انا عندي بدايتنا ؟ بداية عمرك وعمري

٣

جا همام : اقول يالله بس تاخرت على العيال اذا ماركبتو بسرعه بسحب عليكم
الجد : عجلو يا بنات نبي نكون ب الوقت المحدد
همام: جدي ترا ابوي يحتريك برا
راحو البنات يتجهزون بيرحون الصالون وزهره وافنان واخلاص و هبة وحبيبه وميثى راحو معهم الجده بسياره مع مهير
والبنات مع همام
تجهزو رجعو البيت يلبسون كانو خلاص لابسين بس كل وحده تعدل شوي بشعرها او الميكب فاتن:بنات شوفو راكز علي الكل انبهر ف شكلها قالت:شفيه مو حلوو شكلي
هيام: لااا تاخذين العقل منبهرة انا الصراحة
فاتن:شكراً ياروحي انتي بعد تهبلين (لابسه فستان كحلي ماسك لي خصره ومنفوش شوي لي تحت من فوق كتوفها مكشوفه وفاله شعرها و كان ويفي)
دخلت لولو تتذمر
هيام:شفيك لولو
لولو عجزت اختار لون كعب يناسب فستاني (فستانها يشبه طريقة فاتن لونه اسود من اطرافه ابيض ودلعه وسيعة واكمام طويله وشعرها ستريت)
يمامة: اختاري نود احلا
لولو : مدري احس ما يجي
فاتن: الا يجي ما عليك لان فستانك لونه اسود فا يجي معه
لولو: زين
جا منصور: يلا بسرعة بنمشي جدي له ساعة يحتريكم
نزلو البنات تحت عند الجده والحريم
صرخت ميرا: يممهه هاذي جدتي نوره بصدمه
البنات يناظرون
هيام: الا والله هي طالعه مزه ماشاءالله
الجده: اسكتو بس الحين يجي جدكم يحب فيكم شي
فاتن : امانه يمه ابوي شافك
الجده :لا ليه يشوفن اصلن
تمارة: لو بيشوفك جدي بيسحب على العرس
بيلسان: صادقه انتي الا بيسحب علينا كلنا
جلسو يضحكون البنات ميرا: الا وين امي
هبة: عند اخوك والعيال وزهرة عنده
اسرار: بنات تعالو شوفو النتفه شلابسه
نوره: ياربيي انا بموت منين لقت فستان قدها
فاتن : تكفون ما اتحمل انا كذا
الجده : يلا خلو ميلا بعدين الحين امشو اركبو السيارة
راحو الكل يركب
عند فهد العيال يباركون له والجد وخواله وعمانه وكان متوتر مايدري كيف حياته حتكون
مع محمد كان معه الرباعي ميرا وهيام ويمامة ونوره
عزيز معه فاتن وزهرة واسرار وتماره
مهير معه بيلسان ولولو وامه حبيبه وهبه
والباقين مع همام
والباقي مع المعرس ب الجنب يطنبون ومشغلين اغاني لين وصلو القصر ودخلو ب استقبال اهل العروس يهلون ب اهل المعرس ويسلمون ويباركون لهم ويبخرونهم
فوق عند ميسم : ليال كيف شكلي مرتب
ليال: اي ما عليك تاخذين العقل
جت ام سعود : يازين بنتي ماشاءالله الله يحفظك من العين وبدت تحصن نفسها وبناتها
ليال لابسه فستان لونه احمر مخملي كت ..فاكه شعرها رافعته شوي من قدام وشعرها ويفي .
تحت كانو البنات يرقصون شوي ويجلسون ليال: بنات تعالو شوفو ميسم عجزت عنها بس تصيح ولا ودي اقول ل امي تخاف
فاتن انا بروح معك بهديها
رحو فوق عند ميسم دخلت فاتن : عروستنا المزيونه وينتس
ميسم ضحكت بخفيف : انا هنا
جت فاتن : ليه تبكين موقلنا مافيه دموع شوفي خرب ميكبك الحين يشوفك فهد ويهون
فاتن قريبه من ميسم كنهم خوات
ليال : بعدل ميكبك ياويلك تبكين
ميسم: شسوي خايفه
فاتن:تخافين من ويش اذا من فهد تراه نفسك متوتر اليوم وتراه حبيب بس ما يبي احد يقلل احترامه عليه وعلى اهله ارتاحي انتي ترا كلنا موصينه عليك
ميسم ارتاحت شوي بعد كلام فاتن
ليال: لو تشوفين افنان كيف مستانسه
فاتن: يحق لك بيصي عندك خاله تحوفك حوف من حبه لتس
ميسم : غريبه ميرا وبيلسان ما جو وهم يقولون بيشوفوني اول الناس امس
فاتن: ماسكتهم افنان عشان ما يخربون عليك
ميسم : والله خالتي كفو
ليال: انا بنزل تحت ل امي وترا لينا بتجي عندك
فاتن : لينا بتعرف لك
لينا: قالو لي ان العروس تبكي لييه
فاتن: تكفين خليها توقف بكى مكياجه بيخرب للمره المليون
لينا وفاتن جالسين يغيرون بجو ميسم عشان توقف بكى وتوتر ونزلت لينا وفاتن تحت عشان بتنزف ميسم بعد شوي الزفه الساع ١٢
وجا وق الزفة انزفت وهي كلها توتر بفستانها الابيض ماسك لي خصرها ومنفوش طويل من فوق مكشوف.. وجا وقت انه العريس ينزف بعدها دخل فهد وهو يمشي بثقل ورزانه بثوبه الابيض وبشته الاسود ويناظر فيها وينبهر بجمالها وصل لي عندها سلم عليها وعلى امها وامه وجدته وجلسو شوي وبعدها راحو ل الصاله الثانيه يصورون وهي مستحيه منه مرره وفهد ما يقل عنها بتوتره خلصو تصوير وقال فهد :انتظرتس ب السياره
ميسم هزت راسها وراحت تسلم على امها واختها واخوانها جو يسلمون عليه ولبست عباتها وطلعت وكانت الساعة ١الليل
عند البنات جالسين يرقصون والي يسولف لينا: تعبت رقصت لين خلصت طاقتي
بيلسان: انا رجليني اوجعوني من الكعب
فاتن:ترا امي وحريم اخواني وخواتي رجعو البيت والعيال ينتظرون
لولو: انا ابي اروح البيت احتاج انام وراي بكرا عزيمه
نوره: انا مثلك صاحيه من فجر الله
ميرا:بتصل على امير يودينا
راحت قالت ل امير وقالهم يتجهزون
جت فاتن:ترا العيال يقولون عجلو بنروح البيت انا بروح اشوف منصور
راحت فاتن عند البوابه تحتري منصور دخل خالد عليها يبي اخته وشافها وجلس يتأملها لين دق جواله ليال تتصل عليه ونزت فاتن :بسم الله من وين طلعت انت
خالد يضحك عليها : غريبه ما حسيتي فيني لي ساعه واقف
فاتن: انت ما تدري انه هاذا مكان الحريم ليه جاي
خالد : والله انا جاي ابي اختي ماترد علي انتي الي شموقفك عند الباب
فاتن: مالك شغل وراحت وهي تتصل على منصور
رد منصور عليها :هلا عمه
فاتن: وينك وجع اي ساعه أنتظرك عند الباب
منصور :جيت بدخل بس شفت خالد دخل وقلت شكله فيه اخته
وانا عند الباب احتريكم تطلعون
فاتن: ايه زين يلا بنطلع
منصور كان بيدخل بس قبل لا يجي خالد شاف بنت برا واخذت عقله بجمالها واستغرب مين ذي وليه تكلم سعود كذا كان يعرف انها مو ليال لان ليال يعرفها من كانو صغار وسعود كان يناديها لينا
جت فاتن وركبت وقطعت تفكيره قال منصور : بسم الله الواحد يقول شي لا جا
سلكت له فاتن ومشى للبيت كلهم بتعب
عند فهد وصل للفندق وجلست ميسم بصمت جلس عندها فهد وقال: مبروك لنا عساها بداية خير لي ولك
ردت عليه ميسم بكل خجل وخوف: الله يبارك فيك أمين
فهد : ابي اوضح شي واحد انا عارف انك خايفه مني وانه خايفه انه يصير لك نفس طليقتي بس ابيك تعرفين ان هاذي تجربه فاشلة لي قبل وانا اهم شي عندي انه تحترميني وتحترمين اهلي وجدي وجدتي انا عارف تعتبرينهم اهلك الثانين بس حبيت اوضح
هزت راسها ميسم وكانت متوتره من كلامه تكلمت هي : انشاءالله اعوضك عن قبل و انشاءالله اكون زوجه صالحه لك
فهد : انشاءالله تكون بداية عمري الجديد معك وعمرتس معي
هزت راسها وقامت تبدل فهد راح يطلب لهم عشاء وطلعت ميسم قال فهد: ميسم تعالي تعشي
ميسم: مااشتهي
فهد : انا عارف انه ما اكلتي زين كولي ونامي
قامت ميسم تاكل وهي جوعانه بس مرتبكه منه خلصو اكل قال فهد: بكرا بتروحين مع البنات لـ الصالون
ميسم: ايه
فهد: زين عشان اوديك بدري واروح للعيال قام فهد يالله قومي ننام عشان نقوم بدري راحت ميسم تنام ونام فهد
من بكرا ف المزرعة الجد : ياعيال كل شي جاهز
البراء: ايه يبه
سلطان : ابوي بروح البيت امي نوره تبيني
الجد : الله يحفظك بس ونت رايح قلهم يجون بدري عشان يشوفون الاغراض لان فيه اغراض لازم افنان والبنات يشوفونها
سلطان:ابشر
عند فاتن: بيلسان ترا ابوي يبينا نروح المغرب للمزرعه عشان نشوف الاغراض

بيلسان :بسم لله مو يقولون مخلصين
فاتن: مدري سلطان قالي تو وانتي ارسلي للبنات نروح هناك لان ما بقى شي على المغرب
نوره:بنات قلتو لجدي اننا نبي نسافر مع عيال ابو سعود
فاتن:انا ما قلت لبوي قلت ل امي بس ابوي مالقيت وقت اكلمه
يمامة جت لم البنات : بناتتت ترا جدي يقول عجلو بنروح قبل المغرب ....
بيلسان: انا جهزت اغراضي وخلص بروح ل خاله زهرة تبيني وانتم اخلصو عشان نروح نشوف التجهيزات
نوره: زين بس لاتنسون موضوع السفره تكفون قبل تبدا الاختبارات نبي نسافر
فاتن: معليتس ب اقول لـ ابوي
راحو البنات يجهزون اغراضهم عشان يرحون للمزرعه ويكملون لبسهم ومكياجهم هناك لان المعازيم ما راح يجون الا العشاء
عند العيال تحت بحوش جدهم يحترون الحريم يخلصون عشان يمشون همام كان جالس يهمز كتفه يحس بوجع شافه منصور : همام شفيك يوجعك شي
همام ناظر منصور بوجع : كتفي يوجعني شوي
منصور خاف عليه: اوديك المستشفى
همام: لا بسيطة ماعليك
صرخ همام بعد ماحس بنفضه بكتفه وخاف منصور : يولد والله ان تروح معي المستشفى الحين اشوف وش فيك
همام كان بيرفض بس حلف عليه منصور وراحو للمستشفى
(فلاش باك قبل ٤ ايام ف المزرعة)
كان همام وامير ف المزرعة ينظفون مع العمال راح همام يجيب السلم عشان بيعدل النور الي ب الجدار  وكان السلم يزلق وهو ما معه اخد يمسكه له وهو جالس يحاول يركب النور دخل عليه امير وهو يغني ب صوت عالي وانخرش همام وفقد توازنه وطاح وكان فيه سله المعدات طاح عليه وانخرش امير وراح لمه ركض: همام فيك شي
همام بتوجع : لا مافيني شي بس الواخد اذا دخل يتنحنح مو يجي يصرخ ويخرش العالم
امير ضحك : معليش والله ما دريت انك بتنخرش
همام: حصل خير حصل خير

( سلام شرايكم ب الروايه كا اول روايه لي كيف حلوه او لا )
ادعموني بنجمة