🥂✦#عـشـق_الـكـفـيــف✦🥂
#عـــشقهااا_جـــهنم🍷
•بأنِأّمًلَ:مًـــلاکْ هّـانســـِـلَ•[mıııııLka🍫].
•واالى كان عشقك جهنم...انا جمرة من جمرات ناارها بالحر نعقر ونعققم•
▪عشقك حلااال...وعشرتك حرااام▪.
Prt:36.
كي سمعات كلامو رمقاتو بنظرة غضب وعيونها مضيقة وهو تلفت عند الدراري مآمرهم بصوت عالي.
" فتحو القبو السري".
علاء رفع راسو بالإيجاب والدراري سبقوه بتستييفة واحد جنب الثاني وخطواتهم متعادلة ومتوازنة وكأنهم فرقة من الجيش العسكري....تبعاتهم بعينها نظامهم وانضباطهم كل شوية كايصدمها ويخليها بابنبهار حالة فيهم فمها...باينة فيهم مدربين بدقة لدرجة ماكاينش تفاوت فمشيتهم وفالدورة ديال راسهم وجميع حركاتهم.
شافتهم حلو واحد الكراج خلفي للقصر كي تفتحو بيبانو لي كانو من جوج فدقات خرجو فحيط زجاجي عريض ...تقدم علاء قاسو بصبعو وهو يطلع فيه طابلو لوحي كايطلب كلمة السر....دار رمز سري ورجع اللور وتقدم الثاني دار تاهو الرمز وبداو واحد ورا الثاني كايتقدمو يديرو الكود الخاص بيهم وفالتالي تقسمو للجنب وطلعات الكاميرا فالباب يعني كايطلب صورة خاصة لسييف لي خطا جوج خطوات عرااض للأمام ووقف مقابل مع الكاميرااا عاد تفتح الباب لجوج جناب ونزلو الأعضاء مستفين كيما عادتهم فالدروج خطواتهم كايتسمع ليهم صوووت واحد قوي ومرتب.
بلعات ريقها تابعة خطوات سيف لي داير يديه فجيابو ونظراتو الغامضة ثابتة قدامو....الكاسكيط مقلوب على شعرو وعينو مغطية كيف العادة ... هيبتو كاتبان غير فمشيتو المتبثة وشوفاتو الجامدة....تايتمايل يمين شمال بكتافو العراض بمشية رجولية خاترة خطواتو ثقيلة وازنة ....نزل فالدروج لي كانو كثااار ورا الدراري وهي تابعاه حتى كانو وسط بيت كبير مظلم عامر كراطن ومتوسطو طابلو كبير مغطي بثوب بيض وقدامو طبلة حديدية طويلة وعريضة دايرين بيها الكراسة .
شافتهم دارو بالطبلة بالزربة شادين بلايصهم وعلاء حيد الغطا من فوق الطابلو لي كان عامر كتابة ومعلقين فيه بزااف ديال التصاور ومد واحد القلم لسيف لي وقف حدا الطابلو ودار لعشق اشارة بعينيه باش تجلس.
خدات بلاصتها وهي كتشوف فدوك التصاور على الطابلو وفضولها ثاني بدا كايخدم والأسئلة فدماغها بداو كايتوالدو وماقدراتش تحبسهم وهي تسرسبهم.
عشق: علاش هاد القبو كايطلب بزاف ديال الرموز السرية؟! واش هنا كاديرو اجتماعاتكم؟ شنو كاين فهاد الكراطن؟ الأسلحة لي كاتحتاجوهم؟ وشكون هاد الناس لي فهاد الطابلو؟! أعدائنا؟!
سيف عض على طرف من شفايفو وحرك راسو يمين شمال .
"هادو صحابنا لي خصنا نردو بالنا منهم...حنا الأعداء ماكانهزوش همهم وماكانضربووش حسابهم.".
أنت تقرأ
عشق الكفيف(مكتملة)
Romance#زعزعووووووهاااااا🥂🍷 🥂✦#عـشـق_الـكـفـيــف✦🥂 #عـــشقهااا_جـــهنم🍷 •بأنِأّمًلَ:مًـــلاکْ هّـانســـِـلَ•[mıııııLka🍫]. •فصغرو كوولهم بالكفيف المنبووذ لقبوووه......من منضر عينو المرعب قالو كا...
