عشق الكفيف(مكتملة)

الجزء 4

🥂✦#عـشـق_الـكـفـيــف✦🥂

                                                       #عـــشقهااا_جـــهنم🍷

•بأنِأّمًلَ:مًـــلاکْ­ هّـانســـِـلَ•[mıııııLka🍫].

•واالى كان عشقك جهنم...انا جمرة من جمرات ناارها بالحر نعقر ونعققم•

  ▪عشقك حلااال...وعشرتك حرااام▪.

Prt:16

خلاها  على برا مرة تطلق سؤال تافه مرة سؤال بعقلو وهو داير ليزيكوتور بلوتوت فودنيه ...لبس عليه تيشررط توبو رطيطب وبااارد  فالنواغ عليه علامة نايك بالأبيض بوكسور فالزرق ولبس عليه سروال كيطمة ديال التيشرط فنفس الشكل واللون..... جر فرجليه كلاكيطة نايك ووقف قدام المراية كاينششف شعرو وسررحو اللور كيفما موالف
..رش من ريحتو لي مستحيل يدير من غيرهااا وغير هي لي كايرتاح ليها حيت مصنوعة من مادتين يعني كاتجيه خفيفة  سميتها "Eniv" كاتعني "العلو" .... دار العدسة لعينو وحط الرقعة  على عينو الثانية  ودار كاسكيطتو مقلوبة على راسو كيف العادة وخرج .

لقاها مزالا كاتهضر على  الكاتم قهقه بينو وبين نفسو مستهزأ بطرف شفاهو حيت ماكايسمعهاش ضحكاتو...هو تم نازل وهي تمات تابعاه كاتشير بيديها وكاتهضر غاهي وراسها.

وقف فنص الدروووج وحيد الكيت من ودنيه داير لعندها وهي سكتات واقفة فمكانها كاتشوف فيه.

سيف:غانقوليك جوج جمل  غايكونو تلخيص لكاع أسئلتك اللي ماكاتقاداااش....خرجي من هاد الدااار...هاد البلاصة...خطيرة عليك.

بلعات ريقها وفمكانها تبثات خطواتها كاتدور كلامو فدماغها...نزل تايتمايل بعرض فصالتو وطولو ويديه فجيابوو وهي تبعاتو العييين حتى شافت بلي دخل عندو علاء  هاز فيديه  واحد البيسي وقاليه شي حاجة بشوية وخرجو بجوج بيهم من الدااار  باينة مابغاو حد يسمعهم وجروو بخطواتهم للجردة كايهضرو بطريقة غريبة دليل على أن حديثهم مهم .

اقتاعدو كراسي فالجريدة لوحدهم وعلاء فتح البيسي لي كان فيدو قدامو وبدا كايوريه شي حاجة فيه وسيف باينة فيه مركززز ومعصصب كيلا شي حاجة خايبة طارية.

عشق[مكلمة نفسها]: كلما فكررت وفكلامو حللت ...كانلقا راسي حاجة ماستنتجت....غير أن هاد البلاصة غريبة بطريقة مرييبة....وشخصيتو صعيبة بطريقة مرعبة.

يتبع🍂 �✦#عـشـق_الـكـفـيــف✦�

                                                       #عـــشقهااا_جـــهنم�

•بأنِأّمًلَ:مًـــلاکْ­ هّـانســـِـلَ•[mıııııLka�].

•واالى كان عشقك جهنم...انا جمرة من جمرات ناارها بالحر نعقر ونعققم•

  �عشقك حلااال...وعشرتك حرااام�.

Prt:17.

جلسات فالدروووج ضامة ذرعانها بيديهاا من البرد وعيونها على سيف وعلاااء اللي اونفاص معاها فالجريدة عندهم كثر من ساعتاين فنفس المكااان كايهضرووو شوية شافت سيف وقف وقلب الكاسكيط بزربة جابد تيليفونو من جيبووو.