🥂✦#عـشـق_الـكـفـيــف✦🥂
#عـــشقهااا_جـــهنم🍷
•بأنِأّمًلَ:مًـــلاکْ هّـانســـِـلَ•[mıııııLka🍫].
•واالى كان عشقك جهنم...انا جمرة من جمرات ناارها بالحر نعقر ونعققم•
▪عشقك حلااال...وعشرتك حرااام▪.
Prt:41.
ملمس يدو بخشوونتها ليدها الناعمة الرطبة بورشها...جلدتها تنوجات وشعر لحمها تشوك عليها...عضات على اسفل شفتيها وزيرات على يدو وعلات عينها لظهرو العريض وكتافو الضخمة متأملة فصالتو الخلفية الرجولية وهو كايميل يمين شمال متمختر بختورية خطيواتو.
سهات ونسات راسها حتى لقات بلي دخلو ديك الغرفة الثانية لي عامرة كاميرات مرااقبة واي حركة كادار كاتبان فالشاشات المعلقة على الحيط بالتدقيق.
وسعات عينيها كادورهم فجنابها وهو كايشوف فيهااة ومزال مارخى يدو من يديها.
عشق:علاش كلها كاميرات؟!.
سيف: حيت العيون خداعة بعد المرات.
عشق: اي حركة كاتراجعوها من بعد باش تشوفو واش شي حاجة فلتات؟!.
سيف: لي حاول يغدر الماسكد بوص كايتراجعو حساباتو ويصفيها بدمو.
كلامو كايرعبها وفنفس الوقت فيه كايطيحها...شخصيتو الشريرة هي لي كاتعجبها..كايجيها مميز بهاد الخصايل الخايبة حيت كلشي كايحاول يبان زوين فهاد الوقت إلا هو كايعتارف بحقارتو وراضي بيها..
عشق: علاش صريح بزاف ....الحاجات الخايبة .....تقدر تقولها بشي طريقة اخرى.
سيف: ماكايعجبونيش المفاجئات وماكانبغيش نفاجئ بنادم بشخصيتي الحقيقية ...من اللول كانقول ليه عيبي باش الى كان عندو شي مشكل فيه يوقرني بلا مانبقا نافقو وينافقني....وباش فاللخر مايتصدمش فيا ويحس باللي يالله عرفني....الى عجبتو بعيبي وتقبلني نفديه فعرووقي ونتقاتل عليه حتى آخر نبضة مني.
رمشات بعيونها لعدة مرات ماكارهاش تقوليه بلي كاتحاول تكرهو وتخاف منو وقلبها كايلعنها كيلا مفضل يعيش نابض ليه وماينبضش بين ضلوعها ليها....عضات على اسفل شفتيها حاسة بمشاعرها من جديد تخربقات وهو بلع ريقوو كايحس بيدها كاتزير على يدو وهاد الحركة كانت جواب على كلامو...حس بيها كاتقوليه بلي هي معاه وبعيوبو متقبلاه...ماخايفاش منو وماباغاش تهرب منو وباغا تبقا حداه.... وفهاد اللحضة واخا يكون صخرة يتحرك.
داخلة ليه لخاطرو بالخف واخا يحاول يقمع الفكرة وينكرها ...يمكن حيت صغيرة وكيوت...بريئة وعفوية
..طفولية وصبيانية...مبرهشة ومراهقة....ولكن قوية وأنوثتها طاغية وكلمتها حاضرة وقادرة تمشيها على غيرها بالغرور والعجرفة لي فيها....مرر لسانو على شفتيه وطلق من يدها رد يدو للجييب قانع نفسو بلي مال ليها حيت بنت الشخص لي كبرو وآواه وقراه وعلى يدو رباه...وحيت صغيرة وماعارفاش وهي فهاد الوقت محتاجاه...وحيت حاطها فمثابة ختو الصغيرة.
أنت تقرأ
عشق الكفيف(مكتملة)
Romansa#زعزعووووووهاااااا🥂🍷 🥂✦#عـشـق_الـكـفـيــف✦🥂 #عـــشقهااا_جـــهنم🍷 •بأنِأّمًلَ:مًـــلاکْ هّـانســـِـلَ•[mıııııLka🍫]. •فصغرو كوولهم بالكفيف المنبووذ لقبوووه......من منضر عينو المرعب قالو كا...
