الفصل الأول ⚜️ لقد تغيرت ⚜️
وضعت آخر قطعه من ملابسها المطويه بحقيبه ظهرها الكبيرة لتغلق سَحابها بعد ذلك وهى ترفع الحقيبه فوق ظهرها لإرتداء حمالتيها بكتفيها إستعداداً للرحيل لتَفتح باب غرفتها خارجه منها حين قابلت والدتها و التى مازالت تقف بالصاله مكتفه ذراعيها أمام صدرها بضيق لتهتف بإبنتها بنبره معاتبه ...
_ أنتى برضه مصممه على إللى فى دماغك يا "سحر" ...؟!!
طبقت "سحر" شفتيها وهى تدنو من والدتها تحاول توضيح وجه نظرها لها ..
_ ماما حبيبتي ... خلينا نفكر بالعقل كدة ... أنا دلوقتى بقالى أربع سنين من ساعه ما إتخرجت من الكليه وأنا ليا شخصيتى المستقله صح ...؟!!
بقله حيله أجابت والدتها ..
_صح ...
_ تمام ... وأنتى وبابا مفرضتوش عليا حاجه وسافرت بلاد من كترها مش بقدر أعدها ... عملت بيزنس وجمعت فلوس وقابلت ناس وإتعلمت حاجات كتير أوى ... صح ...؟!؟
_ صح ...
_ وأنتوا ربيتونى إنى لازم يكون ليا شخصيتى وكيانى ... مظبوط ...؟!!
تنهدت والدتها فهى محقه بكل حرف نطقت به ، لكنها مع ذلك لا توافق على رأيها بالرفض بتلك الصورة ...
_ صح ... بس إحنا نفسنا نفرح بيكى ... ويكون ليكى بيت ومستقبل نطمن عليكى فيه ... و"علام" مفيش أحسن منه ...
تنهدت "سحر" ببطء وهى تستند بكفها فوق كتف والدتها تستكمل إيضاحها الذى كررته للعديد من المرات ...
_ إنتوا ليه المرة دى مش فاهمينى !!!! ... أنا آخر همى موضوع الجواز ده ... أنا مش من الناس إللى كل حلمها أتجوز واحد وأستخبى وراه ... أنا لازم يكون لى حياتى وشخصيتى المستقله ... لازم أحقق ذاتى ...
_ طب وإيه إللى يمنع تحققيه مع جوزك وفى بيتك ...؟!!؟!
_ يا حبيبتي إفهمينى ... أنا مش رافضه المبدأ ... بس لازم أكون مقتنعه بالشخص إللى حتجوزه ده ...
_ طب و"علام" عيبه إيه ...؟؟! ده ضابط قد الدنيا ... ويتمنى لك الرضا ترضى ...
حاولت "سحر" ضبط أعصابها فهى لا تحب أن تغضب والديها لكنها لن تجبر أبداً ...
_ يا ماما ... أنتى عارفه "علام" بالنسبه لى مجرد أخ ... والله ما قادره أشوفه غير كدة ... إبن عمتى وراجل محترم وكل حاجه ... بس مش حاساه غير أخ ليا ... كمان أنا شخصيتى مش ضعيفه ... ونفسى إللى أتجوزه يبقى أقوى منى مش أنا إللى أقوى منه ...!!!
_ يا بنتى "علام" مش ضعيف ... ده بيحبك وعشان كدة متساهل معاكى ... لكن هو شخصيته قويه ... ده ضاااابط ...
أغمضت "سحر" عيناها محاوله البقاء على ثباتها فيبدو أن إصرار والدتها لن ينتهى بسهوله وعليها ترك المجال للتفكير أكثر من ذلك ...
_طب طالما عاجبك أوى كدة ... ما تجوزوه "سمر" أختى ...؟؟؟
_ أنتى بتهزرى ... هو مش عايز غيرك أنتى ... وبعدين "سمر" لسه صغيرة ...
_ خلاص يا ماما ... واضح إنك لسه مصممه ... وعشان كدة أنا لازم أمشى دلوقتى عشان أفكر بهدوء ... وأنتوا كمان تفكروا بهدوء ... وكمان "نسمه" وحشتنى .... والواد "مؤمن" وحشنى مووووت ... أروح أزورهم فى المنيا وأقعد معاهم شويه لحد ما نوصل لقرار وأنتوا تهدوا شويه ...
رواية بقلم قوت القلوب رشا روميه
زمت والدتها شفتيها بتحسر وهى تلقى باللوم على إبنتها ...
_ "مؤمن" ....!!! مش لو كنتى إتجوزتى كان معاكى زيه دلوقتى ... يا بنتى هاودى ... ده أنتى داخله على سبعه وعشرين سنه .... و إللى ....
أنت تقرأ
روايه "الميراث" (الجزء الثاني من روايه عشقت خيانتها) Rasha Romia "قوت القلوب"
Romanceروايه الميراث هى الجزء الثاني من روايه عشقت خيانتها بقلمى رشا روميه (قوت القلوب) حقوق نشر هذه الروايه محفوظ للكاتبه قوت القلوب ولا أسمح بنشرها أو نقلها بدون علمى أو إذن مسبق لى بذلك ... تدور الروايه بإطار إجتماعى رومانسى إستكمالاً لأحداث روايه (عش...
