🥂✦#عـشـق_الـكـفـيــف✦🥂
#عـــشقهااا_جـــهنم🍷
•بأنِأّمًلَ:مًـــلاکْ هّـانســـِـلَ•[mıııııLka🍫].
•واالى كان عشقك جهنم...انا جمرة من جمرات ناارها بالحر نعقر ونعققم•
▪عشقك حلااال...وعشرتك حرااام▪.
Prt:61.
غبر م تماا والغد ليه حتة هو غبر النهار كولو مالانش كاع للدار.....وعشق جاها الملال وحدها فالدار... باتت بوحدها والنهار الثاني دوزات الوقت مع نرمين وارتاحت ليها ولكن مازعماتش بزاف عليها ....اهتمات بيها ولي بغاتها كاتحضرها ليهااا حتى حباتها عشق وولات كاتكلفها بكاع المهام.
وفاش كاتجمع نرمين مع أسية كاتبقا أسية غير تسولها على سيف وعلاقتو بعشق حتى حسات نرمين بلي أسية عينها فسيف...!
أسية(كاتقطع الخضرة للعشا):شنو كادير مادموزيل عشق؟.
نرمين( كاتصفي العسل):كاترتاح.
أسية دورات عينيها فجنابها مالقات حتى واحد من الخدم الذكور وتحنات عند نرمين ناطفة بهمس.
"واش ماعرفتيش شناهي العلاقة لي كاتربطها بالسي سيف؟!".
عيات تصبر ليهااا وفالتالي قررات تبوح بشوية من اسرارهااا ليها.
نرمين(تبسمات ليها بتصنع): ماعرفتش...ولكن كانضن باللي الباطرون الله يرحمو قبل مايموت وصاه على بنتو يردليها البال ...ويتزوح بيهااا ...حتى السي سيف كايبانليا مهتم بمادموزيل عشق ووو..عشق كاتبغيه وهادلشي باين فعينيها...القدر جمعهم ومن هنا غاتبدا قصة حبهم ...تيقي فيا عندي حدس قوي بهادلشي..!
أسية(وجهها تغير): بغيتي تقولي ...مزوجين ولا غايتزوجو ياك؟ مكانضنش حيت شفتو كاع مامسوق ليها من البارح مارجع للدار وكاع ماصونا ليها ولا اهتم بيها...غايكون غير تايتفلا عليهاا والى كانت بصح هضرتها دالبارح يعني دخل عليها وغيى تايقضي حاجتو فيها هه......شكون فحالو...لقا الفلوس ومرا للنعاس واجدين كاع ماتعب عليهم.
تصنتات لحديثهم من اللول للخر من ورا الباب دالمطبخ....ربعات يديها كاتفكر وتبسمات بخبث راجعة بأدراجها لباب القصر فاش سمعات صوت شي طوموبيل دخلات .....كان علاء لي جا يدي شي وراق وتما شداتو عشق وسولاتو فيناهو سيف؟!...قاليها باللي ماغايجيش اليوم ومضطر يبات برا القصر...!
فاللول ماعجبهاش الحال وفالتالي تبسمات بنصر.
خلاتو غير خرج وعيطات لنرمين تتبعها لبيتها.
هي بدات كاتلبس فحوايج الخروج ونرمين وقفات فالباب حانية راسها.
"مادموزيل عشق طلبتيني؟!".
عشق:هززي راسك وجاوبيني...نتي ماجيتيش لهنا بالصدفة باش تخدمي.....بابا لي وصاك تكوني فجنبي الى هو غاب ياك؟!.
أنت تقرأ
عشق الكفيف(مكتملة)
Romance#زعزعووووووهاااااا🥂🍷 🥂✦#عـشـق_الـكـفـيــف✦🥂 #عـــشقهااا_جـــهنم🍷 •بأنِأّمًلَ:مًـــلاکْ هّـانســـِـلَ•[mıııııLka🍫]. •فصغرو كوولهم بالكفيف المنبووذ لقبوووه......من منضر عينو المرعب قالو كا...
