🥂✦#عـشـق_الـكـفـيــف✦🥂
#عـــشقهااا_جـــهنم🍷
•بأنِأّمًلَ:مًـــلاکْ هّـانســـِـلَ•[mıııııLka🍫].
•واالى كان عشقك جهنم...انا جمرة من جمرات ناارها بالحر نعقر ونعققم•
▪عشقك حلااال...وعشرتك حرااام▪.
Prt:71
عشق: واخا...انا معاك..!
من ديما كانو معاه بزاف ولكن هادي أول مرة كايقولها ليه شي حد وكايحسسها من القلب تقالت...رمش بعيونو وهو كايرمقها بنضرة غريبة بها نوع من الحب والإمتنان الغير الضاهرين غموضو عليهم حاجبين.
علاء شاف فسيف ورجع شاف فعشق ناطق.
" ميسس عشق...واش نقدر نسولك سؤال شخصي بعيد على موضوعنا؟!".
هزات راسها بالإيجاب ونطقات" تفضل".
علاء: واش نتي قريبة من زوج الأم ديالك...زعما...كيفاش دايرة علاقتكم؟!.
عشق: مكايناش ديك العلاقة أصلا...باش تكون قريبة ولا بعيدة...!
هز راسو بالإيجاب وشاف فسيف لي حتى هو شاف فيه وبالعيون واشارة الرأس تواصلو وتفاهمو بلا مايلفثو الإنتباه من غير انتباه عشق طبعا لي فضولها نبش سلوك عقلها من جديد وهي كاتضيق عيونها فيهم وكاتتسائل لمرة خرا شناهو سبب اهتمامهم بزوج الأم ديالها لهاد الدرجة الغريبة؟!
•مساءًا•
هو مقتاعد كرسي خشبي جنب طبلة صغيرة فالطيراس بكاس دالقهوة وسيكَاار....رجل على رجل وعيونو عليها ثابتة ماكايزحزحش ببؤبؤهم منهااا كايميل راسو ويسكانيها بتعابير باردة جامدة.
هي مقابلة معاه وداك البرود لي على ملامحو هو لي خبط على وجهها من البرد القوي لي برا وهي كاتسخن يديها عند كاس القهوة ونرمين جالسة جنبها كاتشوف فسيف لي بعيد عليهم جالس مقابل معاهم وكايشوف فعشق بهدوء...كايرشف من قهوتو برواء وينتر من سيكارو بالخف ويبخ بخاخو فالسما مازجو بالهوا.. عشق حتى هي متبعة الحركة لشنايفو ولتفاحة آذم كي تنزل وتطلع فحلقو ولشعرو كي يلعب بيه البرد ولعيونو لي كاتختارقها.
نرمين:كايبغيك....وماغاديش يقولهاليك....!
عشق:حاسب قلبو ألماس...ماناويش يعطيه بالرخا.
نرمين:قيمتو فهيبتو...ماغايطيحش من شخصيتو ويعتارف بمشاعرو.
عشق: كانتوفى على الدفلة لي كاتخرج من فمو وعلى ثراب رجليه....كانتوفى عليه...!
شافت فيها نرمين....فثقتها فنفسها وفقوتها وجرأتها فاعترافها بمشاعرها وفشقاوة شخصيتها وقالت.
" عندك شخصية ثقيلة وخفيفة فنفس الوقت.... جريئة وصريحة وفضولية وذكية ....نتي مميزة...مميزة بصفاتك وبتصرفاتك...مميزة كوللك".
أنت تقرأ
عشق الكفيف(مكتملة)
Romance#زعزعووووووهاااااا🥂🍷 🥂✦#عـشـق_الـكـفـيــف✦🥂 #عـــشقهااا_جـــهنم🍷 •بأنِأّمًلَ:مًـــلاکْ هّـانســـِـلَ•[mıııııLka🍫]. •فصغرو كوولهم بالكفيف المنبووذ لقبوووه......من منضر عينو المرعب قالو كا...
