسبوع بعد
ابو همام:وش دخل بيلسان
الجد:خطبها صديق فهد
ابو همام:اي واحد
الجد:يقول اسمه نايف بن رياض
ابو همام:ماشاءالله الولد وابوه ماشاءالله راعين واجب ولا يخلوننا
محمد:هاذا الي جا هو واهله كلهم بعرس فهد
ابو همام:ايهه
الجد قام وهو متسند على عصاته:يالله امشو نروح للمسجد لاحقين على السواليف
عزيز قام وهو عينه على هيام الي تلعب ميلا وتسولف على فاتن وعلطول طلع من ناده جده
زهرة:ما بيمدنا نلحق العروس ورا بعض
فاتن: صادقه تقل ملحوقين
الجد:زهرة امي عطيني عصاتي اروح اتوضى
قامت زهرة واخذت العصا تعطيه امها ومسكت يدها لين دخلتها غرفتها ورجعت للبنات
هيام:عميمه ميلا نامت
زهرة قامت واخذت بنتها تدخله داخل
فاتن:بعد شوي بنروح ل السوق وشكلنا بنكنسل بيلسان وناخذتس بدالها
هيام:ابد انا عندتس اروح معتس وين ما تبين
فاتن:كفو بنت اخوي
هيام نزلت جلالها :الا قولي لي وش شعورتس يوم دريتي ان خالد خطبتس
فاتن صبت لها شاهي:تخيلي اول ما قال لي ابوي انه فيه احد خطبني توترت اول شي جا فبالي اني ارفض بعدين قالي انه خالد ترددت وقلت ب استخير واعلمك عاد توني اليوم قلت له العصر اني موافقه
هيام ناظرت فاتن:شكله فيه حب
فاتن صار وجهها احمر وصدت
هيام:الله اخسس
فاتن:وشو مافيه شي لا تفرحين
هيام:ما اصير هيام بنت تركي اذا ما صار بينكم شي وما تبين تقولين
فاتن:قامت:اقول روحي صلي احسن لتس
هيام تربعت:مالي صلاة روحي انتي بس ما بتهربين مني لين تقولين لي كل شي
فاتن ما ردت وراحت داخل تصلي وهيام جلست برا على جوالها وتتقهوى
"عند لولو و آدم "
دخلو بيتهم ولولو منبهره تناضره وتدور فيه
لولو:الله يهبللل ادم
آدم قرب منها وحاوط خصرها:والله انتي الي تهبلين مهو البيت
لولو ابتسمت ولفت تكمل تستكشف البيت
آدم ابتسم وهو يشوفها تدور ودخلت احد الغرف ولحقها
آدم:عاد باقي لمساتتس نخليها بعد شهر العسل
لولو :لزم ننقي اغراض البيت مع بعض ونحط لمساتنا
آدم:ابشري
لفت تكمل تدور
ادم رفع يده وشاف الساعة:لؤلؤتي ودي نجلس اكثر بس عندي عمليه بعد ساعة نمشي
لولو ناظرته ومشت عنده:دام عندك عمليه نمشي لا تتاخر على المريض
أبتسم ومسك راسها يبوسه :ياحظني فيتس والله
ابتسمت:ويا حظي فيك بعد
مسك يدها وطلع وسكر البيت وفتح لها الباب تركب وركبت وهي مبتسمه وتتأمله بكل حب سكر الباب وراح يركب وحرك يسوق بيد واليد الثانيه ماسك يد لولو اخذت جوالها تصوره وتصور يدينهم الي ماشابكه ببعض تركت جوالها من شافته مركز على الطريق وشغلت المسجل وجات اغنيه وصارت تغني معها ابتسم من سمعها تغني وقال:طلع صوتس حلو بعد مو بس خلقتس
استحت لولو وسكتت ولفت تتامل الشارع لين وصلها بيتهم ودعته ودخلت البيت وهي مبسوطهه مررههه
"ام عند همام "
كان يكلم اسرار وهو مبسوط
اسرار ضحكت:خلاص همام والله مشغوله
همام: اخخ يا ضحكتس تجيب راسي
اسرار استحت:همامم
همام:خلاص بسكر بس بكرا لازم اشوفتس
اسرار:اوكي بس سويت الي قلت لك
همام:وش الي قلتي لي
اسرار تنهدت منه:اغراض بيتنا
همام:اههه ايه بيخلصون بكرا
اسرار:زين خلاص مع السلامة امي تناديني
همام:استودعتس الله ياحبيبه قلبي
اسرار ابتسمت ما عرفت ترد وسكرت ونزلت لامها وهي لابسه عباتها
ام منصور:يالله عزيز برا ينتظر
طلعت هي وامها وراحو يخلصون اشغالهم
"بيت افنان"
بيلسان:يمه وين المبخرة
افنان:ب المطبخ
بيلسان:مافيه دورت ولا لقيت
افنان:غريبه وينها
ميرا نزلت:ف المجلس
افنان:من
ميرا:المبخرة
بيلسان راحت علطول تجيبها
افنان:وين اخوتس للحين ما جاء
ميرا:اذا تقصدين فهد ف لا للحين وامير فوق يتروش
افنان:دقي على فهد
بيلسان طلعت ومعاها المبخرة تبخر المجلس :يمه ليه ما قلتي لجدي يجي
افنان:قلت له بس قال يكفي فهد الحين وانه تعبان شوي
بيلسان هزت راسها بتفهم
ميرا:الحين ليش جاي مو خطب يصبر لين الملكه
افنان:درج انتي لازم يشوفها اول
ميرا:ليه يشوفني وانا ما احل له
افنان:ابفهم انتي المخطوبه ولا اختتس
ميرا:بيلسان بس
افنان:بلا بس وتجلسين تخربطين روحي دقي على اخوتس خليه يجي قبل يجي الرجل
ميرا راحت وهي تتافف
دقت على فهد بعد دقايق رد
فهد:هلا
ميرا:امي تقول تعال قبل يجي الرجل
فهد:طيب شوي شوي وش فيتس معصبه
ميرا:امي تقول تعال وانا اقول لك لا تجي لحالك جب معك ميسم اتسلى معها
فهد ضحك:ابشري دقايق واجي
سكرت بوجهه وراحت تسوي قهوه وشاهي هم ما تقهوو المغرب وطلبت حلا
بيلسان دخلت المطبخ وشافت ميرا:ميرا وين فستاني البنفسجي
ميرا:فغرفة الغسيل معلق
طلعت بيلسان وراحت فوق تلبس وتحط ميكب خفيف
بعد دقايق جلست ميرا حطت القهوة والحلا ودخلو فهد وميسم
فهد:السلام عليكم
افنان:هلا هلا امي جيت
فهد راح لها يسلم عليها وبعدها راح لميرا:اجل وين بيلسان
ميرا:فوق تلبس
ميسم ضحكت يوم شافت وجه ميرا
فهد جلس على الكنب:ليش معصبه انتي
ميسم نزلت عباتها واخذت جلالها تحطه على كتوفها علشان لو جا أمير كانت لابسه جلبية واسعه شوي وباين بطنها الي بدا يكبر مشت تجلس عند ميرا
افنان:مادري شفيها معصبه من اليوم
فهد:من الي مخليتس تعصبين اوريتس فيه
ميرا:خويك ذا ما لقى يجي الا اليوم
فهد ضحك من عرف:جاي يخطب ومن زمان محددين الموعد
ميرا:طيب انا كنت بطلع مع بيلسان بنروح ل السنما وحاجزه لي ولها والحين تكنسلت
فهد:عندتس بنات خوالتس شكثرهم ورا ما تروحين معهم
ميرا:محد فاضي
ميسم:تبين اروح معتس انا
ميرا ابتسمت:ما اقول لا
فهد اخذ جواله من شاف الاتصال ورد وهو يقوم:هلا ابو رياض
نايف :هلا فيك يا ابو اسر
فهد:وينك
نايف:عند الباب
فهد:جايك جايك
سكر فهد ولف لهم :ترا جا وين أمير
امير وهو نازل:هنا جاء
ميسم علطول تغطت
فهد: امش يالله
طلعو ل نايف فهد:حي الله نايف شلونك
نايف:بخير شلونك انت
فهد:بخير دامك بخير اقلط
امير مشى يسلم عليه:هلا ب الامير شلونك وشخبارك
نايف ابتسم:توني صرت بخير بشوفتكم
مشى معهم ودخلو المجلس وسولفو شوي بعدها طلع امير ينادي بيلسان وشافته وراحت له وهي متوتره:هلا
أمير:يالله امشي ادخلي فيه فهد ترا وانا بطلع
بيلسان هزت راسها ومشت تدخل لامه كفوفها:ا السلام عليكم
فهد قام ونايف قام وقال :وعليكم السلام
نايف رفع راسه من شافها متوتره قربت له ومدت يدها تصافحه ومشت تجلس قريب من فهد
فهد قام وقال:يالله اجل انا بطلع واخليكم مع بعض
بيلسان كانت تناظر فهد تبيه يجلس بس هو ما اهتم وطلع وهي تتحسب عليه داخلها ولفت من قال نايف :اخبارتس بيلسان
توترت :بخير انت شلونك
نايف ابتسم وبدا يحاول ياخذ ويعطي معها بعد نص ساعة مرت عند بيلسان تحسها طويله اما نايف الي ما حس ب الوقت معها انعجب بشخصيتها دخل فهد
ابتسم نايف من شاف فهد وقام :يالله انا استاذنكم
فهد:اذنك معك
مشى فهد مع نايف يسولف معه
فهد: متى بتسافر
نايف:اليوم الليل طيارتي والله
فهد:توصل ب السلامة
نايف:الرد بيجيك بكرا امي بتكلم امك والباقي الحريم يحلونه
فهد ابتسم:ما عليك لا وصلت علمني
نايف:ابشر يا آبو آسر
دخل فهد بعد ما ودع نايف وشافهم جالسين وبيلسان معاهم
ميسم:كيف شكله
ميرا:اييه شخصيته بعد
ميسم:حلو ولا عادي
بيلسان:شوي شوي
فهد:وش دخلتس اذا حلو او لا
ميسم:فضول
بيلسان:يشبه فهد شوي بس ما عنده دقن وحلو وجهه وطويل ومعضل
ميسم ناضرت فهد:ب الاوصاف الي قلتيها ما احس يشبه لذا
فهد انصدم:من ذا
ميسم:انت
ميرا:فهد عندك صوره له
ميسم:وش اسمه قلتي
بيلسان:نايف
فهد:عندي صورة بس ما راح اوريكم
ميسم عدلت جلستها:احسه حلو بس ما يجي نص فهيد ب الحلاوة
افنان:ورني صورته فهيد
فهد فتح جواله يطلع الصوره وعطى امه وميسم وميرا نقزو يشوفونه مع افنان كانت ميسم عند رجلين فهد الي جالس على الكنب
ميرا:يمه يخوف وجهه
ميسم:يخوف بس مملوح
افنان:وجهه فيه هيبه
فهد غطى عيون ميسم
ميسم:فهد وخر يدك ب اشوف
بيلسان ضحكت عليهم :خير ترا اغار لاتتاملونه
ميرا:وعع تغارين من الحين
فهد:وش وع انتي زوجها
ميسم :توها ما كتبت الكتاب علشان تصير زوجته
فهد:بس بتصير زوجته
ميرا:مكنسلين الفلم علشان ذا واخر شي طلع كذا
افنان جدعت عليها المخدة:وجع وش مسوي لتس علشان تقولين كذا
ميسم ضحكت على ميرا:اسمعي بيلسان قبل توافقين اكتبي شروطتس ولا تقولين لا عيب استحي اكتبي لا تخافين بعدين تتوهقين واستخيري اكثر من مره
بيلسان:يا حلوتس ابشري ما عليتس
فهد:يمه ترا الرجال بيسافر اليوم ويقول بيجيكم الرد من امه عاد الباقي عليتس
افنان: زين عندي رقم امه
فهد:والمهر نتفق عليه انشاءالله
ميسم:يا الله زحمه عروس ورا بعض
ميرا:صدق كل شي ورا بعض
ميسم:عرس سعود بعد خمس ايام وبكرا ملكة خلود وعرس اسرار ولولو بعد ٩ايام
بيلسان:ما فيه وقت ابدد
افنان:الله يوفقهم يا رب
ميرا:ب هالمناسبه فهود اكيد بيطلعنا نتعشى اليوم
فهد ناظرها: اي مناسبه ما فيه اي مناسبه
ميسم:فيه مطعم حلو خلونا نروح له
ميرا مسكت يد فهد:وانت بتودينا صح
فهد ناظرهم وهم يناظرونه:امري لله يالله اجل امشو عشر دقايق ما تطلعون بسحب عليكم
البنات علطول قامو وافنان ضحكت عليهم وميسم جالسه وتضحك
فهد :وانتي ليه ما تقومين
ميسم ناظرته:وليه اقوم
فهد:تنجهزين
ميسم:حبيبي نسيت اننا تونا جاين وعباتي وجزماتي هنا
فهد ابتسم:لا ما نسيت يا عيون حبيبتس بس ما بتقومين الحين تلبسين رحت العشر دقايق بدت تخلص
ميسم قامت ومسكها من خصرها وقرب منها
ميسم :فهيد خالتي فيه عيب
فهد ابتسم وقرب وقبلها:امي من زمان رايحه
ميسم لفت وشافت ما فيه احد :بسم الله اختفو
فهد انحنى وباس بطنها ورجع يقبل نحرها:اهخخ مسك مسك
ميسم استحت وبعدته وراحت تلبس عباتها قرب منها فهد وباس خدها:فهددد
فهد لف لها:عيونيي
قربت منه ورفعت رجلينها وباست خده جا بيمسكها بس ركضت وجلست على الكنب تلبس جزماتها جا بيلحقها بس ميرا جت تركض ومسكت ذراع فهد :يالله جهزنا
ميسم قامت من خلصت:خير تمسكين ذراع زوجي
ميرا:اخوي قبل يصير زوجتس
ميسم راحت من ذراعه الثانيه ومسكته وطلعو للحوش تركهم كلهم من جات افنان وراح: ولا وحده منكم تمسكني بس امي المسموح لها
افنان ضحكت:هو وزوجتك
ميسم وميرا ناظرو بعض بعد ما شافو فهد تركهم
ميسم ابتسمت:لا عادي خالتي انتي اهم مني
ميرا مسكت ذراع ميسم :ما لي الا انتي ميسمتي
ميسم:هاه وش ميسمتي خرب اسمي
ميرا:احمدي ربتس ادلعتس بعد
ميسم:لا عاد تدلعين تكفين
مشى فهد وهو ماسك امه وركبت السياره:امشو قبل اهون
ميسم وميرا ركضو يركبون
فهد ناظر ميسم:شوي شوي ميسم ولا ناسيه انتس حامل
ميسم ناظرته:ما عليك ولدي مطنوخ ما يصيبه شي
فهد هز راسه وركب بعد ما ركبو وراحو يتعشون ب مطعم الي قالت لهم ميسم
خلص يومهم واهما مبسوطين ومستعدين لمستقبلهم الي بيجي
"يوم الثلاثاء الساعة ٦الصباح"
فاتن صحت من النوم قامت تتروش وتصلي بعد ما خلصت تلبست ونشفت شعرها ونزلت تفطر ومعها عباتها وشنطتها شافت هيام ف المطبخ:صباح الخير
هيام:صباح النور يا عروسه
فاتن ابتسمت:وين زهرة
هيام مدت ل فاتن الحليب:راحت تنام
فاتن:عطيني الخبز
هيام مدته لها:مين بيوديتس دوامك
فاتن:بروح ب سيارتي
هيام شهقت:احلفيي
فاتن ناظرتها:والله
هيام:اخسس اخسس اجل بروح معتس
فاتن:ترا دوامي لين وحده الظهر
هيام:عادي عادي بروح
فاتن:اجل يالله قومي انقزي تجهزي لتس ٥دقايق
هيام قامت علطول وراحت تبدل بجامتها وتلبس لبس مريح وجزماتها واخذت عبيتها ونزلت على قومة فاتن
هيام:دكتورتنا خلصت
فاتن:يالله لا اتاخر زيادة
مشت فاتن و وراها هيام ركبو السياره ومشت
هيام:الله شعور حلوو اني اركب مع حرمه
فاتن ضحكت: ماجاتس صداع من فرفره امس
هيام:والله معتس شخص يحب يطلع ويجي كل دقيقة
فاتن:اجل بتستكشفين المستشفى كله اليوم
هيام:الظاهر ذا الي بيصير
وقفت فاتن ب احد المواقف ونزلت وهيام بعد
هيام:يشتغل معتس ادم هنا صح
فاتن هزت راسها ب ايه ومشت تدخل ووراها هيام
وهو يمشون وهيام تتلفت وتشوف الممرضات يسلمون على فاتن بس استغربت من شافت شخص وضربت فاتن
فاتن لفت معصبه:نعممم ليه تضربين
هيام ما شالت عيونها منه:بنت هاذا مو زوجتس
فاتن لفت بسرعه:الا بس ما صار زوجي للحين
هيام:ما عليه شوفي جاي لنا
لفت هيام على فاتن الي رجعت تمشي ولحقتها :بنت جاي لنا
فاتن توترت :طيب وش اسوي له انا
وقفت من سمعت اسمها وصقعت هيام فيها
عند خالد الي كان جايب صديقه بعد اشتباك صار وانصاب صديقه وهو جروح خفيفه لف وشافها وعلطول عرفها ومشى يتقدم لها وشافها تبتعد قال بصوته الرخيم:فاتن
فاتن الي وقفت فجأة وهيام وراها وصقعت فيها
هيام ب الم:اههه وجع وراتس وقفتي
فاتن لفت من قال أسمها مره ثانية:فاتن
لفت ل هيام :هيام لا تروحين زين
هيام من شافته قرب:وانا شدخلني بين زوجين
فاتن قبصت هيام وصرخت
خالد ابتسم :يا محاسن الصدف
فاتن ابتسمت وساكته
هيام:السلام عليكم معك هيام بنت اخوها تركي
خالد ضحك من فاتن :وعليكم السلام والنعم ببنت تركي
هيام:ينعم بحالك
خالد :شعندكم هنا فيكم شي
فاتن مسكته ولا قالت حرف وهيام تحاول فيها تتكلم تنغزها بس ما فيه فايدة
ضحكت هيام بورطه من فاتن الي مو راضيه تتكلم:لا والله مافينا الا العافية بس فاتـ
سكتت من قبصتها فاتن ومشت تبتعد عنهم
خالد:ليه ما خليتيها تكمل كلامها
فاتن بتغير للموضوع:شعندك هنا
خالد ابتسم ونزل راسه وبعدها رفعه:والله مثل ما تشوفين فيني جروح وجاي مع خويي المصاب
فاتن ما تنكر انها خافت عليه:سلامته ما يشوف شر انشاءالله
خالد:هنا دوامتس صح
فاتن ابتسمت:ايه
خالد:اجل دامتس تشتغلين هنا تعالي عقمي جروح زوجتس
فاتن ترسعت عيونها :تونا ما بعد كتبنا الكتاب يا الحبيب
قرب خالد منها :عادي اليوم بملك عليتس وتصيرين حرم خالد بن ثامر
فاتن بتغير للموضوع:الغرفه هنا ادخل بروح انزل عباتي واجيك
هز راسه ب زين ودخل الغرفه ومشت هي علطول لبست السكراب والبالطو وبعد ما رتبت نقابها مشت تطلع من الغرفة تروح له ونست هيام الي راحت تتمشى ف المستشفى
"بعد مرور ساعات الساعة ٢الظهر"
افنان:بيلسان قومي اختتس علشان نروح بيت ابوي
بيلسان توها جايه من دوامها:يمه ما يمديني اريح شوي لين العصر
افنان:بكيفتس عندتس سيارة بس قومي اختتس وخليها تنزل علشان يودينا أمير قبل يطلع
بيلسان هزت راسها ب زين وصعدت فوق عند ميرا تصحيها وشافتها توها صاحيه
بيلسان:امي تقول انزلي وخوذي اغراضتس معتس علشان بتروحون بيت جدي
ميرا ب استغراب:زين بس انتي ما بتجين
بيلسان هزت راسها ب لا :بجي العصر
ميرا:زين بس ترا فاتن مرسله تقول تبينا كلنا موجودين قبل العصر علشان يمدينا نخلص
بيلسان:خلاص بنام انا ودقي علي الساعة اربع علشان اقوم ويمدين اجيكم
ميرا وهي تسكر شنطتها :زين يالله مع السلامة
نزلت ميرا و بيلسان راحت لغرفتها تبدل وتنام لها ساعه
"فبيت ابو زيد"العصر
تيا توها نازله من فوق وشافت ضحى تشتغل:ليه تنظفين
ضحى:اليوم بيجون خالاتتس وبناتهم
تيا :يوهه نسيت انهم بيجون
ضحى:دامتس صحيتي روحي اطلبي حلا ولا وصي عمر يجيب زيد طالع
تيا:زين وين ورعانتس
ضحى مشت للمطبخ:عطيتهم ابوهم
تيا ضحكت:كفو عليتس
جت بتمشي بس لفت من تذكرت:ضحى وش اطلب حلا لهم
ضحى من المطبخ:اي شي واطلبي فطاير بعد
تيا:تمام
مشت واخذت جوالها تطلب وبعد ما خلصت راحت للحوش وشافت امها وابوها :الله الله عصافير الحب هنا
ابو زيد:ماشاءالله توتس تصحين
تيا ضحكت وباست راس ابوها وجلست:يبه تعرف جيت من الدوام علطول نمت وتوني صحيت وبعد يالله اقوم من النوم
ابو زيد قام:اجل انا بروح عندي شغله وانتي اجلسي مع امتس وعاوني ضحى بعد من الظهر وهي تشتغل
ام زيد :ايه قومي معها ولا تخلينها
Pتيار ب ابتسامة:ابشري ما بخليها بس جيت اشوفكم وبروح لها اصلن
ابو زيد:يالله اجل مع السلامة

______
عطوه حقه بنجمه وكومنت واذا تبغون شي تعالو حسابي انستا(rn5.81)