انا عندي بدايتنا ؟ بداية عمرك وعمري

الـبـارت٢٦

خالد تنهد بتعب وهو يحاول يقنعه ما يجي بس ما فيه فايدة أبدًا لف لجهة منصور وتقدم يجلس ف الكرسي:مصر يجي ويقطع اجازته وسفرته
منصور وهو مركز ف الاوراق:غريب اخوك ذا انا لو مكانه ما عطيتكم وجه
ضحك بسخرية خالد:ايهه علشان جدك يمحطك ب العصا اول ما يشوف رقعة وجهك
منصور ضحك وسند ضهره على الكرسي:الا وين فهيد ما جا للحين
خالد اخذ كوبه يشرب الماتشا الي طلبها:ياخي خله يرتاح شوي دام معه حرمته وبكرا نكرفه
منصور ابتسم:تصدق من وصلت هنا بس ارسلت لامي وابوي وسحبت ما عاد اتصلت فيهم
خالد:لا عاد يعني كل هاذا شغل ولا كذا ناسي
منصور:تبي الصدق ما افضى الا بوقت متأخر واخاف اتصل على امي وتخاف
خالد هز راسه:صح صادق
منصور قام بعد ما رتب الاغراض وشاف الساعة حول المغرب وهم جالسين ف المكتب :سرينا
خالد قام:يالله بس وين
منصور:فيه كوفي قريب هنا نروح له؟
خالد اخذ اغراضه:يالله اجل مليت من مجالس الاوراق
ضحك منصور وطلع و وراه خالد نزلو تحت ل الدور الارضي وركبو السياره وطلعو متجهين للكفي بعد ما بلغو فهد اذا بيجيهم
"اما ف السعوديه مزرعة الجد"
كلهم راحو هناك كا تغيير للجو بعد ما خلصو من الاختبارات الي يختبرون وعشانهم طفشانين فاتن بسيارة مهير قدام:يوهه وينه اخوتس ذا
يمامة:سنه ف البقالة دقي بوري خليه يجي
فاتن دقت بوري مره ومرتين والثالثة ما امداها لانه جا مهير وفتح الباب:ليش تدقين بوري ما تشوفين اني احاسب
فاتن:تأخرت بعدين جبت ايسكريم ؟
مهير ركب وسكر الباب وهو يربط حزامه:ايه جبت كل شي علشان ما تزعجوننا
يمامة وهي تفتش ب الاكياس:جبت لكم علشان ما تزعجوننا بعد
مهير:ايه
فاتن فتحت المسجل وحطت اغنيه بس ما طولت على الصوت :مهير
همهم لها وهو مركز على الطريق فاتن عدلت جلستها تقابله: صدق صدق ما ودك تتزوج او فيه وحده فبالك
مهير لف لها وهو مصغر عيونه:اشوفتس صرتي مكس بين جدي وأمي
يمامة: لا هي تملكت وتغيرت
فاتن شمقت لها:لا صدق احسك كذا يعني فيه احد ببالك
مهير:لا ارتاحي مافي احد ببالي
يمامة:مهير ما اتوقع بس عزيز يمكن
مهير ناظرها من المرايه:وانتي شدراتس ؟
فاتن غمزت ل يمامة:هينن عزيز خالصين منه لـ هيام بس مهير يعني
وقف السياره وفتح بابه:خلو القرق ويالله انزلو
فاتن نزلت :مشكور على المشوار اللطيف انشاءالله نعيده معك زوجتك
سحب عليهم بعد ما قفل السياره ودخل قسم الرجال وشاف مافيه احد
والبنات دخلو وشافوهم مجتمعين كلهم عند العيال والبنات مع بعض وهم ماشين جا مهير ودخل وفاتن نزلت عباتها وطلعت لهم اما يمامة اخذت جلالها وطلعت
هيام:وينكم ابطيتو
يمامة:مالقينا الاغراض ف البقالة القريبه ورحنا لوحده ثانية بعيده شوي من هنا
بيلسان: تخيلي وش قرر جدي
يمامة:وش
بيلسان:ب يسفرنا ابها لمدة اسبوع ويمكن تتمدد بعد
يمامة تحمست:الله ، بس ملكتك بتأجلينها
بيلسان هزت راسها:لا اصلن ما حسوي حفله كبيره يعني بس انتم بتجون بيتنا يعني مرهه مختصرة وام الولد ويمكن خواته يجن
هيام:اصلان الملكه بعد السبوع هاذا والسبوع الثاني هو الي اتفق جدي اننا نسافر فيه
تمارة:تصدقون الحمدلله جدي فكر فينا ولا خلونا نجلس كذا ب الطفش والحر
بيلسان:يالله انشاءالله يكون الجو حلو هناك وننبسط
يمامة:يارب لفت ب استغراب:وين نوير؟
ميرا لفت لها:راحت تسوي شاهي ثاني
الجد تنحنح:اسمعوني كلكم
كلهم رفعو روسهم له تركي:سم يبه
الجد:انشاءالله باذن الواحد الاحد بعد ملكة بنتنا بيلسان بنروح أبها اسبوع ويمكن نمدد جهزو حالكم من هالحين واغراضكم وما ابي احد ينقص منكم غيرالي مسافرين العيال ذولا عذرهم معهم
محمد بحماس:والله انك كفو يا جدي حسيت فينا
ابتسم الجد:وانت يا سلطان انت ومحمد ابيكم تدورون لنا استراحة راهيه علشان نجلس فيها بدال حوسة هالفنادق
الجده نوره:اي نبي قسمين علشان البنات ياخذون راحتهم
أمير:اي احسن بس بنروح ب الطيارة ؟
تركي:لااا نبي سيارة أحسن
الجد:اي سيارة وبناخذ الجمس حقي وحقك يا البراء نتقسم عليه وسيارة وحده للقش والباقي يركبون فيها
فاتن:يبي لكم تدورون من الحين استراحة لان احتمال ما تلقون شي زين
سلطان:ما عليتس بشوف خويي انا من ابها وانا ومحمد بعد ما نخلص من ملكة بيلسان نمشي لأبها
الجد:ايه زين كذا بس خلكم جاهزين
هيام:جدي نبي الجمس نشيل المراتب الي فيه
ميرا:اي اي احسن
الجد ابتسم:ابشرو ب الي تبون
تمارة :نبي عمي تركي معنا علشان يونسنا
تركي لف لها وبمزح:ليه شايفتني مهرج اونسكم
تمارة ناظرته:لااا حشى بس يعني انت تعرف جونا وكذا
زهرة:اجل شكلنا انا وفنو بننضم لحريم اخواني
فاتن:اصلن ما لكم مكان معنا
زهرة:شف الي ما تستحي المفروض تقولين يا اخيتي ان ما وسعك المكان توسعك عيوننا
ضحكو كلهم الجدة:الي متزوجه تجي مع المتزوجات والي ما تزوجت تروح مع البنيات
ميرا:حلو يعني بيلسان وفاتن معكم
ضحكو البنات عزيز:طرده محترمهه
فاتن:اخس يا البزره تطرديننا بعدين تونا ما تزوجنا
بيلسان اشرت كذا لفاتن 👍🏻هيام:بس كتبتو المتاب معناته تزوجتو
فاتن:اسكتي انتي يا النتفه
عزيز:وهي صادقه كتبتو الكتاب معناته تزوجتو
محمد نغزه وهمس:شعندك تدافع عنها
عزيز ناظره ب ارتباك :حمود ما دافعت بس اشاركهم
سلك له محمد وصب له شاهي بيلسان:امي نوره نبيها معنا نونسها
تركي:اي والله نغير لتس جو مع البنيات
الجد:بدال ما تغيرون لها جو ترفعون ضغطها لا والله خلوها مع العقال
يمامة ضربت صدرها :ما عليك بتنبسط معنا ما بنرفع ضغطه
الجد:ايهه يحصل خير
"في جزيرة بالي "أدم & لولو "
اليوم الرابع لهم هناك قامت وراحت تاخذ لها شور بعط ما طلعت لبست فستانها البنك طوله فوق الركبة واكمتم علاقي حطت تنت شوي وخلت شعرها مسدول وعقب الشور صار كيري خفيف طلعت وشافت أدم يسبح ف البحر وابتسمت له واخذت جوالها تصوره لفت عشان تتصور معه:أدم ممكن تقرب شوي ابغى اصور معك
أدم قرب وطلع لها وحضنها من ورا :صباح الخير للحلو
خجلت وغطت وجهها بيدينها ابتسم ومسك يدينها ينزلهم:ليش تستحين توك مناديتني علشان تتصورين معي
لولو رفعت راسها:ياخي مقدر بعدين انت دايما تتغزل فيني وانا معرف ارد عليك
باس رقبتها وبعدها شوي :اوهه لا اليوم اللون مع التان حريقهه
لولو حمرو خدودها بس خلاص لزم تتعود قالت علشان تغير الموضوع:روح بدل علشان نروح نفطر
ابتسم من عرف انها تغير الموضوع:يالله بس غيري هالبس البسي شي طويل
صغرت عيونها تناظره:تكفى آدم ما ابغى أغيره عاجبني
اخذ منشفته وهو ينشف شعره وعطها نظره:تستهبلين لولو مستحيل اخليتس تطلعين كذا
لف متجه للحمام "تكرمون "واخذ له شور على السريع اما لولو تاففت وراحت تطلع شي طويل بس ما لقت غير بنطلون واسع وبلوزة معه طقم(اتوقع عرفتو هاذا اللبس )
راحت تلبس كان لونه متدرج على الوان البحر اخذت الكاب تلبسه مع نظارات شمسية وادم طلع وكان لابس شورت ابيض سماوي طلع وهو يفرك شعره بيدينه ومنزل راسه شافته لولو وضحكت:اوهه طقم انا وانت
رفع راسه وشافها وبعدها ناظر نفسه:هه احلا صدفه والله تعطر وقربت منه تدخل يدها بيده:مشينا
آدم ابتسم وباسها :يالله
"فـ دبي "
كانو نازلين يتمشون ف المولات ميسم وهي ماسكه ذراع فهد:فهد
همهم لها وكان يطلب لهم القهوة:سمي يا عروق قلبي
ابتسمت بحب:سم الله عدوينك بس بغيت اسأل ما بتروح لاختك
اخذ القهوة ومد لها قهوتها: انشاءالله بروح بس ان رجعنا انتي ما بترجعين معي ترا
تنهدت بحزن ميسم:ليش طيب؟
جلسها على احد الطاولات وراح يجلس هو:انتي الحين بديتي تتعبين وبتحتاجين امك اكثر ما اقدر اخليك هنا وانا كل وقتي ف الشركه فهمتيني الحين وبعدين ترا انا مابي افارقك دقيقة وحده
هزت راسها تكبح دموعها :فهمت بس لا تطول طالبتك
ابتسم ومسك كفوفها:بحاول انشاءالله اجي قبل ولادة آسر
ابتسمت وخذت كوبها تشرب من قهوتها وهو ب المثل
"بعد مرور أيام يوم ملكة بيلسان "
ماعزمو ناس كثير مع اهل العريس استقبلوهم وضيفوهم فوق عند بيلسان قبل تنزل لهم ماسكه جوالها ومتوترة تهز رجلها نوره:بيلسان خلاصص وترتيني معتس
بيلسان لفت لها:نوير ليش للحين ما نادوني اكيد صاير شي
نوره عصبت من توتر بيلسان وخوفها ان احد من عمامها يخرب عليهم:بيلسان اركدي محد مخرب عليكم وبعدين جدي فيه ما بيسمح احد يخرب عليتس ، قامت وفتحت الباب بتنزل:اسمعي انا بنزل زين وبنادي هيام لتس علشان تنزلين
هزت راسها ب زين وطلعت نوره نزلت وقالت لهيام تصعد لها وراحت عند فاتن:عمتي زهرة وين
فاتن:شوفيها جت
نوره:متى بتنزل ترا بتنفجر من التوتر فوق
فاتن:المفروض الحين بس مادري عن أفنان روحي اساليها
قامت نوره متجهه لعمتها تسألها وهي تتكلم معها دخلت ميسم والبنات قامو يسلمون عليها تمارة:اشو جيتو ماسحبتو على البنت
فاتن:الحمدلله على السلامة
ميسم ب ابتسامة:الله يسلمك ، قربت من فاتن وهمست ب اذنها:خالد برا يبغاتس
ناظرتها فاتن بتوتر:وش يبي فيني
ميسم توسعت عيونها:هو وش وش يبغى اكيد يبي يشوفتس
فاتن هزت راسها ومشت للمرايا تعدل شكلها وطلعت تدوره وفجأة شهقت من حست بيد على كتفها ولفت علطول ضحك خالد:بسم الله عليتس وش فيتس
فاتن ارتاحت وحطت يدها على قلبها:فجعتني خالد
ابتسم وحضنها وفاتن تصنمت من حضنها:ما اشتقتي لي
انا مشتاق لتس
فاتن صمتت شوي وقالت:لو اني ما اشتقت كان ما جيت عندك الحين
ابتعد عنها شوي:يعني ما كنتي بتجين
ميلت راسها خالد قرب منها لين صار ما يفصل بينهم شي وانفاسه تلفح وجهها توترت من قربه اول مره يصير قريب ب هالشكل بس ما تبغى تبتعد عنه :خ خالد ممـ.. اسكتها من قبل شفايفها وارتجفت وتصنمت مكانها ما قدرت تبعد عنه وهو يقربها له زود ابتعد عنها وهو لازال محاوط خصرها اسند جبينه على جبينها ونبضها يتسارع ابتسم وهو يلهث:ارويت ضماي وشوقي
غطت وجهها بخجل وفلتت منه تركض ل الداخل ابتسم على خجلها ووقف يعدل شكله ورجع عند الرجال
اما فاتن الي دخلت وصعدت فوق علطول تدخل عند بيلسان وهي للحين تحت تأثير بوسة خالد ناظروها بيلسان وهيام ب استغراب بيلسان:بسم الله شفيها ذي
هيام قربت وهي تصفق عند وجه فاتن:عمتي الفاتنة وين راحت
شوي ورفعت راسها فاتن وشافتهم:متى جيتو انتم
هيام ضحكت بسخرية:متى جينا انتي الي جيتي عندنا الي ماخذ عقلتس يتهنى
بيلسان نزلت جوالها:يالله هيام بنزل
هزت راسها وراحت هيام تنزل وورها بيلسان وفاتن قامت وعدلت شكلها ونزلت ورا بيلسان الي نزلت وهي تسلم على ام نايف الي ترحب فيها وبعدها خواته ومشت تجلس قريب منهم بين امها وخالتها زهرة
يمامة:اهله كيوت فرق عننا
ميرا ابتسمت:ايه تحسبينهم حنا قبيلة
هيام تنهدت:اشتقت لتؤمي افف
فاتن :ماشاءالله توها تتذكر انه تؤمها يوم تزوج
هيام:والله احس اشتقت له يقلع بليس اسرار اخذته مني
تمارة:اقاله الحين هو معك اربع وعشرين ساعة هو بشغله وانتي ف البيت
هيام:ادري بس اشتقت شلون يعني ما اشتاق
فاتن:لا لا اشتاقي بس علميه لا جا مو تقولين له انقلع
ضحكو البنات
"عند الرجال "
كانو يقهوون الضيوف وجا المملك وبعد دقايق دخل عليهم وبصوت عالي رخيم:السلام عليكم
انتبهو له وقامو كلهم يرحبون فيه ومشى متجه لجده يسلم عليه :علومك يابو البراء
الجد ب ابتسامة:بخير الحمدلله على سلامتك
ابتسم:الله يسلمك
باس راسه وسلم على خواله وبعدها مشى يسلم على نايف:هلاااا ب النسيب
نايف ضمه وهو يسلم عليه بحرارة:الحمدلله على السلامة زين جيت بغيت اعطيك مكتوب طولك
ضحك فهد:ماقدرت ما اجي لملكة دلوعتي
نايف عطاه نظره:هد لو سمحت هاذي بعد دقايق بتصير زوجتي
فهد:احلف لا تخليني اهون ما اعطيك ايها
ضحك نايف:لا لا خلاص شوف الوالد سلم عليه
مشى يسلم على ابو نايف ويرحب فيه وبعدها على الباقين وجلس وبدو يقهونه أمير جالس جنب فهد:رحت لأمي
فهد هز راسه:لا جيت علطول دخلت توقعت تصير منشغله مع الضيوف
أمير :زين
بعد دقايق خطبو ووقع نايف وقامو فهد وأمير لعند الحريم علشان توقع بيلسان امير عند الباب:يمه وين بنتتس
ميرا:ابفهم انت وش معجلك
فهد من وراه ومعه الكتاب:الشيخ بيروح ماهو فاضي لتس
شهقت افنان:يمه وليدي الحمدلله على سلامتك ابويي انت
قربت تضمه وهو يسلم عليها وباس راسها:الله يسلمك يا جنتي شلونها افناني
ضحكت افنان من منادت ولدها لها:بخير دامني شفتك يا نور عيني
أمير ناظر ميرا وهز راسه ب اساء:الله لنا
تقدمت بيلسان الي جت وسلمت على اخوها فهد:تبينه والا اقلعه الباب
ناظرته بيلسان بتوتر وهي توقع:الصراحة مزيون ما اقدر ارده
أمير شهق:الله الله ماشاءالله عليتس
ميرا ضحكت :ماش اختك خفيفه
ضحك فهد وضمها:مبروك ياعين اخوتس انتي
بيلسان:الله يبارك فيك يارب
افنان ضمتها وضمتهم ميرا بعد، افنان:مبروك الله يوفقتس يارب
أمير قرب يضمهم: مبروك تحققت امنيتي اشوفتس عروس
بيلسان بعدت شوي:شقصدك ما تبيني يعني
ضحك بورطه:لا حشى بس فرحت لتس مرهه
تنحنح فهد: يالله شوي وتدخلي عليه ازين
هزت راسها وراح أمير والبنات جو يركضون لها ميسم ب ابتسامة ضمتها:مبروك يا قلبي
البنات زغرطو وهم يضمونها فهد بحده:قصرو صوتكم فيه رجال
ميرا:وش موقفك انت رح خلاص
فاتن:انت اذا سكرت الباب ما بيسمعوننا
سكرت الباب بوجهه وعصب شوي وراح ل الرجال خل المجلس وشاف نايف واقف والعيال عنده قرب عندهم وهمس لنايف:مبروك يا النسيب
ابتسم نايف ولف له:الله يبارك فيك
فهد حط يده على كتف نايف:يالله للمجلس ؟
هز رأسه ومشى مع فهد والعيال يطقطقون عليه شوي دخل المجلس وراح فهد يطق عليهم
عند البنات
جت نوره عندهم وجلست:ميسم روحي لرجلتس
نزلت بيالتها:وين؟
نوره:عند باب المجلس
ميسم ناظرت بيلسان وقامت راحت عنده:فهد
ابتسم من صوتها:سمي
ميسم:بغيت شي؟
فهد:اول قصريلي صوتتس الله يرضالي عليتس الرجال هنا
ميسم حطت يدها على فمها بلطافه:أسف ما دريت
ابتسم على حركتها وباس راسها:روحي نادي لي بيلسان
ميسم ابتسمت من تذكرت ملكتهم:طيب
مسكها قبل تروح:ليه تضحك ؟
باسته فكه:ولا شي ، وراحت علطول علشان ما يمسكها وهي تبتسم وقفت عند بيلسان وقربت تهمس لها:فهد ينتظرتس
قامت بيلسان تعدل شكلها ومتوترة:ميسم كيف شكلي مرتب
قربت تزين شعرها:ما عليتس تهبلين يالله روحي مل وهو ينتظر الرجال
ميرا من وراهم:تعالي اعطرتس
بيلسان:خلاص ميرا انكتمت
ميرا:ازين
ضحكت ميسم:يالله بس روحي الحين يعصب اخوتس
راحت بيلسان ودخلت على نايف وجلسو مع بعض
ولبسو الدبل وبعد دقايق طلعت هي للبنات و هو ل الرجال وشوي وكل واحد راح لبيته وبعد يومين من الملكه
ف المطار فهد واقف مع ميسم:يالله ودعتكم الله
ميسم حضنته:توصل ب السلامة حبيبي
خالد:اول ما توصل اتصل علشان ما تشغلنا ميسم
ضحك فهد ونزل راسه:أبشر ، تنهد صم رفع رأسه وحط يده على كتف خالد:لا أوصيك يا أبو ثامر انتبهو لها زين واي شي يصير خبروني
ابتسم خالد يربت على كتف فهد:ما عليك لا توصي حريص
سمع نداء الطيارة ومسك شنطته ومشى علطول وهو يأشر لهم مع السلامة بعد ما اختفى من أمامهم مسكت يدين خالد تمشي هي وياه ل السيارة فتحت الباب تركب السيارة وخالد ب المثل حرك خالد ولفت ميسم له:خلود تكفى مشتهيه عسكريم ودني البقالة
خالد ابتسم: والله يبي له عسكريم على قولتتس مع ذا الحر
ميسم :من امس ماسكه معي عسكريم
خالد: ينزل لتس احلا ايسكريم الحين
ضحكت وحرك متجه لاقرب سوبر ماركت وبعدها يتجه للبيت
"اما عند بيت الجد فهد"
الكل اجتمعو هناك وبدو يحملون الشنط واغراضهم ويتوزعون على السيارات العم تركي وقف :يالله اشوف اوقفو صف علشان اوزعكم
ميرا:معليش خالي بس محنى بمدرسة
تركي :انتي مطروده مع الحريم
البنات ضحكو هيام:لا بابا ميرا احتاجها معي
تركي:وانتي معها مطرودة
عبست هيام ولفت تمثل الزعل ضحك تركي وكمل :الجيب هاذا مع مهير يركبون معه البنات الي هم فاتن معه قدام وهيام وميرا ونوره ويمامة ويمامة
ميرا:الله كلنا مع بعض
نوره:باقي بيلسان
تركي ضحك:اوه نسيتها معليش بيلسان
بيلسان:خلاص انا زعلت منك خالي انا تنساني
تركي:يوهه ياكثر الي زعلو علي اليوم
هيام:ليه فيه احد غيري وغير بيلسان
تركي هز راسه وهو يناظر أخلاص وبهمس يسمعونه البنات:أيه ام همام الله يهديها
فاتن ضحكت:ما خبرت أخلاص تزعل هي الا من شي كايد وش مهبب وانا اختك
تركي:بعدين اعلمك
محمد ابومنصور:العيال أمير وعزيز مع الحريم
أمير:افا ليه مخليني مع العجز
ضربته الجدة ب العصى:أحترم الي اكبر منك يالي ما تستحي
نقز امير يبعد عنها وهو كان قريب منها:احح ياجده وانا صادق
افنان:أمير اعقل وانا امك بعدين هالعجز الي تقول عنهم هن الي بيونسنك
الجد :يالله مشينا الباقي معنا ب السيارة يالله
مشو يتوزعون على السيارات طبعًا كانت سيارة البنات ثلاث مراتب اربع قدام وثلاثة ب المرتبة الثالثة اما الحريم كأن تقريبًا نفس الترتيب ونص العفش معهم والنص الثاني ف سيارة الرجال حركو يخرجون من بيت الجد بعد ما قفلوه
"سيارة مهير "
كانت زهرة راكبة قدام بدال فاتن وبنتها معهم ورا مهير:جيبو ميلا هنا خل تسولف علينا
زهرة:لا خلها عندهم والله تجلس تحوس علينا
هيام:مهير لو سمحت يعني ممكن توقف عند دانكن ناخذ قهوة
فاتن:ايي تكفى بالله
مهير:زين بس اخاف ينتبه جدي لنا ويهوش
زهرة:لا ماعليك نقوله ناخذ قهوة لك علشان تصحصح ب الطريق
مهير:ماشاءالله عليكم مجهزين عذر من الحين
يمامة:شرايك بس
مهير:ينخاف منكم والله ،مشى متجه لدانكن
"اما عند عزيز وأمير "
كان عزيز الي يسوق وبجانبه امير الي جالس مقابل عزيز وعشان يسولف مع الحريم وامه وشغل أغنيه وجلس يستهبل وعزيز معه والحريم ماغير يصرخون ويتشهدون على انفسهم الجده:عزيز خلك اعقل من ذا السربوت وقصر له الحين يصير بنا شي
أمير:لا ما بنقصره لين تسولفين علينا
إخلاص:أمير خلها تريح شوي
أمير:اذا جدتي سكتت انتم سولفو ولا بشغل المسجل يسولف علينا
الجده بحده:خلاص سكرة فقع اذوننا بنسولف لك
أمير غمز:اكيد ولا تسلكين لي
أفنان:امير هو خلاص قلنا سكره بنسولف
عدل جلسته وصب لنفسه قهوه من الي مسوينها هم وجلسو يسولفون عليه وعزيز يشارك معهم وكل ما سكتو شوي قام اخذ جواله يشغل ماكان يبيهم ينامون لن الطريق طويل شوي
اما سيارة الرجال كان محمد بينهم وعدي الجو عنده بس أرحم من عند أمير وعزيز مره الجد يفصل ويشغل شيلات وشوي يسكرونه يسولفون وهو يشاركهم  شوي اما عند البنات الي بعد ما طلعو من دانكن علطول لحقو على سيارتا اهلهم وهم مبسوطين ومكيفين جوهم حلو ومهير معطيهم جوهم مايقول لا وميلا تتنقل مره عند البنات ومره عند مهير بحضنه
________________
عطوها حقها بنجمة وكومنت 💙