انا عندي بدايتنا ؟ بداية عمرك وعمري

٤

همام: حصل خير حصل خير
جا امير قوم همام ونادو العامل يزين النور وطلعو يشيكون على الباقي
( نرجع للحاضر)
عند منصور وهمام ف المستشفى منصور : ها بشر يا دكتور شفيها كتفه
الدكتور: لا الحمدلله مافيه كسر بس بصرف له علاج وكريم يداوم عليهم ولا يتركهم و انشاءالله بيطيب
همام: شكراً يادكتور جزاك الله خير
دق عزيز على منصور: سلام منصور وينك انت وهمام
منصور: وعليكم السلام رايحين المستشفى وهاذانا جايين ب الطريق
عزيز خاف شوي :  ليه فيكم شي
منصور: انا مافيني شي بس همام طايح قبل كم يوم وكتفه يوجعه وديته للمستشفى قبل يشتد عليه
عزيز انصدم :همام لايكون فيه شي كايد
منصور: لا لا الحمدلله بسيطة عطاه الدكتور مسكن و مرهم عشان يخف الوجع
عزيز ارتاح شوي : زين طيب عجلو عشان ما تنجلدون من جدي
همام اخذ الجوال : عزيز قل لحمود ياخذ ملابسي من هيام عشان لبسي توسخ
عزيز : اوكيه
عزيز طلع يدور محمد ما لاقاه اتصل عليه : حمود وينك ادورك ب البيت ما لقيتك
محمد : ماني ف البيت رحت اودي عماتي وحريم عماني ل المزرعة  مع مهير وترا مافيه احد ادم راح مع عماني وامير شكله معه بعد
عزيز: طيب اخوك يبي ملابس له وقال انه بغرفته يبغاك تجيبهم له
محمد :انا بعيد الحين  رح بيتنا وقل ل هيام تعطيك وصكر بوجهه
عزيز فز قلبه : الله يقلع بليسك يا حمود
راح عزيز لييت عمه ودخل بدون صوت وهو مايعرف وين غرفة همام  راح ل الدور الثاني يدور ودخل غرفة وتوقع انه غرفة همام وصدق توقعه وراح ياخذ ملابس همام اما عند هيام الي كانت مع البنات طلعت منهم بعد ما خلصت شعرها ومكياجها راحت لبيتهم  وما كانت تعرف انه فيه عزيز ونزلت عباتها وراحت فوق عشان بتلبس فستانها وما حست بعزيز ابد وهي جالسه تلبس تدندن شوي سمعها عزيز وطلع من الغرف بعد ما اخذ اغراض همام بيشوف من وش ها الصوت وقرب لغرفة هيام وسمعها تدندن ذاب من صوتها : اخخخ ياقلبي انا معذبتني ها الهيام
هيام سمعت صوت بس طنشت توقعت انه يتخيل لها الاصوات
خلصت لبسها وتعطرت ونزلت مع صوت كعبها وتقابلو هي وعزيز
عزيز الي كان طالع بس استوقفه جواله من همام يبي يجب له عطره وشماغ ورجع بيدخل وهو يقول : ياليل ما تخلص انت يا همـ....
عزيز صنم ف مكانه وهو يناظر هيام نازله وهو خلاص داخ ب جمالها ورقتها وعيونها الي تجذب الواحد صدق وهيام الي ما كانت لمه ابد كانت على جوالها تراسل البنات تنحنح عزيز وقال :ياولد 
هيام الي نخرشت وبغت تطيح من الدرج قالت : بسم لله شجابك هنا انت
عزيز وهو خلاص ذايب فيها : انتي الي وش جابتس
هيام راحت تاخذ اي شي تغطي فيه نفسها: نسيت ان ذا بيتنا يعني اكيت بكون فيه يا الغبي
عزيز  وهو صاد : جاي اخذ اغراض همام وما دريت انتس هنا وبعدين لاترفعين صوتس
هيام: خلاص بروح أجيب اغراض همام راحت ركض وهي ما تدري وش يبي همام ب الضبط وقفت بعد ما دخلت غرفة همام: يوهه يا غببيي الحين وش يبي هو نسيت اسأل
عزيز جلس ينتظرها وقال : والله يا انه صدق غبيه كيف تروح بدون لاتسأل وش يبي اخوها
شافها طولت راح لمها فوق طق الباب هيام الي كانت بتروح تسأل وش يبي همام  وقفت يوم سمعت عزيز يطق الباب قالت بنفسها (اخيراً جيت كنت بروح لمك) عزيز : هيام انتي هنا ادخل
هيام مشاعره تلخبطت قالت بنفسها ( ياخي هاذا صوته يعذب قلبي ب حلاوته وهيبته) ردت قبل يدخل : اييي انا هنا بس نسيت أسألك عزيز وش يبي همام
عزيز قال : يا حلو اسمي من منطوقتس
هيام استحت : بسرعه بلحق على البنات
عزيز : ابشري  يبي عطـ......  
قال لها وش يبي وعطت الاغراض وراح عزيز لسيارته وشاف فاتن قال : ماشاءالله فاتن مو انتي رايحه مع حمود
فاتن: لا انا جلست مع البنات
عزيز التفت وشاف هيام جايه للبنات وقال : اييه زين مع مين بتروحون
فاتن: ابوي يقول انه انتم بـ تودوننا بس ما شوف احد انا الا انت
عزيز: كنكم بتروحون معي تراني مشيت انا
فاتن: خذا سيارتك اللكزس عشان تكفينا
عزيز :زين يالله عجلوو
جو البنات كلهم وركبو قالت اسرار: عزيزي تكفى شغل اغاني خل ننطرب شوي
عزيز ضحك : وش ذي عزيزي منين جبتيه
فاتن بضحك : ماتعرفين تدلعين اسكتي
اسرار: اجا انتي تعرفين تدلعين ؟ اهم شي اني دلعت اخوي مو هامني اذا حلو او لا
فاتن: بكيفك شغل لها يا عزيزها اغاني
ضحكو البنات وسمع عزيز ضحكه هيام وقال ب همس ينسمع شوي ( ياحلو ضحكتست بس) سمعته هيام لانها وراه جالسه
عزيز : دوتس(دوك) اسرار شغلي الي تبغين
اخذت الجوال وشغلت عبد المجيد تتنفسك دنياي
جلسو يغنون مع بعض لي جا البارت وغناه عزيز
الله ..لو تدري قلبي وش كثر مملاي
شوق لعينك  .. وشوق لوجهك المملوح
وش قد ارتّب .. كلامي لك قبل ملقاي
وش قد يضيع  . الكلام بشوفتك و البوح
وكملو يغنون مع بعض وكان عزيز يناظر هيام من المرايه وهيام حست بـ نظراته له واستحت وصارت تسولف مع لولو و وصلو المزرعة مع اذان المغرب نزلو البنات و علطول راحو يعدلون اشكالهم ويرحون يشيكون ع الوضع و نزلو  يساعدون امهاتهم
اخلاص: يه يه يه ماشاءالله وش هالزين يا بنات
الجده نوره: يازين بناتي ماشاءالله ماشاءالله تعالو احصنكم قبل يجون الناس
نوره راحت لجدتها : شرايتس بس بسميتس طالع عليك مزيونه صح
الجده: افا عليتس بس انتي احلا وحده بينهم
لولو جت لم جدتها: لاوالله جديدا انتي احلى منه
جت زهرة : اصلان كل احفاد وبنات وعيال فهد الناصر حتى حريم اخواني حلوين ماشاءالله كل واحده احلا من الثانيه
لولو: بذي صدقتي عميمه
جلسو يضحكون البنات وكل وحده تقول انا احلا منتس والامهات بدو يحصنون بناتهم وجلسو يسولفون وبعضهم يشوفون القهوة والحلا ويرتبون لي صار ما بقى شي على اذان العشاء وصلت ام العريسه واهلها الي هي ام سعود وسلمو على الجده وبناتها وحريم عياله وبدو يجون المعزيم
عند الرجال كانو واقفين يحترون الضيوف الي معه مبخره يبخر والي ماسك الدلة والفناجيل جا عزيز جدي الضيوف وصلو فز الجد مع عياله وراحو يوقفون برا عشان  يسلمون ويرحبون فيهم وطلع همام وهو يقول : ارحبببووو حي الله من جانا ارحبوو 
وبدا يهلي ويرحب ب الضوف مع ادم وباقي العيال وجا معهم سعود الي يعتبرهم زي اخوانه
ودخلو المجلس وبدو يضيفون الرجال
عند الحريم الجده : افنان ولدتس وينهو ما جا للحين
افنان : والله مادري قايله له يجي بعد صلاة العشاء ولا شفته
الجده : دقي عليه شوفي وينه
افنان: ابشري يمه.. قامت افنان تتصل على فهد و رد فهد : هلا ب الغالية هلا ب امي
افنان: هلا ب وليدي هلا بمعرسنا وينك ابطيت
فهد : هذانا ب الطريق تامرين بشي
افنان: لا سلامتك بس نحتريكم وللحين ما شرفتو وقلت اشوف وينكم
فهد: دقايق وحنا عندتس
افنان: زين يلا بحفظ الرحمن
سكرت افنان وراحت تقول ل امها انهم ب الطريق وراحت لم البنات اسرار وهيام روحو للمطبخ شوفو اذا القهوه مخلصه جيبوها لان القهاوي قربت تخلص
اسرار وهيام: ابشري
راحو ل المطبخ يشوفون وكان باقي ما خلصت هيام: لانروح خل نجلس لين تقضي ونوديها  مالي خلق اقوم واقعد الكعب متعب
اسرار: صادقه  انا مدري وش الي خلني البس ذا الكعب اليو متعب بشكل
هيام :خليك من الكعب الحين ما تشوفين نضرات العجوز لتس شكله ناويه تخطبتس
اسرار : تقصدين ام متعب
هيام : اييه  حتى شفته تكلم امتس
اسرار:  عاد ولدها مملوح ماشاءالله
هيام: هو مملوح بس ما يجي نص همام  معليش
اسرار: هو صح ما يجي نصه بس على الاقل مزيون
وكملو سواليف تحت مسامع همام الي كان رايح يجيب فحم عشان البخور واحترق من الغيره على اسرار وطق الباب ودخل صرخت اسرار: بسم لله شجابك انت بعدين اطلع ما علي شي يسترني
همام انصدم من صراخها: بنت اهجدي صوتس وصل ل الرجال
ضحكت هيام عليه: بنت تراك كم يوم بتصيرين خطيبته
اسرار وهي بتطلع من المطبخ : ماتدرين يمكن ما اصير
همام وهو يضحك : بتصيرين بتصيرين بس اصبري
هيام بضحك: الله يقلع بليسك خرشتها ياروحي هي
همام وهو مبتسم : هيومتي وين الفحم حق البخور
هيام: اتوقع بذاك الدولاب شف كنه فيه
همام وهو يدور الفحم قال : هيام مين هاذا الي بيخطب اسرار
هيام كانت تسوي القهوة : وانت شدخلك
همام  بتصريفه : كنت جاي وسمعتكم تتكلمون عن الخطبه
هيام: اشو حسبتكم تتسمع علينا
همام: خلصيني مين الي بيخطب اسرار
هيام : ولد ام متعب وبعدين ترا يمكن مو تخطب بس دايم اذا جلست تناظر احد نفس ماعي مانت تناظرنا تصير تبي تخطب لحد اعياله
همام: اما ام متعب ما غيرها  عاد من زمان هي تبي تزوج ولدها وحده منكم
هيام: ايي واضح وشكلها ناويتني مع اسرار
همام: الله يعينكم بس محد ماخذ اسرار مني
هيام: اقول طس قبل لايجلدك جدي ب عصاه قدام الخلق
همام مبتسم: اذا ما اخذتها ما اكون همام ولد تركي
هيام اخذت القهوة وسحبت عليه وراحت لم اسرار  : اقول اسرار اخوي شكله ناويتس نيه انشاءالله يكون قدها
اسرار منصدمه: ناويني على ايش لا يكون قلتي له عن ام متعب
هيام: ايه  وبعدين امسكي القهوه وامشي نروح نقهوي قبل انجلد من امي
راحو البنات يقهوون الضيوف وخلصو وجلسو بيلسان : اخخخ تعبت رجولي راحو فيها
فاتن: المفروض جايبين صبابات ياخي ماصارت
هيام: اصلان جدي معيي وزود على هاذا باقي العشاء
فاتن: اخخ بس الله يعين  التفتت ل بيلسان: الا اقول انتي اخوتس المعرس وينه وانتي بعد ليال اختس وينها ابطت
ليال : اندري عنه ادق عليه مشغول
بيلسان: الطيب عند ذكره شوفو فهود يدق
لينا بتعب: اخيراً ما بغو يجون
راحت بيلسان وهي تكلم فهد : هلا ب معرسنا وينكم ابطيتو
فهد :هلا فيتس  توني داخل السيارة تعالي ومعك احد لم ميسم
ميسم بصوت واطي : قل لها تقول ل ليال تجي
فهد : زين
بيلسان: ميسم شفيك صرتي تستحين مني قولي لي وعادي ترا بجيبها لتس
ضحكت ميسم : ادري ما تقصرين
فهد وهو يناظر فيها ومبتسم  قالت بيلسان: فهود لاتروح علطول ل الرجال امي وجديدا يبون يسلمون عليك
فهد : زين زين بس عجلي عشان ما اتاخر على الرجال
صكرت بيلسان وراحت تقول ل امه وجدتها والبنات وقامو يرحون يسلمون عليه البنات كانو واقفين عند بوابة الصاله عشان يستقبلون ميسم والجده وبناتها وام ميسم راحو يسلمون عليهم  وجت ميسم بتدخل اوقفت عند بيلسان تاخذ عباتها وقوفت عند المرايا تعدل شكلها وتتعطر 
بيلسان: اوههه ماشاءالله يا حلو مرت اخوي بس
ميسم وهي مستحيه: صدق حلو شكلي
دخلت ليال : تاخذين العقل ماشاءالله
ميسم : ياربي بس يازينكم
بيلسان: اصبر شوي عشان تدخلين مع امتس وامي
ميسم: زين
ليال: بروح انادي امي
ليال راحت تنادي امها وام فهد جت افنان : ماشاءالله يازين مرة اولدي  ماشاءالله حصنيه يا ام سعود
ام سعود : ماشاءالله لا اله الا الله تعالي احصنتس
راحت ميسم لم امها ومسكت يدها وبدت تحصنها وراحو يدخلون وميسم تشوف البنات كلهم صافين يستقبلونها ويزغرطون والي تبخر والي تسمي عليه ودخلت وبدو الناس
يسلمون عليه والي تعطيه هديه جلسو بعض البنات والبعض بدو يقهوون الحضور  واهما يتقهوون كان فيه بجهه ثانيه البنات يرقصون قامت فاتن وليال ولينا يرقصون والبنات يعززون لهم بعدها انضمت ميرا معهم ولفتت الناس برقصها الناعم والجده تناضرهم  واهيا مبتسمه عند الرجال راح فهد ودق على ادم على انه وصل وراحو العيال يستقبلونه ويبخرون وراح يسلم على جده و ابو سعود سلم عليهم كلهم وجلس عند جده ويساره همام بعدين سعود وادم بعده
سعود : شلونك يا فهد
فهد: بخير الحمدلله انت شلونك يا النسيب
سعود : بخير دامك بخير
همام : فهد الامور تمام
فهد: أبشرك الحمدلله
جا امير يصب له قهوه : ما بغيت تجي
خالد جاي وجلس عندهم : تحسبه زي قبل خفيف الحين معه زوجته
امير : عارف انه معه احد بس ب العاده اخوي عجل ما يحب يتاخر
سعود: مو منه ميسم شكله الي ماخرته
فهد : تبي الصدق ايوالله هي الي اماخرتنا
خالد ببتسامة: الله يعين على جدك وابوي لانك تاخرت
ادم : الله يعينه صدق
مرت السوالف وصارت الساع 9:00 كان وقت الشاهي والناس تسولف وفيه بعضهم توهم يوصلون العزيمة ووصل العشاء على 9:45
منصور جا لم العيال : خالد و سعود وهمام وادم امشو ندخل العشاء ونادو العيال يجون يساعدون ب الباقي
خالد وهمام و سعود: زين
ابو منصور : منصور تعال شوي
منصور راح لم ابوه : امرني
ابو منصور : العشاء حطو حقنا ب المقلط وحق الحريم ودوه عندهم هم يتصرفون فيه
منصور : ابشر
راح لم العيال : يا عيال شوفو حق الرجال بنوديه المقلط وحق الحريم ودوه من عند الحوش الخلفي فيه باب للمطبخ دخلوه هناك
راحو العيال توزعو الي يودي حق الرجل والي يودي حق الحريم عند الحريم كانو البنات يسولفون فاتن:شعندكم متاخرين
ميسم: قمت متأخر ويالله قمت تروشت وتزينت وبعدين سويت شنطتي علشان سفرتنا ب الليل
فاتن: ايي وانا اقول مو عوايد فهود يتاخر
جت هبة عند البنات :يلا بنات امشو نشوف البوفيه
زهرة وهي تكلم مهير : العيال بيجيبون الرز وين اقولهم يحطونه
هبة: خالتي تقول خليهم يحطونه ب المجلس الكبير الي فيه طاولات
زهرة : زين اسمع مهير حطوه ب المجلس الكبير
مهير : زين
سكرت زهرة من مهير وراحت عند البنات يشيكون على البوفيه
زهرة:تمارة بنت وينه
تمارة : خذتها لينا
زهرة:وين لينا طيب
ليال وهي جايه من الصاله: شوفيها داخل وشكل بنتس جوعانه
زهرة: زين بروح لمها وانتم روحو للمجلس شوفو حق الحريم والكراسي اذا يكفون او لا
عند لينا كانت تلعب ميلا هي و نوره و لولو : بنات شوفو تكفون شلون تضحك ودي اكلها ماشاءالله
لولو واهيا منهارة على ميلا : ودي اقبصها بس خايفه عمتي زهرة تسوي تسجيل دخول
زهرة: ياويلتس يا لولو تقبصين بنتي حرام توها صغيره
لولو بخرشه : بسم الله متى جيتي
البنات ضحكو على لولو  لينا وهي تضحك: دوتس بنتس شكلها جوعانه
زهرة: امانه لينا قبصوها سوو له شي
لينا بضحك : ما عليتس انا ما خليتهم يلمسونه
زهرة: يازينتس بس مو ذولا العضاضات
البنات فطسو ضحك
نوره: افا ياعمه صرنا عضاضات نشوف من يمسك بنتس بعدين
زهرة بضحك: ماني بحاجتكم فيه افنان وامي وفاتن
وراحت زهرة تسوي لبنتها رضعه ب المجلس الكبير دخل عزيز ومهير وخالد وراهم يدخلون العشاء
جت دخلت فاتن بسرعه: عزيز العشـ...  انصدمت  يوم شافت خالد معهم وكان يناظر فيها انتبه عزيز قال بسرعه : عمه فاتن اطلعي فيه خالد
فاتن استوعبت وبسرعة طلعت وقالت :عزيز اذا خلصتو علمني
عزيز : ابشري
خالد وهو ينزل الصحن : عزيز خلاص خلصنا بروح لـ العيال بشوف وش باقي
عزيز : طيب وانت مهير روح لعمتي فاتن قل لها ترانا خلصنا
فاتن جت عندها زهرة معه ميلا : ما خلصو العيال
فاتن واهي تلعب ميلا : هاذاني احتريهم يخلصون
فتح مهير الباب وينادي: عمه فاتن ترانا خلصنا
فاتن جت بتدخل: فيه ترا اشيا روحو للمطبخ خوذوها من البنات
مهير شاف ميلا : هلا ب النزغه عطيني اياه شوي عميمه
زهرة عطت مهير وهي تسلم عليه : ماشاءالله يا الكشخة تبي اخطب لك من البنات الموجودات
مهير بمزح: اذا فيه وحده مزيونه اخطبيه لي
زهرة بضحك : الله يقلع بليسك وخر بس بشوف شغلي
مهير وهو طالع من المجلس : تراني باخذ ميلا لعند جدي زين
زهرة : زين بس انتبهو لها
فاتن بصراخ : مهير رح للمطبخ لـ امك لاتنسى وقل للعيال معك
مهير بنفس صراخ فاتن : زين زين ماني ناسي بس لاتصرخين فضحتينا
راح وهو يلعب ميلا وقال للعيال يروحون للمطبخ للبنات وهو بيعطي ميلا جده ويرجع لهم  عند فاتن و زهرة  : فاتن للحين ما لقيتي شغل
فاتن:قلت ل ادم يقول للمشفى الي يشتغل فيه اذا يبغون جراحه وللحين ما رد لي خبر
زهرة:انشاءالله يقبلونك
جت تمارة: فاتن عطينا العيال الصواني الي قلتي وبقى حقات الحريم وين نحطهم البوفيه برا مليان

(سلام عليكم ها شرايكم ف البارت وممكن تعطوني نجمه وتقولون رايكم لانه يهمني؛