လင်းခယ်၏မျက်ဝန်းများက အံ့ဩမှုကြောင့် ပြူးကျယ်သွားခဲ့ပေသည်။ သူ၏ဂီတစာအုပ်ထဲ ထိုစာကြောင်းများ မည်ကဲ့သို့ ပေါ်လာမှန်း သူ နားမလည်နိုင်ပေ။
သူက Schubert တီးကွက်များအား အတော်ပိုင်နိုင်လှသဖြင့် Grade 8 စန္ဒယားစာမေးပွဲမတိုင်မှီအထိ ပြန်လှန်ကြည့်စရာမလိုခဲ့ပေ။
စာမေးပွဲ သွားဖြေတုန်းကသာ လိုလိုမယ်မယ်ကြည့်ရန်ယူသွားခဲ့ခြင်းဖြစ်ပြီး ထိုကတည်းမှစ လုံးဝ ပြန်မကြည့်ခဲ့ခြင်းပင်။ ထိုကဲ့သို့ လုပ်လိုက်ခြင်းကြောင့် ခုလိုမျိုး အရေးကြီးသည့် Message တစ်ခုလွှတ်သွားလိမ့်မည်ဟု သူ မမျှော်လင့်ခဲ့ပေ။
ချီဖုန်းနှင့်တွေ့ဆုံခဲ့မှုအားပြန်လည်တွေးတောကြည့်လိုက်ရင်း လင်းခယ်သည်စိုးရိမ်တကြီးဖြင့် သူ့ ကွန်ပျူတာဆီသို့ သွား၍ ချီဖုန်း QQ နံပါတ်အား ရိုက်ထည့်လိုက်မိသည်။ 'ဖုန်း' ဆိုသည့် အသုံးပြုသူ၏နာမည်အား တွေ့လိုက်ရပြီး Profile Picture ကတော့ ခန့်ညားသည့် Anime Character တစ်ခု၏ပုံပင်။
လင်းခယ််လည်း ချက်ချင်း Friend Request ပို့လိုက်ရာ တစ်ဖက်သူက ထိုနေ့အတွင်း၌ပင် လက်ခံလိုက်တော့သည်။
လင်းခယ်လည်း အလွန်ပျော်ရွှင်သွားခဲ့ပြီး ချီဖုန်းအား စကား,စပြောတော့မည့်အချိန်၌ပင် ချီဖုန်း၏နာမည်ကအနီရောင်ဖြင့်ရေးထားပြီး နာမည်ဘေး၌ အဝါရောင်သရဖူလေးဆောင်းထားသည့် ပင်ဂွင်းငှက်လေးပုံ ပါနေခြင်းအားရုတ်တရက်သတိပြုလိုက်မိလေသည်။
ထိုအရာက VIP အသုံးပြုသူ အမှတ်အသားပင် ။
လင်းခယ်တစ်ယောက် ထိုနှစ်တုန်းကသူ့မိဘများ ထောက်ပြခဲ့သည့် သူနှင့် ချီဖုန်းကြားကအဆင့်အတန်းကွာခြားမှုအားအလိုလိုပင်ပြန်တွေးမိသွားရသည်။ သူသည် ထိုကဲ့သို့အသုံးမဝင်သည့် အရာများအပေါ် ဂရု မစိုက်ချင်ပါသော်ငြား ဂရုမစိုက်ဘဲလည်း မနေနိုင်ပါချေ။ လင်းခယ်နှင့် ချီဖုန်းကြား သူတို့အား ဝေးကွာအောင် ပြုလုပ်နေခဲ့သော မမြင်နိုင်သည့် ဆွဲအားတစ်ခုရှိနေခဲ့ပြီးသူ,မထင်မှတ်ထားသည့်အတားအဆီးတစ်ခုလည်း ရှိနေပုံရပေသည်။
VOCÊ ESTÁ LENDO
The Daily Life Of Being The Campus Idol's Fake Boyfriend (MM Translation)
RomanceTitle - The Daily Life Of Being The Campus Idol's Fake Boyfriend (给校草当假男友的日子) Arthor - 羲和清零(Xi He Qing Ling) Status in COO - 65 Chapters + 9 Side Chapters Genre - Romance, School Life, Yaoi Tags - Music, Modern Days, Pretend Lovers, First Time Inter...
