Extra 1 - ယခင်ကျောင်းအိုင်ဒေါနှင့် ကျောင်းသားကောင်စီဥက္ကဌ
ဂျူလှိုင်လက နီးကပ်လာခဲ့ပီဖြစ်ပီး၊ ဘွဲ့ရာသီ တဖန်ပြန်ရောက်လာတော့မည်ပင်။ ဌာန၏စီနီယာအစ်ကို အစ်မများက ကျောင်းက ထွက်ခွာတော့မည်ဖြစ်ကာကျိုးယန်နှင့် လျန်ရွေ့ရှီးတို့လည်း အပါအဝင်ပင်။
ချီဖုန်းနှင့် လင်းခယ်တို့က သူတို့နှင့် ခင်မင်၍ ချီဖုန်းလည်း သူတို့အား ဘွဲ့မယူခင် ညစာတူတူထွက်စားရအောင်ဟု ဖိတ်ခေါ်ခဲ့ပေသည်။ လင်းခယ်လည်း ကျိုးယန်၏ ကောင်မလေး ရှောင်ကျီးနှင့် သူမ၏ အခင်ဆုံး သူငယ်ချင်း ချီချိုရွေ့တို့ကိုပါ ဖိတ်လိုက်လေသည်။
သူတို့က ဂျူနီယာများသာ ဖြစ်ကြသော်ငြား တစ်ယောက်က ချီဖုန်း၏ ကလပ်ဥက္ကဌဖြစ်ပီး နောက်တစ်ယောက်က လင်းခယ်ကလပ်ဥက္ကဌဖြစ်ကာ နှစ်ယောက်လုံးက သူတို့အား ထောက်ခံ၍ လမ်းညွှန်မှုအများအပြားပေးခဲ့ကြသူများပင်။
လျန်ရွေ့ရှီးက ချီဖုန်းအား သူ့ ကောင်မလေးကိုပါခေါ်လာ၍ရလားဟုမေးလာခဲ့သဖြင့် ချီဖုန်းလည်း ပျော်ရွှင်စွာပင် - " ရတာပေါ့ ခေါ်သာ ခေါ်လာခဲ့! "
ချီဖုန်းက လူများလေ၊ တက်ကြွလေ၊ ကြိုက်လေဖြစ်သောကြောင့် လူများများခေါ်လည်း ကိစ္စမရှိပေ။ ထို့ကြောင့် သူက ကျောင်းသားကောင်စီထဲက နောက်ထပ် အစီအစဉ်မှူးဖြစ်သည့် ယွီတုန်းကိုပါ ဖိတ်လိုက်ပေသည်။
ထို့နောက် ကျောင်းပိတ်ရက်တစ်ရက်၌သူတို့အုပ်စုသည် ကျောင်းအနောက်ဘက်ဂိတ်နားရှိစားသောက်ဆိုင်တစ်ဆိုင်၏ စားပွဲဝိုင်းကြီးကြီးတစ်ခု၌ ဆုံတွေ့လိုက်ကြလေသည်။ လျန်ရွေ့ရှီးကောင်မလေးမှလွှဲ၍ ကျန်သူများက တစ်ယောက်နှင့်တစ်ယောက် သိပီးသားပင်။
ကျိုးယန်သည် လျန်ရွေ့ရှီးဘေး၌ ဘေးချင်းကပ်ထိုင်လိုက်ကာ တစ်ဖက်သူခေါ်လာသည့်ကောင်မလေးအားမြင်သည်နှင့်အသံတိုးတိုးဖြင့်မေးလိုက်မိသည်။
" ပြောင်းသွားပြန်ပီလား "
ထိုမိန်းကလေး ဆံပင်အခွေအလိပ်လေးများနှင့်ဆွဲဆောင်မှုရှိသည့်ခန္ဓာကိုယ်ရှိပီးဖက်ရှင်ကျကျဝတ်စားထားသဖြင့် ခန့်ညားသည့်လျန်ရွေ့ရှီးနှင့် လိုက်ဖက်လှသည်ပင်။
YOU ARE READING
The Daily Life Of Being The Campus Idol's Fake Boyfriend (MM Translation)
RomanceTitle - The Daily Life Of Being The Campus Idol's Fake Boyfriend (给校草当假男友的日子) Arthor - 羲和清零(Xi He Qing Ling) Status in COO - 65 Chapters + 9 Side Chapters Genre - Romance, School Life, Yaoi Tags - Music, Modern Days, Pretend Lovers, First Time Inter...
