تيا ب ابتسامة:ابشري ما بخليها بس جيت اشوفكم وبروح لها اصلن
ابو زيد:يالله اجل مع السلامة
تيا قامت :اجل يمه قومي ندخل وانا بساعد ضحى
ام زيد قامت متمسكة ب عصاتها ومسكتها تيا تدخل معها وشافتهم ضحى وقربت منهم:تيا وش صار طلبتي
تيا:ايه بس اسمعي
ضحى :وشو
تيا:انتي الحين روحي اذا بتتروشين وتتجهزين قبل يجون عيالتس وانا بكمل الشغل لاني مخلصه متروشه
ضحى:حلو الله يجزاتس خير بس ترا ما بقى الا القهوة والشاهي ما سويتهم والمجلس يبي تبخير
تيا ابتسمت:ماعليتس عندي روحي بس
ام زيد:تيا وديني لغرفتي وطلعي جلابيتي الي كويتيها امس
تيا هزت راسها ب زين ومشت تروح لغرفة امها طلعت الجلابية وحطتها فوق السرير:وهاذي جلابيتس يا ام زيد شي ثاني يا جنتي
ام زيد:لا روحي لشغلتس
ابتسمت تيا وباست راس امها وطلعت تكمل شغلها
"عند فاتن "
زهرة:هيام عادي تلبسين ميلا بروح اشوف التجهيزات اذا كملت او لا
هيام ابتسمت وتركت جوالها:هاتيها ميلتي
زهرة تقدمت تعطي ميلا هيام:شوفي لبسها مطلعته فوق الكنبة
هيام هزت راسها وهي تلعب ميلا:ياربي شغيره
ميلا تشوفها وتضحك وتلعب مع هيام :اغغ اغغغ
هيام:واوتس اقالتس تسولفين الحين
نوره دخلت وشافت ميلا ب البربتوز بس وفخوذها طالعه وانهارت:اععع ياربييي وسو ذا تكفينن
هيام ابتسمت:تشوفين ودي اكلهم
نوره قربت واخذت ميلا تلعبها
هيام:جيبيها الحين يدخلها برد ونبتلش
نوره:ليه ما تلبستي للحين
هيام:مدري بيجون ناس كثير
نوره:مدري اللي اعرفه انه بيجون خالاته وزوجات خوالهم
هيام:يعني كثيرين
نوره هزت راسها:يعني
هيام لبست ميلا وجلستها تشغل لها الجوال:نوير اجلسي عندها بروح البس واجي
نوره:اوكي
"عند ميسم "
قرب ياذن المغرب قامت تلبس دخلت الحمام "تكرمون "
وطلعت تتلبس بعد ما خلصت وقفت قدام المرايه ومسكت بطنها الي بدا يكبر :بدخل الشهر الثاني بكرا
تنهدت ولفت تمشي لتسريحتها تحط مكياج تتزين لملكة اخوها اليوم
بعد دقايق قامت :خلصت قبل الاذان الحمدلله
لفت من انفتح الباب وعرفت انه فهد ورجعت تلبس اكتسوراتها
فهد دخل وشافها بكامل زينتها :بسم الله على قلبي من جمالتس
ميسم لفت:هاه
فهد ابتسم وقرب لها وحاوط خصرها وباس راسها :ارفقي بقلبي يا بنت ثامر
ميسم ابتسمت ولفت تكمل تلبس خواتمها وانتفض جسمها من حست فيه يطبع قبلاته على عنقها وجمدت مكانها
فهد الي ما قاومها وابعد شعرها الحريري من رقبتها وباسها بقوه بعد ثواني ابعد :اههخخ مسك مسك والله
ميسم علطول ناظرت رقبتها من بعد وشهقت:فههددد
فهد بهيام:لبيهه عيوني
ميسم وهي تتلمس رقبتها وتناظرها ف المرايه:شوف علمت كيف بروح ل الناس كذا
فهد نزل ثوبه يدخل الحمام "تكرمون ":عادي زوجتي تراتس
ميسم تنهدت:افف ياربي
اخذت الفونديشن علشان تغطي فيه ضحك فهد ودخل يتروش وبعد دقايق طلع ولا حصلها ف الغرفة ابتسم من تذكر كيف خجلت يوم قبلها ومشى يلبس ملابسه بعد ما لبس وخلص راح ل المرايه يزين شعره واخذ عطر تعطر فيه وحط دهن العود على اماكن النبض وطلع من الغرفه اخذ شماغه وهو نازل ينادي ميسم:ميسم
مافي رد
فهد:ميسمي وينتس
نزل وراح ل الصاله شاف المبخرة شبكها تحتمي علشان يحط البخور ويتبخر
اما ميسم الي كانت ف الحوش تسقي شجرها ودخلت من سمعته ينادي:سم حبيبي بغيت شي
فهد ابتسم من سمع صوتها وهو يحط البخور ولف :ايه تعالي نتبخر سوا
ابتسمت ميسم وقربت له وغطاها ب شماغه بعد ثواني ابعدت ميسم:اخخ انكتمت
فهد حط المبخرة على الطاولة:زاد انتي منزله راستس له البخور كله فوجهتس
ميسم ابتسمت وهي تكح:اسمع بتروح تصلي اول ولا بتوديني اول
فهد:باقي عشر دقايق على الاذان امشي اوديتس بيت اهلي بما انه قريب
ميسم:بس مو خالتي وميرا رايحين من العصر
فهد:ايه بس اتوقع بيلسان موجوده
ميسم:اوكي زين
فهد وهو طالع:يالله امشي
هزت راسها ميسم ب زين ولبست عباتها واخذت شنطتها وطلعت تركب السياره وحرك فهد لبيت اهله وهو ماسك يدها
"فبيت ابو سعود "
ام سعود:ليال وين البخور
ليال :هاذه جيت جيت
خالد توه نازل ومتلبس:يمه بعد الصلاة نمشي زين
ام سعود:زين بس شف وين اخوك اول وخله يجي
خالد باس راس امه:ابشري ياالغلا يالله انا بروح للمسجد
ليال طالعه ومعاها البخور:صبر صبر يا الاخ تبخر أول
خالد:ما تخلينها بعد الصلاة
ليال:اقول امش تبخر بس
مشى خالد لها يتبخر وبخرها معه:تبخري معي
ليال كحت:وخر بس كتمتني
خالد:ماش منتي رومنسيه
ليال:الرومنسية على قولتك مخليتها لا جا فارس الاحلام
خالد ضحك:ايه يصير خير يالله انا رايح
طلع خالد للمسجد وصادف سعود
خالد:امش نصلي وبعدها نروح علطول
سعود:وين نروح
خالد تنهد:يعني وين بنروح نملك اليوم ملكتي
سعود ضرب جبهته:اهه اليوم
خالد:امش بس امش يا المفهي
سعود:احترم اخوك الكبير
جخالد مشى للمسجد وسحب عليه
"ف البيت"
ليال:يمه تكفين بس بحط لتس شوي ما بكثر
ام سعود:ما تفهمين اقولتس ما احب الكحل
ليال :برسم لتس واذا عجبتس نرسم الثانية
ام سعود:واذا ما عجبني بمسحه ولا عاد تقولين اي ثانيه
ليال هزت رايها ب ايه وبدت تحط لها ايلاينر
ام سعود وهي مغمضة علشان ليال تكحل لها:وين ميسم ما جت؟
ليال :تقول ما بتجي هنا بتروح من بيتها علطول
ام سعود:ايه ازين لها
ليال:افتحي عيونتس يمه
ليال صرخت وضربتها ام سعود:وجع وشوله الصراخ
ليال:يمه تكفين مرره حلو عليتس لا تمسحينه
ام سعود شافت نفسها وعجبها:حلو بس احس تقل ثقيل على عيوني
ليال:ايه هو كذا اول ما ينحط بس بعدين لا
ام سعود قامت:وخري بروح اتلبس
ليال قامت وهي بتطلع:يمه لا تمسحينه ترا ب اخذه معي ارسم لتس مره ثانية
ام سعود:شايفتني بزر عندتس
ليال ضحكت وطلعت تتلبس
"بيت الجد"
ام مهير:فاتن روحي فوق تلبسي حنا نكمل الباقي
فاتن:بس فيـ
ام ادم:لا بس ولا هم يحزنون روحي خلصي حنا هنا بنخلص الي باقي
افنان:روحي بس
فاتن ابتسمت:يا جعلني ما اخلا منكم زين بروح انا
ام مهير:اي يالله لا اشوفتس نازله الا اذا كلمناتس
لولو:من قدتس فاتن
اسرار:اخس والله عميمه مدلعه
ام مهير:وش رايكن تقومن معنا نتساعد بدال ما تقرقن
لولو مسكت جوالها:ام مهير ترا وصل الحلا
ام مهير:حلو مخليهم يدخلونهم هنا
لولو هزت راسها ب زين ومشت تطلع وتقول ل الشغالات الي فيه يدخلون الحلا
لولو:استفني خوذي هاذا حلا ودخليه داخل عند ماما هبة
الخادمة هزت راسها ومشت تاخذ واحد تدخله
لولو تكلم الهندي:شوف انا دفعت حساب قبل
العامل:لا انتا في ادفع كاش
لولو عصبت:لا انا دافعه الظهر ما راح ادفع ثانيه
العامل:اجل جيب هاذا حلا
لولو من ورا الباب:افف يا صبر الارض
تمارة جت لها:وش فيتس انتي
لولو لفت لها وهي معصبه:تخيلي يقولي ادفعي وانا دافعه الظهر يوم اروح لهم
تمارة:يمكن حق التوصيل ما دفعتيه
لولو:الا دافعه بس يقول حق الحلا
تمارة:اصبر انادي احد العيال يتفاهمون معه
لولو:ياليت تستعجلين شوي
تمارة راحت تركض لقسم الرجال تنادي:آدم
مافي رد نادت حول ٣مرات مافي رد اخر شي جاها أمير:من ينادي
تمارة:وين ادم سنه انادي محد يرد
أمير:هدي هدي طيب وبعدين أدم عند جدي
تمارة:طيب ومهير
أمير:اخلصي وش تبغين
تمارة:ياربيه اسمع
أمير:اخلصي
تمارة:حنا طالبين حلا ........قالت له الي صار
أمير:زين بنادي ادم يجي لكم
تمارة:ياليت تستعجل
أمير راح ركض لادم وقال له :زين طيب امسك بدالي لين اجي
أمير:زين بس استعجل ب الله
أدم راح وهو رابط نص ثوبه على خصره ومشمر كمومه وصل قسم الحريم:تمارة
تمارة:تعال شوف العامل
كانت لولو واقفه تتهاوش معه:ياخي قلت لك دافعين ندفع زيادة يعني
آدم:لؤلؤتي ابعدي شوي
لولو بعدت وهي تتأفف أدم طلع له وهو فهم السالفة من تمارة:كم حسابك
العامل:٣٤٧حساب بس ماما مافي اعطي انا
آدم:خلاص انا بعطيك
لولو شهقت:آدم خير وش تعطيه دافعين له فوق الاف حق التوصيل والحلا
ادم لف لها:مو انا بدفع خلاص
لولو :والله ما تدفع
تمارة مسكتها:بنت خلاص خليه يدفع بيجون الحين وحنا لازقين ب الباب
لولو:ياربيي رفع ضغطي ذا العامل
ادم الي سكر الباب ولف لهم ودفع للعامل وراح:خلاص خلصنا
تمارة:مشكور الحين يمديك تروح تبدل قبل يجون
آدم وسع عيونه:يعني تطردينن
تمارة هزت راسها ب ايه ادم:مافي احترام للاخ الكبير
لولو :ليش تدفع له ؟
أدم:دفعت وخلصت
لولو:ياربي انا دافعه له الف وخمس ميه ليه تزود عليها الثلاث ميه
ادم قرب ومس يدينها:هدي طيب ليه عصبتي بعدين لو ما دفعت يمكن يسنتر عندتس لين بكرا
لولو تنهدت ترجع شعرها لورا:بس قهرني الله يقلعه
ادم ابتسم من عصبيتها:تدرين حتى وانتي معصبه حلوهه
لولو ابتعدت منه شوي ورجعت شعرها لورا بغرور:ادري
ضحك وابتسم وهو يمشي:حبيتت الثقه
تمارة الي مشت:يعع الله يقرف العدو انقلعو
لولو ضحكت :وش رايك
آدم:الثقه الي بمحله
لولو عطته بوسات ف الهوى وضحكت تركض تدخل داخل تكمل لبسها
افنان:ميرا شوفي اختتس وينها ليكون للحين ما صحت
ميرا اخذت جوالها:ما اتوقع للحين نايمة
اسرار جت:عميمه وين قلتي نحط الكراسي ذولي
افنان:حطيهم داخل علشان اذا ما كفى نجيب الكراسي لهم
ميرا:تصدقين ما عمرنا شفنا خوالهم بس ام لينا الي تجي دائما
افنان:ايه ام لينا علشان زوجها مع جدتس يعرفون بعض من زمان
اسرار:يشتغلون مع بعض صح
افنان:ايه
ميرا:يمه ما ترد بيلسان
افنان توترت:ياربي لايكون فيها شي
اسرار:غريبه مو عادتها ما ترد
ميرا:بروح اقول لامير يروح لها اذا ماردت عليه
هيام نزلت وهي شايله ميلا :وين عمتي زهرة
اسرار:وش تبين فيها
هيام:ابتلشت ب ميلان مدري وين احطها
افنان:ب العاده تنومها المغرب
هيام عطت ميلا اسرار:امسكيها بروح ادور عمتي
اسرار:وش دخلني انا عطيها ميرا
ميرا هجت:انا بروح لامير
هيام:ما فيه الا انتي امسكيه عشر دقايق بس
اسرار وهي تلعب ميلا:العشر دقايق ذي ساعه
هيام وهي تمشي:ايه صح همام قايل لي مدري متى يبي يشوفتس ف المجلس
اسرار:حسيبتس الله هيام عطيتين البنت وتوتس تقولين لي انه اخوتس بيشوفني
هيام تمشي واسرار ورها:مدري ليه ما يرسل لتس صايرة مرسول الحب لكم انا
اسرار اخذت المخدة تحلتها على هيام ومشت وهي شايله ميلا لهمام
هيام ب صراخ:اح الله يجعلتس مانيب قايله اسراروهه
"فبيت افنان"
بيلسان قامت الساعة٥ونص:اوهه تأخرت
قامت اخذت روبها ودخلت تتروش بعد دقايق طلعت وتسمع صوت تحت :بسم الله
راحت تتلبس وفكت شعرها:جينا لاشين فقره ف الحياه
طلعت الاستشوار وشغلته وسمعت احد ينادي وسكرت الاستشوار:من جاي
قامت تنزل وتشوف شافت فهد وقالت بصوت عالي بنا انها فوق:فهييدد
فهد رفع راسه:بيلسان
نزلت له تسلم عليه:وراك جاي
فهد:ليش بتطردني
بيلسان ما انتبهت ل ميسم :لا حشى وين ميسمي
ميسم:وراتس
بيلسان لفت وصرخت:يمههه بسم الله الرحمن الرحيم
ميسم فطست ضحك:شايفه جني انتي
بيلسان مشت لها تسلم وضربتها على الخفيف:وجع خرشتني
فهد:هوب هوب انتي لا تضربينها
بيلسان توسعت عيونها تناظر فهد:وليش انشاءالله
ميسم ضحكت:خايف على البيبي
بيلسان:اهه
ضربت كتف ميسم مره ثانيه وركضت لغرفتها
فهد:اوريتس يا بيلسان
ميسم:وش ترا ضربتها خفيفة ما تأثر على البيبي
فهد محاوط خصرها:عارف بس لازم نخاف شوي
ميسم بعدت عنه شوي:خلاص روح ما بقى شي ويقيم لـ الصلاة
فهد ناظر ساعته:يالله خلكم جاهزين بعد الصلاة ولا بسحب عليكم
ميسم:انا مخلصه بس اختك ما خلصت
فهد:قولي لها تستعجل
ميسم هزت راسها وصعدت لعند بيلسان
بيلسان اخذت جوالها:احح وش ذا المكالمات
ميسم:اخوتس يقول خلكم جاهزين بعد الصلاة
بيلسان:كنت بجي بسيارتي بس زين انكم جيتو ما لي خلق اسوق
ميسم جلست و بيلسان اخذت جوالها تتصل على ميرا وبعد ثواني ردت وفتحت السبيكر وحطت جوالها تكمل شعرها :هلا وش فيتس مفجره جوالي مكالمات
ميرا:لا زين حيه
بيلسان شهقت:وجع
ميرا:امي شوي وترسل امير لتس خافت عليتس
ميسم ضحكت:واضح انتس بسابع نومه لدرجة ما رديتي عليهم
بيلسان:كنت مصمته جوالي ياعمري اميمتي خوفتها علي
ميرا:ماشاءالله حرم فهد عندتس ولا تردون
ميسم:شدخلني انا توني واصله
بيلسان:اسمعي بسكر وانتي طمني امي زين
ميرا:لا تبطون بعدين ميسم مو المفروض تجين مع اهلتس
بيلسان:ايوالله صح ليه جايه هنا
ميسم:مشوار اروح بيت اهلي واجي من جديد فا قلت اروح علطول من بيتي
بيلسان:اهه زين يالله مع السلامة ميرا
ميرا جت بتتكلم بس سكرت بوجهها بيلسان
ميسم:وين سجادتك
بيلسان:تحت السرير
ميسم طلعت السجادة وصلت و بيلسان كملت شعرها ومكياجها مشت لدولابها تاخذ فستانها وطلعت لغرفت ميرا تتلبس وبعد ما خلصت طلعت تلبس اكتسوراتها
ميسم:انا بنزل تحت علبال ما تخلصين ويجي فهد
بيلسان هزت راسها ب زين وهي تلبس حلقها
"عند همام واسرار "
همام شافها جايه:هلا هلا بالي له الخافق يهلي هلا بحبيبة قلبي
اسرار استحت:هلا فيك حبيبي
همام:اوهه معنا ضيف غير مرغوب فيه
سلم عليها وحضنها رغم وجود ميلا
اسرار:الله عطرك حلو
همام ابتسم:والله ما الحلو الا انتي
قرب وباس خدها اسرار:عيب على الاقل احترم وجود ميلا
همام:تراها بزر ما تدبر
اسرار:يقولون تبيني ما تصبر لين العرس ترا ما بقى الا٧ايام
همام مسك يدها:هالسبع الايام كنها سنين
اسرار:ايه وش بغيت
همام:ما ابي شي بس مشتاق لتس
اسرار حمر وجهها :خلصت بروح
همام سحبها:ما بتروحين الا اذا سويتها
اسرار توترت وجت بتتكلم بس سكتها بقُبلته همام وتوسعت عيونها ودفته:همام مو هنا
همام:ما فيه احد لا تخافين
اسرار مشت تدخل وهي محمره من الخجل وهمام ابتسم من خجلها وراح لجده الي يناديه وهو متلطم بسبب روج اسرار
اما اسرار الي دخلت وشافت عمتها زهرة قدامها وعطتها ميلا ومشت بسرعه فوق ودخلت دورة المياه وشافت روجها:احسن الروج مايروح علطول
طلعت من الحمام بعد ما عدلت روجها وشافت هيام وضربتها
هيام:خيررر ترا ماني كيس ملاكمه كل شوي احد ضاربني
اسرار:تستاهلين
لولو ضحكت:مادري شلون بتعيشون مع بعض
هيام:اصلن بيطلعون لبيت لحالهم ما بيعشون عندنا
اسرار:وانتي شدراتس
لولو:هو اخوه اكيد بتعرف
اسرار:المهم خلصت فاتن
لولو:اتوقع ايه
هيام:لويلو خذي السجادات عطيهم جدتي تكفين
طلعت فاتن:خير شفيكم
لولو توسعت عيونها:الله الله الله وش ذا الجمال يبوي
فاتن رجعت شعرها لورا بغرور وابتسمت هيام:لااااهه هاذي فاتن
اسرار ابتسمت وهي تقرب ل فاتن:قصدتس الفاتنه ماشاءالله
هيام:طلعتي تهبلين عمه
فاتن:وش قصدتس قبل ما كنت اهبل
لولو :لا لا ابد كنتي تروعين من جمالتس ماشاءالله
فاتن:لولا الكشخة ما اليها تخرب كان عرفت اربيتس انتي وياه عمى مافي أحترم للعمه القعده
هيام:لا شكل خالد اليوم بيضيعن علومه لا شافتس
فاتن:علومه من زمان ضايعة ولا كان ما جا وخطبني
اسرار شهقت:اخسس يعني شايفتس من قبل
فاتن توترت وناظروها البنات:لااا ويننن ما يقدر
لولو :عندي احساس انه فيه شي بس بـ نأجله علشان الناس بدت تجي وحنا للحين ما خلصنا
هيام: يعني السهرة اليوم صباحي مافي مجال للهروب
اسرار راحت بتنزل:الي مخلصه تجي معي الحين
هيام:انا مخلصه بس بجيب جوالي واجيتس
عند بيلسان وميسم "
دخل فهد البيت :ميسم بيلسان يالله
ميسم راحت له وهي تلبس نقابها :انا جاهزه
فهد:بيلسان ؟
بيلسان نزلت من فوق وهي عليه عبايتها:انا خلصت
فهد ابتسم:يالله اجل اركبو
طلعو ركبو السياره متجهين لبيت الجد
ميسم:بالله شغل شي
فهد :وش مثله شي
ميسم:يعني شغل اي اغنيه بس ما نبي حزين
بيلسان:ايي نبي شي كذا فرائحي
فهد:زين فرائحي فرائحي على قولتتس
شغل فهد والبنات جلسو يغنون ويصورون وبعد دقايق وصلو البيت
بيلسان:شكله للحين ما احد جا
فهد لف :قصدتس توهم يوصلون
بيلسان:جوو بروح ادخل بشوف فاتن اجل قبل تنزل
ميسم:انا وش موقفي احتريهم ولا اروح معتس
بيلسان ضحكت:احسن لتس ادخلي ونزلي عباتتس واحتريهم داخل
فهد اشر بيده كذا👍🏻:وانا اقول نفس بيلسان علشان ما تتعبين
نزل عيونه تحت:ولا بعد لابسه كعب
ميسم :دام هاذا رايكم اجل يالله بدخل معتس
دخلو داخل و بيلسان علطول راحت لفاتن وميسم نزلت عباتها وراحت تسلم عليهم:بنت ترا وصلو
اسرار ابتسمت:ما كأنتس من اهل المعرس
ميسم:اقول اص بس احس بشعور غريب
هيام همست لهم:اقول وراكم ما تتركون القرق وتمشون نستقبل الي جو مع عماتي
اسرار:يالله قمنا
هيام:اشوفكم قدامي يالله
ميسم:اخسس تتأمر بعد
ضحكت هيام ومشت توقف عند امها والبنات لحقوها يستقبلون الي جو ويسلمون وبعدها جلسو وبدت الضيافة
ليال همست لميسم:ما كانتس فليتيها واقفه معهم وانتي اخته الكبيرة
ميسم:والله انا مستغربه نفسي بس وقفت معهم لاني مدري وين اروح
لولو ضحكت:ضيعت من بنته هي
ليال:تبرت مننا
ضحكو البنات وبعدها نزلت فاتن مع بيلسان والحريم يزغرطون ويذكرون ربهم ومشت تسلم على ام سعود وام لينا وراحت تجلس والباقي جو لها يسلمون
لينا:اوهه ماني مصدقة فاتن اخذت خالد
اسرار:محد مصدق احس كل واحد شخصيته غير عن الثاني
ليال:الشي الوحيد الي بينهم نفس بعض انهم كلهم مهبل
بيلسان ضحكت:ههههه والله صادقه
لينا:اشوف بديتو تتزوجون ورا بعض انشاءالله ما تسحبون علينا
ميرا:اول وحده بتسحب فاتن
ليال:ما عليتس بنشب بحلقهم انا
لولو:الحمدلله اني مو زوجة اخوتس
ليال عطتها نضرة:يحصل لتس هو اصلن
لينا:شف الثقه بس
اسرار غمزت للينا:استعدي قريب بنجي نخطبتس لاخوي
هيام لفت علطول تحسبه عزيز:مين عزيز للينا؟لا ابد ما يجي لها
البنات ناظروها ب استغراب
ميرا:وليه مايصلحون لبعض
هيام توترت وحست انها بتنفضح:اا لا لا اقصد ان شخصيه لينا ما تتفاهم مع عزيز الغثيث
اسرار:لاااا وين عزيز ذاك بعيدد
لينا:ماشاءالله جالسه على قلوبكم انا ؟
نوره:لا بس انتي من زمان حاجزينتس لمنصور
ليال:بس باقي تكتبون الكتاب وتصيرون لبعض
لينا اخجلت وقامت:اقول طيري انتي وهي انا ما ابي احد
راحت عند فاتن تجلس
هيام:هو ليش عصبت
ميسم:قصدتس خجلت وقامت تمثل انها معصبه
بيلسان:شكل بينهم شي
هيام:والله ما ادري ولا لي خلق افكر
بيلسان:ولا انا لي خلق
ميسم قامت:بروح عند امي شوي
هيام:توها تتذكر امه
ليال:تشوفين
ميسم:ترا نفسيتي ذا اليومين خرا لا تخلوني اقلب عليكم
بيلسان:روحي روحي لا يجيتس شي
ميسم صدت وراحت عند امها
ليال:شكل الوحام لاعب فيها لعب
هيام اخذت قطعة الحلا:شكله
شوي ونادو فاتن توقع والبنات كلهم حولها ويصورون والي تزغرط والي تصفر ووقعت وصرخو البنات بفرح وبعدها سلمو عليها يباركون
تركي:والله وتزوجت قعدتنا بيفضى البيت من بعدتس يا فاتن
محمد (ابو منصور):مبروك ياعين اخوتس مبروكك
فاتن سلمت عليهم وهي تضمهم وماسكه بكيتها:الله يبارك فيكم عقبال ما تزوجون كل عيالكم
يمامة:يوهه جينا لاشي الي ما نحبه لا احد يقول امين
الجده نوره ضربتها بعصاتها:عيب عيب احد يعوف الزواج
يمامة وميرا وتمارة رفعو يدينهم:اي حنا
تركي:انشاءالله تتزوجن كلكن بعد فاتن
تمارة عبست وجهها:دعوتك ما قبلنها
افنان ضحكت:استغفر الله بس
راحو العيال للرجال وبعدها نادو فاتن تدخل عند خالد علشان يلبسها دبلتها وشبكتها والبنات راحو يجلسون
ليال جت عند فاتن:يالله يا المزيونة روحي ادخلي
فاتن من التوتر قالت:لازمم
ليال ضحكت من توتر فاتن:ليه ما تبين تدخلين ويلبسك دبلتك
فاتن:اففف مدري
قامت فاتن وراحت تدخل وكان واقف يرتب شكله وقالت بهمس مسموع:السلام عليكم
لف لها اول ما سمع صوتها الي عذبه ويحبه وقال وهو ينزل يدينه:وعليكم السلام والرحمة حي الله فاتن
نزلت راسها بخجل:الله يحيك
قرب ولها يسلم عليها وباس راسها:مبروك يا فاتنت قلبي
فاتن بنفسها:(ياربيي عليه هاذا كلامه معسول وانا غبيه ما اعرف ارد)
خالد:كيفتس حالتس
فاتن بنفسها:(بالله هاذي مواضيع الحين)الحمدلله بخير
خالد متوتر ويبي يفتح موضوع بس ما يعرف كيف وارتاح يوم دخلو امه وخالاته علشان يلبسها شبكتها والدبله
ام سعود ب ابتسامة:بسم الله ماشاءالله عز الله انك طحت لك على قمر يا خالد
خالد ابتسم وراح يبوس راس امه
ميسم قربت تبارك لهم:مبروك عليكم
فاتن همست ل ميسم:شرايكم تستعجلون لاني بفطس من التوتر
ميسم ابتسمت وهمست لها:اعرف ذا الشعور تحملي شوي
ابتعدت فاتن شوي تسلم على خالته الي جو يباركون لها وارتاحت شوي يوم شافت امها داخله ومعاها افنان وزهرة لابسات عباياتهم وجت ام سعود مع ميسم علشان خالد يلبس فاتن الشبكة (عبارة عن طقم ذهب او الماس )
يساعدونه وبعد ما خلصو مسك يدها يلبسها الدبلة وليال كانت تصورهم وبعدها زغرطو الحريم وطلعو يخلونهم شوي
ابتسم:مره ثانيه مبروك لنا والله يقدرنى اني اسعدتتس
فاتن بادلته الابتسامة:الله يبارك فيك أمين ويقدرني اني اسعدك
خالد ابتسم على توترها ومسك يدينها وانحنى يبوسهم وهو لا زال ما سكهم:مسك مسك
ابتسمت بخجل والتفتت من دخلو عليهم العيال وسحبت يدينها علطول
فهد:اوههه فيه كناري هنا
همام:لو ما دخلنا كان الولد الى الطريق المنحدره
خالد:خيرر انت وياه مدرعمين
فهد:شف شف وش يقول ما كانه مدرعم علينا
أمير قرب ل فاتن يسلم عليها:بدت فقرة المناقر خلين ابارك لتس قبلهم
فاتن ابتسمت له:عقبالك بس غريبه هادي اليوم
أمير:لا هادي برا
عزيز:يعع ياشينكك
فاتن عقدت حواجبها:هادي اخو زوجه منصور
الكل ناظروها ب استغراب ومنصور منصدم
العيال كلهم مع بعض:متزوج ولا علمتنا يالي ما تستحي
منصور:وش تخربطون من قال
فاتن ضحكت من حست انها جابت العيد وتوترها خف بعد ما العيال دخلو ونست وجود خالد:لا لا ما تزوج بس حنا نقول ل لينا انها زوجة منصور وهي اخت هادي اسمه كذا؟
خالد ابتسم ولف لها:ايه وش تبين فيه
فهد:وش ذا الغيره ترا سالت عن اسمه
خالد:وخر بس تراك اخيس مني ف الغيرة
منصور:جبتي العيد الله يصلحتس عميمه
محمد:أقول خلونا نطلع قبل يداهمون البنات
امير لف له:ما يقدرون فيه خالد
مهير راح للباب وفتحه والبنات طارو يركضون داخل وفطسو ضحك العيال
مهير:شعندهم مستعجلين
عزيز:لازم يحللون وش صار
فاتن مشت بتطلع:ياويلكم بتسمعون كلام طول وعرض منهم
فهد ابتسم:وانتي رايحه نادي لي ميسم
خالد راح بيطلع:خفف شوي من الغيرة زين
غمز له وراح وهو يضحك أدم:انقلبت عليك فهيد
فهد:الشكوى لله
عزيز:خلصت المداهمة يالله امشو نرجع لجلستنا
محمد تكى على كتف عزيز وراح معه وبعدها طلعو كل العيال ما بقى الافهد الي ينتظر ميسم
"عند العيال بعد ماطلعوا "
راحو للمجلس يجلسون هادي:تمت المداهمة ؟
محمد حط يده على كتفه:ابشرك
فيصل :خربتو عليهم اجل
عزيز:اذا ما حسنا عليهم مانصير احفاد فهد
محمد وأمير 👍🏻:اتفققق
هادي:ههههه كفو عليكم
فيصل:اشو اني ما اخذت منكم
مهير:هه يحصلك بس
محمد قام:ياخي الجو طفش هنا امشو نطلع
هادي:صادق كله شيبان
قامو وطلعو العيال برا بسولفون على راحتهم وكل شوي مسوين مقلب بواحد والجو عندهم فله اما عند البنات الي اخذو السماعة وطلعو برا علشان يشغلون على راحتهم فاتن:ميسم زوجك يبيتس ف المجلس
ميسم هزت راسها وقامت له والبنات كملو رقص مع بعض
عند ميسم راحت ودخلت المجلس شافته فيه:آهلًا يقولون تبغاني
فهد قرب يبوس راسها:اخخ يا جمالتس اخذتي عقلي قبل قلبي
ميسم ابتسمت ورفعت يدينها تحاوط رقبته:وانت اخذت قلبي بكلامك الحلو
حنى راسه يطبع قبلته على ثغرها وابتعد علطول من يدين ميسم :موهنا فهد الحين احد يدخل عيب
فهد ابتسم وباس خدها:خليهم يشوفون ويدرون اني احبك كثر هالدنياء
ميسم نزلت يدينها تبتعد عنه شوي بخجل:ايي ليش ناديتني
فهد:اشتقت لتس
ميسم:فهددد بلا عبط قول وش تبي
ابتسم عرف انها خجلت من خدودها الي حمرو:ابد جاي اسلم عليك واقول لتس تروحين مع اهلتس اليوم
ميسم استغربت وخافت:ليه فيه شي
فهد مسك يدينها يجلسها على الكنب:لا لاتخافين بس طلع لي شغل برا ولازم اسافر اليوم
ميسم:خذني معك ما ابي ابتعد عنك
فهد مسك يدينها:ما يصير انتي حامل الحين وانا بروح ولا اعرف متى ارجع ولا ادري وش بيصير لي هناك
ميسم نزلو دموعها:تكفى فهد لا تخليني ابي اروح معك اخاف يصر لك شي
فهد مسح دموعها:اششش انشاءالله مو صاير الا كل خير بس نفس ما قلت لك ما اقدر اخذك معي
ميسم نزلت راسها شوي وبعدها رفعته تحاول تمسك دموعها:طيب مين بيروح معك
فهد:منصور
مسح دموعها وحضنها:خلاص يا قلب فهد انتي ما يصلح لتس تبكين يمكن يتضرر البيبي
ميسم ماتدري ليه تبكي من حست انه بيبتعد عنها ولاكن كل هاذا بسبب الهرمونات عندها ابتعدت عن حضنه وهي متمسكة ف يدينه:اوعدني تجي قبل اولد اوعدني تكون اول من تمسك ولدك
ابتسم ورجع يحضنها:اوعدك وانتي بعد اوعديني انك ما ما تتعبين نفستس وترتاحين
ميسم:وعد
وقف وهو ماسك يدينها:يالله اجل امسحي دموعتس وروحي نادي لي امي والبنات وخليهم يجيبون امي نوره بعد
ميسم قامت وهي تمسح دموعها وحضنته وباسته وبعدها طلعت تناديهم
بيلسان بخوف من شافت وجه ميسم:وش فيتس وجهتس كذا خوفتيني
أفنان وهي ماسكه يدين امها:فيتس شي فهد فيه شي
ميسم:لا لا مافيه شي بس تعرفين تغير الهرمونات مع الحمل
سكتو اول ما وصلو المجلس وشافو فهد قرب يسلم على امه وجدته :ماشاءالله وش هالزين يا نوره
الجده نوره:الزين زينك والله
افنان:شلونك امي عساك طيب
فهد:الحمدلله بخير دامني شفتكم قبالي
ميرا توها دخلت:من دريت انك تبينا حسيت انه فيه مصيبه بتصير غرد يالله
فهد :اقول اسكتي يا النتفه المصيبة والله انتي
افنان: اتصلو عليك اهل نايف
فهد:ايييهه وابشركم باقي بس تحددون الملكه مع اهل المعرس
الجده نوره بفرح:ماشاءالله ماشاءالله مبروك يا بيلسان
ميرا:مسرع ردو
ميسم:هو ما تبين اختتس تعرس
ميرا:لا بس اقصد انه علطول
فهد تنهد :نادو لي فاتن وزهرة
ميسم جت بتروح تناديهم بس وقفتها بيلسان:لا تروحين انا بروح
راحت بيلسان تناديهم وفهد يسولف مع جدته وامه شوي وعلى يمينه ميسم الي جلست ومسك يدها وهو يسولف مع امه وشوي ودخلو فاتن وزهرة مع بيلسان وسلمو على فهد
زهرة:وشعندك مجمعنا هنا
فهد:وين نتفتتس ما شفتها اليوم
زهرة:نايمه
فهد طلع ضرف من جيبه ومدة لفاتن:هاذي هدية زواجك مقدمًا
فاتن اخذتها وهي تحضنه:اطلق ولد اخت ف الدنياء
ميرا:مصالح علشان الفلوس
فاتن:وش تبي ذي تغار
فهد:ماعليتس منها
فاتن:ليتك خليتها ل يوم العرس احسن
فهد:عطيتك ايها الحين لاني ما ادري اذا بحضر عرسك انتي و بيلسان ولا لا حتى همام وأدم عطيتهم اليوم
افنان:هو ليه انشاءالله انك بتحضرهم كلهم
ميسم بلعت ريقها وتخاول تمسك دموعها وفهد لف لها وبعدها راح جلس عند امه:انا انشاءالله اليوم مسافر برا ويمكن اطول لان عندي شغل
بيلسان:لا فهد ما بسوي عرسي الا وانت معي لاني ابيك تزفني
افنان:شلون بتروح وتخلينا
فهد:ما بخليكم وبعدين عندتس أمير اذا انا مو موجود هو يكفي ويوفي
ميرا الي للحين ما استوعبت:انت صادق ولا تسوي فينا مقلب
فهد ابتسم لها:بالله عليتس فاضي لتس اسوي مقلب الحين
افنان:طيب كم بتجلس برا
فهد:يمكن سنه او اقل ما اعرف لين يخلص شغلي
الجده نوره:ما عليه انشاءالله تروح وترجع ب السلامة وتجي قبل ينولد ولدك
فاتن:ميسم بتروح معك
ميسم رفعت راسها وهي تهزه ب لا والتفت لها فهد وقال:لا ما بتروح بروح انا لحالي ومعي منصور بس منصور ماهو رايح الا بعد زواج اخته
أفنان مو اول مره يبتعد عنها فهد بس اول مره بيطول :تروحون وترجعون ب السلامة انشاءالله
ميرا و بيلسان قربو يحضنون اخوهم وهم ماسكين دموعهم ميرا:اذا سحبت علينا وماكلمتنا بزعل عليك
فهد:افاا الا زعلتس عاد ما نقدر عليه
بيلسان:لازم تجي تحضر زواجي وتزفني أنت وأمير
فهد:ابشري انشاءالله اقدر اجي قبل زواجك
فاتن قربت تحضنه:بنفقدك لا تطول يا صديق الطفولة
فهد ابتسم:ابشري
افنان:وخرو خلوني احضن ولدي
البنات بعدو علشان افنان الي قربت تودعه وتوصيه ينتبه لنفسه ول صلاته ومن الاشياء هاذي
فهد:يالله توصون على شي قبل أتأخر على طيارتي
الكل:سلامتك
طلعو كلهم ولف ل ميسم الي قامت وحضنته:تروح وترجع ب السلامة
بادلها الحضن وبعدها نزل وباس بطنها:انتبهي لنفستس اولاً وبعدها انتبهي للي فبطنتس يا ام أسر
ابتسمت:ابشر اي أوامر ثانيه
فهد:لا انا بروح البيت اخذا اغرضي وانتي معتس مفتاح خلي خالد ولا سعود يودونك تاخذين اغراضتس واذا خلصتي قفلي البيت زين بس لا تشيلين شي خليهم يساعدونك
ميسم:ابشر
فهد ابتعد عنها وهو يالله قدر يروح ما يعرف كيف بيتحمل كل هالاشهر بدونها:انا عاد بوصيهم وانتي قولي لهم وسلمي لي على خالتي(ام ميسم)
ميسم:يوصل مع السلامة
راح فهد بعد ما ودع جده وخواله والعيال منصور:انتضرني كم يوم وانا عندك
فهد:عجل علشان يمدينا نخلص ونرجع بدري
ودعهم وطلع متجه لبيته ياخذ اغراضه وبعدها للمطار
عطوه حقه ✨
أنت تقرأ
انا عندي بدايتنا ؟ بداية عمرك وعمري
Pertualanganالكاتبة :ريماز محمد انستغرام -rn5.81استقبل رسائلكم بكل حب 💙🦋
