ليلة في ديسمبر ... قيد الكتابة

١٣

أصبحت ختار نفسي دائمًا، لأني أعرف حقيقتي، ماذا قدّمت، وعن ماذا تنازلت، وكم مرة اخترت لأجل بقاء الودّ.الصمت عن الكلمات المسمومة والمبطنة على الرد الجاف، والحب على الكراهية. عظيمة في عين نفسي حتى لو لم يُشاهدني أحد كذلك، سأختار راحتي طمأنينتي، هدوئي واستقراري، وسلامٌ عليك أينما كُنت...

الخرطوم&/السودان..

خالتي،انا سمعت من طرف وجاي اسمع منك تمام؟إنتِ في مقام امي،وريني الحاصل شنو 

ما بحكي ليك ،كان صحي في مقام امك قبل م تمشي تسمع منهم كان جيت قعدتني وسمعت مني،لكن طالما مشيت سمعت منهم انا م عندي شي اقولو 

ي خالتي صلاتك على النبي،الأمور م بتتحل كدة ،والنقاشات دي بتحصل في البيوت

انا الشفتو اليوم دة م كان نقاش دي كانت قلة ادب ،اختك محرشة علي بت خالتك وحرشاها على مرتك لدرجة إنه ضربتها وهددتني انا خالتها بالضرب،اكتر من كدة تاني في شنو يتقال؟

دة كلو انا عارفو،انا عايز اسمع منك من البداية الحاصل شنو ،شهد انا اخوها الكبير ومسؤول منها والمشكله دي حصلت في نص بيتنا،ابوي م عايزو يسمع بيها لكن انا موجود كان لقيت شهد غلطانه عليك ي خالتي حقك على عيني وراسي 

غلطانه علي اختك،ماف زول سالم منها،ولدي محرضاهو علي يسمع كلامها ويشاكلني،وهسي ما معروف قالت ليهو شنو وخربت على بت خالها اليتيمة وخلتو يلغي العرس ويسافر

خالتي ،شهد اختي وانا بعرفها اكتر م بعرف نفسي الكلام البتقولي فيه دة م ليه اساس من الصحة،وطارق رسل لي انا دة وحكى لي قبل كدة إنه البت سندس دي م دايرها،تاني رجع بعد فترة قلتو دايرها وانا اتكلمت معاه بخصوص الموضوع دة وختيت ليه النقط في الحروف،لو في لعب ولخبطة وجوطة سببها ولدك م شهد اختي،وهسي انا كلمت شهد م عندنا مره بنديها ل طارق تاني ولا سندس زاتها،قاعدين في البيت دة وم ناقصهم شي ،وشهد دي طول عمرها سندس عندها خطين حمر حتى معانا نحن اخوانها..

إنت هسي جاي مقعدني عشان تدافع لي عن اختك؟

كان دة كلامك عنها إعتبريه دفاع ي خالتي،وانا كنت جاي اسمع منك زي م سمعت منهم لكن بعد دة م داير اسمع والسلام عليكم .

نزل شهاب من بيت وإتجه على بيتو،لقى اولادو في الحوش بلعبو 

امجد سوق اخوانك امشي لناس شهد بهناك،يلا سوقهم سرعة م بتفهم إنت ولا شنو؟

قال ليهم الكلام دة بصرخة رونق جات طالعة بسم الله مالك مع العيال؟بتكورك مالك ؟