انا عندي بدايتنا ؟ بداية عمرك وعمري

الـبــارت١٨

عند فاتن خلصت متجهزه لبست فستان اسود طويل وفيه فتحة من الركبة لي الساق واكمامه كت مع اكتسورات ذهبي وشعرها فالته وستريت
نزلت تحت معها عبايتها وشنطتها:ماشاءالله افنان وبناتها هنا
ميرا:ليه ماتبيننا
فاتن:لا بس توقعت ترحون قبلنا
افنان:لا وينن
بيلسان:الله يا شكلتس تحفه
فاتن لفت حول نفسه:شرايتس
ميرا:تخبلين
فاتن:يا زينكم حتى انتم ماشاءالله لبسكم فخم
(لبس بيلسان فستان احمر ماسك من الخصر ومكسر من تحت مع كعب وتاركه شعرها على ضهرها ومفي على الخفيف
ميرا فستانه بيج قصير تحت الركبة واكماه طويله بس الكتف مكشوف مع كعب شفاف واكتسورات وشعره  رافعته من قدام بطوق والباقي مفلول على ضهرها ومفيرته خفيف)
افنان:كلكم ماشاءالله تاخذون العقل
الجده جت :يالله مشينا
أمير دخل:يمه ابي بخور
لف شاف البنات:اخسس وش ذا الكشخة
ميرا:قل ماشاءالله
أمير:لا تخافين عيني مو حاره
ميرا:بس قل ماشاءالله
أمير:ماشاءالله امي تصك عليكم كلكم ب جمالها
الجده:اكيدد ذي افنان
أمير:حتى انتي جديدا كشوخي لبستي
الجده:وشو كشوخي ذي قل كشخه
أمير راح لجدته :كل عام وانتي بخير وابشري كشخه انتي
الجده:وانت بخير وصحة وسلامة
راح يعايد امه وخواته وفاتن:وين جدي
فاتن: الطيب عند ذكره شفه وراك
الجد:يالله امشو تاخرنا
أمير:الحين كلكم بترحون معي
بيلسان:ايه وراه
أمير:لا بس الله يرحم سيارتي
فاتن ناظرته :شقصدك
أمير وهو يمشي وماسك جدته:ابد سلامتتس
ركبو السياره الجدة قدام والباقي ورا
أمير:جدي ما ودك تروح معنا
الجد:لا والله بروح مع سلطان
أمير:زين
ميرا شغلت مسجل السياره وشبكت عليه وشغلت عيد مبارك فيك يا عيد الايام
فاتن:الله توني احس ب العيد
أمير يرقص ويسوق
الجده متمسكه ب ألباب وتتشهد:اركد تراك تسوق
أمير ضحك:ما بيصير لك شي انشاءالله استانسي
الجده:اقول بس ناظر طريقك احسن لك
افنان تصفق والبنات يصورون
بيلسان :حطي حقت زينه عماد
ميرا اخذت جوالها: ايش اسمه نسيت
بيلسان:اكتبي عيد اثراء
حطته وبدو يغنون لين وصلو سكرو
أمير نزل جلس يضبط شماغه
فاتن:تعال اصورك
افنان:صورية وارسليه لي
فاتن غمزت ل افنان:حركات عشان تنزلينه ب سنابتس
افنان:اي ولدي هو لزم انزله واتغزل فيه بعد
ميرا و بيلسان:اوووو وحنا بنات البطه السوداء
الجده :اقول بس امشو ندخل
دخلو بعد ماصورو امير
بعد ما نزلو عبياتهم ميرا و بيلسان راحو يسلمون على عمانهم وجدهم
فاتن دخلت مع امها واختها افنان بعد دقايق وصلو عيال سلطان ومحمد وتركي والبراء
يمامة:ماشاءالله استراحتهم ديره
نوره:صدق
كمل يعدلون اشكالهم عند المرايه جت ميسم
ميسم:الحمدلله انتم هنا
هيام:ايه تونا واصلين
جت بيلسان:جيتي ميسم
ميسم لفت لها :اي ماشاءالله بغيت اضيع من كبر الاستراحة
يمامة:اشوا ان احنا نعرف له ولا كان ضعنا
بيلسان ضحكت:لا عاد مو لذي الدرجة
نوره:الله ميسم شكلتس حلوو
بيلسان تتأمل :صكيتي علينا كلنا
ميسم استحت:معليش كلنا حلوين
لولو:بنت ميسم بنات عمتس فيه
بيلسان عبست وجهها:للأسف ايه
تمارة:الحين هم غالبًا يرحون ل خوالهم وش جايبهم
بيلسان:هم بس جايات وامهم سلمت وراحت ل اهله
نوره:يعع نشبات
بعد ما خلصو البنات راحو ورا بيلسان ودخلو وسلمو على الحريم وجلسو جنب بعض
افنان لميسم:ماشاءالله ميسم وش الجمال هذا
ميسم استحت:الله يسلمتس يا خالتي
فاتن:اخسس يحق لتس تمدحتس ام رجلتس
ميرا:ايوالله انا من فجر الله ماسمعت مدح من احد
ميسم:كلتس ملح وقبله لاتزعلين
ميرا ضمتها:احلا مرت اخو ب العالم
جلسو يوسلفون مع البنات
ميسم لفت لفاتن والبنات :ياخي ذولا البنات الي قبالنا ليش يناظروني كذا احس فيني شي غلط
فاتن كشرت بوجههم:ذولاي الي قلنا لتس امس والي لابسه زيتي ذي سديم طليقة فهد
ميسم:امماا وانا اقول شفيها من اليوم تخزني عساها العمى
هيام :بدت الغيرة
بيلسان:وازيدك من الشعر بيت تراها مهووسه ب اخوي ومهنا اشين منها ما تحترم احد ابد
اسرار:يع تغث نظراتها
ميسم عدلت جلستها :يعع الله يعيننا عليه
البنات غيرو السالفة وصارو يضحكون ويسولفون

عند سديم وخواته
سديم بكره:ذي زوجة فهد
اختها ميار:ايه ماشاءالله وش حلوها
سديم:يعع شيفه
ريهام:لا حرام عليتس والله مزيونه
سديم بغيرة:انا احلا منها
سكتو البنات لان يدرون لو تكلمو زياده بتقلبها هواش وتفشلهم
بعد ساعتين بعد ما تعيدو بدا الكل يروح
عند افنان جت لها ميسم
ميسم ترجع شعرها لورا:خاله
افنان:هلا
ميسم:فهد يبي يسلم عليتس وامي نوره بعد
افنان قامت:طيب نادي البنات
ميسم:راحو هم له جيت اخذك انتي واني نوره(تقول امي نوره من احترامها له)
سديم شافتهم وسمعت درت ان فهد فيه راحت تعدل شكلها بتطلع له
ميسم مسكت يد الجدة وراحت بها ل فهد وافنان جت وراهم
فهد يوم شافهم:الله الله الله وش ذا الجمال يا نوره
الجده ضربته بعصاه:استح على وجهك قل جدتي
ميسم ضحكت
فهد باس راس جدته:كل عام وانتي بخير وصحة وسلامة
الجده نوره:وانت بخير
الا وينك ما جيت مع العيال تسلم
فهد:كنت عند اهل ميسم
الجده:اشو رحت تسلم عليهم
ميسم:كان مابيسلم بس ابوي غصبه
افنان جت
فهد:هلا ب الغالية ؛حب راسها؛كل عام وانتي بخير
افنان ابتسمت:وانت بخير وصحة وسلامة
فهد: وش ذا الزين ماشاءالله
افنان : الزين زينك وزين حرمك
فهد وهو ماسك ميسم من خصرها :كلكم تاخذون العقل
جلس يسولف معهم شوي ولا زال حاط يده على خصر ميسم وميسم مستحيه من حركته

عند سديم راحت بعد ما تكشخت طلعت بدون شي تسوي نفسها ما تدري انه فيه عشان تجذب انتباهه ميسم انتبهت لها ولفت لفهد تشوفه ولقته لاهي مع امه وجدته تدعي ربه ما يرفع راسه ويشوفها
فهد لف على ميسم يوم مشت امه مع جدته :الحلوة وش تفكر فيه
ميسم علطول مسكت وجهه:لا تلف واطلع بسرعه
فهد:ليه
سديم قربت وقالت بخبث:فهيد هنا كل عام وانت بخير
فهد عرف له ميسم ما تبيه يلف وميسم عصبت من سمعته وكانت بتروح تعطيه طراق بس فهد شد على خصرها وقال:انا بطلع حبيبي وانتي البسي عباتتس لازم نمشي
وباسها
ميسم صح استحت بس طفت نار غيرتها
سديم انقهرت وراحت علطول
وميسم راحت تلبس عباتها وتشوف سديم تناظره بكرهه
بيلسان:ليه رحتي بدري
ميسم:والله حبيبي اخوتس مستعجل
بيلسان شافت سديم وقالت:بعذره لو يستعجل يشوف الجمال ويتركك عندنا ما يقدر
ميسم استحت:اقول بس مع السلامة لا تفجرينها الحين سلمي لي على خالتي
بيلسان:طيب ب الليل بتجين
ميسم:اي اكيد
طلعت ميسم علطول وراحت تركب السياره وحرك فهد
فهد:ليش ساكتة
ميسم ما ردت
فهد:لا يكون عشان سديم
ميسم:لا بعد تقول اسمه قدامي
فهد:اسم ترا
ميسم ماسكه دموعها:للحين تحبك
فهد:وانا للحين اكرهه
ميسم سكتت
فهد:ترا ما فيه احد بقلبي غيرتس انتي الي ملكتيه وبس
لا تخلين يومتس يخرب علشان وحده ما تستاهل
ميسم:ما تستاهل يخرب يومي علشانه
فهد:كفو يا حرم فهد
ميسم ابتسمت تحت نقابها
فهد:تعيدتي
ميسم:الصراحة لا
فهد:لييه
ميسم:ماشاءالله مافيه مكان ومن شميت ريحة الاكل معدتي قلبت(تكرمون)
فهد:تبين نروح للمستشفى لك كم يوم كذا
ميسم كانت بترفض بس تحس لازم تاكشف لانه صايره ماتقدر تاكل من كثر الغثيان
ميسم:اي تكفى متعبني الغثيان
راحو للمستشفى وجلست تسالها الدكتورة وهي تجاوب وفهد يحتريها برا
حللو لها وجلست تنتظر النتيجة

سلام اخباركم واعلومكم توقعتكم وش فيها ميسم هل سديم ب تحاول تخرب بين فهد وميسم
وبس ادعموني بنجمة ✨🦋