انا عندي بدايتنا ؟ بداية عمرك وعمري

الـبــارت٢١

العصر فبيت ابو زيد
ام زيد:تيا
تيا توها نازله:سمي يا جنتي امريني
ام زيد: خلصتي متلبسه
تيا:باقي لي شويتين
ام زيد:ايه ترا بنروح قبل المغرب
تيا:زين تبين اساعدتس بشي
ام زيد:لا الله يجزاتس خير انتي اخلصي بس
تيا :طيب وراحت تكمل شغلها
_____
عند لولو
نوره:للحين ما خلصتي انتي
لولو:انتظر اسرار تخلص علشان أبدا انا
ليال جت وكانت عجله:بنات بسرعه وين فاتن
لولو:مدري
هيام كانت تتمكيج:اتوقع ف الحوش تشوف التجهيزات مع ميسم
ليال علطول راحت ركض لهم
ليال:فاتنن
فاتن لفت لها:هلا
ليال:اسمعي الحين تروحين معي نجيب الحلا لان الزفت عيا يجيبه حق التوصيل
فاتن:والله اني حاسه انه بينكبنا ذا
ليال: ما علينا امشي نروح قبل يجون الناس
فاتن راحت تلبس عباتها وليال بعد
اسرار توها مخلصه:على وين
ليال:لو بقولك بتنجلطين
اسرار:اجل خليه بعدين الحين متوترة خلقه
ليال:فاتن يالله
طلعو فاتن وليال
فاتن:مع مين بنروح
ليال:خالد
فاتن شهقت:مالقيتي الا هو
خالد جا من ورها:ليش وش فيني
فاتن جت بترجع:روحي لحالتس ما راح اروح
ليال سحبتها:اقول امشي ترا ما اعرف كل الي اخترتوه
خالد فتح شباك سيارته وطلع راسه:اعجلن قبل يإذن المغرب
البنات راحو ركبو السياره
خالد:وين المحل
فاتن لانه تعرفه:تعرف حي***
خالد:ايه
فاتن: حلو هو هناك
خالد ابتسم لا شعوريًا
ليال:الله يقلع بليسه المندوب سحب علينا
فاتن:اتصلتي عليه طيب
ليال:بيخلص رصيدي منه
فاتن:عطين الرقم بتفاهم معه
خالد مايدري ليه غار او ما يبيها تكلم رجال غريب:خلاص مو لازم الحين نروح وناخذ اغرضكم وصلى الله وبارك
فاتن :معليش بس غاثني ولازم اتهاوش معه
ليال ضحكت:من اليوم تدورين محارش
فاتن:ياخي شسوي الي جو ما سوو شغلهم زين وانا وميسم جلسنا نعلمهم ارتفع ضغطي منهم وزاد عليه هالمندوب والله لو تجي حقت البوفيه وتسوي كذا لا افصل عليهم
خالد ضحك على عصبيتها :هدي هدي لا يرتفع ضغطتس
بعد دقايق وصلو المحل ونزلو ياخذون اغراضهم وفاتن كانت تتهاوش معهم بس اخر شي مسكها خالد ووداها السياره وهو جلس يتفاهم معهم بهدوء
فاتن من السياره:اخوتس يغث ليش كذا
ليال:هاذا خلود انتي تكونين معصبه وهو يصير هادي
فاتن:غريب انا كنت شوي واصفقه كف يوم قال مالنا دخل
ليال:صدق يغث لا ويبي المبلغ كامل
خالد ركب سيارته:خلاص الحين نرجع ولا باقي شي
فاتن مسكته
ليال:لا خلاص
فاتن ماتدري وش جاها سكتت وصارت تتأمله وليال تسولف عليه وهي مو لمها
ليال:فاتن وجع لي ساعه اهرج عليتس
فاتن استوعبت:معليش ما كنت اسمعتس
ليال:الي ماخذ عقلتس يتهنى
خالد كانت يناظرها من مرايه السياره
فاتن بنفسها(الي ماخذه اخوتس اخخ ياربي شلون كذا هادي وله هيبته اخذ عقلي)
وصلو الاستراحة ونزلو البنات
خالد: لاتنسون حلوياتكم
ليال:تكفى نزلها
خالد:اقول ماني فاضي لكم
ميسم فتحت الباب:ماشاءالله جيتو
خالد:هلا بميسمي
ميسم ابتسمت:هلا فيك جبتو الحلا
فاتن دخلت وهي تنزل نقابها وشيلتها:ايه بسيارته
ميسم فتحت الباب الكبير:خلود دخل سيارتك علشان ندخلهم
جا فهد:جيت
خالد:بغيت شي
فهد:لا
خالد:وين رايح طيب
فهد:بروح اجيب اغراض من البيت
ميسم طلعت وماكان عليه شي يسترها:خلود يالله
فهد:ماشاءالله وش مطلعتس بدون غطاء
ميسم:عادي مافيه احد
فهد:ماشاءالله والسيارات الي تمر ذي
ميسم شهقت يوم شافت سيارته جايه لهم ولا تدري وين تروح
فهد عصب:ادخلي بسرعة
راحت ركض ميسم داخل
وخالد دخل السياره والعاملات الي فيه نزلو الحلويات ودخلوهم
ليال:بنات شرايكم حلو فستاني
تمارة:الله مرره حلوو تاخذين العقل
هيام:كم باقي على المغرب
لينا:اتوقع باقي١٥دقيقه
نوره دخلت:بنات مين خلصت تسوي شعري
ليال:انا مخلصه
تمارة:وانا بعد بس بضبط الايلينر
نوره:خلاص ليال سوي لي شعري
هيام:ب العاده انتي تسوين شعرتس يا نوير
نوره:ذا عجزت اعرف له صعب
البنات كانو جالسين ويتجهزون
زهرة دخلت:من شاف الولاعة بنات
بيلسان:ياربي وانت ربي ما هاذا الكائن اللطيف
لينا:اخخخ تكفين ودي اشوتها
البنات كانو مستلطفين ميلا الي جت تمشي بشويش ورا امها وتبتسم
لينا:ودي احبتس قوهه بس اخاف الروج يطبع ولا عاد يروح
زهرة:لا الله يجزاتس خير خلي بوستس لتس
نوره:انا بموت من الغمازات ياربيي
ميلا جت تمشي عند نوره وقالت بصوت الاطفال:نوره
زهرة:اخسسس قالت اسمتس
نوره:يالبيه بس احلا من ينطق اسمي
لولو بعد ما باست ميلا مع كل مكان:عميمه الولاعة مآخذها مهير شوفيها
زهرة هزت راسها بزين وطلعت ولحقتها ميلا تصيح
هيام:بنات وين ميسم وميرا
تمارة:تحت يشوفون الاغراض مع فاتن
هيام:مخلصين صح
تمارة:ايه
لينا:طيب اسرار وين اختفت
لولو:اسرار بعد ما خلصت راحت تلبس فستانها بعدين راحت عند امه
لينا قامت:انا خلصت بنزل للبنات
هيام:اجل بروح اتلبس انا
قامو البنات يخلصون اشغالهم
_________
ف الحوش
ميسم:الحين خلصنا من الحلا صح
ميرا:ايه
يمامة كانت جايه ومعاها مبخرة:يالله تبخرو بسرعة
ميسم:طيب الله فالتس
ميرا:نبخرتس بعرستس انشاءالله
يمامة اخذت المبخرة بتروح:اقول بس طيري الا وين فاتن
ميسم:يمكن داخل
يمامة مشت ودخلت داخل وراحت وراها ميرا
فاتن كانت تمشي جهت سيارة خالد تدور خاتمها
فاتن:اففف مو وقتك تضيع ابدد
فاتن كانت لابسه فستان اسود وطالعه تفتن صدق اخذت من اسمها نصيب مع شعرها الي مسدول على ضهرها ومفير
كانت تمشي ومشغله فلاش جوالها وتدور الخاتم
_______________
عند العيال
فهد:عيال ترا ما بقى شي للمغرب خلونا نروح للمسجد
منصور كان طالع عليه سروال وفنيله:بقى كم
فهد:٥دقايق
عزيز:منصور رح خذ ثوبك من امي
محمد كان يكلم ب جواله:عمير وينك ما جيت
عمر:هاذاني ب الطريق
فهد:بروح ل امي باخذ البخور وانتم اسبقوني للمسجد
مهير:فهد قبل تروح معك عطر
فهد:ايه بجيبه واجي اصبر لي شوي
خالد طلع توه لابس ومتعطر :ابروح اطلع سيارتي برا وعلطول للمسجد
سعود وادم طلعو:اجل ترا حنا سابقينكم
خالد ابتسم وراح لقسم الحريم شاف ما فيه احد وراح لسيارته جا بيركب وسمع صوت مو غريب عليه ولف للجهه الثانيه يشوف
فاتن:بسم الله شلون طاح من يدي
خالد تنحنح وصد:تدورين شي
فاتن خافت ولفت وشافت خالد جت بتركض بس مسكها من يدها:ارجعي ما يمديتس
فاتن توترت وتحلول تتفلت من يده بس ما قدرت وعصبت:اتركني بروح بعدين ليش ماسكني ما تحل لي
انت
خالد قربها منه وودها للجهه الثانيه وفتح الباب الخلفي ودخلها وقال:اصبري لين يروح عمر واهله
فاتن التفت وشافت عمر جاي لهم يوم شاف خالد وعلطول مسكت ثوبه وغطت وجهها
خالد كانت اسرته فاتن بجمالها بس كان يقاوم وما يناظر لها يوم قربت منه كذا زادت دقات قلبه والتفت لعمر الي يناديه
عمر:ابو ثامر
خالد توتر بس ما وضح عليه ولف:هلا والله ب ابو
شافه يقرب وقال بسرعه يوم شدت عليه فاتن:لاتقرب عمير محارمنا فيه
عمر استحى ورجع:وين العيال طيب
خالد :راحو المسجد
عمر اول ما قال له انهم ب المسجد راح لهم علطول
خالد تنحنح:خلاص راح
كانت فاتن بتبكي رفعت راسها وهو ما يدري ليه لف لها وشاف وجهها
خالد:افاا تبكين يا بنت فهد
فاتن ماردت وهي تكتم بكيتها
قرب منها فهد وحظن راسها وقال بهمس :والله ماتنزل دمعة منتس من اليوم ورايح
فاتن قالت وهي عاجزه تشيل نفسها:وخر عني
خالد ما كان وده يصير كذا بس قال:واذا ما وخرت
فاتن حطت عينها بعينه وقالت بجرأة عكس الخوف الي داخلها :ترضى وحده من خواتك يصير فيها كذا
خالد ابتسم:اكيد لا ..بس اذا بيخذها ب الحلال عادي
فاتن انصدمت
خالد وخر عيونه عنها :تدرين انتس تليتي قلبي من مكانه خليتيني احب وانا مالي ف الحب ابدد
فاتن كانت منصدمه من الي تسمعه ويوم بعد عنها قامت وراحت ركض بتدخل بس وقفت عند الباب وخالد كان يراقبها واستغرب كانت فاتن واقفه تمسح دموعها علشان محد يشك وبعدها علطول دخلت وصعدت فوق لغرفه من الغرف وجلست تضبط نفسها
دخلت ميسم:فاتن وين البخور
فاتن تكتم شهقاتها:شوفيه هناك
ميسم اخذته وعلطول جت بتطلع بس رجعت
ميسم: فاتن فيتس شي؟
فاتن انتبهت:لا
ميسم قربت لها: اجل ليش تبكين
فاتن:لا ما ابكي بس دخل شي بعيني علشان كذا
ميسم ما تبي تغصبها:خلاص زين انا بروح لفهد وانتي انزلي ما بقى شي ويجون الناس
فاتن:زين الحين بنزل بس بعدل مكياجي
بعد دقايق نزلو البنات بس بقى لولو واسرار فوق ما نزلو يتجهزون
تيا لهم شوي جايين :الله بنات اشكالكم تهبل
هيام:يا روحي انتي الي تهبلين والله
نوره:وين صديقتي لورا
ضحى ابتسمت:عند ابوها عيت تجي معي
ميرا:اخسس سحبت علينا
تيا:وين العروستين ما نزلو
ميسم:بعد شوي بينزلون
فاتن جت :بنات الحين بنجلس هنا صح مو برا
يمامة:المشكله الحين ما تدرين هي ملكة ولا عيد جدي جامعهم الاثنين
نوره:اي يعني بعد شوي بتصير ملكه وبعد العشاء بيجون  الي عازمهم جدي
فاتن:يالله امشو نجلس 
راحو البنات يجلسون ويسولفون شوي

_______
عطوه حقه✨✨