عشق الكفيف(مكتملة)

الجزء 16

🥂✦#عـشـق_الـكـفـيــف✦🥂
                                                  #عـــشقهااا_جـــهنم🍷

•بأنِأّمًلَ:مًـــلاکْ­ هّـانســـِـلَ•[mıııııLka🍫].

•واالى كان عشقك جهنم...انا جمرة من جمرات ناارها بالحر نعقر ونعققم•

  ▪عشقك حلااال...وعشرتك حرااام▪.

Prt:76

طلعات بخطوات مترددة رجليها فاشلين عليها ماكرهاتش الطريق تطوال وماتوصلش  غادية وعقلها مشغول كتحاول ترتب أفكارها وكلامها لكن حتى كلمة مابغات تتقاد ليها فعقلها  وصلات قدام باب البيت وقفات ومدات يديها شدات اليد ديال الباب بقات ثواني كتصارع عقلها واش تحلو وتدخل تواجه واش تهرب وماتقولش ليه لكن فنهاية عقلها غلب حيت عارفة من سيف ماكينش الهروب

حلات الباب ودخلات شادة التيست فيديها ومزيرة عليه عينيها حمرين كاسيهم الدموع قلبها كيخبط بقوة وبسرعة كبييرة 

علات عينيها كتقلب عليه فالغرفة مالقاتوش تمشات بشوية لجيهة الدريسينج تشوفو واش تما ،حتى وقفات مبلوكية  ملي سمعات خطواتو  وصوتو وراها خارج من الحمام

سيف: عشق

عشق غمضات عينيها و مادارتش حاسة برجليها فاشلين عليها وممكن فأي لحضة تطيح

سيف بقى واقف مستغرب حس بيها ماشي طبيعية بسرعة مشى عندها جرهها من دراعها حتى دارت غير تلاقات عينيه مع عينيها وشاف دموعها خنزر

سيف :مالك

عشق ماتكلماتش كتشوف فيه بصمت عينيها لي كيحكيو على مدى الخوف لي حاسة بيه ماقادراش حتى تهبط عينيها على صدرو العارى ولا تتوتر من الفوطة لي لاوي على خصرو ،مامهتما لحتى حاجة منغير شنو غادي تقول ليه وباش غادي تبدأ كلامها

أما هو كيشوف عينيها لي رجعو بحال نقطة ديال الدم دمعوها ماكيتوقفوش حالتها خلعاتو وتكلم بعصبية وصراخ حتى قفزها ونتافضات من بلاصتها

سيف: هضريييييييي مالك ماتمرضييييش دينمي

عشق شنايفها كيترعدو باغية تهضر وماقادراش

سيف: نطقيييييييي

غير سمعات صوتو نتهدات و قربات حتى وقفات قدامو ورمشات شدات ليه يديه وحطات التيست فوقها وغطاتو بيديها وتمتمات بصوت متقطع والدموع شاقين طريق على خذها

عشق : بغيت نتهرب  وبغيت نهرب بغيت نخبي وبغيت حتى انا نتخبى بغيت نكذب ونمتل، هادشي كلو فكرت فيه وأنا طالعة فالدروج فكرت ننساحب فكرت نعطي كلشي بالضهر ونمشي لكن ماقدرتش وعارفة مستحيل  نقدر

سيف علا حاجبو من كلامها مستغرب بغى يبعد يديها باش يشوف شنو لي فوق يديه منعاتو وضغطات بيديها عليه