Unicode
ရုတ်တရက်ပျော်ရွှင်ခြင်းနဲ့ ရုတ်တရက်ဝမ်းနည်းခြင်း
အံ့ဩစရာတော့မရှိပေ။ F တက္ကသိုလ်၏ယခုနှစ်ထိပ်သီးအဆိုတော်ဆယ်ယောက်ပြိုင်ပွဲ၌ ရုပ်ရည်အရရော၊သီချင်းသီဆိုနိုင်စွမ်းရော၊သရုပ်ဆောင်တင်ဆက်နိုင်စွမ်းအရရော ချီဖုန်းကချွင်းချက်မရှိအောင်အောင်မြင်မြင်ပထမနေရာရယူနိုင်ခဲ့ပေသည်။
လင်းခယ်တစ်ယောက်စင်အနောက်ဘက်၌ထိုင်နေခဲ့ရသော်လည်းရလဒ်များအားအတန်းဖော်နှင့်သူငယ်ချင်းများ၏ WeChat Moment များမှတဆင့်အလွယ်တကူမြင်နိုင်သည်ပင်။
ဓာတ်ပုံထဲတွင်ချီဖုန်းသည်လူအများပါတ်လည်ဝိုင်းထားသည့်အလယ်တွင်ရပ်နေခဲ့ပီးဆုတံဆိပ်တစ်ခုအားကိုင်၍တောက်ပစွာပြုံးပြနေခဲ့ကာ ... ဆန့်ကျင်ဘက်အနေဖြင့်လင်းခယ်၏မှလုံးသားကတော့တက်လိုက်ကျလိုက်ဖြင့်အတော်လေးမှောင်မှိုင်းနေခဲ့ပေသည်။
ချီဖုန်းဆိုတာဒီလိုလူပဲလေ မွေးလာကတည်းကလူအများအာရုံစိုက်မှုကိုအရယူနိုင်တဲ့သူပဲဟာ ...
လင်းခယ် မင်းကသူနဲ့မတူဘူး မင်းရဲ့အလင်းရောင်မပါလည်းသူကတောက်ပနိုင်တယ် သူကမင်းကိုယုံကြည်ရတဲ့သူငယ်ချင်းကောင်းလို့ပဲသဘောထားတာ မင်းတအားနစ်ဝင်သွားရင် တလွှဲတွေလုပ်မိပီး သူ့သူငယ်ချင်းအဖြစ်နဲ့တောင်ဆက်နေလို့မရဖြစ်သွားလိမ့်မယ် ...
ချီဖုန်းပြန်ရောက်လာသည့်အချိန်တွင်တော့လင်းခယ််ကသူ့စိတ်အားလုံးဝရှင်းလင်းထားခဲ့ပီးဖြစ်သည်။
ချီဖုန်းအနီးလူအများကြီးရှိနေဆဲဖြစ်ကာ သူ့အားစကားပြောလိုက်၊ဂုဏ်ပြုလိုက်နှင့်ချန်ပီယံဆုရသည့်အတွက်သူတို့အားညစာဝယ်ကျွေးပါရန်အော်ပြောလိုက်ဖြင့်ဆူညံလျက်ရှိလေသည်။
ယခုမှညကိုးနာရီခွဲသာရှိသေးသည့်အတွက်ညလယ်စာစားရန်အချိန်ကောင်းပင်။ချီဖုန်းကစိတ်အားတက်ကြွနေခဲ့ပီးဖြစ်သောကြောင့်သူလည်းမငြင်းဆန်နိုင်တော့ပေ။
YOU ARE READING
The Daily Life Of Being The Campus Idol's Fake Boyfriend (MM Translation)
RomanceTitle - The Daily Life Of Being The Campus Idol's Fake Boyfriend (给校草当假男友的日子) Arthor - 羲和清零(Xi He Qing Ling) Status in COO - 65 Chapters + 9 Side Chapters Genre - Romance, School Life, Yaoi Tags - Music, Modern Days, Pretend Lovers, First Time Inter...
