وصلو بعد ٦ ساعات ب الطياره نزلو وكانو ينتظرون شناطهم بعد ما اخذو شناطهم ركبو على سيارة حاجزينه من قبل وراحو للفندق
فاتن بتعب تدور غرفتهم مع اسرار وبيلسان: افف وين ذا الغرفه فيني النوم
اسرار: هذيك هي شكله
فاتن تكفون احتاج احد يشيلني ما اقدر اتحرك
جت ليال : شفيك جالسه كذا انتي
فاتن ما ردت
بيلسان: خليها خليها فيها نوم
ليال ضحكت ضحكه خفيفه: قسم بالله شكلك وانتي جالسه تحفه
فاتن: اي اي طقطقي بس هاذا الي فالحه فيه ما تقولين اساعده اوديها لغرفتها
البنات ضحكو
لينا : ترا خطوتين وتوصلين الغرفه مو بعيده
فاتن قامت : زين خلاص بروح انام اذا حددتو وين تروحون قوموني
ليال : بنسحب عليك ونخليك هنا
فاتن عطتها النظره😒: انتم الخسرانين
جا خالد : ليال ولينا غرفتكم رقم 324
ليال: الله جنب غرفتكم
لينا: خلود وين البطاقة
خالد عطاها البطاقة وراح للعيال
البنات راخو يدخلون غرفهم ينامون عند العيال
آدم: عيال نامو عشان نقوم ندبر مكان نروح له
أمير حاط راسه على محمد : حمود اي وحده غرفتنا
محمد : هاذي هي
خالد: حمود حطه فا السرير لا ينجطل علينا الحين ونبلش فيه
محمد دخل الغرفه ووصل امير لسريره وهو راح لسريره
العيال كل واحد راح لغرفته ونامو علطول بعد تعب الطيارة
عند فهد وميسم ف غرفتهم
ميسم نامت علطول ولا انتظرت احد طلع فهد من دورة المياه (يكرم القارئ) وشافها متمدده بدون ما تتغطى ابتسم واستغرب انها نامت علطول وراح يغطيها وبعدها راح لبس شورت اسود بس ونام بدون تيشيرت
الساع ٣الكل صحى طبعن بعض الشباب راحو لمقهى قريب من الفندق وجلسو مع بعض ينتظرون الباقين
محمد: دورو مكان حلو نروح له
منصور : فيه مكان ببالي اتوقع الكل بيستانس عليه
محمد :اذا حلو خل نروح له
عزيز : اصبر لين يجون العيال
محمد : دق عليهم شف وينهم صار لنا ساعة جالسين هنا
ف الفندق عند ميسم وفهد ميسم صحت وراحت اخذت لها شور ولبست وراحت تصلي
فهد وهو يعدل لبسه كان لابس بنطلون طويل مع بلوفرسكري وجكيت جملي : خلصتي ننزل
ميسم : خلصت بس حنا البنات لحالنا صح
فهد : اي اتوقع
ميسم: اجل اصبر بشوف البنات اذا نازلين او لا
فهد : زين
ميسم دقت على لينا لان عارفه ليال ما راح ترد عليه علطول: لينا نزلتو
لينا : هذانا بنطلع تبغين شي
ميسم : لا بس بننزل ولا ابي اصير لحالي قلت اشوف عنكم اذا ما نزلتو اجي عندكم
لينا : خلاص انزلي هاذانا نازلين بس بنروح ل يمامة ونوره وننزل
ميسم : تمام يالله باي
نزلت تحت هي وفهد وراحت للبنات
فهد :السلام عليكم
عزيز : وعليكم السلام زين جيت
فهد : حددتو مكان
محمد : منصوريقول فيه مكان بيعجبنا بس ينتظر الكل يكون فيه
منصور: ها هاذا العيال جو
خالد: سلام يا الربع
همام:ابوك يا البرد
فهد: كان لبست لك لبس ثقيل
خالد: لي شوي اقول له بس هو ما يسمع
همام: ياخي خفت البس ويكون الجو حر
آدم: منصور المكان كم يبعد من هنا
منصور: اتوقع يمكن ساعة
فهد: اجل خله لبكرا الحين ما يمدي وبتغرب الشمس
خالد : خلنا نتمشى هنا بين الاماكن ذولي فيه اشيا حلوه
جو امير ومهير كانو يتمشون على بال ما يجون الباقين جو وكان معهم اكياس
خالد: ماشاءالله وين رايحين ولا خذيتون معكم
مهير: والله يا فيه اسواق هنا بطله
أمير: خلونا نتمشى هنا والله المكان حلو
عزيز: الواضح ان الخطة اليوم كذا
عند البنات
لينا: بنات الجو مرره حلوو بس برد
اسرار: ما جبتي معك جاكيت الي عليك ما تدفي مرره
لينا: الا معي جبته احتياط
تمارة: الجو يبي له هوت شوكلت
لولو : صادقه
لينا نغزت ميسم وبصوت واطي : ميسم
ميسم :هاه
لينا: مين ذاك الي عليه بنطلون بيج وبلوفر بيج (طقم قطعتين اذا ما فهمتو 😅)
ميسم: اتوقع هاذا اخو اسرار
لينا:طيب اي واحد فيهم
ميسم : وانتي شتبين فيهم
لينا:انتي قولي لي وانا اعلمك بعدين
ميسم:منصور يمكن
ليال سحبت كرسي وجلست : بنات ترا طلبت لكم هوت تشوكلت
فاتن: والله انتس كفوو
ليال غمزت لها: اعجبتس انا
ميسم:فاتن يقولون انك نمتي ب السيب
فاتن: خلي عنك لهم ساعة يدورون الغرفة وانا تعبت وسمعت اسرار تقول انه شكلها ذيك الي هناك وامر اجلس
لينا:اخر شي طلعت الغرفه قريبه بعد غرفتين غرفتهم
فاتن:الصراحة من النوم ما صرت استوعب
ميسم : انا اول ما دخلت الغرفة نمت بدون لا نزل نعالي (تكرمون)
فاتن:مع اني نايمه ف الطيارة بس ما نمت زين
يمامة: بنات مرسلين ف القروب اننا وصلنا
فاتن: انا كلمت ابوي وامي ما ارسلت ف القروب
يمامة:اجل برسل انا عشان يدرون ولا يخافون
فاتن:تسوين خير
البنات جلسو يسولفون مع بعض وقالو لهم العيال ان اليوم ما بيروحون مكان بيتمشون حول المكان الي هم فيه
لولو : الله بنات شوفو الفستان هاذا مره حلو وناعم
ليال: جوي الفساتين الي كذا
لولو: شكلي باخذه للعيد
ميرا: اي خوذي لك من الحين لان ما بيمديك في رمضان
لولو: خلاص باخذه
ليال:بنات مافيه كفي قريب
ميرا تتلفت حولها:مدري امشي نشوف
اسرار:ميسم شوفي هالفستان احس مرره يصلح لك
ميسم اخذت الفستان: حلو بس فيه مقاس اصغر
اسرار تقلب ف الفساتين : مدري نادي الي تشتغل تدور لك
ميسم نادت وخده من الي يشتغلون ف المحل وجلست تدور لها
فاتن : خلصتو
ميسم:لا جالسه ادور مقاسي
فاتن:المكان يفتح النفس
اسرار:صادقه الا وين يمامة مو كانت معك
فاتن:اي بسر راحت مع بيلسان
ميسم : بنات خلصت نروح للباقين
اسرار: يالله
عند العيال كانو يتمشون مع بعض ويسولفون
فهد: منصور خلصت
منصور : اي اخذت قهوتي وين الباقي
فهد : شفهم هناك يتمشون
منصور:اجل خلنا نلحقهم
همام يصور المكان ويصور العيال: شكلي بصير المصور حقكم
مهير : ياخي تصويرك فخم
عزيز: ماتلاحظون اننا الساع ٩
همام:الصراحة ما ناظرت الوقت
فهد جا ومسك كتف عزيز وعزيز انخرش
عزيز: يممهه بسم الله
فهد والعيال فطسو ضحك عليه
فهد: بسم الله عليك وشفيك مخروش انت
عزيز : وانت ما تعرف تتكلم
مهير: قسم بالله وجهك يضحك يوم انخرشت
همام ماسك بطنه من الضحك: الله يسعدك ضحكتنا
عزيز ابتسم : تضحكون على حسابي
منصور : ياخي انت مخروش على اي شي تنخرش
فهد مبتسم: اقول امشو نرجع عشان يمدينا بكرا نروح للمكان الي قاله منصور
همام للحين يضحك: طيب ارسل لهم ولا دق عليهم
فهد طلع جواله: طيب وين حمود وخالد وأدم
همام:طفشو وهم يدورون وراحو يجلسون ب كفي
فهد : طيب اسمع دق عليهم وانا برسل للبنات
عند لينا وميسم
ميسم شافت بلوفر رجالي حلو وفيه منه نسائي واخذت لها واحد ولفهد جت عندها لينا :اخسس بتطقمين معه
ميسم: ايه شرايك
لينا :بدينا حركات الازواج ذي
ميسم ناظرتها وابتسمت
لينا مسكت ميسم :شكلتس بديتي تحبينه
ميسم : تبين الصدق ايوالله بديت احبه
لينا : يمه تكفين كيوتت
ميسم:وشو الكيوت
لينا :انتي وفهد
ميسم:انا يمكن كيوت بس هو لا محس
لينا:ماعلينا قوليلي متى بدا الشعور
ميسم خلصت محاسبة ومشت هي ولينا :تصدقين او ما تزوجنا كنت خايفه منه مرره بس بعدين كذا صار عادي وبديت احس بشعور تجاهه
لينا تحمست : ايي بيبدا ربيعكم
ميسم كانت بتتكلم بس قاطعها رنين جوالها اخذته من شنطتها وردت
ميسم :هلا
فهد : هلا فيتس ياروحي
ميسم كانت ساكتة ومستحيه
فهد حس انها استحت وتكلم: اسمعي ترا خلاص بنرجع الفندق تعالو للمكان الي حنا فيه عشان خلاص نرجع
ميسم ناظرت لينا :ليه نرجع الحين
فهد : عشان يمدينا بكرا نصحى بدري ونروح (......)وما نتأخر
ميسم: زين بقول للبنات مع السلامة
فهد : مع السلامة انتبهي لنفسك
ميسم ابتسمت : وانت انتبه لنفسك بعد
لينا: بنرجع الحين
ميسم :ايه
لينا:مو بدري
ميسم :يقول انه علشان يمدينا نطلع بدري بكرا
لينا:تمام
بيلسان: ماشاءالله مابغيتو تنورون
ميسم : السلام عليكم ترانا ما طولنا
فاتن:ترا طلبنا لكم اكل
لينا:كفوو والله يا اني جوعانه
ميسم : اسمعو ترا العيال يقولون تعالو عندنا عشان خلاص بنرجع للفندق
ميرا:احتاج السرير الحين
هيام:يالله امشو تعبت الصراحة وانا ادور
فاتن:خلاص اجل ناكل العشاء ف الفندق بس نبي نجتمع كلنا بغرفة وحدة
ليال:خلاص بس تعالو عندي انا ولينا
هيام:لاحد ينسى اغراضه
ميسم ابتسمت : انتي لاتنسين اغراضتس مو حنا
هيام:لا ما عليتس ما بنساهم
راحو البنات للعيال
عطوه حقة🦋✨
أنت تقرأ
انا عندي بدايتنا ؟ بداية عمرك وعمري
Adventureالكاتبة :ريماز محمد انستغرام -rn5.81استقبل رسائلكم بكل حب 💙🦋
