ليلة في ديسمبر ... قيد الكتابة

10

الرواية قيد الكتابة اول ما الكاتبة تنزل انا بنزل 

...........

"لما اجي ي شهد كل حاجه حتتغير اوعدك"...

صدق في وعدهه فعلاً،حاجات كتيرهه إتغيرت والمحزن جداً إنه حصل كدة في وقت قصير ،اقصر من قدرة إستيعابي على الأحداث ،انا م عارفة زعلانه ليه ،وببكي ليه،عمري م كان بيليق بي دور الضحية،وعمري م حبيت النوع دة من الدراما زي م عمري م إتمنيت تكتر من حوالي النقاشات والمهاترات،دايماً بتجنب كل شي سيء بالتجاوز،لو في شي وحيد إتعلمته في الحياة دي وإتقنته جداً هو التجاوز،انا دايماً متجاوزة الأفعال والأقوال،وتعمد الأذيه..

‏الله يعلم بأنني ضحكت بوجوهٍ تُنافقني وتغاضيت عن كلماتٍ خدشتني، ورميتُ أصحابها خلفَ ظهري.

الله وحدهُ يعلم بأنني عفوتُ عن من لا يستحقُ عفوي.

وأنني التسمتُ العذر لمن لا يستحقُ صبري.

والله وحده يعلم بأنني أفعلُ كل هذا ليس ضعفًا بل من أجلي ♥️

.................................

سندس&طارق..

بس ياخي م عارفة اقول ليك شنو ،م قادرة اصدق واستوعب إنه إنت هنا بجد ،وعشاني كمان 😭💔

حاولي تركزي في موضوع الإمتحان اول عشان المعلومات م تطير.

لا ما هي طارت من لحظة م شفتك ،انا بجد م كنت متوقعة جيتك دي ي طارق🙈♥️🌻

ضحك وهو بعاين بقزاز العربيه،

قالت ليهو كلمت منو إنك جاي؟خالتو سلوى مستحيل م تكلمني،متفقين إنت وشهد صح؟

طيب جيت متين،ونزلت وين ،وعربيتك دي جبتها معاك يعني ؟

قال ليها اقررت انزل فجأة ماف زول عارف،نزلت في شقة خليت صحبي يأجرها لي،بالنسبة للعربية كنت منزلها من بدري شديد اصلاً ومقرشها عند صحبي عشان هو عمل لي إجراءات ترخيصها والأمور دي 

قالت ليه اممممممم نزلت فجأة؟والفجأة دي صادفت صباح إمتحاني صح وجاي عندنا من 5صباحاً كمان ،حلوة الفجأة الملانة صدف دي..

قال ليها ايوة حلوة شديد 😁

طلعت تلفونها من شنطتها قالت ليه هو مفروض كان الصورة تكون مع شهد بس يلا لما تجي حتصور معاها ونحن راجعين،اخدت ليهم صورة مع بعض هو مركز في الشارع وهي بتعاين ليه بالسيلفي،وتاني اخدت ليه صورة من غير م يعرف إنها بتصوره